حوامل وامهات مصر تعالوا نتجمع

أزيكو يا حوامل

انا معكم بنات انا من اسكندريه وحامل في الشهر السابع ايه اخباركم كلكم والله كل بنات مصر واحشني كتير بنات وخصوصا بنات اسكندريه في دكتوه هنا في باكوس علي الترام اسمها مني جاد بنات انا مش غرضي التشهير بيها بس واله وربي يعلم الدكتوره دي انا تابعت معاها اربع شهور الاولي في حملي ولا عطتني حمض فوليك ولا فيتامينات ولا شئ وكنت تعبانه جدا وبرجع و مش باكل وهي عادي ولا تديني حاجه تمنع ولا حقن ولا حاجه لحد ما اتنقلت المستشفي وكانت تجبني كل اسبوع او 10 ايام لعمل سونار وده غلط علي البيبي بنات اللي و بعدين سألت عليها عرفت انها مش عندها ضمير في الولاده بنات خلي بالكن والله

اهلا فيكي يا امة الله ربنا يقومك بالسلامة يا رب
يارب تبقي دلوقتي متابعه مع حد كويس , انا قلبت الدنيا على وحدة كويسة مالقتش ابدا عشان كدة بتاببع مع دكتور , ربنا يستر يارب... بس انا قلت دول اطفالنا و لازم نتحرّى احسن حاجة ليهم عشان دول امانه

smamedo ازيك انت انا الحمدلله كويسه

باقي البنات رور و نور و توتونوتو في ايه انتو بتختفوا ليه؟؟
ماحدش قاللي حاجة عن تجهيزات البيبي ايه رأيكم
ولا انتو مصدومين من كتر الحاجات اللي انا كاتباها , ماهو طبيعي ان البيبي حيكلفنا كتير بس مش لازم نجيب كلّو مرة وحدة انا ماجبتش كل الحاجات دي

jassylovley طمنينا عليكي كل ماتدخلي ياريت

السلا عليكم يا بنات
امة الله انا اعرف دكتورة كويسة اوى فى غبريال اسمها عفاف شوقى على محطة غبريال تقريبا وهى مشهورة جدا والله عارفة انا بتابع معاها وانا هنا فى زامبيا طيبة وتحسيها امك وتخاف عليكى اكتر
مناليزا ما شاء الله عليكى بس حاسة فى حاجات ناقصة

سما ميدو عامله ايه قوليلنا انتي في الشهر كام وايه اخبارك
امة الله ازيك ياقمر ايه اخبارك المهم انك تكوني لاقيتي حد كويس اهم حاجه الولاده لو دكتوره مش كويسه ها تبقى مشكله ربنا يقومك بالسلامه
مناليزا بجد شكر جامد جدا على حاجات البيبي هي كتير شويه بس مش كتير على حبايبنا
جيسي ايه اخبارك
نور و رور وكل العسلات عاملين ايه؟؟؟؟؟؟؟؟؟؟

اصحااااااااااابي واخواتي حوامل مصر الحلوين
عاملين ايه
انا الحمد لله بخير بس طبعا نفسيا ( الحمد لله ) مش اوي معلش وهو ده اللي بيخليني مش باكتب
يعني مش كل ماتشوفوني تلاقوني اخباري مش سارة
انا الاربع اللي فات روحت للدكتورة وقالت لي الربع الجاي هز اخر اربع في الشهر التاسع لو ماكنش في تطور حتحدد لي معاد تولدني قيصري والله انا اول ما سمعت احبطت بس لما فكرت ان ممكن ربنا يكون كاتب لي كده وانه لو مكتوب لي اولد طبيعي حيحصل وانا بحاول احسن من نفسيتي وبقول مش مشكلة كده او كده حتى الناس كده بيحاولوا يطمنوني وانا سلمت امري لله بس حاحاول اجرب زيت الخروع الاول مع اني خايفة اوي من كل حاجة ومش بس خايفة على نقسي من الولادة لا انا كمان قلبي واكلني على البيبي انتوا ايه رأيكم اعمل ايه


مناليزا حبيبتي
كل اللي انتي كتباه صح ماشاء الله عليكي مش ناسية حاجة
بس في حفاضات الصدر لو ماجيبتيهاش عشان دي مهمة على الاقل وانتي لسة في المستشفى
وربنا يسهل لينا كلنا ويكمل للكل على خيير امين يارب


















يارب احفظ لي ما في بطني

وابعد عنه وعني وعن والده شر الحاسدين

اللهم اجعله خير خلف لخير سلف عن والديه

اللهم حسن خلقه وخلقه ..

اللهم أعذه من شياطين الأنس والجن..

اللهم سهل ويسر حمله وولادته..

اللهم أقر عيني وعين والده به..

اللهم ارزقني ولدا بارا واجعله تقيا ذكياجميلا

واجعله سليما معافى ولا تجعل في خلقه زيادة ولا نقصان

ازيك يا حوامل اخباركم اية
سما ميدو اخبارك اية
توتونوتو يارب تكونى بخير
مناليزا يا معقدانى عاملة اية دة الواحد مفكر ان هم اللبس اتشال من علية دنا عاوزة لى شهر حتى اخلص اشياء البيبى قال انا بكلم ماما وبقولها جبت حاجات البيبى ههههههههههه الله المستعان
نور ازيك يا قمر اخبار البامبينو اية انشالة تمام نصيحة منى يا نور اشترى اغراض البيبى بنفسك دى احلى متعة انك تختارى لبس البيبى بتاعك بايدك و اسالى البنات حتى اذا كلامى صح ولا غلط

جيسى الله المستعان باذن الله ربنا حيبعت لك ولادة مفيش اسهل منها وماتعرفيش فى ناس كاونا قايلين لهم قيصرى وولدوا طبيعى و العكس وحتى لو قيصرى شدى حيلك اهو كلة محصل بعضة القيصرى زى الطبيعى يعنى الاتنين عاوزين صبر و ربنا يقومنا كلنا بالسلامة يارب

امة الله فوضى امرك لله منها لله الدكتورة الى رحتى لها انا اعرف دكتورة كنت بتابع معاها لما كنت فى اسكندرية كنت بروح لها المستشفى الالمانى و بعد كدة اخدت عنوانها و عيادتها جمبك فى شارع مصطفى كامل ودكتورة ممتازة اسمها صباح غريب اذا تحبى اديكى رقمها و عنوانها انا تحت امرك والدكتورة التانية منها لله ربنا يجازيها باذن الله على الى عملتة

انا الحمد لله دلوقتي احسن بتابع مع دكتوره ونفسيا مرتاحه معاها هي في الاقبال اسمها جيهان و اعرف ناس والدين معاه مرتين وده مطمني و الحمد لله بس شكلتي اني انا مهمله جدا وبنسي خالص اشرب الكالسيوم والحديد بنساهم تماما مع ان هي كتباهملي دوا شرب عشان انا اي اقراص بتقف في زوري ومش بتنزل ورغم كده بنسي اشرب

حرام عليكى البيبى مش كفاية الدكتورة الى ما عطتك الفوليك اسيد سوى منبة او اكتبى ورقة حاولى تعوضى حرام مع الوقت بتتعودى هوانتى حملتى قبل كدة؟

بنات jassylovly ولدت امبارح و رزقها ربنا ب يحـــــيى

الف مبروك لجيسى اخيرا ولدت الحمد لله على سلامتها بس ياريت تطمنينا عليها

هي الحمد لله كلمتني النهاردة الصبح و صوتها كان كويس قوي حمد لله

كانت خارجة من المستشفى و قالتلي انها ولدت طبيعي و ان ولادتها كانت ميسرة الحمدلله

بس لسه ماعرفتش قصتها

ان شاء الله ترتاح شويه و تبقى تكتبهالنا بنفسها

ان شاء الله سبحان الله كانت خايفة بس لما ربنا اراد الحمد لله عقبالنا يارب

:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap:

مبروك مبروك مبروك جيسى وعقبالك يا مناليزا الدور عليكى والله قلت الى تخافى منه ما يجيش احسن منه
عقبالك يارور يارب وما تنسوناش من الدعاء
عقبالكم يا بنات مصر

انا طبعا كل ما اسمع ان حد خلّف اعصابي تتعب

كل الناس حاسة انها بتولد و انا قاعدة :(

لولولولولولولولولييييي
الف مبروك يا جيسي سبحان الله ربنا يسر والولاده كانت طبيعيه ربنا يبارلك في يحيى
عقبالك يا مناليزا ورور ونور وامة الله وانا كمان وكل الحوامل يااااااارب

:shy: السلام عليكم ورحمته وبركاته:shy:
أزيكو عملين أيه
أزيك يا رور
اخبارك ايه
وأيه اخبار الحمل
والحوامل معاكى
على فكرة انا فى السادس دلوقتى وعرفت
النوع والحمد لله
زى ما كان نفسى
ربنا
يدى الكل إلى
نفسهم فيه يارب
والمهم طبعن باذن الله
({) نولد(}) أطفال بصحه وعافيه يارب ده المهم

نور ازيك عاملة اية
مناليزا عقبالك الدور عليكى يارب تولدى بالسلامة وتدخلى تحكى لنا قصة ولادتك يارب
سما ميدو ربنا يكمل لك على خير يارب
ربنا يستر انا كل ما يوم يعدى اترعب والهى ربنا يستر و يقومنا كلنا بالسلامة يارب

يارب يا رور
ومالك كدة ايه الى حصلك ده انتى ما كنتيش كدة

مش عارفة واللهى يا نور الخوف مالينى خصوصا ان دلوقتى التقلصات زايدة و بتالمنى ومخوفانى من الم الولادة انا كنت عاملة شجاعة مع انى خوافة بس طلعت نيلة على الاخر خصوصا لما حسيت انى دورى قرب يعنى تقريبا انا الى بعد موناليزا ربنا يستر