تكملة الى بنات عروس الذي تم غلقه _ للتواصل.. الجزء الثالث

عسل و بس;4026745:
وردة قطر

انت كم عمرك ؟؟

و كم طولك ؟؟

و كم وزنك ؟؟؟

و كم صار لك تتابعين عند اخصائية التغذية؟؟؟؟؟؟؟؟


اسمحي لي على التطفل

بس انا كمان اعمل ريجيم سعرات و عدد السعرات المقرر لي لهالاسبوع اقل بكثيررررر من اللي عطتك اياه الاخصائية

انا عمري 20 :gum: صدمه صح خخخخ :2_106:

طولي 160

وزني 71

بصراحه انا ماتابع عند اخصائيه بس اليوم رحت عشان اقولها اني انا باديه رجيم من اسبوعين من كيفي وكنت باشوفها شتقولي وبشنو تنصحني ... وهي سألتني من متى بادية الرجيم قلتلها من اسبوعين قاللتي اوكي مب وايد يعني يمكن عشان جي عطتني 1500 سعره فاليوم ...


وانتي كم صارلج مع الاخصائيه وكم سعره عطتج ؟

أريش العين;4026747:
حي الله وروودة
فديييتج والله .. لاني حاليا مشغوله اشوي .. تدرين اخويه مطلعينه من المستشفى وماشاء الله اهلنا ومعارفنا كل يوم حد ايينا ..فما الحق ادخل
وغير جييه اني ااذا دخلت ادخل وقت النهار او بعد المغرب .. وما القى حد في الموضوع ... لانكم اظني تتيمعون في الليل ؟؟ صح وانا هالوقت ما اكون موجوده ..

شوفي وروده ..
كلام الدكتوره صح وكلام امج بعد ..
يعني الحينه شو الفايده تنقصين وزنج ويطيح شعرج وتخترب بشرتج وتتعبين !!! اتاكدي انج بهالطريقه بتردين شرى قبل ويمكن لاسمح الله اسوأ..
صدقها الدكتوره 1500 سعره اوكييه زينه ... خاصه لو كنتي بتلعبين رياضه وجييه
لكن اقل عن 700 ؟؟ انتي بتتعبييين .. ولا بترومين تواصلين وبتحسين باليووع والحرمان .. وهذا مب زين لانج بعدين بتريدن تهجمين عالاكل وتاكلين اكثر من قبل .. فهمتي كيف
سمعي كلااام ماماتج وابتعدي عن الحلويات والغازيات والكيك والفطاير والعيش وهالسوالف
لاتحرمين عمرج من الريووق .. تريقي عاادي .. حلو ريوقج .. كيوي وحليب low fat او روب وخياره .. كلي بس كلي المفيد واللي يشبعج واللي فيه اقل سعرات حراريه .. بس مب تحرمين عمرج
وبعديين لا اتمين تقيسين كل ثانيه .. بقولج شي انتي الحينه مثلا رحتي توزنين وطلع وزنج 70 مثلا اوكيه بعدين رحتي شربتي ماي ووزنتي .. الماي مافيه سعرات حراريه صح لكن لو رحتي وزنتي بتلقين وزنج زايد ..صح .. بس هذا مب وزنج الصدقي .. لانه الماي ما ياثر اصلا
انتي احسبي من اليوم مثلا شوفي كم وزنج .. اوكيه الخميس الياي وزني مره ثانيه وشوفي كم نقصتي .. ووزني اول ما تقومين من الرقاد الصبح يوم يكون بطنج فاااضي .. فهمتي
اما انج تقيسين كل حن وكل ساعه مامنه فايده صدقييني .. بتعقدين عمرج ..

كتبي قصة حياتج شو المشكله هههههه

تعالي ابى اسالج سؤال عن السويت مال همسة الشوق
الحينه شو يعني كريمة سائله لاني ابى اسويها مره ثانيه بس من دون تخبيص ؟؟

ان شاء الله حبيبتي بسمع الكلام... :gum:


بالنسبه حق السويت ..
الكريمه السائله ... والله انا بعد ماكنت اعرفها ... بتحصلينها في الجمعيه صوب الثلاجات عند الجبن والقشطه وهالسوالف دوري هناك بتلقين كريمه سائله والعلبه على شكل مربع ... :D_smil1:

أريش العين;4027392:
مووون
هلا والله
انتي وينج ما اشووفج ابد ؟
امممممممم تدرين حتى انا بسافر على اخر سبعه .. لكني وايد خايفه .. منوه قال انه السفر يضعف ؟؟
انا اشوف العكس في السفر صح مشي وايد لكن بعد نااكل وايد وخاصه اكل المطاعم ونكثر من الجوكلت والشيبس اهيء اهيء .. انا يزيد وزني يوم اسافر ؟؟
وخايفه واحاتي السفر وايد لاني ما اريد اخرب !!!!

