حوامل وامهات مصر تعالوا نتجمع

ربنا معاكى يا مناليزا وميعديش اسبوعين الا وانتى شايفة سلامتك والبيبى
انا بقى فضلى 32 اسبوع بس ؟؟؟
هانت صح هههههههههههههههههههههههههه

ادعولى يا بنات ربنا يعديلى حملى على خير ويثبتهولى
انتى فين يا رورررررررررر

اختى هاجر حمد الله على سلامتك انتى وابنك وما تشوفى فيه شر
كان نفسى اسالك على الدكتورة
بس يا خسارة انا فى زامبيا مش فى مصر الحبيبة
الحمد لله

ازيكم كلكم ايه اخباركم
جيسي غيبتي علينا عايزين نعرف قصة ولادتك طمنينا عليكي وعلى يحي
مناليزا اخبارك ايه لازم تدخلي كل يوم علشان اليوم اللي ماتدخليش نعرف انك ولدتي بالسلامه
رور الدور عليكي بعد مناليزا قوليلنا ايه اخبارك
نور الشمس انشاء الله حملك يثبت وشهور الوحم تعدي هوااااا وهاتبقي كويسه
سما ميدو فينك انتي وشموسه
هاجر ربنا يخليلك ابنك ياريت تقوليلي الدكتوره اسمها ايه وكمان عنوانها
ياريت يابنات نقول كل واحده وصلت لايه والاحوال بتاعة الشهر والتغيرات اللي بتحصل عشان السابقون يفيدو اللاحقون
انا حاليا في الرابع خلصت شهور الوحم وحاسه اني ابتديت اقدر اكل غير الاول بس حاسه اني ابتديت اتقل شويه ربنا معانا ويقومنا كلنا بالسلامه
شكرا لكل اللي سال عليا انا الحمد لله لسه زي ما انا اتعودت او تقدرو تقولو نحست
تخيلو:no: :no: :down: ان المشرف بتاعي مش عاجبه اني حامل وعايزني انزل البيبي ومتضايق اني قولتله ما ينفعش وفي المقابل بيشغلني وينزلني مشاوير بشكل مستفز وكلهم قالبين علبا عشان كده عايزين اهتم بالدراسه ومستقبلي بعدين افكر في اي حاجه تانيه شوفتو تخلف اكتر من كده:angry: :angry: :angry: :angry: :mad2: :mad2:

جيسي انتي هنا حمدالله على سلامتك ياقمر والف مليون مبروك على يحي طلع شبهك ولا لا:think: :think:

ازيك يا هاجر معانا ان شاء الله نستفيد من تجاربك مع البيبي .. ربنا يخليهولك

نور الشمس ماتقلقيش الايام دي هتعدّي هوا , هو بس اللي مابعديش الشهر التاسع :)

توتونوتو ان شاء الله ححاول ادخل كل يوم و اطمنكم , و بالنسبه للشغل ربنا يهديلك الدكتور بتاعك .. هو انتي بتدرسي في كليه ايه؟

في كلية التربيه بس مع ناس قليلة التربيه

ربنا يعينك والله يا توتونوتو و يهديلك الدكتور دة
انا حاسه والله و مجربه يعني ايه الذل ده
ربنا ينتقملك من الظالمين يارب
اصلا الحامل دي ببقى فيها الي مكفيها مش ناقصه ذل و قرف
اصبري حتعملي ايه ربنا معاك و يعوضك

اه من الوحم اه والغثيان اه احقووووووونى؟؟؟؟؟؟؟؟؟؟؟؟؟؟؟

بنات انا مصريه ومغتربه في السعوديه واوالده لسه من اربع شهور واي حد عاوز مني حاجه انا تحت امركم وربنا يوفقكم كلكم
والاخت اللي خايفه من حقنه الظهر انا الحمد لله اخدتها وريحتني جدا وربنا يقومكم بالسلامه يا رب

وبالنسبه للبواسير انا كنت حصادفها في ولادتي الاولانيه بس الحمد لله كانت معايا بنت عمتي وهي نبهتني
الوضع ان بتحسي بزق وان البيبي نازل خلاص وطبعا بيكون لسه الدكتوره مابداتش تولدك ولا حاجه يعني لسه في اوضتك فلا اراديا بتبداي تزقي لورا يعني سوري في الكلمه بتعملي بيبي بس من ورا وطبعا ده فورا ينزل بواسير المفروض لما الدكتوره تاخدك مكان الولاده وتقول لك زقي تزقي غير كدى تاخدي نفس وتطلعيه لبره ....فاهمين طبعا التمرين ده,,,,,,,,,,,,,,,,,,,,,,,,,,,وربنا معاكم يابنات

نور ربنا معاك خلاص هانت خلاص كلها كام يوم و كل دة يروح و تستمتعي بأحلى 3 شهور في الحمل اللي هم الرابع و الخامس و السادس والله انا لما كنت زيك قعدت اقول انا مش مصدقة ان الوحدة ممكن بعد ما يحصلها كل التعب ده تفكر انها تجيب عيال تاني و دلوقتي انا ناسية اصلا ايه اللي كان بيحصل و حاسه انه كان عادي قوي.. اصبري على رزقك امال لمّا تشوفي الشهور الأخيرة بتاعة التقل حتقولي ايه :):):)
انا مش بخوفك والله هي مش صعبة خالص زي الشهور الأولانيه بس متعبه شويه
ربنا معاكي و يكملك حملك على خير و يرزقك بأسهل حمل في الدنيا و اسهل ولادة.

