أمهات يونيو 2007

اخواتي سمعتوا بالخبر بقسم المتاخرات عن الحمل

عن الاخت ملاذ الطير هيه كانت بعد بربطتنا انها ولدت اليوم و للاسف مات الجنين

ادعولها بالصبر لان و الله الحمل طول هالفترة مو سهل و اخر شي تفقد جنينها بس سبحان الله ما يسوي شي اذا ما فيه حكمة

الله يحفظنا و بيبياتنا و يقومنا بالسلامة قولوا امين

السلام عليكم ورحمة الله وبركاته
كيفكم بنات
والله أنه اللي في بطني معاندني بعد رحت أول أمس وكانت الألترا ساوند مي واضحة قالت لي احتمال بسيط انه صبي لأنه في مثل الزائدة الصغيرة بس الخصيتين كلش مي مبينة وعادةً تكون في هالوقت واضحة تبط العيون من جدي قالت ما أقدر أجزم ليش
ورديت رجعت بحيرتي لأن اللي شفتهم الأغراض اللي ألوان معينة أحلى من الألوان المحايدة وصراحة ما بقعد كل يوم بخسر وبروح المستشفى وهو معاند ويش رايكم
ويش أسوي

هلا اشحالكم يا أكسل امهات...

اولهم انا..

عيون ريمي..

اشحالج الغالية...ما خبرتينا عن تجهيزاتج بديتي ولا بعدج مثلي..


دمع الليل..

هلا اختي..شو اخبار صحتج وصحت اخوو ولدي ههههه اكيد ماشالله بدى يراافس...انا اخاااف ولدي يسهرني طوول الليل مثل ما يسوي الحين في بطني.

أبرار الجنه..

مرحبا اختي والله ما انتبهت اتصدقين على الرابط عدل...يمكن انا اربي قبل..

يا بنات مب شرط انخلص التاسع وبعدين نولد في حد من البنات اول التاسع يولدون احنا كلنا بندخل التاسع في شهر 5 يعين لازم انكون مستعدين لكل شي يعني احتمال كبير حد يربي في شهر 5 او بداية 6 مب شرط نفس الموعد.

rime1983

هلا فيج وفي بطنج من بينا ههههه

فلة والأقزام..
شو اخبارج اختي عساج بخير ..ما خبرتيني شو معنى اسمج وليش اخترتيه.

توتي وشيكوو..

انا اخاف يفنشوني من الدوووام من كثر ما اتأخر واايد اتأخر الصبح يعني دوامي يبتدي الساعة 7:00 انا اوصل عالساه 8 ومرات 8:30 ومرات اغيب.

انا امس كنت ماخذه اجازه مرضيه...واليوم عندي موعد انشالله يعطوني بعد يومين..ادعولي

عروس الموج
أنا بعد مثلك كنت أمس ماخدة غجازة مرضية
بس أنا ما أتأخر بالعكس أجي قبل الدوام
والظاهر ما قريتين موضوعي عدل إني اشتريتبس أغراض خفيفة لأنه اللي في بطني معاندني مو راضي أعرف الجنس جنني ويش أسوي
لأن ما أبغي اشتري ألوان محايدة
الألوان المحددة أحلى ويش أسوي وأبغي اشتري بسرعة لاعت جبدي

عيون ريمي..

والله ان البيبي يضحك من الحين راسه يابس..فديتة. زين يسوي فيج مب لازم اتشوفين عورته عيب

الله يهدي غن شاء الله

عيون ريمي

ودي اجي الدوام من وقت بس للأسف اول زوجي الي يوصلني ويعاند الصبح لين ما يصحى..

وانا من نهاية السادس... هلكت ما ارقد طووول الليل...ما اعرف كيف اناام احس طول الليل وانا اتقلب..حتى زوجي ما ينام كله يسال شو بلاج يتحرا فيني شي...


الله يسهل علينا جميعا انشالله نولد بسلامة يااااااااااااارب انا وايد اعاني من الحمل استغفر الله من الحين اقول لزوجي بس ما ابا ايب عيال انا ما استحمل اي شي.

عروس الموج أني بعد زوجي اللي يوصلني
وأقعد من ست والبس ولدي حق الروضة ونوصله الروضة ويوصلني زوجي وبعدين هو يروح الشغل وعشان جدي لازم أوصل من وقت لأن دوام زوجي 7.15 ومقر شغلهم بعيد فيوصلني من وقت قبل 10 او ربع ساعة من دوامي عشان ما يتأخر عن دوامه

وبالنسبة للنوم أني بعد من السادس ما أنام وبس اتقلب والجنين من اتقلب صوب اليمين يرفس الظاهر ينرعص ويتضايق وأني متعودة أنام كل على جنبي اليمين وظهري كل جنه أحد مكسرنه بمطرقة ما اقدر أنام عليه
وبس طول الليل تقلب بس زوجي يعرف الحالة وسببها أكسر خاطره بس ما يسألني ويش فيش لأن يدري ويش فيني

بس بعد ما أقول ما ابغي ولاد لأن الفترة اللي عشتها قبل لا أحمل لا يمكن اقول ما ابغي ولاد لأن مهما كانت حالة المرأة وخصوبتها
ما توعين لروحش اللا محتاجة علاج والله ما تحملين
من جدي ما ابغي أقول شي أندم عليه

ومع السلامة

اخباركم ايه يا حوامل شدوا الهمه هانت راح الكتير وباقى القليل ان شاء الله

شخبااااركم بنات اوووف نسيت قصدي امهات

والله صدقتو يوم قلتو احنا اكسل رابطه

ابرار الجنه انا توني اشوف موضوع الاخت ملاذ الطير والله قلبي عورني عليها اهيا كانت عندها ظروف صعبه بس الله بعوضها انشالله توأم مره ثانية

عروس الموج انا بعد نفسج اروح الجامعه وانا متأخره عن المحاضره 10 دقايق حتى الدكتور يطالعني بنظرات كأنه يقولي ليش جايه بعد بس مو مني انا اقعد من وقت بس زوجي الله يخليه لي مايرضى يقعد الا بطلاع الرووح عشان يوصلني لاني كلش ماحب اسووق السياره بس اليوم رحت بالسياره ووصلت قبل المحاضره بنص ساعه خخخخخخخخخخ انجاز

عيون ريمي البيبي مالج نفس البيبي مالي خخخخخخخخ كله على صوب اليمين وانا بعد ماحب انام الا على ظهري او جنب اليمين والترفس شغال حتى ماقدر اقوم من الفراش احس بطني متحجر من الشوتات

توتي وشيكو اي والله ماباقي الا القليل بدأ العد التنازلي

بنات انا شسوي في عمري سويت التحليل الثاني تبع السكر وقالولي بنرد عليج النتيجه طبعا اهما اتصلو بس انا مارديت خفت يقولون لي بعد تعالي بنسوي لج تحليل ثالث وانا مافيني شده بعد ياخذون مني دم كفايه الي خذوه مني بكبري مافيني دم ناشفه بنشفوني زياده :sad:
رفيجتي تقول اذا مراح السكر بولدونج قبل اسبوعين من موعدج عشان البيبي وايد يكبر حجمه بالنسبه حق الي عندهم سكر وانا خايفه حدي ادعولي بنات يرووح مني السكر والله عله صاير على قلبي :cry:

حبيبتي بسمة البحرين زين واللي في بطنش بنت ولا ولد لأن الناس حيروني عمتي أم زوجي تقول البنت كله صوب اليمين وأمي تقول الولد كله صوب اليمين
ولا أدر ي ومو معقولة كل يوم بروح الخاص وبدفع بعد الواحد أايم تجهيزات الولادة مزحوم وولدي معاندني كل مرة أروح ما يخليني أدري وأبغي أجهز وأفتك

السلام عليكم ورحمة الله وبركاته

هلا فيكم غالياتي ...

احس رووووووووحي مرتاحة عقب ما خلصت الهموم الكبيرة وبقى هم واحد
خلصت اغراضي واغراض البيبي كلهم الفراشات و كل شي وصيت عليهم وراح يبرزون على نهاية الشهر .. وسلة البيبي وقماطاته الحمد لله ...

بقى لي بس هم الحلويات ... وافتككككككككككككك وارتاح

مشاوير المستشفى احين صارت كل اسبوعين وعقب بتصير كل اسبوع ونااااااااااسة ما بقى شي لنا ونولد الله يتمم لنا كلنااااااااااااااا بخير


خواتي ادعوا حق مرة خالي تولد بالسلامة ... لان موعدها طاف والبيبي قالوا لها وضعه مب طبيعي ويبون يسوون لها عملية وهيه ما تبي ..

ادعوا لها تولد طبيعي وجريبببببببببببببببببببب


في أمان الله

صدق ارتحتين
أني هالهم شاغلني حتى الليل أحلم عن الأغراض اللي ما شريتهم
والله يسهل على مرت خالش إن شاء الله وتولد طبيعي
وطمنينا عليها أول ما تولد

السلام عليكم ورحمة الله وبركاته

شنو بقى عليج خيتو يمكن اقدر اساعدج في المحلات وجذي ؟؟..

تسلمييييييييييين على دعائج ان شاء الله ربي يسمع منج

في أمان الله

مشكورة خيتو أني الي مأخرني عناد ولدي اللي مو مخلنا نعرف ويش الجنس والله أني درت المحلات وحاطة في بالي أشياء بس كل مرة أروح ما يبين
ومو طايقة أشتري ألوان محايدة أبغي اشتري ليه اشياء حلوة

هلا بالحلوات

عيون ريمي نصيحة اخذي الوان محايدة و افتكي لان ما بتحسين الا الوقت راح و انتي مو مجهزة شي

او طريقة ثانية تشترين الاشياء المهمة اللي تحتاجينها اول يومين و بس تولدين بنفس اليوم عطي قائمة المشتروات حق اختك او زوجك و مع اسماء المحلات و هم يشترونها على اللون اللي يحدده جنس البيبي

دمع الليل

الله يقوم مرت خالج بالسلامة و طبيعي امين و لا تنسين تطمنينه عنها

عيون ريمي انا قالولي بنت ومثل ماقالت ام زوجج صوب اليمين بنت واليسار صبي انا مرت اخوي كان كله صوب اليسار وجابت ولد وبالنسبه حق جنس البيبي ليش ما تسوين التراساوند ثلاثي الابعاد لانه بيعطيج النتيجه مؤكده واكيد راح يبين طبعا هذا كله بيد رب العالمين بس نادرا السونار يغلط
انا سويت 3مرات اول مره قالولي بنت وثاني وثالث مره قالولي ما يبين ومو واضح كلش بس انا احساسي انها بنت عشان جذيه ماعورت راسي وخذيت لبس بنات خخخخخخخخخ

دمع الليل الله يسهل على مرت خالج وتولد بالسلامه انشالله طبيعي وماتحتاج عمليه يارب


المهم بنات انا قدمو لي الموعد من 2/6 الى 25/5 يعني 7 ايام تقدمت وانشالله اولد في 5 وافتك لاني صراحه تعبت اي وسئلت الدكتوره وقلت لها ان المركز عاطيني 2/6 شلون اتقدم ما يصير قالت لي انه في الشهور الاخيره السونار يعطي التاريخ الصح على حسب حجم الجنين والنمو ماله

الغاليه بسمة البحرين الله يهون عليكى ويقومك بالف سلامة وحقيقى ان السونار ادق من حسابات الدكاترة وان شاء الله تجيبيلنا بنوته قمر زى مامتها

دمع الليل ربنا يقومك ويقوم مرات خالك بالف سلامة ويجعل الولاده سهله ان شاء الله

العزيزة عيون ريمى زى ما قالتلك بسمة البحرين لو عايزة تتأكدى اعمل السونار الثلاثى الابعاد وان شاء الله يطلع النوع زى اللى بتتمنيه

ابرار الجنه ازيك يا غاليه على الله تكونى فى احسن حال وعافيه

عروس الموج وحشتينى وطمنينى عنك يا عسل

بسمة البحرين

مبروك تقديم الموعد و الله يهون عليك و علينا كلنا امين

توتي و شيكو

تسلمين يا عمري انا بخير بس حركة البيبي صايرة كلش قوية و تعور و التشققات بدت طلعت ببطني
و صايرة تحكني بس انا احاول ما احك علشان ما تكثر التشققات

عروس الموج

وينك ما تبينين؟

السلام عليكم ورحمة الله وبركاته

تسلمووووووووووووووووون خواتي على دعائكم الحلو ان شاء الله ربي يسمع منكم ونسمع عنها اخبار حلوة وانها قامت بالسلامة هيه والجنين ...

ريومه حبيبتي .. بدال لا تخسرين روحج كل يوم بالخاص وملون ووو .. وطبعا وراج مصاريف ثانية وايد .. روحي الحكومة سوي روحج تعبانة او شي او اذا تعرفين احد بالمستشفى خل يجيكون لج ...
وان شاء الله هالمرة يبان لج جنس المولود ... ويمكن هالحياء كله والتخبي تطلع بنوتة حلوة مثل امها ....

في أمان الله