أمهات يونيو 2007

السلام عليكم ورحمة الله وبركاته

احنا الحمد لله غاليتي توتي وشيكو نسال عنج وعن بنوتتج الحلوة .الله يحفظها ....
بس الرابطة ما ادري شفيها نايمة هاليومين شوي ..


الغالية بسمة البحرين ... حاضريييييييييين لكم حبيبتي واي شي تطلبينه لا يردج الا لسانج


يلله خواتي قولوا لنا شنو ناويين تشترون يمكن انا ناسية شي ... كل الرابطات الثانية رابطتهم شغاله على وحدة ونص ما شاء الله نشاط وحيوية الا رابطتنا كلنا راقدييييين ؟!!!...

في أمان الله

هلا خواتي كيف الحال انا الحمد لله تحسنت عن أول بس بدي أسال بخصوص وجع البطن لمتى يضل وبخصوص تجهيزات البيبي اشتريت اواعي داخلي تبانات قطن لنظيف الاذنين ملابس خروجه من المستشفى ملابس للبيت بس مابدي اشتري ملابس للطلعة الا واحد لانه اهم شي بالتياب تكون مريحة للبيبياشتريت فرشاة شعر مشط مقص أظافر جرابين قبعات بس أدور على الشنطة اللي ينحمل فيها البيبي ووتكون على صدر الام ومربوطة ورا ظهرها بس بعد ماعارفة شو اشتري لانه اخوي بامريكا قلي لا تشتري شي حيبعتلي اواعي البيبي بس مابقدر اشوف أواعي البيبي وما اشتري بس حاليا ما اشتريت شي بس مابعرف بخصوص الحامل تيابها من وين وخصوصا انا براس الخيمة والام لما تولد شو تحتاج؟ شكرا

هلا بنات ..
اخباركم
نا بانظم معاكم باذن الله ..
ولادتي ان شاء الله بتكون 7|6
بديتوا تجهزون ولا لا ؟

هلا فيج اختي كلاسيك معانا
انا بالنسبه لي للحين ما بديت اجهز بس خذيت فره على محلات البيبيات عشان اخذ فكره بس هههههه
واحتمال اجهز على نهاية السادس

بسئلكم سويتو تحليل السكر لاني عاطيني اسويه وقالو لي اصوم 8 ساعات وانا سمعت انه يسوونه في السابع مو في السادس

السلام عليكم ورحمة الله وبركاته

ما ادري والله وخيتي ام محمد فلسطين .. انا ما عانيت من الم البطن الاببداية الحمال باول شهرين .. انتي رحتي جيكتي وفحصتي وكل شي اوكي ؟...
ما شاء الله عليج مجهزة تمام يعني للبيبي الله يخليه لج ويحفظه ...


عزيزتي كلاسيك مرحبا فيج والله .. ربي يتمم لج على خير وتقومين بالسلامة ...
الحمدلله بدينا نتشرى الاشياء الاساسية ونجهز .. وانتي يا الغالية ان شاء الله جهزتي ؟؟...


الغالية بسمة البحرين ها بشري حبيبتي شريتي شي ؟؟... ترى ها باقلد عليج كل شي تشترينه قولي لي وانا ان شاء الله بس اكمل اغراضي باصورهم لكم


في أمان الله

بسمة البحرين ..
انا نفس الشي سويت لي ميزانية تقريبية حق اغراض البيبي وباروح على بداية السابع
ان شاء الله

تحليل السكر عطوني اياه هل الشهر بس ما قالوا لي اصوم سالت الدكتورة قالت مب شرط

بس باتاكد مرة ثانية



دمع الليل
الله يحيج ..
نفس ماقلت بديت اخذ فكرة وباتسوق عدل اخر الشهر الجاي :)

السلام عليكم ورحمة الله وبركاته
شخباركم حوامل
أني صار ليي يومين زايدة عندي آلام الظهر وكله حرانه وأعرق وراسي يعورني
وبالنسبة للثياب للحين ما خديت شي مجودة روحي لبداية السابع
وبالنسبة لتحليل السكر يسوونه في السادس
كانوا يسوونه قبل في السابع بس من خمس سنوات يوم كنت حامل بولدي حمود يووه ليي في السادس
وحتى هالمرة سألت دكتورتي قالت ليي أحسن فترة السادس وأني يمكن اسويه اسبوع الجاي
نشوفكم على خير

السلام عليكم ورحمة الله وبركاته

هلا دمع الليل والله للحين ماشريت شي قلت بجهز على نهاية السادس انشالله بس رحت مذركير الي بمجمع البحرين في عنده شغلات حلوه بس مو وايد احس الي بالمارينا احلى وسناء بعد في عنده اشياء حلوه

