تكملة الى بنات عروس الذي تم غلقه _ للتواصل.. الجزء الثالث

اليوم السبت ...

الساعه وحده كلت تفاحه خضرا ...

الساعه 2 وربع حسيت بالجوع فكلت ... حبة توست اسمر صغيره مع لبنه قليلة الدسم ...


يعني بسوي رجيم خفيف ... وماباكل وايد ...


لان ناويه اليوم ان شاء الله اروح الصالون اللي يسوي جلسات حراريه ويعطي رجيم خاص والله يسهل :1_42:

نصيحه لوجه الله يا اخواتي الرجيم الكميائي او الي يعتمد علا البروتين مو زين
ونصيحه رجيم الكميائي للدكتور اسامه مره سئ انا استمريت عليه 3 اسابيع ونزلت 12 كيلو بس للاسف ف6 شهور رد وزني وخلال سنه سرت ازود من وزني الي قبل اتباع الرجيم ب7 كيلوا
لاكن لي فتره اكل كل شي بس بحساب والله العظيم انزل فالاسبوع من 2-3 كيلو وانا مرتاحه
وكنت اعمل رياضه وخصوصا الارداف لانه مشكلتي
والحمد لله بعد النظام هذا رجعت ففترت الاختبارات بسبب التوتر اكل حلو كثير بس الحمد لله وزني مازاد
وباقيلي 6 كيلو ويكون جسمي روعه
علا ان كثيلر ناس واهمهم خطيبي قالي جسمك الحين روعه حافظي عليه للعرس ولا تضعفي زياده
بس انا حابه اضعف اكثر تعرفون بعد الزواج يختلف الوضع فلازم لمن يشوفني باي لبس يلقاني روعه
فباقي ال6 كيلو
ادعولي انزلهم
وانا ارادتي حديد وزولجي باقيله اقل من الشهر وحنزلهم باذن الله

انا اليوم

قعدت من النوم الساعة 8 الليل

.......>>>>>>>>>>ماخده رااحتي في النوم لان عندي اجاااازة :D

و اكلت لي خيارة

و بعدين رحت المطعم و اكلت الوجبة المفتوحة اللي قالت لي عنها الاخصائية

و بعد شوي بمشي

و قبل ما انام بـ 3 ساعات على الاقل بكل زباادي

حسناء 2003;4035835:
نصيحه لوجه الله يا اخواتي الرجيم الكميائي او الي يعتمد علا البروتين مو زين
ونصيحه رجيم الكميائي للدكتور اسامه مره سئ انا استمريت عليه 3 اسابيع ونزلت 12 كيلو بس للاسف ف6 شهور رد وزني وخلال سنه سرت ازود من وزني الي قبل اتباع الرجيم ب7 كيلوا
لاكن لي فتره اكل كل شي بس بحساب والله العظيم انزل فالاسبوع من 2-3 كيلو وانا مرتاحه
وكنت اعمل رياضه وخصوصا الارداف لانه مشكلتي
والحمد لله بعد النظام هذا رجعت ففترت الاختبارات بسبب التوتر اكل حلو كثير بس الحمد لله وزني مازاد
وباقيلي 6 كيلو ويكون جسمي روعه
علا ان كثيلر ناس واهمهم خطيبي قالي جسمك الحين روعه حافظي عليه للعرس ولا تضعفي زياده
بس انا حابه اضعف اكثر تعرفون بعد الزواج يختلف الوضع فلازم لمن يشوفني باي لبس يلقاني روعه
فباقي ال6 كيلو
ادعولي انزلهم
وانا ارادتي حديد وزولجي باقيله اقل من الشهر وحنزلهم باذن الله

مشكوره حبيبتي ... وفعلا كلامج صح ... وان شاء الله تنزلين وتوصلين للوزن المطلوب ... والله يتمملج على خير ان شاء الله ونشوفج احلى عروس ...

وياليت تشاركينا بيومياتج .. من ناحية شنو اكلتي اليوم وهل لعبتي رياضه او لا .. طبعا اذا حابه ..