شوفي انتي في السفر بتتحركين وبتمشين وايد ... بالنسبه حق الاكل لاتكثرين يعني ... مره فالاسبوع شوكليت مب مشكله لكن مب كل يوم .. وحاولي تاخذين اخف الاكلات عندج subway هاي وايد زين لو تاكلين منه وخصوصا سندويش التونه ههههه :gum:
واذا اكلتي فاليوم بس وجبه وحده مع حركه اتوقع اوكي ... لووول لاتحاتين وايد :2_106:

وردة قطر;4028542:
ان شاء الله حبيبتي بسمع الكلام... :gum:


بالنسبه حق السويت ..
الكريمه السائله ... والله انا بعد ماكنت اعرفها ... بتحصلينها في الجمعيه صوب الثلاجات عند الجبن والقشطه وهالسوالف دوري هناك بتلقين كريمه سائله والعلبه على شكل مربع ... :D_smil1:

اهااااااا ... يباالي اروح السوبرماركت عيل
لاني رحت من يومين واخذت جبنه فلادلفيا والويبنج كريم بس هاي ما لقيتها الكريمه السايله
اممم شكلي ما دورت زين
ماعلييه بشوفها مره ثانيه .. عشان اسوي السويييت ويضبط مثل مالج مع انه اللس سويته قبل طلع حلو بس شي غير عن السويت اللي مكتوب خخخخخ من تاليفي يعني
اليوووم سويت بسبوسه بالبااونتي تجنن
واكلة عجييبه بالستووست بس بعدها في الفرن .. ان شاء الله تطلع حلوه :2_22:

هلا وردة قطر

انا رتقريبا نفسش بالضبط

الفروق اللي بينا بسيطه


انا قريب بيصير عمري 20

طولي 159

و وزني كان 70 و نص

اول مرة رحت عطتني جدول فيه 1000 سعر حراري

و بعد 10 ايام نزلت 3 كيلو

و عطتني جدول فيه 950 سعر حراري

و بعد اسبوع نقصت نص كيلو بس

والاسبوع اللي بعده عطتني جدول فيه 800 سعر حراري

و نزلت 2 كيلو و نص

و الاسبوع اللي بعده عطتني جدول فيه 700 سعر

و نزلت بس كيلو

و هالاسبوع بعد عطتني 700 سعر

و يصير المجموع نقصت 7 كيلو

و صار وزني 63 و نص

------------------------------

انا مستغربة ............ فرق كبير بين الــ 1500 سعر و 1000 سعر ؟؟

يمكن عشان انتي كان شعرك يطيح

فكان عندك نقص فيتامينات و معادن و بروتين

فزادت لك كميات منها

مع اني احس اني بعد الرجيم تحسنت بشرتي

و بالذات الاظافر

من اول كانو مستحيل يطولو شوي بدون ما يتكسرو

و الحي صارو عاديين

وردة قطر;4028559:
شوفي انتي في السفر بتتحركين وبتمشين وايد ... بالنسبه حق الاكل لاتكثرين يعني ... مره فالاسبوع شوكليت مب مشكله لكن مب كل يوم .. وحاولي تاخذين اخف الاكلات عندج subway هاي وايد زين لو تاكلين منه وخصوصا سندويش التونه ههههه :gum:
واذا اكلتي فاليوم بس وجبه وحده مع حركه اتوقع اوكي ... لووول لاتحاتين وايد :2_106:

الله يستر
بحااول ما اخرب ..
ثاانكس وروودة فدييتج ما تقصريين

بنات ابي اكون عندكم

وببابدا ان شالله برجيم السوائل

ورانا عرس نبي نضعف

صح انا طولي 170

ووزني 77 :(

حياااج عروس الغبراء
اخيرا لقيت بنيه طويله شراتي خخخخخخخ
يالله شدي حييلج ويانا حبوبه

كم تبين توصلين

السلام عليكم

وحشتوووني كلكــم

بنفسجيه خاطريه تحدرين فليل انشووفج ولا نسلم عليج كانج عيوز ترقدين من المغرب :2_22:

اشووفكن طايحات فالمطبخ اتسون حلويات عطوني الرابط خلوني اخرب عليكن هههههههههه

كأنج مثلي كل ماسافر يزيد وزني خصه يوم نطلع السعوديه لازم ارد زايده 8 كيلو

خفي من الحلويات والدسم ومابيخترب الوزن

وردة قطر سمعي الكلام وكلي 1500 سعره حراريه وعشان خاطريه فري الميزان فالزباله :dd:

يختي نخاف عليج :9_33:

ام وسام وينج اختفيتي عنا !

