وأخــيرا باقــول للسمنه باي باي وأهلا يا رشاقه13\4\2008

والحين شربت عصير برتقال بدون سكر + نص تفاحه




تحياتي
روان

الحمد لله تمام ياروان
دومي ارب ماشيه كويس
بس جهزي العشاء بعد شويه عشان ماتاكلين شي بالليل ياحلوه
لانه الاكل بالليل هو سبب الشحوم اللي تتراكم علينا
وتألم قلوبنا قبل اجسامنا

مرحبا بنات انا فطرت توسته ولبنه وشاهي والغداء صدر دجاجه وكوب لبن خالي دسم
والحين بتقهوى مع 3 تمرات ان شاااااء الله

بغيت اسئلكم

صار لي اسبوعين وانه قاعده اسوي رجيم
هل الشوربه نودلز اقدر اكلهاااا ؟؟؟؟؟؟؟؟؟؟؟؟


لو بتمتن زياااااااااده ؟؟؟؟؟؟؟؟؟؟؟؟؟

هلا وغلا بروااان
حياك حبيبتي والله مدري اذا تمتن ولا لا
يلا شدي حيلك

السلام عليكم...

انا قاعده اتغدا الحين سندويج جبن بس خبز ابيض مع 5 كرات صغاار meatballs .. وبس ماراح اكل شي عقبها ان شاء الله :>

يابنات انتوا ملاحظين ام عزيز غايبه من فتره؟؟؟

اي صح توني مجربه جاكيت طويل صار لي تقريبا اسبوعين مالبسته والحمددللله صار وسيييع يابنات حتى الحزام صار يدوور على خصري بزياده ههههههههههههه والله مستاانسه الحمدلله يارب :>

الله يصبرنا ان شاء الله ونضعف بصحه وعافيه قولوا امييين

مرحبا بنات
روان حبيبتي ايش تقصدين بالشوره النودلز؟؟؟
رسيس عوافي على قلبك القهوه والتمر والله هي اللي تبرد القلب والله ودوم تكوينن ماشيه صح
نوره حبيبتي جعله دوم توسع عليكي ملابسك يارب بصحتك وسلامتك وايانا يااارب
وام عزيز قالت انه عندها زواج وحده من قريبتها وبتغيب تقريبا الى يوم السبت اذا ماخاب ضني
يعني اليوم المفروض ترجع لنا يمكنها بكره ان شاء الله يكون بيننا يارب

اليوم دخلت البركه نص ساعه بس
والحين تخلص المباراه ونروح نمشي انا وزوجي لمدة ساعه تقريباً

اشوفكم على خير يابنات وتصبحون على الف الف خير

آحــس اني شبعــانه ولا اشتهــي شي
احس فيني كآبــه اتجــاه جسمـــــي
اشوف بنات بالنادي معـــــاي كلهم امهات عيال وكل وحدة جسمها سمبتيك
واشوف بنــات مو متزوجـــات وذابحيــــــــــن روحهم رياضة وريجيم عشان كريشة صغنونة والقهــر اوزانهم مو كبيره افففففففففففف عقدوني
وانا كرشتي اشكبرها كأنها حـــزام على بطنــي((والله اني ما ابالغ كأنها تركيب على جسمي))
اتدلع رجيم ومدري شنو....
حاليا انا مضربة عن الاكــل لين ما تعتدل نفسيتي

اكلت المغــرب كوب تبولة

هلا اصووله حبيبتي ياليتك تاخذين الامور ببسااطه والله الدنيا ماتسوى كل هذا
هذا حنا مثلك انا وزني اكثر منك بعد 94 بس عندي امل باذن الله مع اني سويت رجيمات وفشلت
تفائلي ياحبيبتي وكلي كلي كلي صدقيني ماينفع كذا بيزيد وزنك بدل ماينقص وخذيها مني
كلي نظامك العادي والكيلو اللي زاد فيم والله طبيعي انا صار لي قبل امس كذا بس استني يومين وينزل باذن الله
اذا زانت نفسيتك صدقيني بتحققين كل اللي في بالك وبعدين ماحد ينحف بيوم وليله عطي جسمك مهله يتعود عالنظام الجديد عالاقل 3 شهوووور بتنزلين 10 عالاقل باذن الله والنزول البطيء افضل بكثير اهم شئ توكلي على ربك ولاتخلين التشااااؤم يسيطر عليك كذا بتخسرين كل اللي تبنينه
اصوله حبيبتي عشان تتاكدين من كلامي جربي هذا الاسبوع بس
ابدئي بكرا بنظامك الاول واستني الى السبت الجاي نوزن انا وياك مع بعض ان شااء الله وبتشوفين كلامي صح ولا غلط راح تنزلين يعني راح تنزلين ان شاء الله

