أمهات يونيو 2007

تسلمين بعد عمري و الله بسمة البحرين رديتي علي بسرعة

و الله يسهل علينا كلنا و يقومنا بالسلامة يا الله

مساء الفل على احلى حوامل
عروس الموج سلامتك الف سلامة واللى عندك دا طبيعى انتى فى تقل على ضهرك وطبيعى تحسى بالم متقلقيش كلنا زيك بالظبط

بسمة البحرين وحشتينى عامله ايه يا رب تكونى فى احسن حال انتى والبيبى

دمع الليل اخبارك ايه يا حماه بنتى لازم تاكلى كويس عايزين العريس يطلع مكلبظ وجميل
بالنسبه للبنات اللى خايفين من الولاده مش هنكر انها صعبه بس لو كانت مميته مكنتيش لقيتى واحده عندها عيلين كله من عند ربنا وعلى اد الالم بتبقى فيه غلاوة وحنيه ولحظه ما بتشوفى البيبى لحظه جميله جدا وخصوصا اول طفل هديكم مثال بس مع الفارق طبعا
زى ما يكون فى واحد عمال يبنى فى بيت كل يوم طوبه وبعدين يخلصه ويشوفه كامل بيحس انه انجر حاجه كبيره وانه كان سبب فى وجودها
الجنين دا سبحان الله ربنا جعلنا سبب عشان يبقى انسان فالكل يفكر فى الجانب الايجابى ويتكل على الله وساعه الولاده ربنا هو المعين ويا رب يجعلها ساعه سهله علينا جميعا

ابرار الجنه الله يسلمج ياقلبي والله يسهل عليج انشالله بس ها لا تفكرين وااايد

توتي وشيكو هلا حبيبتي وانتي واحشتني اكثر انا الحمدالله بخير شلونج وشخبار صحتج وصحة النونو عساكم بخير

مرحبـــــــــــــــا حوامل

كيفكم ان شاء الله بخير

عررررررررروس المووووووووووووج

نفس اللي فكرت فيه وربي فكرت اني امسح المنطقة بمناديل ديتوووول زهقت
والالتهابات تزهق انا كانت معي في البداية والحين رجعت


والله يعينك على الظروووووف اللي تمرين فيها
بس مع كذا لزوم تدير بالك على نفسك
واعتمدي على الشغالة في هالفترة على الاقل
يعني مضطرررررررررررره
لان اذا اتعبتي نفسك الحين راح يأثر على ظهرك ويستمر معك التعب لبعدين

شوفيني انا تركت بيتي وجيت بيت اهلي اكلي لعندي يوصل وانام على راحتي واصحى على راحتي مع ان ابو الشباب كاسر خاطري بس خل يتحمل

ابررررررررررار الجنة

انا ما احااااااااول افكر في موضوع الولاااااااادة ابدا
ولا اسمع من اي احد نصيح ولا شيء
هذا الموضوع عندي ممنوع الخوض به

وانصحك انك ماتفكرين به ابد وحطي في بالك انك متوكله على رب العالمين
ورب العالمين مايخيب اللي يتوكل عليه ...
وخل كل الامور تمشي طبيعي ...
وانا اعتقد ان الولادة تختلف من وحده لوحدة

انتي خلي ايمانك بالله قوووووي
ودم فكري في اللحظات اللي بعد الولادة فكري في النونو
وفي الاهل اللي بيفرحون به
وشغلي نفسك بتجهيز النونو والمكان والتوزيعات
وخلي موضوع الولادة لوقتها ...



بسمة البحررررررررررررررررين

منووووووووورة ياروحي مساء الخير او صباح الخيررررررررر

اعتقد تطعيمة الكزاز وماني متأكده
بس اليوم قعدت مع خواتي وقالت لي وحده انه تطعيمة الكزاز بس مادري عنها اذا متيقنه ولا من عندها
وقالوا في كذا تطعيمه ضرورية تأخذها الحامل وان هم مأخذينها


والله صرت احاتي روحي ما خذت شيء

بسمة اذا ودك ترفعي دمك عليك بالبقدونس والسبانخ تراه ممتاز جدا
حاولي تأكلين تبوووووووووولة يوميا وراح تساعدك مرةةةةة

وان شاء الله المرة الجاية لماتروحي المستشفى يقولون لك كل شيء اوكي

توتي وشيكو

كيفك ان شااااااء الله بخير
وكيف النونو معك ان شاااااااااء الله اوكي

بنات وش تستعملووووووووووون من كريمات على شان تحدون من التشققات [/

هلا حبيبتي فلة والاقزام منوره بوجودج ياقلبي شخبارج عساج بخير
والله يالغالية مادري شسمها الابره بس انتي ليش ماخذتيها مدام خواتج خذوها يعني اكيد مهمة ولما تروحين للدكتوره سئليها عنها
وبالنسبه لي بحاول اكل بقدونس وتبولة بس السبانخ نوووووووو وييييي :no: مستحيل ماحبه وانشالله يرتفع دمي لاني ولا مره رحت قالولي ارتفع :sad:

