أمهات يونيو 2007

السلام عليكم ورحمة الله وبركاته

الله يخليجججججججججججج لنا عروسة ويحفظج ما قصرتي وصججججججججججج روعه موقعهم :qaq:
شهر 11 كنت في دبي بس حسافة ما رحت اتشرى للبيبي ..:sad: وزوجي يحن يبي يروح مع ربعه وانا مانعته شكلي باخليه يرووووح عشان يتشرى لي :shy: ((--- مصلحجيييييييية خخخخ

عيون ريمي حبيبتي ... افا عليج ترى ولدي وسيممممممممممم وان شاء الله تطلع بنوتة .. لاني ادور له على عروسة حلوة من احين .. :gum:

سويت 123 :shy: ترى رابطة يونيو ما يوزعون شي ببلاش كله وراه بزنس :gum: خخخخ امزح معاج حياج عيني باي وقت تغلي وتشرطي علينا كفاية انج بنت ديرتي


في امان الله

هلا اختي دمع الليل

بشتريله سرير خشب ابيض احسن و لا انتي شنو رايك؟؟

السلام عليكم ورحمة الله وبركاته

شلونكم شخباركم وحشتوني

شدعوه بنات انا زعلانه منكم ليش محد سألأ عني ولا كأني معاكم بالرابطه

المهم انا كنت شوي مريضه احس جسمي كله يعورني مادري ليش خصوصا منطقه الفخذ واسفل البطن هذا الشي عادي ولا فيني شي ترى انا خبله اخاف فيني شي وانا مادري
امي تقول من الثقل ومن حركة البيبي وانا بصراحه حتى قعده ماعرف اقعد كله ابي انسدح خخخخ

بالنسبه حق الوزن انا نزلت في بداية حملي 6 كيلو بس اخر موعده الدكتوره قالت لي زدت 4 كيلو وبس عندي موعد يوم الاحد وانشالله خير

اي وبعد عرفت ان الي في بطني بنوته واستانست وايد لماشفتها في السونار سبحان الله جنها تقولي يالله صوريني ههههههههه

مبروك حبيبتي بسمة البحرين
إن شاء الله أني بعد بنوتة قولي يارب
وما تشوفين شر
أني بعد مثل كل آلام ظهر ورجايل بس مو قادرة أستريح كل يوم دوام
والله يسلمش يمكن أني بنت وحياوية من جدي كل صاك رجوله ما تبغي أحد يشوفها عيب
حتى لو صبي خلف جبدي اللي بيجي خاطري أحمله وأنيمه أحس أني باقي عليي واجد مع أنه عليي 3.5 شهور يا ربي تقضيهم على خير ونتكلم عن هالأيام انها ذكريات يارب

كالعادة أمهات يونيو نوم للظهر ومحد يدش
أني اليوم ظهري كلش مو زين
من البارحة حسي بريح تشد في عمودي الفقري الظاهر بدت عندي رياح الإستقبال مع إني توي نص السادس
الله يقضي لينا على خير يارب

السلام عليكم ورحمة الله وبركاته

انا اختي ريمي الريح الي تتكلمين عنها عندي من زمان مثل الشد امي تقول مب ريح هذي من ثقل البيبي ينشد الظهر ويالم والالم متركز بس نهاية العمود الفقري جهة اليمين واحس فيه مثل سجين وقت الي اتقلب بالنوم ..

بس مو معقولة ريح الاستقبال من الشهر السادس ؟!!.....


في أمان الله

هلا حبيبتي عيون ريمي والله يبارك في حياتج والفال لج انشالله يقولون لج بنوته

بس انا ماعتقد انه هذي ريح استقبال لانه انا اعاني منها من الشهر الرابع وتزيد عندي بليل ومثل ماقالت اختي دمع الليل اذا بتنقلبين جنها سجاجين تقطعج هذا من الثقل لانه البيبي قاعد يضغط فمن جذيه تحس الوحده بهذي الآلام

هلا والله اشحالكم تولهت عليكم

انا كان عندي موعد يوم الخميس...والحمدالله كلشي بخير...

بس انا بعد مثلكم والله واااااااااااااايد تعبانه ان كل ما اناااااام بس اصيييييييييح من التعب ما ادري ليش احس محد عندي...وفعلا رغم ان ماشالله عندي خوات بس محد يتصل يسأل عني..الله كريم.

والله صعب البنت الي اتكون فاقده ام ...احس ابا اسال كل دقيقه ليش هذا يعورني بس مب محصله حد
بس يوم اي ريلي ايلس اصصييييح ماشي سغل.

وسموحولي ما سرت المحل اشووف الاسعار بعد ما خلصنا من العيادة زوجي كان عنده دوام فا ما قدر يوديني.

انتوو شو اخبااااااااااركم
انا ما عندي كمبيوتر فالبيت عسب جي ما اقدر ادخل فالإجازه

السلام عليكم ورحمة الله وبركاته
حبيباتي أني الريح اللي في اسفل الطهر واللي وقت النوم والتقلب من الشهر الثالث للحين ما هدتني بس الريح اللي جتني توه غير تجيني فوق في الجزء الاول من العمود الفقري وتجي ويا الضلع قدام في الصدر وتجي في موجات متقطعة بس متكررة
وأني فعلاً في حملي الول قمت احس فيها من السابع عشان جدي قلت يمكن ريح استقبال وعادي ترى استعداد الجسم للولادة يبدا من السابع وأني الحين باقي لي اسبوع ويومين وأدخل السابع فمو بعيدة تكون ريح استقبال
وعروس الموج حبيبتي موتضغطين على روحش وعلى زوجش عادي أي وقت ومو لازم تروحين بس عشانا إدا انتي عندش مشوار هناك ما يصير تكلفين على نفسش وعلى زوجش ما نبغي نثقل عليكم
وأني عندي كمبيوتر في البيت بس ما عندي وقت ادخل وحتى لو ادخل أطالع بسرعة وبدون ما اشارك

لا والله ما اضغط عليه

بس انا متحمسه ابا اسير اتشراااا

بس انا تعبانه لاني ما ارتاااااح ما ارقد عدل والله

يا حوامل الي يتريا الكاتالوج مالمحل يقدر يدش على موقعهم في الانترنت وهو...

www.alinababysdream.com

مشكورة أختي شكله نفسه اللي عطتنا إياه عروس الموج بس داك كان باللغة الإيطالية
على العموم مشكورين

ها حبايبي وينكم
كله نومممممممممممممممممممممم

لالا صاحين ههههههه
بس ارف الدوام ما يخلي الواحد يكتب شي انا اول ما اداوم افتح مندى عروس ..

وخلي الشغل يولي..

شخباركم يا حلوين..واخبار الحمل..

كنت بسالج عيون ريمي...

يوم كنتي حامل باول مولود هل كنتي تتخيلين كيف بتربين؟؟وشو الالام

انا يوم افكر بهذا الشي اتيني صيحه وااااااااااااااايد خايفه كل احس انه شي بيصير احس مافيه قوه على هالسوالف.

انا طبعي ما اروم استحمل الويع الله يعين

والله ما أدري ويش أقول لش عروس الموج
يمكن لأن طبيعتي تختلف عن طبيعتش
أني من النوع الكتوم واللي يخش الألم واستحمل واجدعشان جدي يمكن لو تتذكرين قصتي في الإمتحان حاولت قد ما أقرد أني أواصل وفعلاً جاوبت معظم الأسئلة وأني مبدي عليي الوجع والحر وكل شي
حتى أذكر أني بعد ما داومت راواني الدكتور ورقتي أخذت 18 من 22.5 حتى استانست
وكان زوجي كله خايف من الولادة
يقول ليي لأن أدري انش تكتمين الألم
وإذا بين ليي شي فمعناة ألمش أضعاف أضعاف
وحتى في الولادة ما كنت أصارخ كنت لين كلش أون مع أن ألمي كلش كبير
وترى أحسن تكتمين الصرخة في الولادة عشان بدل الضغط ما يطلع برة خليه يصير داخل ويسهل خروج المولود
وكنت من حسيت بالآلام أدعي أدعي
وطبقت نصيحة وحدة ولدت قبلي
وقالت لي أنه بين كل طلقة حتى لو في البداية بس أخذي نفس طويل بتكرار ولمى تجي موجة الطلق اضغطي على تحت جنش بتروحين الله يعزش الحمام وفيش امساكاشلون تضغطين على تحت

