تكملة الى بنات عروس الذي تم غلقه _ للتواصل.. الجزء الثالث

على كيفه ...

حياج معاي لووول ... بروحي مابي اروح بس يالله شنسوي :gum:


عسل وبس ..
ماشاء الله عليج .. استمري اختي ولاتخبصين وان شاء الله توصلين للمطلوب .. بس عندي سؤال لج هل كنتي تسوين رياضه مع الرجيم ؟


غلا الدوحه ...

حبيبتي انا جربت شوربة الملفوف ... وبالنسبه للكرفس جربت اكله طبيعي بدون ماسويه شوربه او اسلفه لولز :) واي استفسار حاضرين

اختي وردة قطر
انا بس امشي

الدكتورة قالت لي بس امشي ساعة لا تسوي رياضة لان الرياضة تطلع عضلات و تزيد الوزن


بس انا ما اقدر اوصل ساعة كاملة لان يجيني الم بالمفاصل

امشي من نص ساعة الى ساعة الا ربع و اذا صار عندي قوة ازيدهم الا الساعة

و يصرااحة ما كنت امشي كل يوم

^

اها حلو الكلام ...

بشرج الله بالخير :)


وسلامتج حبيبتي

:) :)

محتارة افطر و انام

او افطر لما اقعد من النوم ؟؟؟؟؟؟؟؟\


ايش رايكم

؟؟

^

نصيحتي لج ... افطري يوم تقومين احسن ... لان مب زين تاكلين وترقدين ... ويمكن بعدين يوم تقومين تحسين بالشبع وماتاكلين لووول او تاكلين على خفيف احسن من الحين ...


عاد انا اليوم مارقدت الا ساعتين من 2 لين 4 وبالغصب احس بتعب وخمول ... واصلا كنت يوعانه قبل مانام بس وعدت نفسي ماكل شي ... والحين يوعانه وبعد شوي بطلع ... بس انا مقرره من امس اني ماتريق ولا اكل شي


:sad:

لااا ما ينفع

اكلي لو تفااحة

^

تتوقعين ؟


اخاف يأثر لوووول

على حسب نوع الريجيم اللي بتسويه

اللي اعرفه ان التفاحة اللي حجمها متوسط او كبير فيها 100 سعر

و اذا خايفه من السعرات الخراريه

اكلي خيار

السعرات اللي فيه مرة قليلة

^

ايوه انا والله تقريبا حفظت اغلب الاكلات وسعراتها الحراريه .. التفاحه المتوسطه تعطيج 80 سعره والكبيره 100 على قولتج ... والخيار يعطيج 14 واذا نص كوب 7 والكرفس بس 4 لوووولز

صرت دفتر غذاء :)

صبااااااااااااح الخير
اشحاالكن بنيااات

انا توني ناشه تريقت وييتكم ..
ااااااااخ بااجر اخر يووم ويا هالريجيم ..:) وبقيييس وزني بعد يا سلااام مستاانسه

عكووفه
جديمك نديمك اونه .. لا حبييبتي ما اباااه يابلي السمعه السيئه خخخخخخ زين جيه مسميني ام البيض
اااااااااخ لا اذكريني بالعبااه .. ابااااهااااا :(
لين متى ان شاء الله ناويه اتمين جييه .. متى بتبدين حضرتج من اول ومن دون تخبييصات !!!!
دبه وحده .. مااا احبج :(

ورودة
احلى تانيب ضميير خخخخخخخ
انزين قوليلي الافوكادو كم سعره حراررية فيها .. هع هع هع يالله قولي
تعالي انتي وين بسافرين !! مكااان بعيد ؟؟ وين يعني ؟؟ امريكا استراليا ؟؟ وين ؟؟ اها يمكن المريخ

تراني خبرتكم اني امس ما خبصت
فدييتني ياربي ... ما سويت شي غلط ولعبت رياااضه ..

بروح اخذلي لفه في المنتدى

هلا اريوووووووشه والله ولج وحشه ... مادري انتي ليش ماتدخلين هالموضوع وايد ... ههههه احس ردودج شوي :gum:


الا صج وين ام وسام اختفت ليكون سافرت بدالي خخخخ :2_106: ان شاء الله المانع خير ...


