منو تبدي معاي رجيم الدشتي مو اكثر من بنتين ؟ الجزء الثاني

الحمدلله على سلامة الوالدة يا كوين ساره :)

--


يا رشيقات عندي لكم خبر

أرسلت للدكتور أقوله عن وزني اللي حالف ما ينزل ( بس الحمدلله هاليومين أشوفه ينزل بالغرامات أحسن من ولا شي )

وهذا رده :



السلام عليكم : طبيعي توقف الوزن ثم يعود للنزول ثانية وعليك بالصبر والالتزام
وشكرا



يعني اللي تشوف وزنها وقف لا تقول بكسره أو بوقفه ومن هالكلام .. لا كملي كملي كملي لحد ما يطفش منج الميزان وينزل غصب خخخخخخخخ

ام عبادي
تسلمين عزيزتي ع اللينك
ومبين عليه موقع حلو


ساره
يارب تتعافى وما تشوف شر
وانتي مسكي عمرج وتحملي
ازمه وتزول


سما النسيان
حببتي لو تقصدين النوع اللي عندي من شوكولا
فتاكلين كل يوم قطعه منها
ونا بع في المرحله الاولى
وفي انواع ثانيه قالت عليها غاليتنا كوين ساره
تلقين صورها بالصفحات الاولى


بشه
الغاليه انا عن ذاتي تميت اسبوعين وشوي وزني ما ينزل بالشهر الاول
لين ما طفشت وكسرت يوم وعقبها رد وزني ينزل من يديد
ونزلت ثلاث كيلو وشوي باول اسبوع وعقبها صادني توقف بالنزول وباخر اسبوع نزلت كيلو ونصف
يعني خمسه كيلو بشهر كامل
انصحج تكسرين يوم دام وزنج مب طايع ينزل
ونصيحه من مجربه

وكوين ساره قرت بمنتدى ثاني عن ابنيه تتعامل ويا الدكتور ويا صادها وقوف بالنزول
نصحها تكسره يوم

فـ توكلي ع الله واكسري لج يوم واستمتعي بالاكل يم يم هههههههههههههه


نوره
وينج يالغلا هاليومين ما تنشافين
خاطري تصورين لنا صورة الكسترا الخاصه بالرجيم
خاطري بشيء حلو غير الشوكولا
ياليت تساعديني لان ودي اغير الجو عن الشهرين اللي طافوا
حاسه بالملل
الله يعيني ويصبرني

يسلمووو أمولة

اتهقين أكسره ؟ عاد انا مانعطى ويه أسوي الرجيم أسبوعين وأكسره شهر هههههههههههههههههه

مادري والله .. خليني أكمل شهر عالأقل وبعدين أفكر أكسره لأن الحين تو الناس ما صارلي وايد :)

ومشكووووورة بعد قلبي

امبي عيل انا مابكسره

لاني ان كسرته بكسر الميزان بعد خخخخخ

بنااااااااااااااااااااااااااااااااااات

عندي سؤال بعد

الحين البيبسي دايت والسفن اب دايت مسموح به في الفتره الاولى ؟؟؟؟؟؟؟؟؟؟؟؟؟؟؟

وشفت موضوع بعد فيه منتدى ثاني يسوون نفس الرجيم ياخذوني جيلي دايت ؟؟؟؟؟؟؟؟

وشفت في موقع حسين الدشتي ان اقدر استخدم السكر الدايت ؟؟؟؟؟؟؟؟؟؟؟؟؟






جاوبوني

اي حبيبتي بحور

السكر الدايت والبيبسي الدايت مسموحين

باقي السوالف مادورتهم لأن ما حبيت أجازف .. نضعف بالأول ولاحقين على البلعة إن شاء الله :D

