أمهات يونيو 2007

هلا
دمع الليل

اشحالج اختي
يوم اشوف التوقيع مالج استانس الايام ماشالله تمشي بسرعه...

خبريني بديتي تجهزين لج وللبيبي؟

انا على الشهر الياي انشالله ببتدي

أنا على عكسش عروس الموج
واجد أحس ان الأيام تمشي ببطء
أني للحين ما جهزت بس شكلي ببدي من هالويك إند اجهز لأني صايرة كلش بسرعة اتعب
وأحس انه ما بقدر في كل مشوار اللا اقضي القليل على هالأساس ببدي قبل
أني من كثر ما أقعد على الكرسي في الدوام
زايدو الخطوط الحمرة والبنفسجية في فخودي وواجد متعبني الشغل وماني متخيلة أني بعد بداوم الشهور الجاية الله يسهلها علينا وعاى المؤمنين والمؤمنات أجمعين ييييييييييييييييييييييااااااااااااااااااااااارب

عيون ريمي..

انا بعد لاعت جبدي من الدوام
انا المشكله مب بس يلسه انا اشتغل في مستفى علاقات عامه يعني لازم اغطي الاقسام او العيادة تعب كل مره يزقروني مكان مرات اعصب اقول ما بروووح امكان...وكل يوم اتاخر الصبح ما اروم انش ويا الدوام من بدري والله وايد تعب ريلي يقولي استقيلي بس انا مب راضيه لان المزانيه بتخترب
امس الصبح كنت رايحه الدوام وبس شربت ماء ...والله وكنت انا الي اسووق وما رمت اوقف السياره اتخيلوا رجعت على عباتي كلهااااااااااااا ...مت قهر والله اشويه وبصيح

انا بعد اسبوع بدخل السادس..بس الحمدالله بطني مب وايد امبين يعني شويه..والحمدالله بعدها الخطوط الي على بطني ما طلعت...بس على فخوذي انا من زمان فيني لا تحكينهم وايد..
انا استخدم كريم موستلا بس بسرعه يخلص من الخوووف كل يوم احط ههههه انا اتعقدت من الخطوط لان كان فيه من قبل.

بغيت اسأل حاليا كل وحده اتقول كم زادت...ابا اعرف؟

عروس الموج
أني من قبل فيي خطوط شوي بس في فخدي بس هي يومين واجد زايدين وأني الحين اكتب من الشغل وماني قادرة من ظهري ولو قلت بتمشى شوي أحس رجولي ما تشيلني واجد تعبانةعلى عكس حملي الول مارست حياتي كلش كلش طبيعية ولا جني حامل بس الحمد لله على كل حال عشان هالملائكة الواحد يستحمل كل شي

وعلى فكرة أني بعد دوامي من وقت من الساعة سبع وأقعد من ست عشان اجهز ولدي حق الروضة وما عندي شغالة يعني شغل البيت عليي مع إني من زمان بس على الشياء الخفيفة
وما أقدر أسوي شي
وزوجي يقول لي لا تهلكين روحش وبين فترة و فترة أجيب شغالة امي تنظف الشقة ومسكين زوجي واجد متعاون وياي ومقدر لأن حتى هو حاس ان هالمرة كلش غير وأواصل الدوام ل3 العصر كل قعدة وشغلي إحصائية يعني تركيز وأرفام وتحليل وما يستحمل الخطأ
فتخيلي انش مجبورة تركزين في ارقام وتفكرين كلش مودي مو مال تركيز كل وجع راس ويايي وحتى على الصعيد الجنسي أحسه مسكين واجد كاتم روحه
أني ما اقول ليه شي بس هو كله من نروح السرير كله يقول ليي يالله نامي انتين واجد تعبانة من جدي بين كل كم يوم أني أعرض عليه والزم يكسر خاطري مسكين وأني ادري انه في السالفة حار فتصوروا رجال حلر يكتم مدة اسبوع خلف جبدي زوجي الله يقدرني واعوضك إن شاء الله
مع أنه في حملي الأول حملت عقب شهر ونص من الزواج ولا تبدل علينا شي مارسنا عادي كانت صحتي واجد أفضل

