منو تبدي معاي رجيم الدشتي مو اكثر من بنتين ؟ الجزء الثاني

الله يبارك فيكم ويسعدكم يارب ..
اليوم فطرت بس ماتغديت ولا تعشيت وهلحين جايعه بقووة

بس يلا مراح اكل شي لان تاخر الوقت ..
كيفكم يالغلا ؟؟

صباح الخير على الجميييييييييييييييييييييع شخباركم والله اني فقدتكم
امولة الدلوعه مبرووووووووووك الجهاز وعقبالي ومشكوره على المعلومات روعه
كوين ساره اسالت عنك العافيه دوووم ياقلبي ان شاء الله اخبارك تمام يااارب
حزني عميق مبرووووك النزول
فدو ياقلبي مبروك ماجاكم ويتربى بعزكم ومبروك على النزووووووووول
باقي البنات ان شاء الله ماشين تمام

صمت المشاعر
حليوه مع دشتي ماشي الحال
إن شاء انتظر اوزن يوم الجمعه ووافيكم بالاخبار
تحياتي للجميع

مساء الخير يابنات...شخباركم حبيباتي...

انا اليوم افطرت 2بيض مقلي+كوب شاي...

الغدا انا طابخه صالونه دجاج واكلت فقط الدجاج...

والعشا لين الحين ما ادري...

كوين حياك ياقلبي


تسئل عنك العافية


انا الحمد الله بخير



لا لسى ماطلعت اشوف لي واحد




فطرت:. ربع خيارة


الغدا شربت كوفي + هي نوع من أنواع الشيبس اسمها أصابع الذرة خخخخخخ أدي ممنوع بس


العشاء مابعد افكر


الحين اذا أنتهى الداوم بروح البيت بسوي رياضة على طول نص ساعة وبس وهـ

سلاااااااام
شخباركم
وشخبار الرجيم وياكم؟؟
اني الحمد الله ماشية على التخفيف
بس لانة رياضتي خفيفة وبعض الاحيان مايصير عندي وقت
ف نزلت ذاك الاسبوع كيلو واحد
الحمد الله نعمة
اهون من الزيادة او ثبات الوزن
بس هالمرة مابرجع الى هالرجيم الا اذا سويت تحاليل
وعندي اليوم العصر موعد عن الدكتورة علشأن اشوف ليش تجيني مرتين الدورة في الشهر
هالرجيم عفسني عفاس:(
بخليها اتسوي لي تحاليل كاممممممملة علشان ارجع للرجيم واني مطمنة
سلاااامي للجميع(f)

صباحكم عسل ياقلبي
الصراحه مااكلت شي لا غدا ولا عشى احس نفسي مضايقه واجد
سويت للي همبرجر بس ماقدرت اكل ولا نتفه لان اذا كنت مضتيقه بصعوبه اكل
احس بغصه ولا اقدر حتى احط لقمه بفمي

اعذروني يالغلا يمكن اتغيب عنكم كم يوم ..

سلالالالام لكل الغاليات فديتكم كلكم ..

هلا فدووو
خير عسى ماشر اختي
الله يفرج همك ان شاء الله

السلام عليكم ...شخباركم يالحلوين....

انا اليوم فطرت بيض مقلي+شاي احمر...

وتغديت 4همبورجر+خس+الصوص+دايت سفن وبس....

والعشا اممممممم لين الحين ما ادري...