نرجعلج يااروشه ...

اممم انا بسافر بلده بعيده شوي وياليت رايحه سياحه لالالا رايحه عندي كم شغله اهناك ابي انهيها < هههه روح يابزنس :D_smil1:

وبخصوص الرجيمات ... امس قسيت على نفسي بشكل مب طبيعي هههه واليوم نمت بس ساعه ونص وقمت الساعه 4 تميت قاعده لين 6 وانا يوعانه حدي ... قمت اقيس وزني < هوس جايني

جان القى المفاجأه الكبرى وزني صار 70.5 ههههه جااااااااان اشق الحلج والله :D_smil1: ماصدقت لووول قلت خلاص ولا باكل شي ولا بتريق ... هههه

وطلعت بعدها رحت اشوف اخصائية تغذيه وبصراحه عطتني كلام اعرفه ... وقالتلي لازم تاكلين عشان الشعر والجسم وانتي بنت وبحاجه الى فيتامينات والخ من هالكلام ... وعطتني نظام فيه 1500 سعره حراريه قلت في نفسي بل شنو هاي 1500 سعره فاليوم وايد وايد انا الحين احاول فاليوم اكل اقل من 700 سعره هههه :2_106:

وبس بعدين تميت اتناقش وياامي فالسالفه والرجيم والاكلات المعينه امي تقولي اكلي من كل شي بس بحدود ولا تاكلين حلويات ولا بيبسي وعادي اكلي اشياء ثانيه وجي ... قلتلها مادري انا متلخبطه وجي وبعدين قلتلها ساعات اتملل واقول مب مسويه رجيم ... عاد امي قالتلي ترا جسمج زين وجي من هالكلام اللي يشجع جان اشق الحلج هههه واقول خلاص باكل :2_106: ورديت البيت ... واطلع حرتي فالفطور ... اول شي كلت حبة كيوي وبعدين زبادي قليل الدسم مع خيار ههههههه اشرايكم في ريوقي الفله ... ماصدقت حد يقولي اكلي :2_106:

الا بعد شوي اختي تقولي ايه جسمج صار حلو قلتلها صج خلاص عيل باروح اكل هههههههه ماصدقت قالتلي لالا اقص عليج خخخخ وبس ماكلت شي ..

يمكن غداي بيض وسلطه او فواكه مادري على حسب الجوع ...

:2_106:


وعلى طاري الوزن ... يوم رحت اقيس قبل لاكل كان مستوي 71 قلت لحول ... الحين باروح اقيس وبشوف كم وصل


:2_106:

والله ماتحسون اني اكتب قصة حياتي اهني دايما :qaq:

ايه ونسيت اقولكم ... لووووول


ترا ضغطي طلع مرتفع وايد مادري ليش مع اني كنت ريلكس وماخذه شاور الصبح وكل شي تمام بس ضغطي مب راضي ينزل وهاي خامس مره اقيس :( امي تقولي مب زين واصلا الممرضات هناك سولي سالفه وبطلو عيونهم هههههه يقولون توج صغيره عاد انا اشدراني ليش جي وتقولي لاتاكلين ملح .. قلت في نفسي انا اصلا اكل من الاساس شي عشان نقولينلي لاتاكلين ملح لووول


وبس :)

وردة قطر

انت كم عمرك ؟؟

و كم طولك ؟؟

و كم وزنك ؟؟؟

و كم صار لك تتابعين عند اخصائية التغذية؟؟؟؟؟؟؟؟


اسمحي لي على التطفل

بس انا كمان اعمل ريجيم سعرات و عدد السعرات المقرر لي لهالاسبوع اقل بكثيررررر من اللي عطتك اياه الاخصائية

حي الله وروودة
فديييتج والله .. لاني حاليا مشغوله اشوي .. تدرين اخويه مطلعينه من المستشفى وماشاء الله اهلنا ومعارفنا كل يوم حد ايينا ..فما الحق ادخل
وغير جييه اني ااذا دخلت ادخل وقت النهار او بعد المغرب .. وما القى حد في الموضوع ... لانكم اظني تتيمعون في الليل ؟؟ صح وانا هالوقت ما اكون موجوده ..