هلا كلاسيك بالنسبه حق التحليل انا قالولي لازم اصوم اصلا انا ماعطيني اسويه في بداية الخامس بس تعايرت اروح بس قالولي لازم الحين اسويه

عيون ريمي هلا فيج انا بعد نفسج الام الظهر ذابحتني وصاير جسمي ثقيل واذا قعدت ماقدر اقوم خخخ

السلام عليكم ورحمة الله وبركاته

هلا خواتي
الحر والثقل شي كرييييييييييه حتى انا احس فيه والزيادة هالايام البيبي نظر عيني ينام بالعرض شكله حزة الي انا بانام .. احس فيه على الجنبين يرفس لا اعرف انقلب يمين ولا يسااااااار:dd:

بنات لا تنسون تخلون لكم كريم فازلين او اي كريم مرطب للجسم ... انا استخدم لوشن للجسم من بودي شوب بنكهة التوت على كامل بطني وصدري عشان ما يصير لي اثر تشققات ...
المرحلة هذي الجسم كله يسوي ستريجينق وبتبتدي الخطوط الي يحذرونا منها في الظهور ...



حبيبتي عيون ريمي ما علييييييييييييييييييييييييييييييج شر يا الغالية بس حاولي دايما ريحي على ظهرج ... انا من احس بالم في الظهر لو شنو كنت اسوي اروح انسدح لي لو ع الاقل 5 دقايق ....


الله يحفظكم

في أمان الله

مشكورة أختي دمع الليل
والله يبلغنا لداك اليوم يارب
أني بولادتي الأولى استخدمت زيت الزيتون من البداية لكن بعد صارت ليي تشققات
هالمرة ما استخدمت شي
أحزب زاتعيجز على هالتعب وبعد أقعد أمسح
بس الله يهديني واستخدم

هلا يا حلوات اشحالكم

دمع الليل _ وعيون ريمي _والخوات الباقيات اشحالكم وشحال صحتكم؟

انا بخير الحمدالله بس الام الظهر بعد متعبتني لاني اداوم واحس ابتعب وايد...

والبيبي الحمدالله حركته زينه بس امس ما حسيت ابحرمته وخفت وايد ..بس عمتي قالت كلي وبعدين شوفي فعلا من كلت وشربت عصير اشووفه تحرك يحليه كان يوعان.

دمع الليل

انا استخدم كريم اسمه مستلا كانو بنات فالمنتدى يمدحونه حاليا الحمدالله مافي تشققات بس هالكريم مفعوله يبين بعد 3 شهور ولاحظت انه يفتح المنطقه.
وخلص بسرعه ..يوم رحت الصيدليه ابا اخذ منه غرشه ثانيه رواتني كريم ثاني اتقول بعد هذا زين وكان سعره اغلى عن الكريم القبلب بس ما خذته قلت اليوم انشالله بروح اشتري منه..وبجربه..
ما اباا تشققات ما احبهم بس الله يعين.

انا زعلانه عن توتي وشيكو..

استوت كسلانه شرات البيبي مالها ما تدخل واايد..

اتمنى انج اتكونين بصحه وعافيه انشالله وين ماتكونين

أختي عروس الموج أني بع اداوم
ودوامي من 7إلى 3
ومن جدي جسمي حتى يوم الإجازة ما يرتاح ويألمني لن متعود على قعدة الكرسي طول أيام الدوام
والله يعينا

[CELL="filter:;"][ALIGN=center][TABLE="width:70%;background-color:white;"][CELL="filter:;"][ALIGN=center]السلام عليكم يا بنات
عاملين ايه فى الحمل يارب خير
انا الحمد لله والشكر لله حامل فى طفلى الاول وموعد ولادتى سيكون يوم 8 يونيو ان شاء الله وغدا سابدا اول يوم فى الشهر السادس وربنا يستر يعنى انتهى عندى احساس الوحم بخيره وشره وازداد حجم بطنى وزاد وزنى وبدات احس بحركة طفلى من منتصف الشهر الخامس تقريبا وبدا الخط الاسود يظهر على بطنى ولكن لم تظهر التشققات بعد وازداد غمقان لون حلمة الثدى وكبر حجمه بالطبع وطبعا زادت مرات دخول الحمام
ويارب ياتى طفلى بخير و سليم الصحة حسن الخلق والاخلاق وتقر عينى برؤيته ان شاء الله
وتمر الشهور الباقية على خير
ويرزق كل محرومة[/CELL][/CELL][/TABLE]

السلام عليكم ورحمة الله وبركاته

يا هلاااااااااا والله بالمختفية حي الله عروس الموج ...

