Bint -qatar 2008;6514633:
صباح الخير بنات انا ادري اني تاخرت عليكم وايد بس والله يوم الاثنين حسيبت بتعب غريب في جسمي ورحت المستشفى وعطوني اجازه يومين بس لا تخافون ما خربطت وايد بس على فكره يوم رحت المستشفى وزنت وطبعا انصدمت وكانت اكبر صدمه في حياتي وزني لا كان 78 ولا شي انا دخلت ال 80
بنات انا وايد نفسيا تعبانه ما قدرت اطبق نظامكم بالضبط لان امي الله يهداها قاعده لي قعده وخصوصا معطيني مضادات شويه قويه
انزين انا بقولكم على شي وانتوا قولوا لي رايكم بما اني وايد متاخره عنكم اشرايكم عندي ريجيم صج هو اسمه ماادري اشلون بس انا لما اسويه ارتاح وصج انه اذا قطعته ارجع وزني بس ممكن انا وانتوا انعدله وقولوا لي رايكم
وانا ما قلته على شان شي بس لان انا ووووايد متاخره عنكم
الريجيم اللي اتكلم عنه هو ريجيم اسمه ريجيم 3 ايام
الاحد توست أسمر + جبنة سلايس أو الرشاقه خالى الدسم أو قليل الدسم
الغداء : 2 توست أسمر + علبة تونه
العشاء : 2 توست + همبورجر مشوي + تفاحه
الاثنين :_
الفطور : 2 توست أسمر + بيضة مسلوقه + نصف موزة
الغداء : 4 بسكويت كراكرز أو شابورة + 1 جبنة الرشاقه أو اسلايس
العشاء : 2 نقانق مشوي + 1 كوب خضار مشكل + موزة
الثلاثاء
الفطور : 1 جبنة الرشاقة + 4 بسكويت كراكرز
الغداء : 2 توست أسمر + بيضة مسلوقه
العشاء : 2 توست أسمر + علبة تونه + كوب سلطة فواكه
انتوا قولوا لي رايكم
صباح النور يا قلبي
اول شي سلامات حبيبتي و ما تجوفين شر انشالله
ثاني شي خوفتيني الصراحة ليش مستشفى ، اخاف حبيبتي لا سمح الله فيج شي يمنعج من الرجيم وبعدين تمرضين زيادة، و امج حليلها اكيد خايفه عليج و تبيج تاكلين دومهن جذي الامهات خخخخخخخخ
لازم تسالين الدكتور اذا في شي يمنعج من الرجيم ولا لا !!!
و حبيبتي لا تتعبين و لا تفكرين هالوزن كله انشالله بينزل و حبيبتي النظام بروحه ما ينزل الوزن و لو نزل يرجع، لاااااااااااااازم رياضة او مشي ع الاقل نص ساعة و في حالتج بالذات دام تقولين الوزن زايد وايد، لازم تكون عندج همه و انتي قلتيها يايينكم خطابين و و تعدلون بيتكم يعني لازم يكون عندج دافع قوي ، اتخيلي فجأه يا نصيبج شو تسوين عقبها، وا فشلتاااااااااه ، تلاحقوا على اعماركم يابناااااات ، حبيبتي لو تبين تتشجعين دشي موقعthe biggest loser و جوفي الناس قبل و بعد في بعضهم خسروا نص وزنهم و اكثر و الله هالشي يخليج تقولين اهمه مو احسن مني في شي و انا اللي ابي انقصهم بس 20 او 25 كيلو لا اكثر و لا اقل، و حاول تقرين اللي طافج في هالموضوع و الردود اللي قبل لانها هي اللي شجعتنا والله و نحن الحين في قمه حماستنا
لازم تجوفين لج نادي او حتى اتيبين جهاز اوربت تراك في البيت لانه وايد يشد و يزيل الشحوم
و بالنسبه لها النظام ، اول شي طبعا انا افضل نظامي و هالشي شرط حاطته بس دوم في استثناءات اول شي صحتج انا خفت ما اعرف وضعج الصحي و مع انه رجيمي مافيه شي يضر و صحي بس ما اعرف شو اللي يناسب وضعج، و بالنسبه لها النظام بالمرة مو صحي و ما ينفع و اذا قصدج لانه ينزل الوزن بسرعة ، فانا اقولج اياها و مو اول مرة اقول الوزن اللي ينزل بسرعة يرجع بسرعه و دبل حبيبتي
لو بالمرة مو مريحج هالنظام امشي على نظامج بس على مسؤوليتج الكااااااامله انا مالي شغل و حذرتج هذا غير نفسيتج اللي بتوصل القاع لانه هذا مو نظام هذا تجويع !!!!
و ما تجوفين شر مرة ثانية