فدو فديت قلبج يالغاليه الله يفرج همج يارب...والله لاضايقين نفسج ولاشي...ترى محد مستاهل شي من هالدنيا علشان اضايقين عمرج عشانه...والله الضيقه ما وراها غير الهم والمرض اسأليني انا...يالله عاد خلاص وسعي صدرج وتونسي مافي شي يستاهل:)

ام عبادي
ما تشوفين شر يالغاليه
خطاج السوء وان شاء الله امورج بتتعدل
لا تنسين تبشرينا عقب ما تسوين التحاليل


فدو
عزيزتي عسى ماشر
ترى الدنيا ما تسوى
والانسان يعيش مره وحده .. فناظري كل شيء من جانبه الايجابي
وعيشي حياتج لانج ما بتعيشين غير مره وحده
واليوم اللي يروح ما يرد
تك كير وارمي همومج ورا ظهرج
وبشرينا عنج


بقية الحلوات شخباركم وشلون الرجيم وياكم؟؟

سلااااااااااااااام
هلا امولة الشر مايجيك اختي
رحت للدكتورة اتقول انه هالخربطة من ابرة منع الحمل
لاني كنت من قبل استخدمتها مرة وحدة وقطعت عني الدورة فتقول يمكن منها
وعطتني حبوب تنظم الدورة وان شاء الله تتنظم

لا تحاتين حببتي
ان شاء الله خير وبتردين مثل اول واحسن
اهم شيء التزمي بالعلاج
والله يوفقج يالغلا

فديتكم ياقلبي والله مدري شنو صار فيني امس ابد الدنيا مسودة بوجهيي ع الاخر ..

حسبي الله على اللي كان السبب ..

[COLOR="Teal"]راح اقول لكم شنو صار للي وليه تضايقت

طبعاً الصاله الرياضيه قريبه من بيتنا وبالاساس الدوام العصر بس وقت الاختبار خلوها اسبوعين بالصبح
لان ماكو دوام لا بالعصر ولا بالمساء ..
لان كل اللي هناك امهات ويدرسون اولادهم
وانا اروح الصاله مشي لان قريب من البيت ..
المهم رحت اتمشى والله وفقني وصلت بسلالام
بس لم رجعت طبعاً كان وقت خروج الطالبات من المدارس
ولقيت بنتين يتمشون توهم طالعين من المدرسه 9.30 الصبح
الا واحد يحوم على البنتين وانا من شفته بصراحه خفت بقوووة يتعرض للي
وبالفعل البنتين مشووو ولحقني بالسيارة انا شفته خلالاص نشف دمي
حتى موقادره امشي احس انشليت وقتها لان قمت افكر شنو راح يسوي محد بشارع غيري انا
والبنتين بعدووو بعيد وتقدم قدام بيتنا بفرق بيت واحد وقام ينتظرني هناك
وهو يطالع فيني وانا كل ماشفته قمت ابكي خلالاص قلت رحت فيها مااعرف ادافع عن نفسي
ولم شفته تقدم عند بيتنا ارفع عباتي واروح اركضضضض بقوووة وادخل البيت
احمد ربي بيتنا فيه بني يعني يبنون فيه ولا فيه باب يعني من دون بوابه
واحس جاتني حاله نفسيه صرت موطايقه شي ابد لا اكل ولا اتكلم مع احد ولا شي
بس خطيبي امس كان موجود مسكني يقولي ماصار الا كل خير والحمد لله
ماتعرض لك وانا من اطلع من المدرسه بوديك بطريقي وباخذك بطريقي
واذا ما لقيتي احد او انا ماقدرت امر عليك مراح اخليك تروحي

وهذا كل اللي صار ياقلبي فديتكم كلكم ..

[/COLOR]

صبااح الخير

من يوم الجمعه وانا مااشيه على الرجيم صح وماخبصت

الخميس راح اقيس واشوف هالمره ماخبصت اذا مانزلت زين بتخانق مع دشتي

اليوم مافطرت

تغديت برجر

وتعشيت جبن شدر + جبنه فيتا

بس مادري جبنه فيتا مسموحه ولا لا

وشربت كوفي بدون سكر

فدوو حبيبتي يوم شافك خايفه استقوى عليك

لو نزرتيه وصرختي عليه كان انحاااااااااااااااااااااااش

حزني عميق

ماشاء الله تبارك الله 5 جيلو في اسبووعين ممتاااااااااااااااااااااااااز

انا 4 كيلوفي شهر

باقي البناات شخبااااااااركم

:(


فدو يالبى قلبك

:D


سما النسيان ايه الحمد الله لأني ماشية على جهاز الجري والنظام صح


:confused:

اليوم اكلت شبس وشربت كوفي دايت من دون سكر


بس ماراح أتغدى الاسلطة


بحاول بهد هالتخريب هاليومين


المشكلة ماأخرب الا وانا في الداوم


تحسين قهر

:confused:

سما
شحالج يالغاليه لج وحشه
ما شاء الله عليج واخييييييييييييييييييييرا التزمتي بالرجيم
كللللللللللوووووووووووووووووووش
ياااااااا رب تنزلين هالشهر بكل سهوله وتستانسين


فدوووو
حببتي السالفه ما تسوى كل هالضيجه
هالمواقف يستوي وايد وعلى قولة سما لو كنتي هاوشتيه كان هدج
بس لانه شافج خايفه ومغلوب على حالج فستقوى عليج

يعني شو اللي كان بيقدر يسويه فيج؟
مثلا يحملج ويقطج بموتره خخخخخخ
كانوا اليران حسوا لو سوا هالحركه ثانيا صعب يسويها بوسط حي سكني وبوسط النهار ( قويه )

انا وصاحبتي تعرضنا لموقف شبيه جدا لموقفج على ايام الثانويه العامه
بالفتره المسائيه كنا ندرس بمدرسه حكوميه دروس تقويه ( هذا نظامنا في الثانويه العامه في الامارات)
ولما خلصنا ع العشا هلي ما كانوا يايين وابوها قال كان مشغول شوي
زميلتنا في المدرسه قالت بوصلكم وربيعتي قالت لا ما نبي بنتمشى وعقب بنركب تكسي لو تعبنا
( ما صدقت ان ماحد ياي لنا تبى تتمشى شوي وتبتعد عن جو المذاكره ههههههههههههه )
طلعنا من المدرسه مشينا و اثاري في سياره تلحقنا وحنا مو داريات
ودشينا بمنطقه ظلمــــــــــــه بين سور المدرسه وبين مباني يبوونها وشبه مهجوره بس المباني بعيده شوي ومنطقه رمليه واسعه وكانت جريبه منا
و مره وحده حسينا بصوت السياره وظل يمشي شوووي شووووي لين ما وصل عندنا
والسياره كلها مخفي ومن جدام ثلاث ارباعها مخفي بس لمحنا انه ريال .. سترك يارب
خفنا ولما مسخها ويانا ونزل الشباك وسوا حركات ما تسوا
سبيته و ربيعتي وراي بالسب ههههههههههههه
وهو ولالالالا مهتم ليييييين ما دشيت على اهله بالسب وقتها اضايج شوي وكملت عليه لين ما فقد اعصابه
بغى ينزل من الموتر .. طلعت موبايلي من الشنطه قلتله والله ثم والله لادق على الشرطه الحين واعطيهم رقم موترك و تتورط وتروح فيها وبعطيهم رقم موبايلك بعد
واستغلينا الوضع لانه حفظنا رقم موبايله من زود ما يكرره
وكملت عليه بالسب وقلتله ابركلك امشي من جدامي وربيعتي وقتها دقت على اهلها وخبرت ابوها بالموضوع
عصب وسوا عمره فيها ريال و صار يهدد بس بالاخير مشى

وردينا للمدرسه وابو ربيعتي ياء وخذانا
وعلى العكس انا وربيعتي كل ما تذكرنا هالموقف متنا من الضحك هههههههههههههههههههههههههههههه

فلا تخافين انتي ع العكس بوسط النهار يعني ما كان بايده يسوي شيء
هدي اعصابك وخذي الحياة ببساطه
ومافي شيء بهالدنيا يسوا ضيجة الخاطر