بشه المنفشه

مشكوره اختي على الرد

السلام عليكم
كيفكم بنااااااااااااات ان شاء الله بخيرررر
ما شاء الله فتحتوا جزء ثاني للموضوع الله يوووفق الجميع يا رب
انا سويت ريجيم دشتي 6 ايام بس قبل شهرين ونصف وتركته
الحين قررت ارد له لانه وزني ما ينزل بالتخفيف الا بطلوووع الروووووح وما اقدر اسوي ريجيمات قاسية على الاقل هالريجيم فيه اكل لاني اتحرك واشتغل كثير بالبيت
سويت تخفيف لمدة شهرين ونزلت 4 كيلو واخذت اووف من التخفيف يوومين رجعت كيلو ونصف والله متت قهرررررر تعب شهررررين راح نصه بيومين مع اني ما اكلت كثيررررررررر الله يعين
على العموم اليوم بلشت بريجيم الدشتي والحمد لله مرتاحة للان انا ابي انزل 10 كيلووووو باذن الله
بس بنااات بالنسبة للفيتامينات ايش هي اللي تستخدموهااا وكل يوم ولا يوم ويوم ؟؟
وبالنسبة للامساااك وانتوا بكراااامة اخاف منه ايش الحل معااه؟؟
شرايكم بسكر كاندريل للريجيم؟؟
مسموح باليانسون والقرفة والزنجبيل ولا لا؟؟ يعني الاعشاب عموماااا
بالتوووووووووووفيق

انا مو مقتنعه من البيبسي دايت صراحه

لانه في سكر

والا شرايكم

الدكتور كاتب في موقعه انه يصير نشرب البيبسي دايت ؟؟؟؟؟

لاني مره يوم حطوه الدكتور في تلفزيون البحرين قال البيبسي ممنوع في المرحله الاولى

بحور الأشواق
كلامج صح
الدكتور نصح بالسفن اب دايت
لانه بدون سكر
بدون كافين واضافات

وما نصح بالبيبسي دايت

أموله الدلوعه


يعني يصير اشربه بشكل يومي
والا مره بالاسبوع شورايج انتي ؟

عادي نستخدم الخردل الماسترد في المرحله الاولى؟؟

مسره
لج وحشه يالغاليه من زماااااااااان عنج
ولايهمج ردي رجيم وماعليج من اللي فات
اهم شيء ارادتج تكون قويه والله يوفقج وينزل وزنج بسهوله


بنااات بالنسبة للفيتامينات ايش هي اللي تستخدموهااا وكل يوم ولا يوم ويوم ؟؟

هذي صورة الفيتامين اللي قالت عليه كوين ساره
وهو يحتوي على اكثر انواع الفيتمينات و يمدحونه البنات بس انا استخدم نوع ثاني
اكلي حبه كل يوم وبنفس الوقت




وبالنسبة للامساااك وانتوا بكراااامة اخاف منه ايش الحل معااه؟؟

الامساك الحل وياه انج كل يوم الصبح لما تصحين تشربين كوب ماي دافي لكوبين
اهم شيء يكون ماي دافيء مو الماي العادي لا خليه دافي شوي
وعقب ما تشربينه وتحسين ان الماي انهضم اكلي خمسه لعشر حبات زيتون
وتشوفين انه ما بيصيدج امساك ان شاء الله
انا هذي طريقتي



شرايكم بسكر كاندريل للريجيم؟؟

من صوبي ما استخدم سكر الرجيم البنات ان شاء الله بيفيدونج اكثر



مسموح باليانسون والقرفة والزنجبيل ولا لا؟؟ يعني الاعشاب عموماااا

اللي اعرفه انه مسموح ونا استخدم الزنجبيل شخصيا





اتمنى اني اكون افدتج يارب
دعواتج لي

بحوور أشواق

عن ذاتي اشرب السفن اب دايت كل يوم عبله
و وزني ينزل
بس ما انصحج تكثرين منه
قصدي يعني تشربين علبتين ولا ثلاث باليوم
عن ذاتي اشرب بالكثير علبه ونصف


