أمهات يونيو 2007

عليش بالعافية دمع الليل
وعقبال ما تجهزين توزيعات عرسه إن شاء الله
والله يكون بعونش على مواعيد الحكومة

أني التحاليل وتحليل السكر أخته في المركز الممرضة خلت إيدي جنها معضوضةمكان الإبرة تمت ليي اسبوع الأثر

هلا والله بدمع الليل

او ليش يعني طالبتنهن من مصر (لقافه)

حلووو يو م تزهبين للبيبي اتحسين شي غريب اونه ام تشرا لولدها هههههههه والله وكبرنا.


عيون ريمي

اشحالج اختي عسااااج بصحه وسلامة

الحمد لله
نسأله الصحة
وانتي شخبارش
اليوم دخلتين متأخرة
غفصوش بالشغل من البداية

السلام عليكم ورحمة الله وبركاته

هلا اختي عيون ريمي ... الله يعافيججججج حبيبة قلبي ولا تخافين بنشيل لج من التوزيعات اذا ولدتي معاي بنفس الفترة والا اذا ولدت قبلج زوريني ... ((-- تتشرط بعد مع ويهها...

صاجة بخصوص الحكومي يغثون ويلوعون الجبد ويتفلسفوووووووون على ما ادري شنو ..
اليوم سحبوا مني الدم للتحاليل واشوه ان امي الله يحفظها والوالد الله يخليه كانوا معاي لان زوجي بالشغل ... وبس طلعت من غرفة التحليل على طول اغمى عليييي ... يدها ثقيلة الي تسحب الدم .. وقالوا لي ان دمي ناقص ... وعطوني فيتامينات على جرعات اكثر وي الحديد ... ويوم الاحد اروح لتحليل السكر ...



الاخت الغالية عروس الموج ... ههههههه سلامتج عمري من اللقافة بس الله يسلمج لان حماتي " اخت زوجي " تروح تقدم امتحانات بمصر فوصيتها ع الحلاوة وما قصرررررررررررت فديتها ... ويابت لي اشكال رهيبة من عندهم .. لان تعرفين خواتنا في مصر عندهم الاسبوع وما ادري شنو .. فيابت لي من عندهم ...


انتوا شلونكم وشعلومكم ؟؟

في أمان الله

سلام شخباركم حبايبي
اشتقنا ليكم والله
وخفنا تتأخر سالفة تبديل السيرفر
لأن تعودنا عليكم وما نقدر ما نتصبح بكم وسلامي لكل أمهات يونيو

هلا بنات شلونكم
بس بغيت اسئلكم شنو الحساب الصح السونار لو العادي الي نحسبه لانه السونار معطيني 3 تواريخ اولد فيهم وانا صراحه تخربطت كل وحده تقولي موعد بس وحده قالت لي خلش على حسبتج لانه السونار مايضبط ساعات

السلام عليكم ورحمة الله وبركاته

وحشتونا انتوا بعد يا الغاليات ...

اختي شموخ البحرين ... انا بعد معطيني 3 تواريخ بالالترا ساوند ... بس جريبين من حسبتي ... اممم مب لازم تاريخ جم نولد وقت الي بيي اجل ولادتهم بنولدهمممممممم فديتهم بس الاهم تكونين مستعدة قبل التواريخ الي معطينج اياها بفترة ...


في أمان الله

مساء الفل على احلى حوامل اخباركم ايه على الله تكونوا بخير بجد وحشتونى اوى وخصوصا دمع الليل وعروس الموج وبسمه البحرين وان شاء الله من النهارده هتواصل معاكم كل يوم
بالنسبالى مفيش جديد بس اغلب الوقت تعبانه وحاسه ان بطنى كبيره جدا ومتشوقه انى اولد على الرغم انى عارفه ان البيبى فى البطن ارحم من لما يتولد وخصوصا اول 3 شهور لانه مش بينام بس بصراحه نفسى اولد واخلص لان الوقت بطىء اوى وربنا يصبرنا جميعا ويقومنا بالف سلامة

