حوامل وامهات مصر تعالوا نتجمع

الف الف حمد الله علي السلامة يا ام عليا تتربي في عزك وعز ابوها وتجيبيها عندي في الحضانة بئي ان شاء الله :D_smil1:
http://go.3roos.com/TkqRwbTlLC6
عقبال يا رب ما تشوفيها كدة عروسة
علي فكرة انا بعد ما جبت فريدة بعد افكر ازاي انا حفرط فيها واديها لواحد كدة مش عارفة حيعاملها ازاي حد فيكم فكر في كدة مع ان والله ابو فريدة بيحبني وبيعاملني احسن معاملة بس مش عارفة ليه بيجيلي الهاجز ده
يلا ربنا يقومكم بالسلامة يا رب

صباح الخير يا بنات انا بسرق الوقت علشان ادخل اشوفكم و اتطمن عليكم ان شاء الله تكونوا كلكم بخير
توتونوتو يا قمر شكرا يا حبيبة قلبى وعقبال ما نسمع قصة ولادتك و تكون سهلة باذن الله انتى و البنات كلهم
ام فريدة ربنا يخليكى يارب كلك زوء و ربنا يحمى لك فريدة و يرزقها هى و بنتى بالزوج الصالح
ازيكم يا بنات كلكم ان شاء الله الحمل يكون مش تاعبكم و تقوموا كلكم بالسلامة يارب

السلام عليكم
الدكتورة اسمها فكرية احمد سلامة عيادتها في مصرالجديدة وهي استاذ دكتور في جامعة عين شمس
وبتولد في مستشفيات كتير مثل النزهة الدمرداش والرحمة والامريكي والقاهرة التخص وعبد القادر فهمي
السلام عليكم

الف الف الف مبروك يا ام عليا وتتربى فى عزك وعقبال كل الحوامل انشاء اللة تقوم بالسلامة وعلى فكرة انا اول مرة اشارك فى تجمع حوامل مصر وانا فى الشهر الرابع ومن اسكندرية:B_wink::B_wink::B_wink::B_wink::B_wink:

:1_3::1_3:ازيكم يا احلى امهات
نور ايه اخبارك الوحم عامل ايه معاكي
جيسي ورور اوعو تنسونا لازم تسرقو اي وقت وتدخلو
هاجر انا معاكي فعلا دكتوره فكريه ماشاء الله عليها عندي سؤال فضولي شويه ابنك اسمه ايه
ماري3000 اهلا بيكي معانا
سما ميدو ايه اخبارك
مناليزا انا حاسه انك ولدتي ياترى احساسي في محله ولا لسه شويه
ام فريده عامله ايه انتي وفريده يارب ياستي تشوفيها احلى عروسه

مارى الله يبارك فيكى يا قمر و ربنا يكمل لك حملك على خير يارب هو اية الحكاية يابنات هو الحوامل كلهم من اسكندرية ولا اية شكل البحر و جو اسكندرية ماشاء الله مسوى الهوايل ربنا يزيد و يبارك :B_wink:
توتونوتو اخبار اية ان شاء الله حاحاول ادخل قدر المستطاع باذن الله
نور الشمس فينك قلقتينى عليكى ياريت لو دخلتى تطمنينى و يارب تكونى بخير
موناليزا اية شكل البيبى بتاعك غار من عليا و قال لازم احصلها يارب تقومى بالسلامة يارب ويرزقك بولادة سهلة و يرزقنا و اياكى بالخلف الصالح المعافى يارب وكل الحوامل طبعا
سما ميدو عاملة اية يابنات حاولوا ما تقطعوش كدة و طمنونا عليكم
جيسى مستنين نتطمن عليكى انتى و يحيى وقولى لة عليا بتسلم عليك:B_wink: بنرمى لبعيد :yes:

توتونوتو;3728033:
شموسه مبروك الحمل وربنا معاكي
سما ميدو الحمد لله ان نوع البيبي زي ما انتي عايزه وربنا يكرمك
مناليزا نحن هنا ما اختفيناش ولا حاجه
رور اخبارك ايه انتي ونور الشمس


بالله عليكم تدعولي لان عندي مشاكل في شغلي كتيييييير معذباني

توتونونو ميرسي على تهنئتك يا جميلة معلش انا اتأخرت عليكي

مناليزا;3739795:
shamosah اهلا بيكي في حوامل مصر نورتي الرابط
انتي في الشهر الكام؟
ربنا يسهل عليكي و يكملك على خير
انتي عايشه في مصر ولا مغتربه برضه؟

موناليزا يا قمراية معلش اتأخرت عليكي اصلي بقالي فترة مدخلتش لكن من هنا ورايح هتدخل كل يوم النشاء الله
انا لسة في الاول خالص 7 سابيع .. بس ايه الوحم بقى بجد يضايق موووووووووووت .. ربنا يعدي الوقت دة على خير
انا عايشة في مصر الحمد لله .. صعب الواحد يبقى متغرب في الظروف دي ومع اول بيبي
ياللا ربنا يسهلها للجميع
الف سلامة