تسلمين بعد عمري و الله فلة و الاقزام على الرد الحلو

و ان شاء الله باتبع نصايحكم و اشيل هذا الموضوع من بالي و اخلي تفكيري بس بالنونو و بتربيته احسن لي من موضوع الولادة اللي مسبب لي ارق

الله يسهل عليكم ولادتكم مثل ما رحيتوني باجويتكم

مررررررررررررررررحبا خوووووووووواتي
وان شاء الله كويسين وان شاااااااااء الله البيبيات بخيررررررررر

اختي بسمة البحرين

ان شاااااااااااااااء الله بخير
وماتشوفين شر حبيبتي
جبت لك استشارة طبيه بخصوص رفع مستوى الهيموجلوبين فى الدم..

اووووثق من كلامي كلام طبيب

السكريات تؤدى الى زيادة نسبه
الهيموجلوبين فى الدم..

ومن اكثر الاشياء التى تؤدى الى زياده الهيموجلوبين فى الدم
العسل الاسود والبلح...


اما بالنسبه للنصائح لزياده نسبة الهيموجلوبين
عليكى بتنظيم غذائك بحيث ان يكون الغذاء مشتمل على كل
الفيتامينات والمعادن والسكريات
وان تكثرى من نسبه تناول الخضروات الطازجه " البقدونس - السبانخ - الفجل " والفواكه

اى ان الغذاء السليم = زياده فى الهيموجلوبين

على فكرررررررررررررة انا نصحتك ورحت اليوم وقالوا لي دمي نازل يعني مثلك هههههههههههههههههههههه

ابرار الجنة

اي خليك كذا
تعقدين نفسك من الحين ليه وحاولي لاتقرين عن الولادة لان احس اللي تقرأ تتعقد ماتستفيد
خليها على ربك وكل شيء بيكون لك اوووكي
والله يسهل علينا جميعاااااااااااااا



بناااااااااااات منو تعرضت لالتهابات مهبلية وشنو استخدمت
لان انا اليوم قالوا لي عندي التهابات مهبلية شديدة وخايفة استخدم العلاجات اللي عطتني اياهم الدكتورة
عطتني تحاميل جينوبيفاريل 150 وغسول ديو سبيت ومرهم اليكا ام وحباية وحدة اسمها صعب هذه ههههههههههههههه

اللي تعرضت لالتهابات اقولي عن تجربتها بليز

تسلمين بعد عمري فلة و الاقزام على متابعة موضوعي و انا فعلا بديت اشيل هذا الموضوع من بالي و اشغل نفسي بشي غير

و الله انكم صج خواتي

الله يقومك بالسلامة يافلة و الاقزام و انا معاك ونقوم نضحك على هذه الايام

سلام شخباركم حوامل
شخبارش دمع الليل
ما شاء الله عليش خلاص جهزتين أني بس شوي شريت أغراض
وأحس انه الوقت بدى يداهمني بس التعب والدوام
أختي عروس الموج
اشتقنا ليش
ما تشوفين شر بعد عمري
أحسن يوم عطوش إجازة ترتاحين شوي
وعلى فكرة حتى أني صار ليي فترة ما أقدر أنام من شهر تقريباً
بس أتقلب يمين ويسار وكل مو مرتاحة ومن جدي أقوم للدوام وأني تعبانة لأن نومتي مو مريحة وحتى زوجي كاسرة خاطرة ومن كثر ما يحس لتقلباتي يتخربط نومه بعد عمري قلت له بنام في الغرفة الثاني كان ترتاح بس ما يرضى
يقول لي هذي حجرتش وما حد يطلعش منها وإدا انتين متضايقة مني أنا بطلع يتغلى بعد روحي
المهم أني كل ما سمعت عن تجهيزاتكم حاتيت روحي لازم خلاص اشتغل على نفسي

تسلمين ياقلبي فلة والاقزام على الاستشاره وانشالله بسوي الي فيها بس السكريات عاد شيليها منها لانه كفاية قالولي السكر مرتفع شوي عندي بس الاكل الصحي انشالله بداوم عليه
وعشان دمج يزيد لازم تهتمين انتي بعد في اكلج وماتشوفين شر وانشالله تخف عنج الالتهابات
بس انتي لازم تاخذين العلاج عشان ما يزيد عندج الالتهاب وانشالله باقي البنات يفيدونج اكثر في هالموضوع