المهم أختي عروس الموج ترى زوجي يحب دبي واجد واجد
ومن تصير إجازة كم يوم ورى بعض يقول يالله نروح دبي ولو ما زحمة السكن في ايام العطل الرسمية كان يمكن كل ويك إند يروح واجد يحبها وتقريباً كل سنة نروح من اسبوع إلى عشرة أيام وما شاء الله عليكم كل مرة نروح نزور اماكن جديدة عل طول التجدد عندكم وأول ما ارتبطت به كنت اعتبره واجد يبالغ بس لما رحت وياه مرة ومرتين شفت الفرق فعلاً ودائماً يفاضل بين دبي والبحرين وطبعاً دبي هي اللي تفوز ودائماً بفارق كبير بس حبيت اعبر لش عن هالنقطة
عشان تفرحين

السلام عليكم ورحمة الله وبركاته

حي الله خواتي الي يقعدون من وقت ... ربي يعينكم خواتي والله حاسه فيكم .... تعب قعدة الصبح ولوعة جبد و دواااااااااااااااااااااااااااام طويل صج صج صج صج صج من الخاطر ادعي لكم ربي يسهل عليكم ويصبركم ويحميكم من كل شر ...

الخطوط ما بينت علي يمكن لاني دايما استخدم المرطبات ... بس الحكة بالجسم تقهر وتنرفز واشوى انج طمنتيني منها ومن نزيف الانف اختي عيون ريمي ....


هههههههههههههه تصدقين عروس الموج حتى انا استانس وانا اطالع التيكرز احس الايام بسرعة تمشييييييييي .. وان شاء الله من تدخلين السادس بتجوفين روحج تزيدين بشكل غريب في الوزن وكل الثياااااااااااب القبليه بتخلينها تولي وبتاخذين غيرها في غضون اسبوع وهذا الي صار معاي ... وترى ثياب الحمال احلى وكيووووووووووت ع الوحدة ... حتى عباياتي غيرتهم مع انهم وساع بس ضاقوا علي ...


الاغراض بديت اتشرى والله .. وحتى الحلويات بديت اوصي عليهم من احين .... ابي انزل لكم صور الاشياء الي شريتها بس كاميرتي الديجيتل خراب باحاول اصورهم بالموبايل وانزلهم قريب ... اغراض البيبيات يا ربي عليهمممممممممممممممم يهبلون اروح كل مكان استخف ودي اشتري المحلات كلها .....

اممممممم في حوامل يغيرون مقاس احذيتهم عشان لا يصيدهم دوالي القدمين بس انا ما احس روحي محتاجة لتغيير الجوتي " يعزكم الله ".. ما احس ريلي انتفخت او اكبرت ...


في أمان الله

الله يعطيش العافية أختي دمع الليل
ويعينا
توي اقول للي وياي في الشغل شلون بداوم للنهاية
وإن شاء الله أقدم في الولادة لأني واجد تعبانة واليوم احس اني ما بقر اواصل ل3 يمكن أستأذن ظهري تعبان حده

أني ما اشتريت شي بس واجد أروح صوب ثياب الجهال (أصلاً حتى قبل لا أتزوج واحمل أحب اطالع ثياب الصغار)
وفعلاً حتى الثياب اللي فصلتها للحمل احس انه يمكن تضيق وافصل غيرها

وأني بعد رجولي ما اتنفخت بس لين وقفت واجد تنتفخ شوي

والحلويات ما وصيت عليهم لأني للحين ما عرفت جنس الجنين قص على الدكتورة كلما تبغي تشوف يصك رجوله وفي النهاية طلعنا واحنا بعدنا ما عرفنا

وبسرعة صوري الغراض وراوينا عشان نغش عليش
هاهاهاهاها
مع السلامة نفافيخ

هلا عيون ريمي

انا فالمكتب حاطه تحت ريلي شي اسندة عليه ...تكون مثل صندوف خشبي ارتاح يوم احط ريلي عليه..حاولي اتحطين شي تحت ريلج يرفعها.

