حوامل وامهات مصر تعالوا نتجمع

شكرا يا رور انتي و توتونوتو على المعلومات بتاعة المشد دي خلاص ححاول اربطها بطرحة او حاجة

بالنسبة لبواسير الحمل ماعرفهاش دي بتيجي امتى و ازاي؟

والله يا توتونوتو انا لا فارقة معايا طبيعي من قيصري كل اللي يجيبو ربنا كويس بس بدعي انها تبقى ساعة سهلة و طفل سليم

بس الواحد بجد حاسس ان الوقت مابيعديش الحقيقة اللي بصحى عليها كل يوم اني لسّه حامل :)

ربنا ييسرها علينا كلنا امييين

هاى يا بنات اخباركم اية
موناليزا ما تستعجليش بكرة تولدى باذن الله و يطلع عينك لا نوم ولا راحة بكرة تشوفى انا كنت مع اختى بعد ولادتها وعانيت فما بالك لما تكونى انتى المسؤلة ربنا يعينا يارب و بعدين انا بسمع انك بس تدخلى التامن الوقت بيجرى ودة الى انا حاساة حاسة ان الشهر بيجرى على العموم كل شىء فى اوانة وربنا ييسر لك حالك باذن الله بس ما تنسيش تطمنينا زى ما طمنتينا على جيسى باذن الله
توتونوتو ونور اخباركم اية يا حلوين و اخبار الحمل و الوحم معاكم اية ان شاء الله تمام
اية رايكم يا بنات كل واحدة تقول هى مخططة تولد ازاى يعنى بالنسبة للتخدير وكدة

انا عن نفسي يا رور كنت عايزة اخد حقنة الضهر دي بس بتهيألي مش حاخدها عشان سمعت ان ساعات ببقى ليها اضرار و عشان سمعت ان الواحدة لمّا تبقى متخدرة من تحت مابتقدرش تعمل push زي لمّا تبقي حاسه بوجع الطلق

و انتو يا بنات ناويين على ايه ان شاء الله؟

انا ان شاء الله ناوية على الماسك اذا ربنا اراد بس لسة بفكر و ربنا ييسر ان شاء الله لما نشوف البنتا ناويين على اية و نجمع اراء

السلام عليكم

ربنا يقومكم بالسلامه والف مبروك للى ولدوا والف حمد الله على السلامه
ازيكم يا بنات مصر انا اسمى سلوى وساكنه فى مدينه نصر

ادعولى انى اشترك معاكم قريب

اهلا اهلا يا كات معانا في رابطة مصر

ان شاء الله ربنا يرزقك و تبقي مشتركه معانا و يتمملك على خير اميييين

انت لسه متجوزة يا كات؟ و ده ان شاء الله اول حمل؟

رور هو ايه الماسك ده؟

هاي يا جماعة
ايه اخياركم
ارجو تقبلوني عضوة جديدة معاكو
انا لسة يادوب حامل جديد واكيد بستفيد من كلامكوا جدا

وعايزة اقول ل رور بالذات ارجو انك تساعدي انا من متابعتي لكلامك لقيتك بتقولي انك تعرفي دكتورة كويسة في الهرم ممكن اعرفها ارجوكي
واشكرك جدا
واشكركم كلكم

السلام عليكم
أزيكو ياحوامل
ممكن أنضم معاكو
انا فى الشهر السادس وعرفت نوع البيبى والحمد لله زى مكان نفسى والحمدلله ولد يارب يكون
بصحه وعافيه يارب

اهلا يا samamedo معانا في حوامل مصر

ربنا يكرمك و يرزقك بالذريه الصالحة

فينكم يا بنات اختفيتو تاني ليه

فينك يا توتونوتو و يا رور و يا كل البنات؟

شموسه مبروك الحمل وربنا معاكي
سما ميدو الحمد لله ان نوع البيبي زي ما انتي عايزه وربنا يكرمك
مناليزا نحن هنا ما اختفيناش ولا حاجه
رور اخبارك ايه انتي ونور الشمس


بالله عليكم تدعولي لان عندي مشاكل في شغلي كتيييييير معذباني

ربنا معاكي يا توتونوتو و يعديلك المشاكل دي على خير يارب

هو مجال شغلك ايه؟

مناليزا:
ربنا معاكي يا توتونوتو و يعديلك المشاكل دي على خير يارب

هو مجال شغلك ايه؟

ربنا يخليكي ياقمر انا باشتغل معيده في الجامعه وكنت فاكره ان ده وسط راقي ومتحضر لكن للاسف كل يوم باكتشف عيوب وحاجات لايمكن ان حد يتخيلها في الوسط ده

ربنا معاكي يا توتونوتو
ما فيش مكان في الدنيا الا و فيه الحلو و الوحش

:( :( :(

shamosah اهلا بيكي في حوامل مصر نورتي الرابط
انتي في الشهر الكام؟
ربنا يسهل عليكي و يكملك على خير
انتي عايشه في مصر ولا مغتربه برضه؟

ازيكم يا جماعة وحشتووووووووووووووووووووونى اوى
بس معلش اعذرونى الوحم صعب اوى اوى ربنا يسهلنا كلنا ياااااااااااااااااااااااارب
ازيك يا مناليزا امتى ميعادك؟
توتونو عاملة ايه انشاللة ربنا ييسر امورك فى شغلك وحملك
رور انتى فين وحشتينى

نور ربنا معاك في الوحام هانت بكرة كل ده يروح ان شاء الله,, انا بقالي اسبوعين في التاسع و فاضللي اسبوعين كمان و الدكترو مديني مهلة 10 ايام في العاشر :(:(:(
ادعيلي اولد قريب و مادخلش في العاشر دي صعبه قوي :(
توتونوتو طمنينا عامله ايه في شغلك دلوقتي؟
رور انتي فين ؟طمنينا عليكي

السلام عليكم
ازيك يا مناليزا
وانتى يا رور عمله ايه
على فكره يا مناليزا عشان نقفل رابطة حوامل مصر مش بيدى

السلام عليكم ...
انا ام مصرية ولدت طفلي الاول من حوالي 4 شهور بس ولدت قيصري
مع ان الرحم كان فتح حوالي 8 سم بس البيبي كان الحبل السري ملفوف علية بشكل غير طبيعي حتى الدكتورة الله يكرمها قالت لي ان هي اول مرة تشوف حالة زي حالتي من 16 سنة
وكان كمان البيبي نبضة ضعيف جدا والحمد لله ربنا وفق الدكتورة وفهمت وضعي وولدتني بسرعة قيصري بصرااحة الدكتورة دة ممتازة اللي محتاج اسمها منكم يا بنات مصر يقول لي او يبعت لي رسالة يلا ربنا يقومكوا كلكوا بالسلامة ان شاء الله..
السلام عليكم