مصدر الحب
السموحه يالغلا بس ما عندي فكره
اللي اعرفه ان جميع انواع الزيوت مسموح بها
وان شاء الله البنات بيفيدونج اكثر

أموله الدلوعه;6040769:

مسره
لج وحشه يالغاليه من زماااااااااان عنج
ولايهمج ردي رجيم وماعليج من اللي فات
اهم شيء ارادتج تكون قويه والله يوفقج وينزل وزنج بسهوله


بنااات بالنسبة للفيتامينات ايش هي اللي تستخدموهااا وكل يوم ولا يوم ويوم ؟؟

هذي صورة الفيتامين اللي قالت عليه كوين ساره
وهو يحتوي على اكثر انواع الفيتمينات و يمدحونه البنات بس انا استخدم نوع ثاني
اكلي حبه كل يوم وبنفس الوقت




وبالنسبة للامساااك وانتوا بكراااامة اخاف منه ايش الحل معااه؟؟

الامساك الحل وياه انج كل يوم الصبح لما تصحين تشربين كوب ماي دافي لكوبين
اهم شيء يكون ماي دافيء مو الماي العادي لا خليه دافي شوي
وعقب ما تشربينه وتحسين ان الماي انهضم اكلي خمسه لعشر حبات زيتون
وتشوفين انه ما بيصيدج امساك ان شاء الله
انا هذي طريقتي



شرايكم بسكر كاندريل للريجيم؟؟

من صوبي ما استخدم سكر الرجيم البنات ان شاء الله بيفيدونج اكثر



مسموح باليانسون والقرفة والزنجبيل ولا لا؟؟ يعني الاعشاب عموماااا

اللي اعرفه انه مسموح ونا استخدم الزنجبيل شخصيا





اتمنى اني اكون افدتج يارب
دعواتج لي

تسلميـــــــــــــن اموله ومشكووووورة حبيبتي عالررد بجرب طريقتج حقت الامساك بلكي تفييد
تسلمين مرة ثانية فديتج:)(f)

أهلاً بنوتات شلونكم يالغاليات شخباركم وشخبار الرجيم معاكم،

مشكوررررررررررررررررررررين على السؤال عني وعن أمي الله يوفقكم ويخليكم لي يالغلا.

بالنسبه عن أمي بقول لكم من البداية يعني من كم يوم وديناها عند دكتور يقولون مختص بالعظام في المستشفى أخاف ادعي عليه والله كان خاطري أضربه قال لها مادام عندك سكر لازم يصيدك كذا يعني أعتبري روحك انشليتي خلاص يعني بتصيرين مشلولة الى ان تموتين وكتب لها بنادول؟؟؟؟ شنو هل ناس ما يخافون ربهم ولا يحللون لقمتهم لا وبعد بفلوس يعني تدفع فلوس وتسمع هذا الكلام معقولة في ناس ما تحس لهذي الدرجة حتى لو كان اللي يقوله صحيح على الأقل يراعي مشاعرها ويحترم سنها خلاص ماأقدر شكلي بدعي عليه؟؟؟ بس بعدين وديناها مستشفى خاص بعد بس أحسن وعملوا لها أشعة مثل اللي قلت لكم امس، اليوم أحسها احسن بس النتايج لحد الحين ما ظهرت لأن أجازة ان شاء الله على الأحد بنعرف، الدكتور المختص بالعظام يقول ان عندها الديسك واحد في الرقبة والثاني أسفل الظهر وممكن تحتاج عملية و يريد يعمل لها رنين مغناطيسي مرة ثانية للظهر منطقة العمود الفقري في الوسط بس بعدين زارها دكتور مختص بالعمود الفقري وقال لها ان يشك ان التهاب الأذن اللي كان عندها سبب التهاب في الأعصاب وهو أكثر الأحتمالات اللي ممكن يكون صحيح ،عموماً أمي تعاني الديسك من زمان وكانت تمشي عادي صحيح ظهرها يألمها بس كانت صحتها الحمد لله ومستحمله الم الظهر بس من 20 يوم كان عندها التهاب في الأذن وكان في انتفاخ وتقول تحس بألم في البلعوم نصحتها تروح المستشفى بس قالت لي ان مواعيدهم بالأشهر اما المراكز ففحوصاتهم عادية يعطونك بنادول وخلاص وما راحت والحين من عشرة أيام زاد عليها الألأم في كل جسمه من الراس لرجلها وما تقدر تتحرك بتاتاً. يارب يكون بس التهاب لأن علاجه بالمضادات بس ولأن أمي ما تستحمل العمليات والعملية خطره لأنها في الظهر، ادعوا لها بنات الله يخليكم أحس روحي ضايعة والريجيم أحسه مضايقني لأني متوتره وايد وتعبانه بس ان شاء الله ما خربط فيه.

