أمهات يونيو 2007

السلام عليكم ورحمة الله وبركاته

خواتي في اسئلة في بالي حابة اسالكم اياها اتمنى تجاوبون علي ..

هل في علاقة بين طول الام و طريقة الولادة طبيعية او عملية قيصرية ؟؟. لاني سمعت قصار القامة يولدون بعملية ؟؟.. وانا قصيرة مب طويلة وخايفةةةةةةةةةةةةة من شي اسمه عملية ... ابي اولد طبيعي ان شاء الله ...


متى الوحدة تبتدي تمشي ... احنا تقريبا وصلنا النص الاخير من الشهر السابع متى انتمشى واحنا ما فينا قوة من احين خلاص خطوتين وهووووب نقعد ..؟؟.. كأن بطات والله هههههه


اتمنى تجاوبوني خواتي

في أمان الله

السلام عليكم ورحمة الله وبركاته
مشكورين اخواتي على تفاعلكم
وأقدر ليكم نصايحكم

اختي دمع الليل
أني لو على الحكومة زوجي يشتغل في مركز صحي حكومي بس الفقر ما عندهم ألترا ساوند واللي يحتاجون عندهم يحولونهم من مركز الرفاع الشرقي غلى مركز حمد كانوا ولازم يسوي لي تحويل وهو ما يقدر يطلع من الدوام ويوديني فلازم أدبر احد يوديني

والمكان مو هين احنا في شارع البديع يحزبون يروحون الرفاع
واحنا جدحفص ما يشيكون للوحدة الترا ساوند اللا بطلعة الروح

وأني بموت على المعرفة ما بتشوفوني اللا رادة رايحة مع إني توني من أربعة ايام رايحة
وقلت يمكن أروح الملون عشان بعد احتفظ بالتصوير

بس وين أرخص مكان يسوي الملون هل فهيمة المطوع أو وين علماً إني أبغي بس الأشعة مو لازم فحص وشرح وهدرة
وبسألكم ما تلاحظون أنه من دخلنا السابع الوقت مو راضي يمشي أحس إني من زمان في السابع
متى أدخل الثامن

دمع الليل
مولازم الصغار كلهم يحتاجون عملية ترى عندي صديقة كلش قصيرة ولدت مرتين بدون عملية
لا تخافين وإن شاء الله تولدين طبيعي وتطمنينا عليش وعلى البيبي اللي نتمنى نجيب ليه عروس بس ما يندرى

والله هلأيام كل عروس الموج تخلينا نحاتيها واجد تقطعنا
الله يجعل المانع خير

السلام عليكم ورحمة الله وبركاته

والله طمنتيييييييييييييييني حبيبتي وانا خايفة وحاطة يدي على قلبي من اييبون طاري العمليات خصوصا اني جايفة في التلفزيون قبل شهر عملية قيصرية لوحدة وهيه ما تخدرت كامل .. كانت تحس بالالم وموتعية وانا اجوفها كنت اصيح بعد شلون يقولون لي ولدي عملية بعييييييييد الشر والبلى ...

تدرين اختي مب شرط تروحين مركز عادي روحي الطوارئ مال السلمانية قولي لهم عندج الم او اسهال او اي اي اي شي لازم بيسوون لج الترا ساوند ... انا اول مرة كان عندي جفاف اتذكر قبل لا تشخص حالتي سوت لي الترا ساوند وانا كنت بالاسبوع السادس .. والمرة الي راحت رحت لهم يوم كان عندي التهابات بعيد الشر عنج سووا لي بعد الترا ساوند يقولون تبين تعرفين شنو قلت لهم دريييييييييييييت من زمان ههههه...
بس وين ارخص مكان ما عندي خبر ... ان شاء الله عروس حلووووووة تينن مثل امها ...
ربي يحفظها او يحفظه لج

في أمان الله

الغاليه دمع الليل بالنسبه لسؤالك انا يا ستى قصيره والحمد لله عز وجل المرتين اللىولدت فيهم كانوا طبيعى وكل اللى يقول ليه علاقه دا غلطان كله على حسب تساهيل ربنا

بالنسبه للمشى مهم جدا جدا جدا جدا وانصحك من نص الثامن ابتدى امشى ومتكسليش هو مرهق بس بيسرع عمليه الولاده لان الحركه كل يوم بتخلى البيبى ينزل اكثر وبيوسع الحوض واى استفسار انا جاهزة