الله يعينكم يا بنات على الدوامات .. انا محتارة الكورس هذا اسجل للجامعة والا انسحب للكورس الي بعده اداوم .... لان بصراحة تعببببببببببب وايد ومن محاضرة للثانية والمباني وايد بعيدة ... والي في الدوامات خواتي حاولوا تاخذون لكم تكية لتحت الريل ترتاحون عليها .. او بريك جم كل ساعة بس ترفعون ريلكم ترتاح ... ولا تنسون كثرواااااااااااااا من الماي والعصيرات الطازجة ....


حبيبتي نجلاء جابر مبروك عليج الحمال غاليتي والله يتمم لج على خير ويحفظ لج جنينج من كل شر ... واهلا فيججججججججججججج وسهلااااااااااا في الرابطة " ربي يزيد ويبارك " ...

اممم الاخت توتي وشيكوعذرناها لان عطتنا عذرهااااااا باخر رد لها بس عن جد واحشتنااااااااااااا


في أمان الله

السلام عليكم ورحمة الله وبركاته


كيف الحال؟


الحمد لله انا ولدت وحبيت ابشركم ولو انها متأخره شوي

انا ولدت 22 يناير

وجبت عبادي(w) (w)

سلام يا امهات يونيو

انا اكسل وحدة فيكم على الاطلاق

كتبت اول ما عرفت اني حامل و هالغيبة غيبة

بس و الله لان وحامي جدا جدا جدا جدا صعب

انا ولادتي يوم 5

بغيت اسال متى تبدون تشترون غراض البيبي ؟

و ان شاء الله ما اقطع عنكم

و ادعولي الله يخفف الوحام و الكابة اللي حايشتني

السلام عليكم

كيف الحال


الحمد لله انا ولدت بالسلامه وحبيت ابشركم ولو انها متأخره وجبت عبااادي(w)

امهات يونيو الله يتم ولادكم على خير يااااااارب

مبروك اختي جمرة الغضى ويتربى عبادي في عزش
أختي دمع الليل أني حاسة بوضعش مع الجامعة لأن ولدي الأول حملت به واني في الجامعة وكان موعد ولادتي 16/12
يعني في العام الدراسي وايام المتيرم الثاني والكل نصحني انسحب بس اني كنت مصرة اني اتخرج بسرعة وما ابغي اتاخر كورس بعد
وكنت واجد تعبانة طول فترة حملي
وتخيلي
ولدت تاريخ 11/12
وكان داك اليوم عندي امتحان رياضيات تحليلية
ومن الساعة ثمان قبل الإمتحان شفت شي بني خفيف بس ما اتوقعت انها ولادة وكان بالي في الإمتحان وعادي نسيت السالفة ودخلت الإمتحان وقمت أجاوب بس شوي ويبدى عليي لتعرق وألم الظهر جنه شي يسحب الظهر من فوق ويشد العمود الفقري
حاولت أركز في افمتحان وواصلت بس عقب نص ساعةحسيت روحي مو قادرة وناديت الدكتور وقلت ليه ما اقدر وهو سيدة حس فيني وقال ليي تفضلي وما عليش غلا العافية ويقةول ليي بتقدمين النهائي قبل ما تولدين قلت ليه اني شهري انزهق فكر بس تعبانة جدي
المهم طلعت واتصلت لزوجي وجاني ووداني بيت ابويي بس عقب أدان الظهر قلت ليه ودني المستشفى ما اقدر
قالت أمي توه الناس عليها قلت ما اقدر وكلمن سمع قال ليش راحت من وقت
بس زين رحت من وقت فتحوا كيس الماي واكتشفوا انه ولدي موسخ في بطني واي تاخير يعرضه للتسمم
وكانوا بيسوني عملية بس الله سهل عليي وفجأة صار الطلق وتسرع بقدرة قادر مع اني كنت بس 2سم
حتى الدكتورة تقول ليي انتين واجد محظوظة
ولا يفوتش عقب الولادة ب12 يوم سيدة دوام وتخيلي سهلر الليل وقدمت امتحانات نهائية
والحمد لله حتى علاماتي كانت زينة بس عن التعب الجسدي حدث ولا حرج
حسيت إني فعلاً حملت نفسي فوق طاقتها بس بعد وقت قلت الحمد لله ما انسحبت صحيح تعبت بس افتكيت من كورس غضافي في الجامعة وعوار الراس اللي تجيبه

والله يسهل علينا وعليكم جميع هالمرة بعد