انا اليوم ماأكلت وايد اشياء مالي نفس أحس راسي دايخ دايماً لأني اكره المستشفيات بس علشان أمي كل شيء يهون.

انتوا شخباركم حبيباتي ان شاء الله تمام،

بحور الشوق هلا بالغالية شخبارك مع الريجيم يالله شدي حيلك والله يوفقك واذا عندك سؤال لا تترددين البنات ما يقصرون. لاتنسين تأكلين سلطة كل يوم بس مرة واحدة وتشربين ماي ما يقل عن ليترين وتلعبين رياضة بس نصف ساعة وتأكلين فيتامينات.

احلى بحرينيه مبرررررررررررررروك يالغالية ان شاء الله تنزلين غيرهم والله أخبار حلووووووووووه تستاهلين بوسه.

سمااا النسيان مشكوووووووووووووووووورة تسلمين يالغالية على السؤال الله يوفقك بارب ويعطيكي الصحة والعافية.
مايشوف شر خلووووووودي الله يخليه لك الحمد لله على سلامته.

أم عبادي الغالية مشكوووووووورة عيني ماتقصرين يالغالية وحشتيني شخبارك ان شاء الله تمام؟؟

بشة منفشة مشكووووووووورة حبيبتي شر ما يجيلك والله يوفقك ما تقصرين انتي شخبارك وشخبار الرجيم؟؟

أمولة الغالية والله وحشتيني مشكوووووووووووووورة حبيبتي على السؤال الله يعطيكي العافية ما تقصرين يالغلا انا اليوم الحمد لله بعد ما شفت الدكتور أحس نفسيتي هدأت شوي وأمي بعد شوي ارتاحت. مشكورة يالغالية على كلامك الحلو اللي يطيب الخاطر.

هلا مسرة شخبارك؟؟؟ وحشتينا نورتي المنتدى يالغلا بالنسبة عن الأمساك مثل ما قالت أختي أمولة ماي دافي وبعده زيتون يقولون زين بس في بنات ما يحبون زيتون مثل أختي تدرين شتسوي؟؟؟ تشرب كوفي تقول وايد زين وكل مرة يصير لها تشرب كوفي وتقول ان يروح الأمساك؟؟؟ عجيب؟؟؟

مسره الغالية الكاندريل زين وبعد في... سويت اند لو... وبعد... هرميستاس.. وايد زينين أختاري منهم وانا انصح بهرميستاس لأن مافي سعرات حرارية.

الأعشاب مسموحة والدكتور ينصح بها.

وين نورة أشتقت لها شخبارها الغالية اليوم؟؟

شموووووووسة والزعفران وصمت المشاعر وفدوووووو وبسبوسة وام عزيز وحبيبة فهد والفراولة وسيتا وباقي البنات ماأحد يزعل مني اذا نسيت اكتب اسمه مشكووووووورين كلكم على السؤال الله يوفقكم كلكم وان شاء الله اللي تمنونه يتحقق. سلللللللللام لكل البنات.