[mark=FF9999]هلا والله بنات شحاااااااااااااالكم :)
انا معاكم بولد ان شاءالله 26/6 :)
بس مثل ما تعرفون وايد اشياء صارتلي :(
بس الحمدالله على كل حال [/mark]

شخباركم حبيباتي شلونكم
أختي بسمة البحرين
كل التواريخ اللي يعطونش إياها تقديرات بس يختلف أساس التقدير
فمثلاً: تاريخ الحسبة على الدورة يعتمد على فترة الإخصاب عقب كل دورة
الألتراساوند
يعطيش واحد على حسب طول الجاهل وواحد عل حسب استدارة الراس
وجدي بس كلهم مو دقيقين
لأن فترة الإخصاب تختلف ولو بنسبة قليلة من شهر لآخر وهي في معدل 3 أيام فمو لازم تاريخ الحساب صح
وثانياً الألترا ساوند على الطول لو دائرة الراس مو دقيق لأن عادي الناس فيها اختلاف هدا راسه كبير هدا راسه صغير والطول يمكن الطفل بيطلع قصير عجل يؤخرون الموعد
بس انتين احسبي انش بتولدين في الفترة من أول تاريخ عطوش إياه إلى آخر تاريخ تقريباً ويمكن قبل ويمكن عقب هدي كلها تقيرات مثل ما قلت ليش

وإن شاء الله تولدين قبلهم كلهم وتفتكين
والله يسهل على الجميع

السلام عليكم ورحمة الله وبركاته

هلاااااااااا وغلا ومرحبتين والف مسهلااااااا ..حي الله توتي وشيكو الغايبة وحشتييييييينا يا أمر ازيك وازي البيبي الجميل؟؟...
الحمد لله انك حترجعي تكتبيلنا وتطمنينا على اخبارك .. بالنسبة للبطن الكبير ههههههه دحنا بئينا افيال متنقلة ... الحمد لله على كل حال يا رب تعدي الشهور البائية على خير ...


العزيزة ملاذ الطير .. هذا هوه الحمال تعب x تعب ... وبلاوي .. بس الحمد لله على كثر ما الوحدة تتعب تقول يسووووى ترى الضنا غالي ... وكلللللللله اجر وعافية ومحسوب لج ولنا ان شاء الله ...ما عندنا الا الصبر والتوكل على الله عز وجل والانتظار لغاية ما تفرج ...ربي يسهل عليجججججج يا رب


وباقي خواتي الامورات وينهم ؟؟..

في أمان الله

السلام عليكم ورحمة الله وبركاته

خواتي نسيت اسالكم ... صايدتني هالايام التهابات فطرية ماذيتني ... ومغربلتني .. راجعت المستشفى وعطوني كريم و تحاميل استخدمها لمدة 3 ايام ...

ما ادري شلون صادني مع اني اهتم بالنظافة الشخصية لابعددددددد حد .. ابدل الملابس الداخلية دوما وانظف المنطقة و انشفها بعد كل دخول حمام " يعزكم الله ".. وزوجي ما فيه ...

الطبيب قال لي عادي الحوامل تصيدهم التهابات في الشهور الاخيرة من الحمل ... بس هل تروح بسرعة ؟؟...

في أمان الله

هلا يا زميلات

انا اليوم دخلت بالشهر السابع ووايد فرحانة لاني بس ابي اولد و اخلص من الوحام و الاستفراغ اللي للحين معاي

و بالنسبة للالتهابات فانا صار فيني بكتريا بس ما يصير اعالجها اله ورى ما اولد و الله المستعان

دمع الليل
شخبارش وما تشوفين شر وإن شاء الله تخف عنش الفطريات
ما لا حظتين انه عروس الموج من ردوا فتحوا المنتدى ما شفناها
قمت أحاتيها

السلام عليكم ورحمة الله وبركاته

شلونكم شخباركم

دمع الليل ...... عيون ريمي مشكورين ياقلبي عالرد وانشالله اولد قبل الموعد وافتك من التعب