عسل و بس;4035846:
انا اليوم

قعدت من النوم الساعة 8 الليل

.......>>>>>>>>>>ماخده رااحتي في النوم لان عندي اجاااازة :D

و اكلت لي خيارة

و بعدين رحت المطعم و اكلت الوجبة المفتوحة اللي قالت لي عنها الاخصائية

و بعد شوي بمشي

و قبل ما انام بـ 3 ساعات على الاقل بكل زباادي

ههههه 8 فالليل لا انتي عافسه نومج عالاخر لووول حاولي تعدلينه ... وموفقه حبيبتي

انا مانمت من امس ... مب جايني نوم صايدني قلق وارق وتفكير بشكل مفرط .. احاول اشغل نفسي بالنت وبالمواضيع عشان انسى همومي :1_42:


احس بالجوع .. مادري اكل ولا لا ... اخاف ارجع وزني القبلي واندم =) :1_42:

بنوتات

احد جرب بسكويت الرجيم

و كم سعرة فيه

انا شفت في السوبر ماركت بسكويت عليه شوكولا و مكتوب عليه دايت

بس ما ادري فيه كم سعر حراري

اهلين خواتي

بنوتات احد جرب بسكويت الرجيم

و كم سعرة فيه

انا شفت في السوبر ماركت بسكويت عليه شوكولا و مكتوب عليه دايت

بس ما ادري فيه كم سعر حراري

اختي عسل وبس ما انصحك فيه لا نه مرره سمعت بالتلفزيون انو هذي الاشياء الدايت

نصبه وانها موب زينه ابدا وانا وحده تقربلي اخصائيه تغذيه تقول الشوكلت الدايت مو زين ابدا لا نه يكون السكر فيه هو اللي منخفض والدهون عاليه ووجسمك اصلا يحرق السكر بسرعه اما الدهون ماتنحرق بسرعه فما هو ينحف ولاهم يحزنون

فأنا انصحك اتركيه لاتاكلينه ابدا

:)

تسلمي اختي طااط


ربي يرزقك الصحة و العافية

صبااااااااااااح الخيييير


شخباااركن بنياااات

هااه عكووفه بديييتي اليووم ؟؟
يالله بالتوفيق ياربي من دون تخبيصات طبعا

انا وزنت اليوم
وطلع وزني 69 !!! بس نقصت كيلوين .. زعلت اشويه وبعدين قلت الحمدلله شي احسن من لاشي ..
مع انه شكلي اكثر من جيه ؟؟ وقلت يمكن اوصل ال67 او 66 .. لكن ما صار !!
يعني يوم خبصت ويوم ما خبصت ما فرقت نقصت كيلوين في الحالتين..
المهم بغيت اخبركم اني وقفت هالرجييم
لانه لاعت جبدي .. من البيض واللحم استغفر الله .. خلاص ما ابى اكل هالاثنين
وببدا اخفف واسوي ريجيم عكييفي لانه السبت الياي ان شاء الله سفرنا ..

اليوم تريقت
7 حبات رطب .. من زمااان في خاطريه الرطب
وكوب عصير برتقال

الحلو اني امس قعدت اقايس .. اول شي لبست مريول المدرسه .. هذاا كاان مخصر عليه وضيق تقول فستاان ههههههه مب مريول قلت خلني اشوفه شو استوى .. وطلع الحمدلله فضفاض ووسيع عليه استانست وجان اعقه .. لاني خلصت مدرسه بس كنت مخلتنه عشان اجرب واشوف ..
وقايست جلابيه مخصره وامبونها ضيقه عليه وخاصه من تحت بس امس طلعت عليه روووعه واستانست واايد

وكنت شاريه بجامه من وومن سكرت ومتعمده اخذها ضيقه والحينه صارت زينه عليه .. ههههههههههههههههاااااي بمووت من الفرحه
ان شاء الله هالاسبوع انقص كيلو .. ويصير وزني 68 قبل السفر .. واحافظ عليه خلال السفر .. ويوم ارد بكمل عشان اوصل لل62 او 63

اريش العين

مبرووووووووك اريش العين

تخلصي الباقي بالعافية

ربي يباارك في حياتج حبوبه
تسلميين ياربي وربي يسمع منج

توني كليت قطعة بسبوسه صغيروونه

والحينه قاعده اتغدى .. اناناس

غلا الدوحة حبيبة قلبي عادي لاتستحين احنا اهنيه نشجع بعض انتي تعرفين كم كان وزني في التاسع 102والحمدلله الحين ولدي عمره سنه و7شهور ووزني 69 فلاتستحين بالعكس انتي مفروض تكتبين وزنج بعد كل مدة من الريجيم تشوفي كن نزلتي بتحسين بفرق وبسعادة كل ما نزل كيلو اسألي مجرب
على كيفه شكله النت عندج مجيم نفسي خخخخخخ

ام وسام هلا والله بهالطله يامرحبا الساع وكل ساع ...............

مووووووووووون سافرتي ولا لي الحين .....كم تبين على الدعوة قبل وبعد .................

وردة قطر ودي اقولج شي بس لاتزعلين انا ابي مصلحتج تاكلين تجوعين عمرج وعقبها تاكلين حلويات _معمول تمر ومنجا وايسكريم _وعقبها يجيج تأنيب ضمير وتعاقبين نفسج اشحقه هذا كله اكلي اكل صحي وتابع لدايت معين ولاتعاقبين عمرج ولاشي ووزنج بينزل بإذن الله شحقه العذاب النفسي الا تأنيب زمعاقبه كل شوي ..........صح كلامي ولا غلط ............