انا عن زوجي الصراحه نفسيتي ونفسيته وااااااااااااااااااااااااايد تعبانين بس نكتم انا صايره بالمره ما احب حد يلمسني وبذات زوجي والله ما ادري ليش جي صايره كله اتم اصيح حتى هة طفر..والجنس صاير غصب بيني وبينه وانا ماشالله زوجي حااار فعلا حااااار بس الله كريم يالله شهور وتعدي بإذن الله ونرجع مثل اول.

عزيزتي...انا شفتج كنتي تبين اتشوفين الاسره البيبي الي وحده كانت حاطه الموضوع بس الصور ما طلعت..
بما انج اتين دبي بدليج المحل الي تنباع فيه هالاسره من نفس المحل شو رايج..هو المحل غالي مب رخيص يعني اشياء بسيطه اتكلف وااايد بس عن جد اغراااااااضهم اتجنن.

انا بعدني ما رحت السوق اشووف وانشالله من احصل اشياء حلوه بخبرج واذا تبين قمصان نوم للمستشفى اقدر اقولج وين يفصلونهن واذا انا رحت فصلت اقدر اسويلج مثلهن اشياء رااااااقيه.

هلا دمع الليل

عساج بخير اختي..عاد انتي تسبقينا بالشهور الحمدالله احنا وراااج ههههه
والله ودي اروح اسوق واتشرا وهالسوالف بس ما في وقت اتعب وايد ارد من الدوام اجابل البيت معنا ما اسوي شي غير اني انظف الغرفه واكوي الثياب بس ما اسوي شي ثاني لاني ساكنه بيت اهل زوجي...بس المشكله في زوجي ما يحب يشوفني مرتاحه من اطيح اشويه قومي يبيي هذا وسوي هذا انا اضيج جي..

انا عن الاحذيه لابسه نعال سطاحي ما ادري متى بسير اشتري؟

هلا خواتي دمع الليل وعروس الموج الظاهر ما في اللا أني وانتون نرغي في هالرابطة
يالله خلنا نفضفض لبعض
وعن الأزواج الله يعينا ويعينهم لين ما نولد بالسلامة
وعن المحل إي ما عليش أمر أختي عروس الموج إدا تدليني لأن أني ما باخد سرير بس باخد فراش وهالأشياء اللي وياه واني يهمني اكثر شي نعومة الموديل والألوان وأني حسيت من تعليقات الأخوات في الموضوع أنه تتوافر فيه الأشياء اللي ترضي ذوقي
ومشكورة أختي تسلمين ومو تنسون أس ش يتشترون راوونا الصور خلنا ناخد أفكار من عندكم لأن ما شاء الله عليكم شكلكم أذواقكم راقية
ونشوفكم على خير غن شاء الله

عيون ريمي

روحي المحل ما بتندمين بتحصلين كل الي يعيبيج وبالالوان الراقيه والاشكال..

شوفي اسالي عن وكالت المستوبيشي ...الخلف الوكاله بتشوفين محطة ابيكو مال البترول المحل بيكون في نفس الجه الي موجود فيه محطة البترول وكالت المستوبيشي بتكون في ديره وين دوار الساعة.

مشكورة أختي تسلمين
ونخدمش في الأفراح والليالي الملاح

وينكم امهات يونيو
ترى احنا تونا في فبراير عجل في مايو ويونيو ويش بتسوون ما بنشوفكم بالمرة
يالله مصختونها

اخباركم ايه يا حوامل على الله تكونوا فى احسن حال وعافيه الحمد لله انا تمام ووزنى ماشى زى ما انا عايزة بالظبط زاد 4 كيلو ولسه للاسف مجبتش حاجه للبيبى هستنى شهر كمان وانزل اعمل شوبنج من الالف للياء طمنونى عليكم وعلى اخر المستجدات

السلام عليكم ورحمة الله وبركاته

اي نسيت اقول لكم بالنسبة للوزن انا زدت 6 كيلو قولوا ما شاء الله ... مع اني احس بعد شوي ؟...