ميدواوا اهلا وسهلا بيكي ان شاء الله تفيدونا انتي و هاجر و ربنا يخليلك البيبي و يحفظهولك.
هو البيبي نوعه ايه و اسمه ايه يا هاجر و يا ميدواوا؟؟

ربنا يومنا بسلامه

[QUOTE=هاجر ضياء]السلام عليكم ...
انا ام مصرية ولدت طفلي الاول من حوالي 4 شهور بس ولدت قيصري
مع ان الرحم كان فتح حوالي 8 سم بس البيبي كان الحبل السري ملفوف علية بشكل غير طبيعي حتى الدكتورة الله يكرمها قالت لي ان هي اول مرة تشوف حالة زي حالتي من 16 سنة
وكان كمان البيبي نبضة ضعيف جدا والحمد لله ربنا وفق الدكتورة وفهمت وضعي وولدتني بسرعة قيصري بصرااحة الدكتورة دة ممتازة اللي محتاج اسمها منكم يا بنات مصر يقول لي او يبعت لي رسالة يلا ربنا يقومكوا كلكوا بالسلامة ان شاء الله..
السلام عليكم[/QUOT
الف مليون مبروك للحوامل ويارب تقوموا بالسلامه
والف مبروك للولاده وقاموا بالسلامه وعقبال الباقى
هاجر الف حمد الله على سلامتك والف حمد الله على سلامه البيبى
ممكن رقم وعنوان الدكتوره علشان صديقتى حامل ومحتاجه دكتوره مضمونه ولو البنات يعرفوا حد كويس فى مدينه نصر او مصر الجديده

ازيك يا سماميدو الحمد لله ان ربنا نولك الي نفسك فيه ربنا يكملك على خير و تشوفيه بالسلامه و بعد كدة تشوفيه عريس يا رب :):)
بالنسبه لنوع البيبي هو بيبان من اول الرابع كمان و كل مالشهور بتعدي كل ما يبان اكتر

cat2006 ان شاء الله البنات يفيدوكي انا من الاسماعيليه و ماعرفش حاجة عن القاهرة

شكراً يا مناليزا
ربنا يومك بسلامه
وتكتبى لينا قصت الولاده

شكراً يا مناليزا
ربنا يومك بسلامه
وتكتبى لينا قصت ولادة

ياجماعة انا الحمد لله ولدت وجبت بنوتة زى القمر وعايزا احكيلكو على تجربتى لانها اول ولادة ليا وكنت خايفا جدااااااااااااااااا انا رحت للدكتور يوم التلات بليل الموافق 9\5 قالى الاتى ان حجم الجنين قليل وضربات قلبة سريعة جداااااااااا وهتيجى بكرة الساعة 1 تولدى قيصرى مع ان الوضع كان طبيعى وكانت راسها لتحتوطبعا اتفجئت وعيطت وجوزى اعد يهدى فيا لانى مكنتش متوقعا انى هولد قيصرى وكلمة اصلا ولادة انا كنت خايفا منها بس الحمد لله انا دلوقتى كويسا وسميت بنوتى بتول وهيا مليا علىا الدنيا والله وعقبال كل الحوامل مايولودو وعقبال كل اللى عايزا يحمل معلش طولت عليكو

اه يا ناس الحقونىىىىىىىىىىىىىىى
النهاردة خلعت درسى وما احكيش لكم ااااااااااااااه
الحمد لله
ادعيلى يا مناليزا يعدو على خير ال3 شهور دول الا انا خلاص
من اللوعة والغثيان والدوخة والضغط الى بيعلى ويوطى وزاد عليهم كمان درسى اااااااااااااااااه
ايه اخبارك يا مناليزاااااااااااااااا انشالله تكونى بخير ونفسيتك على طول عشان تطمنينا
يارب يقومك بالسلامة مبروك ياسما ميدو انشالله عقبال ما تشوفى سلامتك بعينك ومحمد كمان

ميدو واواو ادعيلنا اوى لحد ما نبقى كلنا امهات

مها الف مبروووك تتربى بعز اهلها يارب و يحفظهالك و تكبر و تشوفيها عروسه يا رب
و حمدلله على سلامتك
بس هوة الدكتور ولدك قيصري ليه؟؟ انتي كان معادك امتى اصلا؟

سلامتك يا نور ان شاء الله كل الوحم و القرفه دي حتعدي,انتي حتخلصي التالت امتى؟
انا ناويه اروح اخلع ضرس العقل اللي هيجنني دة بعد الولادة ان شاء الله