ابرار الجنه شلونج حبيبتي عساج بخير وشلون النونو بعد

عيون ريمي هلا حبيبتي شلونج والله حتى انا نفسج ماعرف انام زين ولا اقدر انقلب الا بالقوة وبالنسبه حق التجهيزات انا بعد خايبه مثلج ماشريت اشياء وايد بس انشالله على نهاية السابع مكمله كل تجهيزاتي لاني صج احس بالثقل والتعب مووووت

بسمه البحرين شكرا يا غاليه على سؤالك الحمد لله رب العالمين امورى تمام بس الجسم تعبان جدا والتقل على الضهر زايد الله يعينا على اخر شهر

فله والاقزام اهلا وسهلا بيكى يا غاليه وشكرا على اهتمامك وسؤالك وربنا يقومك بالف سلامة

عيون ريمى وابرار الجنه اخباركم ايه على الله تكونوا فى احسن حال والبيبهات تمام

هلا و الله بعد عمري بسمة البحرين

الحمد لله انا تمام و النونو بعد بخير شكرا على سؤالك

انت شلونك و النونو شلونه ؟؟ انت النونو مالك ولد وله بنية ؟؟

انا عندي ولد مشاغب كلش من الحين تقولي القابلة لمن تشوفه بالسونار انه مشاغب حيل الله يعيني لمن يطلع خخخخخخخخ لا و الله اضحك مو مصدقة متى اولد و اخلص لان صج تعبت من الوحام اللي لازق فيني للحين و الله كريم........

و عن الاغراض شنو مسوين ؟؟ كملتوا وله لا؟؟؟ انا من الحين احس نفسي ثقلت و ما فيني حيل السوق و فرته بس الحمد لله انا باقيلي بس الاثاث و كم شغلة بسيطة و الله كريم

السلام عليكم ورحمة الله وبركاته

وحشتونيييييييييييي خواتي الغاليات امهات يونيو وغالياتها ..
ماشاء الله ما حلاة لمتكم والله تيننون عقبال نجوفكم امهات كلكم ..

الله يسترررررر والله دام في لحين ابرة تطعيم ما عطوني اياها ... شكلي الموعد الياي بيعطوني اياها .. انا دم ضروسي الابر ..الحمد لله عند الدكتورة باخذها ويمي ماما تطمني .. بس عند المختبر لازم ادخل بدون مرااااااااافق ... ما اطلع الا دمي ناشف من الخوف ..


الاخت الغالية ابرار الجنة .. الواحد دايما الشي الي يجهله يخاف منه .. يعني مثل يوم القيامة والحساب او اذا داخله اختبار .. قبل كنا نفكر شلون بنحمل والحين نعيش التجربة بحلوها ومرها وعسلللللللللل على قلبنا دامها للضنى فديت قلبه ..
الولادة بعد نفس الشي احنا بس نسمع من البنات ولا ندري شسالفة .. كانها يوم الدخلة ما تم احد ما خرعنا .. ههههههههه .. بس بتعدي ان شاء الله على خير وبعدين بتقولين يا ريت اعيش التجربة كل يوم ...
احين انبسطي بالتجهيز للبيبي ولا تحاتييييييييييين شي يا قلبي وان شاء الله تمر التجربة على خير ..


توتي وشيكو .. افاااااااا عليج انا بالاكل مو مقصررررررررررة .. اكل الاكو والماكو عشان العريس يطلع احلى من عروسته ههههههههههه امزح معاج اكيد بنوتتج بعد حلوة وقمر ما شاء الله عليها مثل امها ..


فلة والاقزام ..حبيبتي لو تجوفين موضوعي عن الالتهاب انا ماخذ لي اسبوع تقريبا من صادني .. واستخدمت العلاج الي لمدة 3 ايام مثل تحاميلج ومثل الكريم الي عطوج اياه وكان عندي التهاب فطريات وبس خلصت 3 يوم راااااااااااح مني الالتهاب ولا كانه كان موجود الحمد لله ..


عيون ريمي .. اي جفتي شلون صرت انشط منكم ما بقى علي شي بالتجهيزات الا الحلويااااااااات ابي اوصي عليها مع زينة الغرفة ... ان شاء الله اروح لهم جريب مع جم شغلة ..
وابي بيجامات الولادة حق المستشفى والبيت مب محصلة حلوين ...


عروس الموج .. غاليتي ما عليججججججججججججججججج شر وانا اقول هالغيبة كلها وين
حاولي غاليتي تاخذين لج اجازة ليما تولدين ... اذا تقدرين طبعا .. لان شكلج وايد تعبانة

الحمد لله على سلامة عمتج ام زوجج .. بس انتي اريدي تعبانة وما تقدرين تشيلين وتخلين لها بضناها الله يحفظه ولا تبارين الزوار .. ياريت وحدة من بناتها تقوم بهالمهمة وانتي عندج عذرررررررج ترى سلامتج وسلامة البيبي بعد مهمة غاليتي عسى الله يحفظج ..


في امان الله

حبيبتي توتي و شيكو تسلمين يا قلبي على سؤالك الحلو

و الله انا تمام و النونو بعد تمام و يسلم خخخخخخخخخخخ

انتي شلونك و النونو شلونه؟؟ ان شاء الله تكونون بخير

دمع الليل بعد عمري شكرا لماستك لي خخخخخخ و الله انتوا كلكم حبايبي و الله انكم وخرتوا خرعة الولادة مني

الله يسهل علينا كلنا و نولد طبيعي و ولادة سهلة قولوا امين

توتي وشيكو هلا ياقلبي شلونج الله يسهل عليج انشالله تراني مثلج آلاام الظهر توجعني كثير بس شسوي كل التعب والالم يهون عشان النونو

ابرار الجنه هلا عمري عساج دووم بخير وانا بخير والنونوه بعد بخير
انا فيني بنوته ومثل ولدج شيطونه والله ضحكت يوم قلتي لي عن القابله شقالت لج لانه سبحان الله نفس الكلام الي قالته لي عن البوبو بس انا سئلتني منو الحركي فيكم انتي ولا زوجج لانه مشالله عليها كانت حركتها وايد قويه وحتى القابلة تقعد معاي ساعه بس عشان تسمع النبض مالها والله يساعدج ياقلبي ويخف عنج الوحام انا بس يبدي علي الصبح بس اذا اكل يرووح خخخخخخ

وعن التجهيزات مثل ماقلت قبل باقي علي اشياء وايد ماخذتها بس اتفقت مع زوجي يوديني بكره اتشرى

دمع الليل ها خيو شخبارج وانتي بعد واحشتنا اكثر

هههههههههههههههه و الله بنتك تناسب ولدي عيل اختي بسمة البحرين

اي زين تسوين روحي كملي كل اغراض البيبي قبل ما تثقلين اكثر

و انا ان شاء الله بعد على اول الشهر بنزل اجيب كل شي و اخلص

و الله يتمم علينا بالخير

خخخخخخخخخ شفتي شلون شكلنا بنتعب معاهم اول الايام

وانشالله اكمل اغراضي بسرعه لانه من الحين ماقدر اتحرك وصايره كسوله

وانتي بعد كملي باقي اغراضج على خير انشالله

الظاهر كل مواليد شهر يونيو اشقيه جدا انا كمان الدكتور قالى مش بتهدى بتتحرك كتير وقالى ان عليها جوز رجلين هيعملوا شغل جامد مع الرجاله ها ها ها ها الدكتور بيقول ما شاء الله رجليها طوال اوى وهتطلع طويله لابوها والله انا خايفه تبقى اطول من اخواتها وتضربهم الله يستر عليهم

يا حوامل اى استفسار عن الولاده انا خبره مجرباها مرتين وتفائلوا ان شاء الله خير ويوم وبيعدى وبتبقى فى لحظه ام وساعتها بتتغير مشاعرك للابد وغلاوة الام بتزيد لانكم بتقدروا اد ايه هى تعبت ربنا يخلينا امهاتنا جميعا ويرزقهم بأحلى قصور فى الجنه ان شاء الله

شلونكم حبايبي
أني كثرة الحركة مو شي غريب عليي
ولدي اللي عمره اربع سنوات بعد يوم كان في بطني ما يسكن حتى اللي قاعدين ويايي يلحظون حركته بوضوح
وألحين بعد ما تغير شي كله رديح
الله يحفظهم إن شاء الله
أني ما عندي فرصة للتشري غلا الخميس والجمعة والسبت لأن زوجي يشتغل في مركز صحي ودوامه الصبح بس ينادونهم إجباري العصر من الأحد إلى الأربعاء بالغصب يعدل الجدول إنه الخميس ما يروح العصر من جدي طول الإسبوع ما عندنا برامج
واليوم إن شاء الله بنقضي كم شغله

هلا خواتي العزيزات بدون استثناء...

انا اقرا مواضيعكم بس من كثر ما انا فيني نووووووووم ما اروم ارد..

بس الحموظه بدت معاااي والله ذابحتني معني اشرب موكسال بس ما في فايدة..

انتوا شخباركم