اليوم عالريوق كلت بيضتين ونص برتقاله والغدا لحم مشوي وسلطة وعالعشاء سويت سلطة

وغير السونا اليوميه مشيت نص ساعه فالحوش ورقصة ربع ساعه وبـــس احس بدووخه ومالي خاطر

على شي

الحمد الله


وبعد اخباركم ياباقي البنات !!


غلا الدوحه كنت بتسوين معانا رجيم !

اميرة الورد وينج اختفيتي !! اكيد سافرتي

اموونــه ليش القطاعه عسى ماشر

ولوبارد قطر وباقي الشله وينكم

مووون كيف بتسوين رجيم وانتي مسافره ههههههههههه استانسي وعقب ماتردين سوي الرجيم

عرووس الغبيراء يامرحبابج معانا وشدي حيلج ولاتخبصين وبتوصلين لنتيجه ترضيج وتصيرين احلى عروس :D_smil1:

هلا بنات ازيكم وعاملين ايه مع الريجيم ؟؟؟

ام حبيبي وسام وينج وين غااااطة؟؟؟؟

الحمدلله وزني الحين 69و800 واااااايد مستانسة عقبال الخمسينات يااااااااارب

ابي ارقص بس ولدي الصغير نايم واخاف يقوم <<<<اعتبريني رقصت وبذلت مجهود الكلام لج ياام حبيبي وسام على فكرة ممكن ندلعج اسمج طويل واحنا نكتبه شرايج ؟؟؟ يله اختاري نك نيم ندلعج فيه يله بنات ساعدوني وفكروا معاي وشو ندلع ام حبيبي وسام :think:

موووووووووون حبيبة قلبي ملكة التخبيص لاتسوين ريجيم وانتي مسافرة نصيحة بس اكلي وجبة وحدة يعني وفي الليل حاولي تشربين سوائل فقط شوربه لبن روب عصاير فرش بدون سكر غازيات_دايت_ومع الحركة ماراح تزيدين اما تحرين عمرج في السفر يعني الريجيم وراج وراج حتى بإجازتج لا يبه والله انا لوسافرت بطبق اللي قلت لج او باكل اللي ابي عااااااادي وجبات بيتزا اكل دسم عاااااادي بس بعد المغرب لا كل شي يوقف اشرب سوائل فقط عشان اذا زدت ما ازيد وايد<<<لا فكيكة جبتيها :up:


عروس الغبيراء هلا وغلا يله شدي حيلج........:2_49:

ليوبارد قطر ......imona........اميرة الورد ..........غلا الدوحة..........ويييييييييينكم ان شاء الله تكونون بخير ........:1_42::1_42:

وردة قطر تابعي الريجيم اللي قالت لج اياه الدكتورة وجربي وشوفي ولاتخافين مابيصير الا الخير :up:

عسل وبس 63 ماشاء الله تبارك الرحمن استمري وان شاءالله توصلين للوزن اللي تبينه:clap:

منوره قطريه

مستانسه لج واايد

بحطج مثالي الاعلى بحول عن بنفسيجه بتزعل خخخخخخخخخخ

بنات ماطلب منكم الا انكم تدعونلي .. دعوه من قلب في ظهر الغيب ...

والله يجزيكم خير ويعطيكم على قد نيتكم ...


امر بظروف مايعلمها الا الله ... :sad:
لاحول ولا قوة الا بالله ... مابي اتشكى ولا ابي اسأل الا رب العالمين ... :sad:




الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ (156)


ادعوا لي تكفون :(

هلا بناات

انا اليوم قعدت من النوم متأخره

ما فطرت

و تغذيت رز ( 4 ملاعق ) مع نص صدر

و اكلت زبادي

و باقي لي العشا زبادي

و بحاول امشي بعد شوي

الله يفرج عنك همك اختي وردة قطر

شدي الهمه اختيه عسل وبـس وان شاء الله يتحقق اللي فبالج




لاحول ولاقوة الا بالله

ربي يفزعلج اختيه وردة قطر ويفرج همج ويسهل عليج ظروفج :sad:

( وردة قطر ) الله يفرج همك ويريح بالك آميييييييييييييييين

أريش العين... ههههههههههههههههههه لا سفرتي غير...

قطرية:.. هلا حبيبتي ههههههههههه والله سفرتي تضعف :(

بروح العمره اسبوعين غصب بضعف من الحر والحركه