توتي وشيكو هلا حبيبتي شلونج وانتي بعد وحشتينا وايد

بالنسبه لي انا طلعت نتيجة تحليل السكر وتخرعت لما المستشفى اتصلو علي بس انا مارديت لاني كنت في المحاضره بالجامعه فتصلو على زوجي وخبروه انه نسبة السكر عاليه عندي كلش ماتوقعت لاني كلش ماكل حلاوه الا خفيف ومحافظه على اكلي الصحي شلون صادني مادري وطلبو مني اسوي تحليل مره ثانيه بو 4 مرات وانشالله خير ادعولي يابنات انه هالمره يطلع مافيني لانه نفسيتي كلش تعبانه من دريت انه فيني سكر الحمل

دمع الليل ماتشوفين شر حبيبتي وانشالله يروح عنج الالتهاب بس حاولي تكثرين من شرب الماي وعادي حوامل وايد يصيدهم جذيه ويروح عنهم

ابرار الجنه الله يساعدج انا بعد للحين ارجع بس لما اقعد من الصبح وصراحه شي كلش ماينطاق بس شنسوي كلشي يهون بشوفة النونو

الغاليه دمع الليل لو بايدى اديكى الجنسيه المصريه فورا بتتكلمى مصرى احسن منى
بالنسبه للالتهبات يا قمر متقلقيش دا طبيعى وبتيجى وبتروح ومش شرط من قله النظافه ممكن من كتر النظافه وان شاء الله تروح منك وتطمنينا عنك

حبيبتى بسمه البحرين سلامتك الف سلامه وموضوع السكر دا عادى حصل لصديقه ليا وخوفوها وقعدت تعيط وانا اقولها هتعيدى التحليل ومش هيطلع عندك حاجه وفعلا حصلها كده وانتى ان شاء الله هتعيدى التحليل وهيطمنوكى بس ابقى طمنينا عنك

اما عن احوالى فبكره ان شاء الله رايحه للدكتور اتطمن على حبيبه قلبى ليلى وخايفه يرجع فى كلامه ويقولى ولد ربنا يستر وان شاء الله اطمنكم بكره

السلام عليكم ورحمة الله وبركاته

غريبة والله خواتي ان فيكم لحين بالنساة انا نسيتها من الشهر الرابع الحمد لله والله لا يردهااااااااا من اتذكر ايام الترجيع و الدوخة واللوعة احس هم وانزاح عن قلبي ..


عيون ريمي الشر ما ييج حبيبة قلبي .. اي والله انا بعد لاحظت غيابها فقدناها صراحة ان شاء الله المانع خير يا رب ...


الغالية بسومة ... الشر ما ييج حبيبتي الله يسمممممممع منج .. والماي على طول اشربه تقولين جني تانكي ماي ... بس ان شاء الله تخف الالتهابات ..


وما عليج شرررررررررر وربي يعينج .. ياخذون دم مرة وحدة الوحدة تدوخ ونفسيتها تتعب بعد 4 مرات .. صج تعبببببببب بس ان شاء الله ما علييييييييج شر ... والمرة الياية يطلع ما فيج ..
انا لحين احاتي ما طلعت نتيجة السكر توني رايحة لها ... رب العالمين كرررررريم ..


في أمان الله

أنا الحمدلله نتيجة السكر عندي زينة
بعدي ما رحت الدكتورة لكن قريتهاوزوجي راواها الدكتورة اللي عندهم بالمركز اللي يشتغل فيه قالت ليهزين
لأن المعدل الطبيعي أقل شي 5.6
وأني نتيجتي 5.2 يعني الحمد لله أقل شوي
وكلكم خواتي ما تشوفون شر وغنشاء الله مني للتاسع يرد يرجع والله يحفظكم ويحفظ ولادكم من كل شر

مشكورين حبيباتي ماتقصرون والشر ما يجيكم انشالله