قاسية ولا ارحــم..بنقول للسمنه باي 19\6\2008 ..واهــلا يا رشـــاقـة
أصيلةالإحساس
19-06-2008
1,009 رد
45,592 مشاهدة
أهلين بنات كيفكم الليلة
تسلمي يا روان إنتي و رسيس على تشجيعكم :(
أنا بحاول أعدل نفسيتي يمكن بس الليلة كذا ما أكلت غير زبادي و سفن اب و ايس كريم كورة وحدة و بس
و نفسيتي مررررة اليوم مدري ليش
الله يعديها على خير و بكرة أكون أحسن
يمكن التحطيم من الفساتين اليوم بجد يكفي سمنة ما في شي يطلع على الواحد حلو كل شي يطلع غلط (i)
وورم حبيبتي لاتسوي كذا عشاني حبيبتي مافيه شئ يجي بسهووله لازم نتعب شوي
وبعدين اشفيك كلي اكلك العاادي لاتحرمين نفسك لان احنا نفكر للزمن البعيد
يلا ربي يوفقنا ويخفف اوزاننا ياارب
الله يسعدك يا رب يا رسيس (f)(f)
صح هدفنا لازم يكون أبعد من هاللحظة إن شاء الله في العيد يكون لبسي أحلى من الأن
و الله يفرجها يا رب
امين ياااارب
يابنات لاتحطمون نفسياتكم
يعني كان لبسكم احلى قبل شهرين؟؟؟
لا طبعاً
بناااااااااااااااااااااااااات بكرا اول يووم في الاسبووع الثاني لازم ابداه بكل حمااس والميزان هذا انا خبيته عشان ماوزن الا الخميس الجاي باذن الله
خااااااطري اشووف عالم الثمانينات
بنات بجد ليه بس انا اللي كلامي كثير هالاياام هههههههههههههه
شكلي اعوووض عن ايام الامتحانات
هلا بنات
وورم ...لا تضيقي صدرك وان شاء الله المناسبه القادمه
يكون الفستان مناسب لكي ويهبل عليك
حبيبتي الوزن لاسف ماهو بيدنا...والصبر...والفرج قريب
عبير ...و...رسيس...كيف اليوم المفتوح؟؟؟
انا رحت يالحبايب المطعم الهندي مع زوجي
وهذه اول مره اطلع للمطعم مع زوجي من جيتنا لجده...
بس كان المطعم...يممممممي رائع....
وبكره بسبقك ياعبير للتمر واللبن....
روان الله يكون بعونك ويساك ربك
بنات وش اخبار الرجيم مع اصوله
؛
؛
؛
تتوقعوووون مستمره ولا مخبصه؟؟؟
رسيس وانا مثلك احس اني متحمسه ان شاء الله
مساء الخير حبايبي
انا نفس حالتك اليوم يارووم
بس الفرق اني اتصلت على اختي مو امي لانها مسافره عند خوالي ومابغيت احد اقلقه وهي بعيده
يقولون الملافظ سعد
يعني الكلمه الحلوه لها اثرها
ان لي تقريبا ثلاث شهور وانا ماشفت جاراتي واليوم قلت ابي اروح لهم مجتمعين
مدري اقول الله يسامحهم ولا ادعي عليهم واقول عساهم يجربون اللي انا فيه ويسمنون ويعانون مثلي
وحده تسالني وتقول بالله وش استفدي من النادي والرجيم
مانحف غير وجهك
والثانيه تكلم باستهزاء هي اللي معنده اقولها روحي صلحي عملية ربط
قلت انا عندي مشكله بجسمي مو اني اكل كثير انا قبل امس كنت نازله كيلوين وخليت الخميس مفتوح مو مره شي قليل رجعو الكيلوين اللي نزلتههم باسبوع رجعو بيوم قلت هذا دليل ياكد فعلا ان عندي الهرمون مومضبوط
اجلسة تضحك ضحكه هستيريه انا اتكلم بجد معاهم وانتبهت بالاخير انهم اخذين الموضوع تريقه
احس العبره اخنقتني وتمنيتي اني اسوي اي شي عشان ارد كرامتي
طلبت زوجي يجيب لي حبوب زنكل خلاص مليت