راح الاغلى منك ومابكيته عاشقة السعودية ليوبارد قطر والفاتنه وباقي بناتنا الحلوين اللي يقرون ويطلعون نتمنى تشاركونا ولو بكلمة تشجيع ترفع معنويات وتنزل كيلوات ...............<<<طرارة

مبرووووووووووووووك النزول اريش العين وعقبال ماتوصلين لل60 يااااااارب بصحة وعافيه وخبرينا وين بتسيرين <<<سرقت لهجتكم اهل ريلي كلهم راحوا ميونخ واللي راح باريس واللي راح اسبانيا وغيرهم لندن وماليزيا وفيينا ويلجيكا وانا قهر كنت بسافر لندن وفرنسا ومفيزه وخلاص بس طلع عند ريلي دورة في نص السفرة فقال اجليها ليما اخلص دورتي طيب ولدي بتبتدي مدرسته 5 _9وبس بروح دبي :sad:

[GRADE="4169E1 00BFFF 0000FF 00BFFF 00BFFF"]السلام عليكم شخباركم ؟؟؟؟؟:9_28:

عساكم بخير انا أمس الليل راده من العمره وشكلي زايدة 10 كيلو باجر بسير الجيم وبوزن الله يستر بتذبحني الكابتن....:cry::cry::cry:[/GRADE]

قطريه
ربي يباارك في حيااتج يالغاليه
بسير الله يسلمج سنغافوره وماليزيا ان شاء الله
ماعلييه حبوبه خيرها في غيرها ان شاء الله السنه اليايه روحي وين ما تبين
واذا ييتي دبي مري علينا في العين :)


ام البنتين
عمره مقبووله يالغاليه .. لا ان شاء الله ما تكونين زدتي

يامرحبابكن كلــــــــــــــــــكن

بنفسجيه ابشرج متبع الرجيم وبحذافيره هههههههه ولا خبوصه الحمد الله لين الحين بس الكرك يدور فرااسي وانا اعاند اقول ماااشي خخخخخ
حلوين الكيلوين احسن من لا شي وبعدين اذا الثياب وسعن عليج ترا هذا المطلوب واللي ينزل من الوزن اول شي يكون الماي ونسبه قليله من الدهون يعني اذا استمريتي بينزل وايد
يعني مابتسوين رجيم شو رايج سايريني هالاسبوع خخخخخخ

نظامي طبعا قعدت متأخره وماكلت البيض بس برتقال وبطلع امشي بعد شوي

وردة قطر لا تقسين على عمرج وتحرمين جسمج ترى له حق عليج ودامت تلعبين وتمشين رياضه ماراح يزيد وزنج ان شاء الله وبشرينا عن الجلسه رحتي لها ولا بعد وشو سويتي فيها ؟ وشو الدايت اللي عطوج اياه ؟ اكيد هلكتي عندهم خخخخخخ

حسناء والله انج صادقه لاني يوم خليت رجيم الدكتور اسامه زاد وزني دبل اللي خسرته وماعاد نزل خخخخخخ الله يعيين بس ومشكووره عالنصيحه وان شاء الله ينزل وزنج واتكونين احلى عروووس

عسل وبس احلى رجيم رجيمج ههههههههههه رقااد وزبادي :dd:
ان شاء الله يزل وزنج وخليج دووم متواصله معانا
اما عن بسكوت الرجيم مثل ماقالت لج اختيه طاط اكثره دهون والجسم مايحرق الدهون بسرعه

قطريـــه عاديتيني ههههههه الحين اوكيه النت
شو ادورين بلاد برا الاقربون اولى بالمعرووف خخخخخ يامرحبابج بتنورين دبي


ام البنتين عاش من شافج وعمره مقبووله ياربي بس من شوو زاد وزنج ؟
ماعليج مابتذبحج لانج تدفعين لها خخخخخ

منوره الموضوع ام وسام
ونرقب تقيمج ههههههه


غلا الدووحه وينـــج ملزمه عليج ابا رفقتج فرجيم اسامه حمدي محد بادي معايه شو رايج ؟
بعض الناس خاونو هههههههه

هلا حبيبتي والله انا ماعرفت ابدأ باي رجيم

المهم اليوم أكلت

صدر جاج مسلوق ع الغداء

والعشاء سندوش جبنه قليل الدسم والصمون اسمر

وبس

وبالنسبه للريوق ماتريقت لاني قمت وقت الغدا