الله يفكنا من ها لسمنه الا مسببا لنا تحطيم

اصيله حبيبتي احنا قلنا من البدايه ان النفسيه تأثر بالوزن صح ولا لا؟

يعني اذا ضايقتي عمرج وزنج بيزيد لاتفكرين انج بتضعفين ولا تفكرين انج اذا حرمتي نفسج من الاكل بتضعفين
اذا ضعفتي بهالطريقه شوفي الاضرار اللي بتطلع وبتصير لج اسم الله عليج : 1) شعرج راح يطيح بالهبل وبتطلع لج قرعتين من عالجنب من فوق واسئليني انا .. تدرين اني مسويه رجيم قاسي مو واحد ولا اثنين والله اني ماقدر اعدهم من كثرهم وشعري طااااااااااااااااااااااااااااااااااااح بالهبل تدرين اني يوم رحت حق الدكتور قبل شهر والله العظيم ان اول ماشاف شعري قال انتي سويتي رجيم قاسي صح؟؟ قلت له اي اشدراك؟؟ قال لي هاي القرعتين تطلع من الرجيم القاسي.. والحمدلله عطاني علاج وتعدل شعري شوي .. فإنتي تبين هالشي يصير لج؟؟ اسم الله عليج

2) بتجيج دوره وخاصه لما تكونين قاعده وتقومين بعد فتره يعني تقريبا 10 ثواني تحسين ان الدنيا كلها سوووووووووووده والله العظيم اني كنت احس اني عميه اسم الله علي :( وعطاني حبوب حديد

3) اظافرج راح تتكسر وكله بتحسين بخمول.

4) ويهج بيصير اصفر جنج مريضه الله يبعد الامراض عنج وعنا ان شاء الله.

هاي غير الاشيا الي ماتذكرها والله العظيم راح تجنين على عمرج ان قسيتي على نفسج!!!!

اصيله انتي عالاقل اهون مني .. تعرفين انا كم كان وزني ؟؟ مع ان عمري حزتها والله ماتعدى الـ 17 سنه !!! كنت 113 كيلو تخيلي؟؟؟

البنات اللي معاج بالجم يبون يحافظون على اجسامهم واوزانهم المفروض هالشي يعطيج دافع ..
انا قبل شهر دشيت الجم والله يا اصيله مابي امدح بس مع اني دبه بس الحمدلله جسمي كان احلى جسم فيهم يعني لو كنتي معاي والله العظيم بتحمدين ربج لان اجسام انا اول مره اشوفها الحمدلله والشكر يارب ... ترا انتي ماتدرين يمكن البنات الدببه راقدين فالبيت ومو مهتمين بأجسامهم من جذي ماتشوفينهم بالجم

لاتتضايقين ولاتفكرين بهالشي كلش .. ضغطي على عمرج ولاتخربطين ابتعدي عن كل شي يمتنج استمري عالاقل 3 او 4 شهور وبعدين بتشوفين جسمج اشلون بيكون .. بس هذا لو حافظتي وماخربطتي :)

موفقه ان شاء الله

---عبير---;5989898:
مرحبا بنات
روان حبيبتي ايش تقصدين بالشوره النودلز؟؟؟
رسيس عوافي على قلبك القهوه والتمر والله هي اللي تبرد القلب والله ودوم تكوينن ماشيه صح
نوره حبيبتي جعله دوم توسع عليكي ملابسك يارب بصحتك وسلامتك وايانا يااارب
وام عزيز قالت انه عندها زواج وحده من قريبتها وبتغيب تقريبا الى يوم السبت اذا ماخاب ضني
يعني اليوم المفروض ترجع لنا يمكنها بكره ان شاء الله يكون بيننا يارب