وختموها بكلمة والله مانحف غير وجهك
ياناس حسد ولا ايش نازله 17 كيلو ومع كذا غير وجهي
مو معقوله
بس اللي يهون الموضوع علي انهم ناس مومتعلمين والدين عندهم مشي حالك يعني اهم شي عندهم الغيبه وبس
بس اكون معكم صادقه ان كلامهم ابكاني ورحت على طول عند المرايه وكرهت نفسي اكثر ليه الناس تعما رجيم ثلاث شهور وكل العالم يلاحظ وانا اعداد قليله تلاحظ وش اسوي
انا فعلا اسوس الرجيم لنفسي وصحتي بس بنفس الوقت احنا عايشين وسط العالم مو بجزيره ونهتم لكلام الناس ونفسي اكون جذابه ولبسي رايق
ارجوكم تحملوني وادعولي بكل وقت والله مالي بعد الله ثم امي غيركم ولا الباقي اخذني مجال تريقه وناسه بس
لاتقولون كوني قويه
انا معاكم هنا قويه ومتحمله ومتحمسه بس يصيبني ضعف شديد وكتئاب لما اطلع للوحوش اللي برى
ازيدكم من الشعر بيت
اجلسو يضحكون علي لما قلت انا ماراح اسمع كلامكم وانا ثابته على طريقي ان شاء الله سنه كامله
يضحكون على سنه اني مااقدر او مدري وش قصدهم
يلا ام عزيز يدي فيدك ونتحمس اكثر واكثر زمع وجود الغاليااات بس وينهم اليوم شكلهم مشغولين في الويكند
وانتي حبيبتي عووافي ع قلبك المطعم الهندي :>
اكلهم كثيير شهي :>
يلا ام عزيييز وانا بكرا ان شاااء الله بغير شوي في الريجيم جالسه اقرا ريجيماات وقلت يلا يارسيس ليه ماتغيرين شوي قلت بجرب هذا الاسبوع الجاي بس اسبووع واشووف النتيجه واخترته لانه ان شااء الله صحي وخفيف يعني لاكيمياائي ولا خراابيط
وهذا لوحده من الاخواات في احد المنتديات اسمها bentq8_1 للامانه بس
وهذا هو ريجيمها
الريوق: جاي حليب /كبتشينو........مفتوح
الفترة بين الريوق والغدا(هذا اختياري):عصير اي نوع/كبتشينو
الغدا:همبرجر مشوي دجاج او لحم 1-2 /علبة تونه بالماء حجم صغير/صدر دجاجه مفيوحه بالماي وملح بدون الجلد
تختارين واحد منهم +سلطه عاديه ليمون وخل+دايت
أو ساندوتش امريكانا اسمر بالجبن اي نوع+دايت
الفتره بين الغدا والعشا:نفس الريوق
العشا:شوربه قليلة الدسم/ برتقال 1-2
الله يهنيكم يااارب كلكم وتفرحون بأوزانكم يابنات
ليتني كلمت امي ولا اختي
مثلكم
الله يصلح الحال بس
اتمنى لكم الخير
الله لايفرقكم يااارب
معليش بنات اعذروني مو معاكـم بجوكم والله اني بنفجر من كثر اللي بقلبي
الله يرحم حالي بس
من جد تمنيت انه وحده منكم معاي واحاكيها واقولها كل بنفسي
بروح انام ضايقه بقوووه
الواحد له طاقه وبعدها يموت من اللي فيه
اشوفكم على خير ياحبيباتي ياأحلى خوات بالدنيا
حبيبتي ام موديه لا تزعلي نفسك ...
وهذا يكون اصرار على الرشاقه...
انتي لما قررتي تنحفي علشان نفسك
ماهو علشان الناس ...فلا يهمك كلام الناس
وانتي عارفه انهم ناس مالهم قيمه ...ليه تخلي في نفسك
ضيقه منهم ومن كلامهم الفارغ...
وصدقيني ...صدقك مع الله وقوة ارادتك ...ما تخذلك ابداااا
وان شاء اللهتغيرين فكرت الناس لك ونظرتهم لجسمك ...
وتوصلين للمراد50 وعندها شوفي وش رداة فعلهم(الغيره وبس)
الل معاك....