سلام يا حلوات

و الله يا دمع الليل سالتي السؤال اللي في بالي عن المشي لان انا صايرة تنبل و اذا امشي خطوتين اموت من التعب

بس خلاص بنص الثامن ان شاء الله اسوي نظام مشي و الله يسهل

دمع الليل ماله علاقه الولاده الطبيعية بالطول انا اعرف وحده قصيره وايد ومشالله ولادها يابتهم كلهم طبيعي وبالنسبه للمشي انا الدكتوره قالت لي امشي من الحين حوالي ربع الى نص ساعه بس مشي عادي

السلام عليكم ورحمة الله وبركاته

مشكوووووووووووووووووووووووورين خواتي على تطميني الحمد لله الحمد لله في امل اولد طبيعي...
يعني الوحدة لازم ما تسمع للناس لان صج تاثرت نفسيتي ... ان شاء الله ربي يسهل علينا وعليكم جميععععععععع يا رب ...

والمشي خلاص كلمت ابو الشباب ننزل نتمشى قال لي بس تدخلين الثامن باطلع معاج نمشي مثل ما تبين ...

انتوا شخباركم خواتي طمنوني عليكم من زمان ما سمعنا اخباركم؟...
تحسون مثلي ان هالشهر طويلللللللللللللللللللل بمعنى الكلمة مب راضي يمشي الوقت ؟..

في أمان الله

سلام بنات كيفكم شو الاخبار
حابه استفسر عن اوزانكم زدتوا كتير ولا لا
وحد صار معه كحه لاني صارلي من شهرين ومش راضيه تخليني ومع كذا لما اكح الله يكرمكم ينزل قطرات بول بدون ارادة مش عارفه شو الحل وهل هالشي بيستمر معي ولا لا
ارجوكم افيدوني السالفه جدا محرجه كتير اخذت ادويه للسعال وما راحت

هلا خواتي كلكم كيف الحال




انا هذي اول مشاركه لي معاكم





وانا بالسابع معاكم





وخايفه مووووووووووووت ماودي هال3شهور يخلصون





واختي دمع مثل ما قلتي احس الايام مو راضيه تمشي




عالموم انا هذا بكري وقاعده احاتي وااااايد





انا عمري 18 واحاتي الولاده وشلون بتعامل مع الياهل بعدين





يعني وااااااااااااايد خايفه



بليييييييز طمنوني احد يساعدني



وشو ممكن اسوي عشان ما اخاف من شي اسمه الولاده ؟؟؟؟






وتسلموووووووووون كلكم





وعن وزني فزاد واجد يعني حول ال 15 كيلو اذا ما كان اكثر





انا خايفه لان يقولون الوزن مايزيد اكثر من 15 صح ولا لأ؟؟؟





تسلمون مرة ثانيه

دمع الليل

اي والله مثل ما تقولين احس انه الوقت طويل بس لمن اتذكر انه فيف ولادة ارجع بكلامي وودي ارجع كم شهر خخخخخخخخخ

ما محصله اسم

انا زاد وزني للحين 12 كيلو بس القابلة تقولي طبيعي خصوصا اني ما اكتسبت شحوم في جسمي بس ببطني مع انه بطني مو كبيرة بس ودي اعرف وين ال12 كيلو راحوا خخخخ
و عن الكحة ما صابتني الحمد لله
بس البول بالليل كلش زاعجني كل شوي اروح للحمام بس شنسوي لازم نتحمل ما بقلنا شي

[COLOR="YellowGreen"]احساس جوري

حياك الله معانا برابطتنا الحلوة و انا مثلك بكري و عمري 19 و هم كنت ميته خوف من الولادة بس الاخوات بالرابطة ما قصروا و خففوا عني
و خلي ببالك دايما انه كلها يوم و يمر و يصير بالذكريات الحلوة
ننطر تفاعلك بالرابطة دايما

و الباقي و ينكم مشتاقه لكم[/COLOR]

السلام عليكم ورحمة الله وبركاته
شلونكم خواتي الحلوين المنفوخين
دمع الليل من زمان قلنا ليش ما بينا وبين بعض شكر حبيبتي
وخواتي أني بعد مأجلة المشي للثامن ما أقدر
والله يعطيكم العافية كلكم

مررررررررررررررررررحبا حبيبااااااااااااتي

كيفكم
اشتقت لكم مررررررررررررررة

$$ اولا شيء اعتقد الولادة القيصريه ماتعتمد على الطول , تعتمد على الفترة الاخيرة وعلى وضع الطفل وعلى الحالة الصحية للام وترى كثير من الامور الخاطئة تنتشر عند الناس لاتسمعوووون من احد ترى بتخافوووون لان الحاله النفسيه تأثر على البيبي وعلى الام

$$ على الوزن انا كنت اعتقد اني زدت فوووق العشرررررة بس امس كنت عند الدكتورة وقالت لي وزني زاد 8 كيلووو من حملت وقالت لي ان الوزن اوووكي كذا

اختي احساس جوري يختلف الزيادة من وحده لوحده
اذا كانت نحيفة يختلف معدل الزيادة منها اذا كان جسمها وسط او مليانه

اهم شيء لا تتبعين اي حميه او تحاولين تنزلين وزنه في فترة الحمل لان الطفل محتاج لتغذية
حاولي تنظمين غذائك عن اخصائية تغذية ...
$$$ بنات انا بعد احس الشهر السابع طويل وطقة رووووووووووووحي وابي اغير ابي ارووح الشهر الثامن انا يوم السبت الجاي اكون خلصت الاسبوع 30 وبداية الاسبوع 31

$$بنات مين عندها فقر دم بسبب نقص الكالسيوووووووم

$$ بعدين وش كريمات سترج مارك اللي تستعملونها , انا عطتني الدكتورة شيء رااااااقي وغالي
بس احس سعره فيه كنت استخدم كريم زيدة الكاكاو اللي من بالمزر بس حاليا شكلي بستخدم الاثنين يعني الصبح احط زبدة الكاكاو والعصر احط الكريم اللي عطتني اياه الدكتورة وبالمساء احط زبدة الكاكاو .. والله كل شيء ولا تطلع التشققات البايخه هههههههههههههههههههههههههههههه وانتوا اذا عندكم اي شيء يخص الموضوع هذا قوولوه لان الفترة اللي بتجي البطن راح تمتد اكثر ,,,
بنات
انا لاحظت ان زيت اللوز المر يخفف من الخطوط اللي توها طالعه
انا طلع لي كم خط وحطيت عليهم زيت اللوز المر واحس خف

$$ على المشي انا صراحه امشي من الحين بس مو مشي متعب , لاني لاحظت اني لما امشي اتنشط واتخلص من البهذال اللي بالجسم واصير اكثر لياقه , واذا مامشيت كله دايخه ولا اقدر اقووم من مكاني , ولما سألت الدكتورة قالت ان المشيء ينظم مستوى السكر في الدم ...
بس اهم شيء الوحده يكون حملها ماشي اووكي وماعندها مشاكل في الحمل والمشي يكون مشي بشويش موو تتعب حالها , وعشر دقايق او عشرين دقيقة فقط ...

$$ بنات وش تجهزاتكم للولادة , وش شريتوا لكم للولادة
هذا والله يسهل عليكم اجمعيا

عروس الموج حبيبتي
ما تصدقين اي قد فرحت يوم شفت اسمش
وينش
خليتينا نحاتيش عن جد خفنا عليش واجد
طمنينا عليش بليز
وبسرعة أني كتبت مشاركة أسأل فيها عنش

انا هني موجووووووووووووووووده والله ولهت عليكم لو يدري زوجي اني افكر فيكم اكثر عنه ما بيخليني اداوم عسب بس ما ادخل النت.

اشحالكم شووو الصحه يا احلا حوامل..فالدنيا.

انا بخير الحمدالله سوري والله خليتكم اتحاتوني...انا ما عندي كمبيوتر فالبيت بس يوم اداوم ادخل النت..

انا داومت يوم الثلاثاء وكان عندي موعد فالعيادة..وخليتها تكتبلي إجازه الايام الباقيه لان صدق كنت مرهقه..وامس ما رمت اداوم المشكله ان النوم ما يجيني إلا الساعه 7 الصبح..

المهم انتوا شو اخباركم..

عيون ريمي
اشحالج اختي امس تذكرتج يوم سويت الإسكان اقول لدكتوره شو جنسه معني مخبريني قبل بس قلت يمكن تغير البيبي حاط ريل على ريل مب طااايع يفتح عسب اشوووف ههههه

دمع الليل..
لا تحاتين قصر القامه عليج بالمشي اخر الشهر انشالله وتولدين طبيعي وبسلامه انشالله
انا بنت اختي قصيره لدرجه الكل يتحرها صغيره بس ماشالله كل عيالها طبيعي.

بسمة البحرين
شو اخبار صحتج اختي عساج بخير..

توتي وشيكوو..
انتي الي وحشتيني ياختي..انا بخير الحمدالله

أبرا الجنه..

حلوه هااااي تنبل لا يا اختي اتحركي خلج خفيفه احسن عسب ما تتعبين من الثقل..خله حركتج خفيفه على الاقل...

أحساس جوري

يا هلا فيج من بينا وحيااااااااج وانشالله تتطلعين انشط عنى

فلة والأقزام..
مرحبا اختي..
عن كريم التشققات انا استخدم موستيلا والحمدالله لين الحين ماشي معااااااااي بس ما ادري لين الشهر الاخير

ما تشوفين شر حبيبتي
أنا مثلش أجي الدوام وفيني النومة لأن طول الليل تقلب وتعب وضلوعي وعظامي كلها تعورني
بس ما أقدر آخذ إجازة حتى زوجي يشتغل في المركز الصحي والبارحة اتصل ومن كثر ما حس غنس تعبانة واجد قال لي بجيب ليش غجازة قلت ليه لا
لأن مديرتنا حاطة دوبهاودوبي مع إني يمكن من داومت للحين ما أخدت في حدو د ال12 يوم إجازة مرضية وما ىخذ إلا لين كلش شايفة الموت بس من اتصل أقول ليهامابجي عندي غجازة مرضية يتغير صوتها واحسها تتضايق واني ما أحب أحد يسوي ليي جدي من جدي تعب جسم ولا تعب قلب مع إني والله ما يعلم بحالتي إلا رب العالمين
واللي معور قلبي كله حمود كلما تعبت أكثر قل تحملي غليه وكله أعصب عليه مسكين بس غصب عني
الله يقضي هالمدة على خير

عيون ريمي..

والله الزم ما عليج راحتج يا اختي...

انا صارلي اداوم 5 سنين وكرفت كرااف لهم قبل لا اتزوج طبعا من تزوجت حملت من الشهر الثاني وبدا عندي الوحاااااااااام وكنت كله اغيب وتاخر ويدخلوني المستشفى...وعلى هاي السنين نسووو كلشي ويلسو يحاسوبوني على التاخير الي في خلال شهر واحد...وتخيلي تقيمي السنوي نزلووووه...

من هذاك اليوم ما قمت اسويلهم سالفه ولا اشتغل عدل الي اروم عليه اسويه والباجي طااف..

معنى المدير قال بيحولني على الشؤون القانونيه وعطوني انذاااار...قلت الي في راسكم سوووه..

محد بينفعني لووو طحت ولا صار شي بسم الله على البيبي...

شوفي صحتج وايد اهم ما عليج منهم...

هلا توني سويت الترا ساوند..

الي سوتلي الاسكان قالت الحمدالله كلشي اوكي..

وزنه 1.217 كيلووا

موعد الولادة عسب الاسكان طلع 15-06

جان اسالها عن جنس المولد جان اتقولي شكلها بنت....جان اضحك اتقولي ليش محد خبرج قلت خبروني بس الكل يقولي ولد...تمت اتجيك عدل قالت لا لا ولد بينت فضايحه.

شككتني قلت بسير اسوي الملون في عيادة خاصه عدنا احسن...

وشكلي بغير التكرز بخليه ملون ههههههههههه

حالتنا حالة ويامعرفة جنس المولود
زين عروس الموج ما تتكلمين عن تجهيزاتش ليش ما جهزتين؟؟
أني اشتريت كلش أغلراض خفايف
يعني مي محسوبة
والسبب كله إني للحين ما عرفت
بس دمع الليل اليوم ما دشت
يعني يوم اللي تدشين انتين تختفي هي ويش سالفتكم

عيون ريمي

انا ابدا ما سويت شي والله..
قلت اول شي ببتدي بنفسي اخلص اغراضي انا وبعدين البيبي...

انشالله باجر بتكلم في هذا الموضوع لان الحين بطلع من الدوام...