هاااااااااااااااااي بنااات

اليووم صاادني اكتئااااااااااب فضيع

انا ابتديت السبت
يوم الثلثاء قست وزني لقيتني ناقصه (كيلو ونص) فرحت كثيييييييير

اما يوم وزنت اليوم صرت ناقصه عن الثلاثاء 600 غرااام بس وربي قههههههههر

المجموع بس (2.1)بس

اما اختي بدت معاايه ونقصت ماشاء الله (2.5) حلوين مع انها تاكل كل يوم تمرتين مع قهوه

********************

اليوم كااان كئيب موووووووووت

افطرت نقانق + خس + سفن دايت وكان تقريبا 5 العصر

ومن بعدها طلعت لبيت اهلي وماكلت هنااك ولا شي بس تمره وحده حسيت نفسي بدووووووووووخ

رجعت للبيت على الساعه وحده تعشيت

كباب لحم + كريمه الخفق مع زبده ومشروم + سفن

بصراحه حسيته يعوور البطن

*******
اما بالنسبه لحبوب الحمل رجعت اخذها مادري ليش خفت اخليها

********
حبوباات يصير اكسر بس وجبه وحده مليت نفسي في حلااااااااااااااااااااااااااااااااااااااااااا

ساره كوين
ماتشوف شر الغاليه والله يشفيهاا ان شاء الله وعليكم بالرقيه الشرعيه
انا ام زوجي نفس القصه محد عرف لهااا ومسكينه تاخذ من رجلها وايد

ليش كتابه بس صحن سلطه واحد ؟؟؟

انا اليوم تعشيت ...
دجاج مشوي وسطله وحمسة طماط وباذنجان مع جبنة حلووم

واحس ملاابسي تغيرت عن قبل وميزاني مافيه بطاريه ههههه احسن عشان ماااقعد كل شوي اطل عليه

سلااااااااام
صباح الورد والرشاقة عليكم <<<<<<<<ويش رايكم بالرشاقة:D

شخباركم

حبيبتي كوين سارة والله جتني الصيحة على الوالدة
فعلا هالدكاترة هالايام مايحللون لقمتهم حسبي الله عليهم بس همهم الفلوس واسم دكتورة اتفوشر فية
وهالسلمانية فيها بلاوي والله مااشتهيهيا بس شتقولين في هالزمن الي على قد حالة
توها امي من كم يوم راحت المستشفى على اساس عندها الم في عيونا وكتب لها الدكتور قطور من غير كشف ويوم ثاني الا عيون امي منتفخها حدها يعني حتى عيونها من داخل ماتبين
ويوم راحت مرة ثانية قالوا القطور مانسب لج يبيون يغطون على اغلاط بعض وعطوها مرهم مال عيون والحين الحمد الله احسن
وبلااااوي بلااويييي عن هالمستشفيات
الله يقومها بالسلامة ان شاء الله وترجعين لنا والوالدة سالمة
بس طمنينيا عليها

اني الحمد الله امس كان مضبوط
بس اكلت قطعتني حلاوة كلش كلش اصغار ورحت مشيت اشوي

كان ريوقي بيض ويا جبن ويا كوب شاي

وغداي قطعة دجاجة صغيرة ويا خيار مخلل وخس

والعشى صحن شوراما صغير ويا بيبسي دايت
واكلت بعد اشوي بيض

والحمد الله عدا اليوم على خير


الحين ريوقي من اشوي تريقت بيض عيون:21_235: ويا جبن وشاي

والغداى والعشى ان شاء يعدون على خير

وعن البيبسي دايت اني من قبل اشرب يمكن 2 في اليوم والحمد الله ماصار شي ووزني الحمد الله ماشاء الله ينزل عادي
بس الحين عاجبني اكثر سفن آب دايت خخخخخخ طايحة فية طيح:21_131: