أمهات يونيو 2007

سلالالالالالالالالالالالام:salam:

انا رحت امس لتحليل السكر:up:

و اول ما شربت المحلول بعد عشر دقايق استفرغته كله:down:


لان معدتي ما اتحملت و معنى هذا انه التحليل كله خرب و لازم اخذ موعد ثاني:sad:

و انا محتارة اسوي او لا نصحوني بنات عفية؟؟؟؟؟؟؟

[glow=FF9966]بناااااااااااااات ادعووووووولي فديييييييتكم
نفسيتي وااااااايد تعبانة
وظروف حملي وايد صعبة طبعا اتوقع الكل يتذكر
كتبت مره هالشي :( والله كريم
والحمدالله على كل حال[/glow]

السلام عليكم ورحمة الله وبركاته

الاخت الغالية توتي وشيكو ..:shy: افا عليججججج تخصص لهجات ولغات حضرتي يعني من كل بلد يبي لي جواز وجنسية هههههه ... تسلمين غناتي ..

والحمد لله احس وايييييييييييييييد ارتحت من الالتهابات بعد المداومة على العلاج .. اتمنى ان شاء الله ما ترجع لي مرة ثانية :sad:
وها طمنينا بئى على البنوتة الحلوة " لولا " .. ازا كانت لسه بنوتة خلاص حاحجزها لابني :gum: حاخطبها له من دلوئتي ..


الاخت الغالية ابرار الجنة ... اي حبيبتي احنا في البحرين عندنا من الوحدة ترجع المحلول خلاص ترجع ويعطونها موعد ثاني .. انصحج تسوينه مرة ثانية مب عشان شي غير تتاكدين وتتطمنين على سلامتج يا غناتي ... الله يحفظج من كل شر ...


الاخت الغالية ملاذ الطير .. يا عينيييييييي ربي يسهل عليججججججج حملج وولادتج ويتمم لج على خير ما بقى شي هانت يا قلبي .. الله يحفظج من كل شر

في أمان الله

السلام عليكم ورحمة الله وبركاته

خلااااااااااااااااص يا بنات كملت اغراضي كلها ولله الحمد .. ابي اصورهم والوالدة صاكة عليهم مب راضية اطلعهم من غرفتها تقول لي خليهم لوقت ولادتج اطلعهم وتصورينهم وتسوين الي تبينه :sad: :sad: فديتها من حقها اول حفيد :shy: الله يطول بعمرها ...

بالنسبة لبنات البحرين الي سويته بالنسبة للفراشات خذيت خلق من المنامة من السوق من محل متخصص في بيع خلق ادوات اليهال وجذي يصير يم اصغر علي داخل الداعوس ... يم جنيد وهالطخة .. خذيت طاقة كاملة ووديتها لمحل في سوق واقف يسويه لي كامللللللللللل على حسب ذوقي

الطقم يكون عبارة عن فراش البيبي + مخدة بسيطة + فراش للام + علبة كلينكس + سلة المهملات + شنطة ..

وفي محل في المنامة اسمه اشراقة رضيع .. عاد انا ما ادل بالضبط وين كان لاني اروح وي الوالدة الله يخليها .. وما ادل المنامة بس هيه توديني اتشرى واطلع:shy: :gum: اغراضهم حلوووووة .. وحتى بيبي بورن ما سويت عندهم بس ناوية اليوم اروح اسوي لي طقم هناك بعد ...


في أمان الله

الغاليه دمع الليل خلاص انا موافقه تبقى حماه بنتى مش هلاقى احسن من كده والا حتى فى الخيال
روحت لدكتورة للاسف الشديد بس كنت مضطره دكتورى مش موجود واللى فقع مرارتى مكسله تشوف نوع البيبى يا ستى انا فى اول السابع اكيد واضح تقولك البوزشين بتاعها ميسمحش انى اعرف وبعدين لما الحينا قالت لجوزى بنت وهو افتكرها شافت بس انا كنت شايفه بس نبض البيبى وقبل ما نخرج قالت انها بنت لان دكتورى قال بنت دمى اتحرق وان شاء الله احاول اتأكد
سلامة كل الحوامل وربنا يقومهم بالف سلامة

هلا اختي دمع الليل شكرا لانك دايما تعبريني و تردين علي بعد عمري و الله
و ان شاء الله ارجع اسوي هالتحليل المزعج و اخلص منه

اختي ملاذ الطير الله يسهل عليك و تولدين بموعدك يااااااااااااااااااااااا رب

السلام عليكم ورحمة الله وبركاته

تسلميييييييييييين غناتي توتي وشيكو الله يخليج ..واحس باحساسج اكره شي اذا الدكتورة جذي نحيسة حظ وما تراعي المرضى ... يعني احنا على زود المحاتاة وكل شي نروح لهم دمنا محروق ونطلع من عندهم بدال ما هو محروق فاااااااار خلاص .. بس ان شاء الله تروحين مرة ثانية وتتطمنين ..


الغالية ابرار الجنة ..

افا عليجججججججج يا قلبي .. وانا من لي غيركم خواتي تسلمون لي عسى الله يحفظكم ... حاضرين لج دايما

في أمان الله

مرحبـــــــــــــــــــــــــــــا

بنووووووتات

ممكن انضم لكم

<<<<<<<بدري ههههههههههههه
متابعتكم من زمااااااااااااااان بس النفسيه كانت مش ولا بد
فماشاركت ولاكتبت

بس ممكن من دا الوئتي اشاركم


وابي اعرررررررررررررررف وش التحاليل اللي سويتوها هالشهر

وبعد شنووو

وش باقي من التجهيزات

ومازهقتوا من الحمل وتقووولون متى نوووووووووووووولد هههههههههههههه

وعلى تحليل السكر اللي انتوا تتكلمون عنه ان غاسله ايدي منه
ماراح اسوووويه

عندي احساس ان مالي خلق هالتحليل

اي وانا من الحين بديت امشي على شان تسهل ولادتي
والكل يقول لي هجدي قعدي ولا في فايده
زهقت
اي نسيت اقووول لكم موعد ولادتي بداية يونيو

السلام عليكم ورحمة الله وبركاته

يا هلا وسهلا فيج بالرابطة حتى لو متاخرة :shy: ما بنردج يا الغالية ....

بس ما شاء الله عليج شكلج بايعة الدنيا .. يعني مالج بارض حق شي " مالج خلق" ...

التحاليل مهمةةةةةةةةةةةةةةةةةةة يا الغالية عشان تتطمنين على صحة البيبي وتساعد التحاليال الدكاترة بوقت الولادة ... يعرفون شنو الي لازم لج من ادوية ومن مسكنات وووو ... وبعض الفحوصات تساعد لمعرفة اذا كانت الام " لا سمح الله " تحتاج لولادة مبكرة او ترقيد بالمستشفى للمتابعة قبل الولادة بفترة ....


التحاليل الي سويناها هالشهر لازم تحليل السكر ... بما انج اعتقد ببداية الشهر السابع ..
والتحاليل الاعتيادية من قياس للضغط والوزن والطول ... نبض الجنين ... وضعية الجنين ونموه .. مستوى هيموجلوبين الدم ...
ويجيكون اذا كان عندج انتفاخ بالجسم او لا ... واذا حابة تسوين الترا ساوند يسوون لج ...

نصيحة لوجه الله اذا ما كنتي خايفة على روحج لازم تخافين على الامانة الي بداخلج وتدارينها ... الله يحفظ لج البيبي ويحفظج من كل شر ...


صج زهقنا بس مو منهم فديتهمممممممممم عيالنا ... بس زهقنا بشوق نبي نلمهم ونشوفهم ونمسع بجيهم بالليل ووووو ...

انا بالنسبة لي شريت اغراضي ولله الحمد ... وباقي جم شغلة يمين يسار ... بس باخلصهم بهذي الايام .. عسى الله يعدي الايام على خير ونكملها جميع بالصحة والعافية


في أمان الله :shy:

السلام عليكم ورحمة الله وبركاته

هلا بنات شلونكم شخباركم

انا الحمدالله من جم يوم رحت سويت تحليل السكر الي عادوه لي كان كلش متعب 4 ساعات كل ساعه يسحبون مني دم وانا بكبري مافيني دم حتى الممرضه الي هناك تقولي الله يساعدج لانها مسكينه تغربلت على ماتسحب مني دم تقولي انتي عروقج رقيقه كلش ومافيها الا هوا طبعا انا مافهمت شنو قصدها بس ضحكت خخخخخ والمهم النتيجة للحين ما طلعت

دمع الليل رحتي مذركير كان مسوي تخفيضات الي بالمارينا والي بمجمع سترة انا رحت الي بالمارينا كان عندهم اشياء حلوه للبيبيات خذيت اشياء بسيطه بس مو كلشي عليه تخفيض وكان كلش زحمة
وبسألج وينه محل اشراقة رضيع لاني سمعت عنه وايد انه يسوي شغلات كشخه
بيبي بورن رحته بس محتاره اخذ منه ولا لا بس رفيجتي سوت عنده وتمدحه وايد

امممممم ماقلتي لنا وين ناويه تولدين باي مستشفى انا فكرت بالسلمانيه بس زوجي مو راضي يقولي الامريكي احسن وللحين محتاره

اي بنات نسيت اسألكم اخذتو الابرة الي يعطونها بالشهر الرابع لاني ماشوف احد ذكرها انا طقوني اياها ولما سألتها ليش قالت لي انه لازم كل حامل تاخذها لانها تعطي مناعه وبس

السلام عليكم ورحمة الله وبركاته
شلونكم خواتي اشتقت لكم
المهم أختي بسمة البحرين هذي الإبرة مو لازم في الرابع
أني أخذتها بداية السادس والثانية توي ماخدتنها يوم الخميس اللي طاف
ويعطونش موعد لثلاث وحدات عقب الولادة
أني في حملي الأول ما عطوني بس هالمرة عطوني

يااااااااااااااا قلبي عليك دمع الليل وعلى ردك اللي يجنن

انا بداية الساااااااااااااااابع

واخيرا وصلناااااااااااااااا عقبال ما نقول حنا في بداية التاسع
والله شكل الدكتورة اللي اراجع عندها اخرطي


كل مرة اروح تأخذ الوزن والضغط وتعمل سونار وبس

واخر مرة تهاوشت معها
شكلي هالشهر بغير وبروح اعمل كل التحاليل مو لزوم اتحمل هذه ضريبة الحمل لابد اننا نتحمل ...

والله احس الزهق من اشكالنا احس شكلي غلط بقوووة
وصرت اكره كل المرايات اللي في الجامعة
مابي اشوووف شكلي ابد ههههههههههههههه


لا وانا ماقصرت في الوزن زايده حتى الان 10 كيلووو الله يعين

مادري كم بيصير وزني شكلي بصيررررررررررررر دبابة هههههههههههههه

واحس ان الدوام صار صعب ومالي خلق اذاكر اليوم كان عندي امتحان مادري كيف ذاكرت
متعوده اذاكر وانا منسدحه على بطني والحين غيرت الوضعيه فاحس المعلومات ماتبي تدخل ههههههههه


ايوووه على فكرة عرفتوا وش جنس البيبي ولا مخلينه وقت الولادة ؟؟
انا خليته وقت الولادة مفجأة لنفسي ههههههههههههههههههههه
احس اني مابي اتقيد في التجهيز ابي اخذ اللي يعجبني وبس

بس احس ان تجهيز البنوته احلى من الولد
يعني اذا طلع اللي فيني ولد بيصير نص اغراضة اغراض بنوتات ...

انا باقي لي السرير لنونو وشكلي بشتريه من البيبي ستي عندهم اشياء تجنن
وباقي الشغلات اللي يحطونها بيدينهم ورجولهم اللي هي قفازات صغيرة وشربات يادلبي يجننون


وباقي لي بعد اغراض السباحه " صحيح وش يشترون لسباحه " ليكون انسى اشتري شيء اسبحه فيه واسبحه في قدر ههههههههههههههه

وبصور الاغراض وبحطها

بسمة البحرين الله يعينك مايصير كذا لزوم تأكلي كووويس
وراك ولادة وفوضه لزوم تكون صحتك كويسه
سحب دم وماطلع دم كيف الولادة ؟؟

وش هي هالابره اللي يأخذونها في الرابع

لا خذت ابر ولا شيء اروح اخذها الحين عادي
ووش اسمها

الله يتمم لنا على خير يااااااااارب ويسهل حملنا وولادتنا
ويرزق كل محرومه يااااااااااااارب

السلام عليكم ورحمة الله وبركاته

الاخت الغالية بسومةةةة ..
حبيبتي انا لحين ما عطوني ابرة قالت لي الدكتورة يبي شهادة ميلادج بنجوف اذا ما خذيتيهم قبل بنعطيج اياهم 3 ابر واذا ماخذتهم خلاص

اعتقد هم ضد التيتانوس ... او مرض ثاني .. اللهم يا كافي الشر ...


بالنسبة للموقع لاشراقة الرضيع انا ما اعرف اسامي المواتم والمسايد في هناك بس وحدة في موضوع بنات البحرين وصفته بالضبط .. يم مسيد مؤمن وماتم السماميك ... وانا جفت هناك ماتم ومسيد بس الاخت يزاها الله خير ذكرتهم لنا ... روحي هناك شرط يعجبونج ... واذا ما عجبج الخلق شري لج خلق على كيفج وهم يسوون لج الديزاين الي تبينه ..
انا رحت مذركير وشريت من التخفيضات وايد اشياء احواض سباحة وجلاسات و كار سيت ومراضع وفوط وملابس ..... ما خليت شي طلعت مفلسة ذاك اليوم ههههههههه


وبعدين حبيبتي اكلييييييييييييييييييييييي زين خل عروقج ترتوي ... طماط ، جبده ، دياي لحم سمج ... اكلي زين وراج ولادة وفيها بعد دم يعني بتتغربليننننننن ...
انا ما حددت اولد عند العسكري والا السلمانية ... بس لازم اقرر من هاي الشهر عشان اجوف اداوم خلاص باي مستشفى للفحوصات وكل شي ...


لي عودة ...

السلام عليكم ورحمة الله وبركاته

الغالية ريومة وانتي واحشتنا اكثررررررررر حبيبة قلبي وعروس الموج بعد ما اجوفها والله احاتيها ان شاء الله المانع خير يا رب ..
ها شلونج مع التجهيزات ؟؟.. وشمسوية ...


الغالية فلة والاقزام .. تسلمييييييييييين لي غناتي .. الله يخليج .. بس ترى الفحوصات تختلف من دولة للثانية ... بس انتي دوري لج على الدكتورة الزينة الي تحسينها مهتمة بكل النواحي والاهم تكونين مرتاحة معاها ...
انا اهم شي شريته حوض الاستحمام .. خذيت الي معاه طاولة ينباع بالمذركير البحريني او الي تسمونه عندكم بيبي شوب ...
واخذي مع الحوض الليفة الناعمة المخصصة للاطفال .. ومجموعة العناية تقدرين تاخذينها اذا مب احين عقب .. الي هو شامبو اطفال " لا دموع " .. وصابون ناعم .. ولوشن خفيف عطره مخصص للاطفال .. ومجموعة بيبي جونسن ما تقصر عندهم كل هالادوات اللازمة ..
وعندج بتحتاجين لقطن عشان وقت السرة قبل لا تطيح بتمسحينها بالدوا الي بتاخذينه او اذا كان ولد وقت الختان بتحتاجين للكريم ....
واعواد قطنية .... هذي الاداوت تحصلينهم بالسوبرماركتات او الصيدليات قسم ادوات الاطفال ...


في أمان الله

مرحبا..

والله وحشتوووووووووووووووووووني

شخباركم يا حلواااات انشالله كلكم بخير...

انا الأحد الي طاف كنت تعبانه وطووول الليل ما نمت من التعب احس الالام شديده اسفل البطن المهم رحت عبادة الموظفين الي عدنا وحولتني على امراض النساء وسولي فحوصات قالت هذا كله من الارهاق وخلوني انام يوم واحد فاالمستشفى وبعدها عطوني اجازه اسبوووع كامل..

والله انا وايد اتعب بالليل ما انااااااااااااام ولا عارفه كيف انام احس نفسيتي وايد تعبانه ايني شعوور ابا اولد بسرعه اخلص احس ثقل ظاغط على رجلي اليمنى اكثر.

مشكوووووووووووورة دمع الليل على النصايح الحلووووووووووة

عروووووووووس الموج الله يعينك حبيبتي ودير بالك على نفسك وعلى البيبي
وارتاحي اهم شيء الراحه

على فكرة شعورك تفس شعوري انا احس اني ابي اولد بسررررررررعة وافتك
انا احس الضغط على ضلوعي وصدري احس روحي مضغوطه مرة

الله يعينك حبيبتي

انا الحين بروح المستشفى وعندي احساس ان عندي التهااااااااااااب

اشووفكم على خير

هلا فلة والأاقزام

ابا تفسير لاسمج هههههه

انشالله ما يكون فيج الا العافيه وبعدين هالإلتهابات والله من بدى الحمل عندي وانا اعاني منها ما خليت شي ما استخدمته..

امس ما تصدقين شو سويت غسلت المنطقه اب ديتول مخفف حطيت اشويه في ماء وغسلت فيه المنطقه حرقني بس اوني اطهر المنطقه.


عن الراحه مشكلتي من اكون فالبيت ما ايلس وانا ساكنه مع اهل زوجي صح ان فالبيت كله اولاد وعنده اخت وحده والاولاد كلهم من سن 16 وتحت بس ما اقدر انبطح جدامهم معنى عمتي اتحشرني اتقولي انبطحي بس ما اقدر لان زوجي يعصب ما يرضى..

والحين اذا رحت فوق ما اقدر انزل واذا نزلت ما اقدر اروح فوق...

وعمتي ام زوجي صاير لها اسبوع والده بقيصرصه وهي تعبانه يعني انا لازم اقوم بالواجب ايونا ضيووف والبيبي فديته انا يالسه اعابل فيه..الله يحفظه امس طالع من المستشفى.

بيب لي خدامه انشاالله لان كواي الملابس الصراحه ارف..معني ما احب اعتمد عالخدم بس خلاص ما اروم من التعب

سلام يا امهات كروش <<< و هيه منكم طبعا

شلونكم و شلون الحمل معاكم

بنات انا صايرة فيني خوفة كبيرة من الولادة و ما ادري شلون اوخرها لاني اول مرة احمل و ما اعرف شنو الالم رلح يكون فميتة من الخوف و تفكيري كله بهالموضوع:(

السؤال هو انه: هل انتوا نفس الشي و له بس انا؟؟ الله يخليكم جاوبوني..

خصوصا اني اسمع انه ولادة البكر صعبة جدا :(

و شكرا للي بتجاوبني مقدما..

السلام عليكم ورحمة الله وبركاته

شلونكم شخباركم

هلا حبيبتي عيون ريمي بالنسبه لي عطوني الابره في الشهر الرابع وماقالولي عن ابر غير قالت لي بس هذي تاخذينها حتى سألتها في ابر غير قالت لا

فلة والاقزام هلا حبيبتي شلونج والله ياقلبي اكل بس مادري ليش ما يزيد دمي خصوصا انه نسبه HB عندي صايره داون وبالنسبه حق الابره مادري شسمها بس قالت لي الدكتوره انه لازم كل حامل تاخذها

دمع الليل هلا ياقلبي شلونج انا مثلج طلبو شهادة الميلاد وقالت لي الدكتوره انتي ماخذه كل تطعيماتج يعني ما تحتاجين ابر بس نعطيج ابرة الحوامل ويوم سألتها ليش قالت لي احنا نكتبها حق كل الحوامل ولازم ياخذونها لانها تعطي مناعه حق الام والجنين وبس
ومشكوره حبيبتي دليت المحل انشالله بكره اروح اشوفه
وعن سالفة الاكل تراني ااكل واايد وانا خايفة من سالفة الولادة لانه سمعت حماتي تقول ان الدم ينزل 3 درجات يعني انا دمي 10 بعدين يصير 7 وقالت لي لازم على الاقل يصير 13

عروس الموج حبيبتي ماتشوفين شر وانا بعد نفسج الام اسفل البطن ذابحتني مووت وانا اعتقد انه من الثقل

حبيبتي ابرار الجنه انصحج لا تسمعين كلام من احد عن الولاده لانه كل وحده تختلف عن الثانيه وبالعكس المفروض الحين تهيأين روحج حق الولاده وتستانسين لانه في بيبي بيملا حياتج
وحتى لو كانت الولاده صعبه بس لحظاتها راح تكون حلوه خصوصا لما تظمين ولدج في صدرج راح تنسين كل التعب
الحمل والولاده صج متعب بس صدقيني احساس حلو لانه في ناس مو لاقيته ولا تشغلين افكارج بالشي هذا والله يسهل عليج وعلينا وتكون كلنا ولادتنا سهله