حوامل وامهات مصر تعالوا نتجمع

جيسي رور
ربنا يخليكم ليا ومتشكره اوي لنصايحكم
جيسي انا فعلا باحاول اكل الحاجات المفيده بس مشكلتي القئ فظيع وانا خلاص قررت اني اغير الدكتوره حتشبسوت هههههههههههه:gum:
رور انا في القاهره وبالتحديد في مصر الجديده وياريت تقوليلي على دكتوره شاطره معلش هل تعبك ياقمر:shy:
ربنا ييسرلكم ولادتكم يارب انتم وكل امهات المستقبل

توتونوتو انا رأي من رأي جيسي لو مش مرتاحة نفسيا من الدكتورة بتاعتك سيبيها من دلوقتي

و ما شاء الله مصر مافهاش غير دكاترة نساء و كمان انا دايما عندي اعتقاد ان اغلب دكاترة

النساء الستات ببقوا واخدين الولادة بالخبرة اكتر منها بالعلم

يعني ببقى عندها الناس كلها اسطمبة واحدة

و بالنسبه للحلبه و القرفة يا جيسي انا قالولي زي ما رور بتقول انها مش كويسه في الشهور

الاولى بالذات ان توتونوتو بتقول انها بتاخد مثبتات و ماتنسيش ان الحلبه دي بتاخدها الواحدة

و هي في النفاس .

انتي يا جيسي طمنينا عليكي عملتي ايه في كشف النساء يوم الأربعاء

و طمنينا كمان عن صحتك و نفسيتك

مناليزا
مرسي يا عسوله قوليلي انتي اخبارك ايه

حبيبتي رور انا الحمد لله احسن نفسيتي والله اديني بحاول
بالنسبة للسونار انا ان شاء الله حامل في يحيى (ولد) باذن الله وطبعا لازم احكي لكم على قصة الولادة ولو ربنا قدرني كمان حبقى اقول لكم وانا نازلة المستشفي بس انتوا ادعوا لي
بصي انا بدأت اشرب واكل الحاجات المفيدة دي زي ماقلتلكم بعد الوحم انا خلصت الوحم من اول الشهر الرابع قوللي مرة اه ومرة لا لحد نص الرابع وطبعا في الوقت ده بيكون احتمال الاجهاض قل كتيير وبعدين انا اللي اعرفه انه مش الحلبة هو اي مشروب سخن زيادة عن اللزوم يعني مثلا انتي عملتي الحلبة ولسة منزلاها من على النار حطي عليها بقى اللبن ساقع بحيث يظبط الحرارة بلاش تشربي حاجات سخنة اوي في الاول ولا في الاخر مش مضطرة يعني وربنا معاكي يارب وفي الاول ولاخرسيبيها على ربنا البيبي طالما ليه رزق في الدنيا لازم يجي الدنيا عشان ياخده
صح ؟
يا توتو يا حبيبتي الوحم ده كلنا عانينا منه اول ما ربنا يكرمك كده ويخلص على خيير عليكي بالمفيييييييييييييييييييييييييييد
منمن حبيبة قلبيييييييييييييييي
انا الحمد لله بخيير انتي عاملة ايه دخلتي التاسع ولا لسة
بالنسبة للكشف انا كنت مواعداكي اتصل بيكي لو كان خفيف بس للاسف سوء النفسية خلاني معرفتش اتصل بيكي
الحمد لله كشفت
بصي انا مش حضحك عليكي هو مؤلم بس مش لدرجة انك حتى تقوللي اي يعني انا حسيت بالالم بس الم بسييييييييييييييييط حتى فعلا مش مستدعي ال آه ومجرد ما خلصت كشف خلاص ولا كان كان في حاجة والكشف كله ماخدش دقيقتين لا اقل يالة ربنا معاكي وطمنيني عليكي
القرفة هي طلبت مني اشرب قرفة فبلاش القرفة لكن الحلبة كنت باشربها والله باللبن بس دافية

















يارب احفظ لي ما في بطني

وابعد عنه وعني وعن والده شر الحاسدين

اللهم اجعله خير خلف لخير سلف عن والديه




اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني وعين والده به..
اللهم ارزقني ولدا بارا واجعله تقيا ذكياجميلا
واجعله سليما معافى ولا تجعل في خلقه زيادة ولا نقصان

هي نور الشمس اختفت فيين حد يعرف عنها حاجة

ازيكم يا بنات عاملين اية جيسى و موناليزا و توتونوتو يارب تكونوا بخير
توتونوتو بالنسبة للدكتورة الى فى القاهرة الى اختى ولدت عندها فى الهرم اذا حابة اجيب لك رقمها و عنوانها
نور الشمس من كام يوم نزل عليها دم ومرعووووووووووبة بس ان شاء الله خير يعنى بسيطة باذن الله على حسب وصفها المهم يا نور الشمس لو حتدخلى بكرة معلش والهى النت زفت عندى عشان هنا بيقعدوا يستموتوا على النت يوم الجمعة بيبقى بطىء اوى و انتى شكل القرود قطعت سلك النت عندك ههههههههههههههههههههههههه
ابقى طمنينى عليكى بكرة و ان شاء الله لو عملتى التحليل المنزلى ابقى قولى لى النتيجة و طمنينى باذن الله لحد ما ادخل تانى

السلام عليكم ورحمة الله وبركاته
ازيكوا يا حوامل يا حلوين يا رب تكونوا كلكم بخير وتقوموا بالسلامة يا رب وتولدوا كلكم طبيعي يا رب ويديكوا بيبهات شبهكم كمان لان ديه احلي حاجة في الدنيا ان البيبي يطلع شبه امه اللي تعبت فيه طول الحمل (r)
بقولكوا ايه يا بنات في سؤال بيطرح نفسه وانتوا كدة في وسط المعمعة بتفكروا تيعدوا التجربة ديه تاني ولا لا وامتي ؟:shy:

ازيكم يا امهات كلكم واحشتوني :)

جيسي انا دخلت التاسع الحمد لله بس نفسي اولد و اخلص بقه انا زهقت من شكلي

عايزة ابتدي امشي و اشرب قرفة يمكن البيبي يطلعلي بسرعة و اكل تمر

عايزة اعمل كل حاجة ممكن تساعدني في سرعة الولادة

ام فريدة مش لمل تخلص التجربة اللي احنا فيها الاول على خير ده احنا حتى لغاية دلوقتي

ماشوفناش نتيجة التجربة الأولى :)

توتو و نور الشمس و رور و نور العيون و كل الامهات المصريات ازيكم؟

ربنا يقومنا كلنا بالسلامة يا رب

[grade="00BFFF 4169E1 0000FF"]دلوقت كلكم نفسكم البيبي يطلع وتشوفوه وتخلصوا من الحمل صح؟
صدقووووووووني بعد اسبوع او اقل حتقولي هو مينفعش يدخل تاني ؟[/grade]:gum:

جيسي نور الشمس رور ام فريده مناليزا نور العيون
ايه اخباركم
انا حظي وحش لاني مش باقابل اي واحده اون لاين
رور ميرسي يا جميل بس الهرم بعيد اوي اوي عني
ام فريده اكيد مش ها نفكر نكرر التجربة تاني دلوقتي لاننا عايزين نخلص وخلاص للكن مليون اكيد بعد كده ها نكررها بس انا نفسي البيبي يطلع احلى مني نفسي في بنوته او ولد ملونين كده وحلوين زي بتوع الاعلانات

كل الناس قالتلي كده يا ام فريدة ان الوحدة دلوقتي مش شايلة هم تأكله ايه, تشربه ايه,

تنيمو امتى, عيان ولا لأ, عندو تطعيم , توديه فين لو عايزة تروح مشوار ..............................

قصص البيبي كتير انا عارفة ,, بس هو البني ادم كدة , ماشي على مبدأ وقووع البلاء ولا انتظاره

(مع الفارق طبعا و احترامي للنعمة العظيمة اللي ربنا رازقنا بيها و هي العيال)

أخواتى الاعزاء(f) (f) (f)
ازيكوا كلكو اتمنى ان تكونوا بألف صحه وعافيه
انا الحمد لله كويسه بس طبعا الواحد بقى تقيل اوى فى الحركه ربنا يعدى الايام اللى باقيه على خير
وبعدين اه طبعا اكيد البيبى ها يبقى متعب بس نعمل ايه دى سنة الحياه ماقبل الحمل برضو كنا عارفين ان الحمل متعب بس برضو حملنا وربنا بيقوى وان شاء الله يكون الوضع مع البيبى كويس ان شاء الله وربنا يرزقنا بأطفال كويسين ويكونوا مريحين
وأكيد ان شاء الله ها نكرر التجربه كل واحده وهيا بتولد بتقول أخر مره وبعدين الوقت بيعدى وبتنسى وبتكرر التجربه تانى وربنا بيقوى

:shy:

اخواتى الغاليات كرا ع سؤالكم على
الغالية رور انا اسفة لان النور اتقطع امبارح :shy: :shy:
الغاليات
نور العيون
ام فريدة
مناليزا
توتو
وحتونى جدا وطمنونى عاملين ايه يا امهات المستقبل
الغالية جيسى ربنا يفومك بالسلامة وطمنينا عليكى

اسفة ع الغلطات الاملائية بس اعذرونى بكتب وانا نايمة ع ظهرى

ام فريدة
اهلا بيكى معانا اخبارك اية بالنسبة للخلفة تانى على راى موناليزا حرام عليكى خلينا ننزل الى فى بطننا الاول و بعدين نفكر فى واحد تانى والى انا متاكدة منة انى بعد يومين مش اسبوع حقول للبيبى ارجع بطنى تانى لان خلقى ضيق بس يمكن لانى حكون ام انشاء الله ربنا يدينى طولة بال بس فى كل الاحوال انا لو فكرت باذن الله اخلف تانى حيكون لما الكتكوتة الى انا حامل فيها تدخل المدرسة باذن الله
مناليزا عاملة اية مبروك كلها شهر و احصلك ان شاء الله بس نصيحة منى بلاش تاخدى لا قرفة ولا حلبة دلوقتى غلط امشى اوك انا قريبت فى منتدى من المنتديات ان واحدة كانت مستعجلة و عملت كدة جالها زى الطلق و تعبت و الدكتورة زعقت لها كل شىء باوانة ما تستعجليش وكل يوم يقعد فية البيبى فبطنك فايدة ليةو على راى الى بيقولوا لى بكرة تعيطى علشان تعرفى تنامى ههههههههههههههههههه ربنا يقومك بالسلامة يارب
توتونوتو
اخبارك اية معلش الدكتورة الى واثقة فيها موجودة فى الهرم بس برضوا فى كل الاحوال حاولى انك تغيرى الدكتورة حتشبسوت ما تسكتيش و ربنا يقومك بالسلامة يارب
نور الشمس
لو دخلتى طمنينى عليكى عملتى تحليل الحمل ولا لاء اوعى تطنشى

حبيباتي الحوامل كيفكم؟:shy:
ارجو زيارة الموضوع التالي و ابداء رأيكن!

:( :( :(

جيسى يا رب تكونى ولدتى بالسلامة ياااااااااااااااااااااااااااااااااااااااااااااااااارب

نور الشمس مستنيلكى تطمنينا عليكى النهردة امانة فى رقبتك اول ما تدخلى تطمنينا وان شاء الله خير و يثبت لك حملك اللهم امين