ودام خطيبج بيوديج وبيردج ان شاء الله خير

حزني
عزيزتي لا تحاتين ياقلبي
امشي وايد ع الجهاز وان شاء الله بتحرقين اللي كليتيه
وانسي انج خبصتي وركزي باللي ياي
والله يوفقج

يالبى قلبك امولة


انتي اطيب قدعة في النت


اطلق وحدة يعني انتي وكل البنات


هونتي علي وزدتي عزيمتي

فدوووو الغالية ولا تزعلين نفسك انسي السالفة الحمد لله يأت على خير يالغلا باين عليكي بنت خجولة وحساسة انا لو منك اعطيه بالنعال خخخخخخخخخخ ترى من صجي اسويهاااااااااا المهم خليكي رايقه على قولة المصريين وانسي كأن ما صار شيء نريدك ترجعين فدوووو الحبوبة.

حزني الغالية ليش تزعلين نفسك ترى مايستاهل كل هل زعل انسي حبيبتي ولا تعورين قلبج ترى الكل يغلط ويتعلم يالله شدي حيلك وان شاء الله وزنك مايزيد بالعكس ينزل يالغالية بس خليكي بشوشة وان شاء الله في النهاية توصلين للوزن المطلوب موفقة ان شاء الله.

سمااااااااااا الغالية شخبارك حبيبتي وشخبار النزول.

امولة حبيبتي شلونك؟؟؟ ان شاء الله تمام؟

ام عبادي ماتشوفين شر يالغالية اجر وعافية ان شاء الله والله يوفقك.

نورة و شمووووووووسة وبسبوسة وام عزيز وحبيبة فهد وسيتاااااااا وصمت المشاعر وسكوووون الروح والزعفران والبنوتات البقية شخباركم؟؟؟؟؟

انا عن نفسي شاقول لكم كل ماأريد افرحكم بنزولي انصدم ان ارتفع لسبب ماأعرفه أو بسبب الدورة ؟؟؟ والله تغربلت معاها أحس انها تزيد وزني وتخربطه وبالموت بعدين ينزل وبالنسبة للريجيم تمام بس الوزن مره يزيد ومره ينقص ذابحني...

بنوتات سؤال محرج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ في احد يحس بفيعة حق الأكل ؟؟؟ يعني تحسون روحكم كله جوعانين؟؟؟؟ مع ان الدنيا حر بس كله احس بيوع ولا ادري شاسوي..... شكلي طولت في الريجيم وايد من جذي بديت اشتاق للأكل......... بس ترى ما أخربط لا تحاتون.

المهم بنوتات الله بعطيكم العافيه حبيباتي والسلااااااااام شدوا حيلكم والله يوفقكم كلكم خخخخخخخ وانا وياكم.

حزني
تسلمين يالغاليه
هذا من ذوقج والله ينولج اللي ببالج


كووووووين
اااااااااااااااااه يا كوين
ييتي ع الجرح
انا مثلج يالغلا كله احس باليووع ههههههههههههههههه
اتوقع السببت مثل ما قلتلي عشانا طولنا بالرجيم وما خذينا فترة بريك
ونا افكر اول ما اوصل الستين او بالاصح انزل عن 65 اخذلي اسبوع اجازه عن الرجيم
بالفعل حاسه عمري اشتقت للاكل وخاطري اكل عادي ومع هذا احاول اضبط عمري وما اخبص

وحتى ولو كليت الحين مثلا احس بيوع داخلي و ودي بوجبه عاديه خخخخخخ
استويت مفترسه
الحين انا بالشهر الرابع ونزلت ما شاء الله 15 كيلو وباقيلي عشره وعقبها بشوف لو ازيد او لا

بس صج ضايج خلقي مليت نفسيا من الرجيم مع اني ودي اكمل وافتك

الله يعينا

الحمد لله جات على كذا مو خجوله يالغلا بس خوافه واجد

هلحين احس نفسيتي مرتاحه واجد

أخباركم يالغلا طمنوني عليكم ..