شوفي وروده ..
كلام الدكتوره صح وكلام امج بعد ..
يعني الحينه شو الفايده تنقصين وزنج ويطيح شعرج وتخترب بشرتج وتتعبين !!! اتاكدي انج بهالطريقه بتردين شرى قبل ويمكن لاسمح الله اسوأ..
صدقها الدكتوره 1500 سعره اوكييه زينه ... خاصه لو كنتي بتلعبين رياضه وجييه
لكن اقل عن 700 ؟؟ انتي بتتعبييين .. ولا بترومين تواصلين وبتحسين باليووع والحرمان .. وهذا مب زين لانج بعدين بتريدن تهجمين عالاكل وتاكلين اكثر من قبل .. فهمتي كيف
سمعي كلااام ماماتج وابتعدي عن الحلويات والغازيات والكيك والفطاير والعيش وهالسوالف
لاتحرمين عمرج من الريووق .. تريقي عاادي .. حلو ريوقج .. كيوي وحليب low fat او روب وخياره .. كلي بس كلي المفيد واللي يشبعج واللي فيه اقل سعرات حراريه .. بس مب تحرمين عمرج
وبعديين لا اتمين تقيسين كل ثانيه .. بقولج شي انتي الحينه مثلا رحتي توزنين وطلع وزنج 70 مثلا اوكيه بعدين رحتي شربتي ماي ووزنتي .. الماي مافيه سعرات حراريه صح لكن لو رحتي وزنتي بتلقين وزنج زايد ..صح .. بس هذا مب وزنج الصدقي .. لانه الماي ما ياثر اصلا
انتي احسبي من اليوم مثلا شوفي كم وزنج .. اوكيه الخميس الياي وزني مره ثانيه وشوفي كم نقصتي .. ووزني اول ما تقومين من الرقاد الصبح يوم يكون بطنج فاااضي .. فهمتي
اما انج تقيسين كل حن وكل ساعه مامنه فايده صدقييني .. بتعقدين عمرج ..

كتبي قصة حياتج شو المشكله هههههه

تعالي ابى اسالج سؤال عن السويت مال همسة الشوق
الحينه شو يعني كريمة سائله لاني ابى اسويها مره ثانيه بس من دون تخبيص ؟؟

ضغطج مرتفع ؟؟؟؟
غريييبه والله
يالله ان شاء الله بينزل بعد اشوي ..
فدييتج يا ورووده

فديتكم كلكم والله واروووشه بشكل خاص هههه


حبيباتي بارد عليكم فليل لاني تعبانه حدي ومارقدت اليوم عدل ويمكن اطلع العصر واول مافضى بارد


وبجاوب على اسالتكم وردودكم وبكمل قصة حياتي ههههههههه شوراي يعني لولز

سلااامتج حبوووبه
خلاص نتريا ردج لين فضييتي .. :)

مساء الخير...

ورده بتذبحين نفسج @@

ماعندج سالفه أكلي حبيبتي لاتسوين دايت

بخصوص يعني... انا مخففه والله بس ما اتبعت رجيم معين مالي مزاج..
وبسافر أول 8 وبسوي رجيم من 1-8 وبقولكم ايش يصير معاي خبركم مشي وحركه بخف اكثر في السفر

بنات اللي جربت الكرفس تقولي اضعفت عليه ولا لا

مووون
هلا والله
انتي وينج ما اشووفج ابد ؟
امممممممم تدرين حتى انا بسافر على اخر سبعه .. لكني وايد خايفه .. منوه قال انه السفر يضعف ؟؟
انا اشوف العكس في السفر صح مشي وايد لكن بعد نااكل وايد وخاصه اكل المطاعم ونكثر من الجوكلت والشيبس اهيء اهيء .. انا يزيد وزني يوم اسافر ؟؟
وخايفه واحاتي السفر وايد لاني ما اريد اخرب !!!!