اليوم دخلت البركه نص ساعه بس
والحين تخلص المباراه ونروح نمشي انا وزوجي لمدة ساعه تقريباً

اشوفكم على خير يابنات وتصبحون على الف الف خير

اختي النودلز مثل الاندووومي


عادي اكلها لولاء

رسيس انثى;5990326:
هلا اصووله حبيبتي ياليتك تاخذين الامور ببسااطه والله الدنيا ماتسوى كل هذا
هذا حنا مثلك انا وزني اكثر منك بعد 94 بس عندي امل باذن الله مع اني سويت رجيمات وفشلت
تفائلي ياحبيبتي وكلي كلي كلي صدقيني ماينفع كذا بيزيد وزنك بدل ماينقص وخذيها مني
كلي نظامك العادي والكيلو اللي زاد فيم والله طبيعي انا صار لي قبل امس كذا بس استني يومين وينزل باذن الله
اذا زانت نفسيتك صدقيني بتحققين كل اللي في بالك وبعدين ماحد ينحف بيوم وليله عطي جسمك مهله يتعود عالنظام الجديد عالاقل 3 شهوووور بتنزلين 10 عالاقل باذن الله والنزول البطيء افضل بكثير اهم شئ توكلي على ربك ولاتخلين التشااااؤم يسيطر عليك كذا بتخسرين كل اللي تبنينه
اصوله حبيبتي عشان تتاكدين من كلامي جربي هذا الاسبوع بس
ابدئي بكرا بنظامك الاول واستني الى السبت الجاي نوزن انا وياك مع بعض ان شااء الله وبتشوفين كلامي صح ولا غلط راح تنزلين يعني راح تنزلين ان شاء الله

مشــــــــــــــــكــــــــــــورة على الكلام الطيب واللي عن جد رجــع لي الثقة باني بانزل وزنــي

hazman ما تدرين اشكثــر اثــر كلامـــــــج فيني ونصايـــــج بالفعــل كانت بمحلها والحمدلله اني خبرتكم بكل خطوة اخطيها بموضوع الرجيم والا كنت قرعه :( مشكـــــــــــــورة



Warm Breezes اشكــــــــــر دعمج لـــي وما راح انســـــى مساندتج لــي
وياااااارب نحقق الهــدف

السلام عليكم صباح الخيراااات
كيفكم بنات
انا اليوم بروح الجامعه مانمت الا ساعه وشوي زمرررهقه حيل
بنات ادعولي بامتحاناتي تكفووون

فطرت كوب حليب قليل دسم بنسكافبه سخنته وحطيت معاه شوي من كابتشينو حق الدايت
وبالجامعه ان شاء الله يمكن افطر توست ولا شئ خفيف
الله يوفقكم بنات
اشوفكم على خير

الله يوفقكم يابنات اللي عندها اختبارات واللي تسوي رجيم واللي نفسيتها تعبانه واللي تنتظر وظيفه تيسر حالتها
اصيله لاتيأسي بلييييييييز
اصيله انت ينزلتي وهذا يعني انك قدرتي تسوين شي لنفسك
استمري ياصيله اذا وقفتي كلنا راح نوقف وهذا ملاترضينه انتي
اصيله استمري يالغاليه والطريق قدامك انتي شوفي العالم اللي خسرو بالخمسين كيلو والله العظيم ماابالغ
خويتي بالجامعه خسرت من وزنها 34 كيلو
وبنت عمي خسرت وربي من وزنها خلال خمس شهور او سته تقريبا بالــ28 كيلو
يااصيله استمري وراح تتذكرين هالايام وتقولين الحمد لله افتكيكت منها ومن الشحوم معها
وتنفتح نفسيتك عاللبس والكشخه
يلله اصيله شدي الهمه وريحي نفسك كلها مسألة وقت وراح تنقصين باذن الله تعالى

بنات البارح تعشيت مو مثل ماقلت لكم اني بوقف بالليل
اكلت سلطة سيزر يابنات
واليوم الصباح فطرت على كاسة حليب مع حبة بيض مسلوق وبس
والغداء باذن الله تعالى راح يكون تونه بالخضروات ( سلاتونه) بغسلها من الزيت واسخنها واحط عليها ليمون واكلها وبدون خبز
وبس يااحلى خوات