يزيد عقب اكثر؟؟؟؟؟؟؟؟؟؟


في أمان الله

السلام عليكم

كيفكم ياحلوين يامهات المستقبل

طبعا هذا الحمل الثالث عندي ولد عمره5 سنوات وبنت عمرها 11 شهر

وانا حامل مثلكم قالوا لي اولد شهر يوينيو طبعا انا تعبانة مرة من الحمل لان بنتي صغيرة بس هذه ارادة الله

طبعا لسى ماجهزت شي للمولود بس اتابع بالمستشفى وزاد وزني 4 كيلو الحمدالله

بسمادري دايم احس بالم عند منطقة الحوض من تحت احس اني مخلصة ولادة ماقدر اجلس على الارض

ولااقدر امشي من الوجع حتى لما انام يالمني فخذي من الجهة الي انام فيها هل تحسون هذا

طبيعي او مريتو بهذا قبل مادري والله

احس هذا متعبني مرة لدرجة اني كل ابغي اجلس على شي لين مثل الاسفنج الخفيف

انصحوني جزاكم الله خير

تحياتي

اختكم الشمعة

هلا بالزميلات

انا بعد ما زدت وايد الحمد لله بس 5 كيلوات و توها بدت بطني تبين

و اشتريت نص اغراض البيبي و باقي نص و الله كريم

السلام عليكم ورحمة الله وبركاته
هلا بالحوامل اللي غابوا وردوا
أختي الشمعة الباكية أني بعد آلام الحوض عندي واجد متعبتني بس أحس انها طبيعية لزيادة حجم الحوض وتوسع العظام
عن المشتريات أني اشتريت 5 شباحات و2فانيلات وفوطة وخيط تمهد ومهاد وبدلة حقي قطنية ناعمة

السلام عليكم ورحمة الله وبركاته
هلا بالحوامل اللي غابوا وردوا
أختي الشمعة الباكية أني بعد آلام الحوض عندي واجد متعبتني بس أحس انها طبيعية لزيادة حجم الحوض وتوسع العظام
عن المشتريات أني اشتريت 5 شباحات و2فانيلات وفوطة وخيط تمهد ومهاد وبدلة حقي قطنية ناعمة
ونسيت اقول ليكم أني بعد وزني زاد خمسة كيلو
وبطني توه من شهر يبين بس يعد يقولون ليي ماجنه بطن وحدة في السادس
وجلدي مشدود على الآخر مو راضي يلين ويتمدد أني حتى حملي ألول كانت الدكتورة تقول ليي جلدش نايلون مو راضي يتمدد
بعد ويش أسوي ودبتي خشنة كلش

هلا بخاوتي

اشحالكم عزيزاتي عساكم بخير..

انا الحمدالله ما زدت وااايد يعني يمكن كيلو ونص او كيلوين بظبط...لاني ما اشتهي اكل شي كله اكلي خفيف..وبطني بدا يبين الحين بس الي يشوفني ما يقول هاي حامل...الله يعني على الشهور الاخيره..


انا الالام الحوض الجهه اليمنى اكثر..وظهري الصراحه مرات يتشنج عليه.

عيون ريمي اليوم يبت كاتلووج محل (إلينا ) وحده من ربعي جابته الدوام يالسه اشووف الاشياء الي فيه بس الكولكشن مال 2004
بطرشلج على الخاص الرقم والعنوان...

حبيبتي الوقع والعنوان والتيليفون وصلوا ما تقصرين واجد خدمتيني
وتصفحته وانهبلت فعلاً غاية الذوق الرفيع والنعومة الطفولية
إن شاء الله اروح واشتري ويمكن نزورش بعد
إدا تبغينا