وبصراحة
قبل لا أولد سمعت واجد قصص وتخيلت أشكال للولادة بس صدقيني مهما سمعتين ومهما تخيلتين الولادة كلش غيرررررررررررررررر علشان جدي أني يمكن هالمرة خوفي أكثر من المرة الأولى لأني شفت الولادة اشلون والسمع غير الشوف ولأني في المرة الأولى حصلت لي مثل المعجزة و فجأة تيسر كل شي وما أدري إدا رب العالمين هالمرة بعد بيسرها عليي مثل ديك المرة أولا مو يأس من رب العالمين سبحانه ما يضيع أحد ولا في أعطف منه ولا أرحم بس لأن بعد اني أؤمن بأن الإبتلاء نعمة والله إذا أحب العبد ابتلاه

وان شاء المولى عز وجل يرحم ضعفنا ورقة جلدنا ودقة عظمنا ويعطف على هالقلوب الضعيفة ويسر علينا وعلى كل المؤمنيم والمؤمنات يالله يالله يالله يا من لا يقال لغيره يالله اكشف السوء والضر والبلوى عنا وعن المؤمنين والمؤمنات

مشكوره عيون ريمي طمنتيني
والله يسهل عالجميع...


انا امس رحت محل إلينا... واشيائهم رووووعه الصراحه بس غاليه يعني السرير بدوون الماترس اب 2000 وفي اب 1500 حسيت انه امبالغ قلت بحصل ارخص.

بس الشي الي عجبني فراش البيبي الوان واشكال وسعره معقول على 400 درهم بس ما حصلت اشياء انا استفيد منها مستقبلا يعني حسيت الاشياء مؤقته بنسبالي.

وعلى فكره وااايد محلات في دبي اتبيع اشياء مال الاطفال انشالله كل ما اروح مكان بخبركم

وسالت راعية المحل اذا تقدر اطرش الكتالوج بالبريد لبنات البحرين قالت هي نقدر واذا عجبهم شي يتصلون ويسالون عن السعر..ويطرشولكم للبحرين.

سلام شخبارش عروس
وشخبار صحتش
أني بعد توقعت على هالكوليكشن المتميز أنه أكيد بتكون أسعار ه غالية
المهم توني صاكة التيلفون زوجي متصل
ويقول ان شاء الله على إجازة المولد النبوي يمكن يروح يعني نهاية مارس ويمكن أكون وياه إدا تأكدت الروحة ما يحتاج سالفة البريد بس إدا تأجلت بطرش ليش عنواني عالى الخاص عشان تعطينهم إياه
وسامحينا على الإزعاج مكلفين عليش
وفعلاً أني بعد أفكر اقول انه دبي فيها واجد محلات و أسعارهم واجد زينة ويمكن نحصل شغلات تشبه شغلات ألينا
فأي محل جديد حبيبتي خبرينا بس بسرعة
وويش عن المحل اللي في الشارقة اللي قال عنه زوجش
زين حبيبتي
وإدا شريت أشياء لي قبل لا نجي بشتري لش مثلها وبجيبها وياي
وإن شاء الله ما بنسى السفرجل
وإدا ما عندش مانع قبل لا نجي تعطيني رقم تيلفونش عشان لما نوصل وابغي أجيب ليش الأغراض أوصلهم ليش اتصل فيش

هلا عيون ريمي

المحل الي في اشلرجه بتضحكين عليه
ركبت السياره اشووف ريلي مودني صوب الشارجه ويسالني اي محل بتسيرين قلت المحل الي انت قايل اتعرفه جان يقول انا ما اعرف قلت يسلام تمينا نضحك عقب قلتله ودني الينا..

انشالله عيون ريمي بطرشلج رقمي عالخاص..ولاتكلفين على عمرج اب اي شي..
بكره انشالله بيكون زوجي اجازه بروح محل بشتري في قطع لجلابيات الولادة وبخليهم من الحين.

عروس ما بيني وبينش كلافة بس احنا خوات عيب هالحجي
بس حبيبتي مو أكيد تارخ الجية لين اتأكد برد عليش وان شاء الله الله يكتب لينا نشوف هالعرو س اللي نحبها بدون ما نشوفها

السلام عليكم ورحمة الله وبركاته

وحشتونيييييييييييييي خواتي .. شلونكم شعلومكم شخباركم واحشيني ..

معظم توزيعات البيبي اجهزت وطلبناها من مصر ... وفرحانة فيهم .. وكل ما شريت شي اقول باصوره لكم .. بس انطر لين ما تكمل المجموعة واخليكم تشوفونها كاملة ...


باجر الصبح عندي موعد بالمستشفى وكارهة الدنيا ما احب مستشفيات الحكومة .. ادعوا لي خواتي ان كل شي تمااااااااام وماشي الحال

في أمان الله