توتونوتو;3746279:
ازيكم كلكم ايه اخباركم
جيسي غيبتي علينا عايزين نعرف قصة ولادتك طمنينا عليكي وعلى يحي
مناليزا اخبارك ايه لازم تدخلي كل يوم علشان اليوم اللي ماتدخليش نعرف انك ولدتي بالسلامه
رور الدور عليكي بعد مناليزا قوليلنا ايه اخبارك
نور الشمس انشاء الله حملك يثبت وشهور الوحم تعدي هوااااا وهاتبقي كويسه
سما ميدو فينك انتي وشموسه
هاجر ربنا يخليلك ابنك ياريت تقوليلي الدكتوره اسمها ايه وكمان عنوانها
ياريت يابنات نقول كل واحده وصلت لايه والاحوال بتاعة الشهر والتغيرات اللي بتحصل عشان السابقون يفيدو اللاحقون
انا حاليا في الرابع خلصت شهور الوحم وحاسه اني ابتديت اقدر اكل غير الاول بس حاسه اني ابتديت اتقل شويه ربنا معانا ويقومنا كلنا بالسلامه
شكرا لكل اللي سال عليا انا الحمد لله لسه زي ما انا اتعودت او تقدرو تقولو نحست
تخيلو:no: :no: :down: ان المشرف بتاعي مش عاجبه اني حامل وعايزني انزل البيبي ومتضايق اني قولتله ما ينفعش وفي المقابل بيشغلني وينزلني مشاوير بشكل مستفز وكلهم قالبين علبا عشان كده عايزين اهتم بالدراسه ومستقبلي بعدين افكر في اي حاجه تانيه شوفتو تخلف اكتر من كده:angry: :angry: :angry: :angry: :mad2: :mad2:

توتونونو يا حبيبة قلبي معلش اتأخرت في الرد لكن هدخل على طول انشاء الله
انا عرفت انك معيدة وان في القسم قرفينك
معلش انا عارفة القرف دة اصلي كنت بحضر تمهيدي ماجستير في التاريخ .. وبعد ما خلصته قررت اني مكملش بسبب الوسط المقرف اللي فيه العلم بيتباع في سوق السمك
المهم اتي اثبتي .. وافخري بأنك هتبقى ام دى احسن رسالة تقدميها للبشرية .. ومتخليش كلامهم يأثر عليكي .. ايه تنزليه دة .. دة هبل وللا عبط وللا الاتنين مع بعض .. هي المسألة ناقصة حرمانية .. عموما انتي قدها وقدود .. انا بصراحة معرفش انتي في شهر لكن لو كنتي في الوحم زيي انصحك يا جميلة انك ترتاحي كدة لحد الحمل ما يثبت والوحم يروح .. اما لو في الشهور اللي بعد كدة ربنا يعينك يا رب وباذن الله خير ويقدرك يا سكرة
ويسهلها للجميع
شموسة

السلام عليكم
أخباركو إيه يا حوامل مصر
شكر جدا لسئوال كل واحدة فيكو
وربنا يومكو بسلامه
متشفوش شر
انا الحمد لله تمام كنت تعبت شوية
بس دلوقتى احسن والحمد لله
أمتى الواحد يولد ويخلاص
مش عرفه اقولكو ايه شكرا يا توتونوتو وام فريدةو رور وshammosah و
مناليزا ونور الشمس ووكل رابطة مصر ربنا يومنا بسلامة

ازيكوا يا حوامل ياحلوين عاملين اية يارب تكونوا كويسين عوزين ندردش مع بعض شوية ونعرف كل وحدة عاملة اية فى الحامل وكمان عندى سوال ياترى المفروض احس امتة بحركة البيبى ياريت الى تعرف تقولى وربنا يقوم كل الحوامل بالسلامة:1_3::9_33:

هاى يا مارى اخبارك اية شكل الحوامل مكسلين شدوا حيلكم يا بنات عقبال ما تحصلونى ان شاء الله
تحسى بحركة الجنين يا مارى بنص الرابع بس ممكن تتاخر لاخر الرابع او بالكتير اوى اول الخامس

شوفى يا مارى انا حسيت بل الحركة فى ول السادس وكنت قلقانه جدا
وفى حوامل بتحس فى الرابع
انتى فى الشهر الكام

ازيك حببتى انا فى الشهر الرابع:B_wink::B_wink:

بنات انا لسه هنا مولدتش
امانه عليكم تدعووووووووووووووووولي
انا كدة بقالي يومين داخلة الشهر العاشر :(:(:(:(:(

يارب يامناليزا
تقومى بسلامه
وانى بتولدى ادعيلى انا كمان
ربنا يومنى بسلامه

شكرا يا سماميدو يا حبيبتي

انا ان شاء الله حدعيلكم كلكم ربنا يقومكم بالسلامة و يرزقكم ساعة ولادة سهلة و تولدوا قبل ماتدخلو الشهر العاشر يااااااااااااارب عشان الشعور دة وحش قوي قوي... الحمد لله على كل حال

يارب ارزقني ساعة ولادة سهلة من عندك عاجلا ليس اجلا اليوم لا غدا امييين يارب العالمين

انشاءاللة توليدى بالسلامة يا مناليزا وتقومى بصحة جيدة يارب ومتخفيش ربنا معاكى يا حببتى وربنا يقوم كل الحوامل بالسلامة والبيبى معهم بصحة جيدة :1_3::1_3:

ازيكم كلكم
مناليزا ربنا يرزقك ساعه سهله يارب شدي حيلك
شموسه عامله ايه ما تغيبش كده علينا
ماري انا حسيت بالحركه في اول الرابع انا حاليا في اخره
على فكره الحركه بتبقى بسيطه جدا يعني زي النقر كده
وربنا معانا كلنا

شكرا يا ماري :):)

شكرا يا توتونوتو :):)