الله يريحك
وان شاء الله راح استمر وما اسمع لاحد
وارجوكي لاتنسيني من الدعاء والله اكتب لكم دمعتي بعيني حتى الرياضه اليوم عفتها ومامشيت
الله يسامحهم
ونسيت رسيس اعذريني مبرووووووووووووووك وعقبال ماتاصلي لستينات
عبوره انتي معك رب العباد
ولاننساه المفروض اول مانشكي له قبل اي انسان
لالالالالالالالالالالا ياام موديه لالالالالالالالالالالالالالالالا
ماتفقنا كذا والله تزعلي نفسك ع ناس مايستاهلوووووون لالالالا حبيبتي انتي اكبر والله
وانتي بنفسك قلتيها ناس ماهي متعلمه كيف تبينهم يتكلمو معاك اكيد بيتكلمو بكل وقااحه اسمحي لي ع هالكلمه بس بصراحه من كلامهم الباايخ وانتي ياحبيبتي لو بتفكرين بس في كلامهم راح تلاقيه لسببين مافيه غيرهم وصدقيني
اولا حسد ثم حسد ثم حسد
والثاني هم لما شاافوووو كيف نحفتي وتغيرتي قامو يحبطووك ندري ليه عشاان بس ماتكملي المشووار وماتكوني احلى منهم والدليل كلمتهم بس وجهك اللي نحف
ام موديه لازم تكوني قويه والله وتتحديهم انتي انتظري سنه بس سنه وشووفيهم شوفي وش رده فعلهم ساااعتها والله بيموتون من القهر وبيتريقون عليك بعد حتى وانتي نحيفه بيقولون لك يووه صرتي مو حلوه يوووه اول احلى يوووه ومدري ايش من الكلام الفاضي حبيبتي هذا حكي حررييييم اسئليني عنه والله عارفتهم كل وحده تبي تكون احلى من غيرها ويمسكوون الوحده نحطيم
شوفي ياعيوني كلام الناس ارميه ورا ظهرك لانك وانتي سمينه بيتريقون عليك ولاراح تسلمين من لساانهم ابد مهما كان
واذا نحفتي راح يقوولون يووه مرره صرتي شينه ليه وجهك ضعف اول احلى صدقيني هذا هو اللي حاصل لك ولي ولكل البناات انا معاي بنااات كذا يسوون
تصدقي عاد صديقتي اللي هي صديقتي وربي صديقه الطفوووله ويمكن اقول لك احبها اكثر من خواتي من قوه صداقتنا ماشااء الله تصدقين اذا كينا بهالموضووع تجاول تحطمني لاني سمينه وهي نحييفه والله انواع التحطيم اوول ماقررت اعمل ريجيم قبل 3 سنوات وبجد نحفت وبين علي كثيير قالت يوووه يارسيس وجهك مرره شين ارجعي اسمني مو حلو عليك
وصارت ظروف وفعلا سمنت وقبل فتره نحفت والكل انبهر من شكلي لما نحفت يعني كيف قدرت انحف كذا الا هي ماتعلق بس تقول ايه ناحفه وبس
والحين اذا حاكيتها وقلت لها خلاص بنحف قالت لالا ماتخيلك نحييفه ابد مو لايق عليك مو حلو وبنفس الوقت تتريق علي وتقوول ليه مانتحفين وتقول لي يادوبا يادووبا طبعا مازعل منها ابد لانها صديقتي وعارفه اللي بقلبها بس انا بيني وبين نفسي قلت يارسيييس والله ثم والله لاثبت لهم اني قاادره واللي قاهرني اني احلاهم وربي احلى البناات اللي معاي بدون مباالغه او مدح بنفسي الكل يمدح فيني الحمدلله بس يبي لي شوي نحف عشان كذا صديقتي غيراانه ماودها انحف واطلع احلى واحلى << بصرااحه مالوومها غيره بنات والله
عشان كذا يااعيوني لازم تتحديهم وتحدي الكل واولا واخيرا اعتبري هذا الشئ لك انتي بس انتي المستفيده في كل الاحواال وبعد كذا قهر فيهم هالحرييم اللي بجد مايستحون يحكون ذا الحكي
تسلمين ام موديه
الله يجزاكي خيــــر
الله كريــــم
ياااااااااااااااارب انت اعلم بالحال يااارب
عبووره حبيبه قلبي وسعي صدرك ياعيووني والله مافيه شئ يسوى وكل انسااان وله مشااكله سوااء مع اهله او مع اي احد ثاني او حتى مع نفسك يعني ماحد خاالي ياحبيبتي انتي لك ربك والله
توكلي عليه وماتشووفي الا الخير ياحبيبتي
وصدقيني كل واحد فيه اللي مكفيه لاتزعلي حاالك ماتسوى والله
تسلمين ياقلبي يارسيس
ونعم الاخوات والله انتم خير صحبه
وفعلا جالسه افكر ليش مايقولون كلمه حلوه ولو مجامله حتى لو مانحفت الا فيه سبب ماتوقع الا انهم غيره
وزي ماقلتي انا ولله الحمد فبني جمال لدرجة يشبهوني بالممثلات الهنديات من يوم كنت بالجامعه
صاحباتي قبل ما اعرفهم يقولون كل بنات القاعه كانو يقولون خساره جمال على سمنه
بس الحمد لله
يالله ان شاء الله هالتجارب تزيدني اصرار مومثل اليوم كسرتني كسر والله تمنيت ادعي عليهم بس تعوذت من الشيطان
وافكر اني اسافر العطله كله عند اهلي وارجع وانا انحف واقهرهم من جد
الله يكون معنا وانا عارفه ان كل سمينه تعاني لكن النار ماتحرق الا رجل واطيها
عبير
لاتقولي
يارب عندي هم كبير
رددي معي
ياهم عندي يارب كبير
ياهم عندي يارب كبير
ياهم عندي يارب كبير
ياهم عندي يارب كبير
(كن مع الله يكن معك )وانا عند ضني بربي كبير وما راح يضيعني