أمهات يونيو 2007

ابشركم انى روحت للدكتور وقالى ان شاء الله تعالى معايا بنت الف حمد وشكر ليك يا رب
ب قالى بنسبه 90% لانى مش شايف حاجه بين الرجلين بشرونى انتم معاكم ايه

شكراً أختي مناليزا لأنش اول وحدة في الأخوات رحبتين فيني والله يسهل علينا وعليش
ومبروك يا توتي وشيكو وان شاء الله المرة الجاية 100%
أني بعد أحب ان اجيب بنية لن عندي ولد بس مو كلش فرق عندي
والله يجيب اللي فيه الخير والصلاح

رهينه الئمه اهلا وسهلا بيكى وربنا يقومك بالسلامه ويرزقك بالخلف الصالح

السلام عليكم كروشات يونيو..

انا بعد مثل الاخت رهينه الئمه تاخرت عليكم وايد انا الحين في الشهر الخامس وموعد ولادتي ان شاء الله 6\6 الله يقومنا كلنا بالسلامه نسيت اخبركم هذا اول حمل لي وللحين ما احس بحركه
البيبي متى بحس بالحركه ؟؟

السلام عليكم
اولا الف سلامة عليكي دمع الليل وان شاءالله الشفاء العاجل
وكمان نرحب في اخواتنا الجدد اختى رهينة الئمه واختي الكيميائيه وان شاء الله ربنا يتمم للجميع على الف خير

الالام بالبطن كانها شي عادي وحركه البيبي تجنن بس احس انه مخنوق جوا ومتدايق واقول امتى بيطلع ويتنفس
وحلوين البنات اشاءالله...بس انا الدكتور حكالي صبي اهم شي يكون بخير وبصحه تمام

ونشوفكم على خير

شخباركم كلكم إن شاء الله بصحة وسلامة
وشخبار أطفالكم مو مقصرين فيكم ادري
هلا أختي كيميائية يعني نفس الموعد ان شاء الله نتلاقى في الولادة بعد أني بالنسبة للحركة صار ليي يمكن شهر وهو يتحرك
بس هدا يختلف من وحدة لوحدة ومن طفل لطفل
أحياناً أطفال ما يتحركون اللا في الخامس أو أقصد انه ما تحس الأم بالحركة إلا في الخامس لأن الطفل حتى في الثاني يتحرك بس تكون حركته خفيفة بحيث الأم ما تحس فيها أني من يوم في الشهر الثاني أخذوا عليي ألترا ساوند شفته يتحرك بس حسيت بحركته ثاني اسبوع من الرابع
فلا تحاتين خيوه وبالنسبة لأول حركة يمكن تحسينها بس ما تدرين انها حركة الطفل كونش أول حمل لأنها تصير مثل رفة جفن العين خفيفة وما تتوقعين انها حركة الطفل وتتطور مع الوقت أنا طفلي قويت حركته عن أول مرة وبالنسبة ليي حتى أحمد الله يخليه حسيت بحركته من نهاية الثالث وما شاء الله عليه طول فترة الحمل حركي وجبته وما زالت حركته متعبتني والظاهر بيزيد جنوني ويا اللي بيجي لأن أحس بعد معدل حركته مو هين الله يحفظهم ولا يقطع حركتهم ويقدرنا على تربيتهم تربية صالحة وللحين ما عرفت بنت لو ولد

هلا فيكم رهينة الئمه و الكيميائيه

نورتووو البيت يا امهات يونيوو..

انا بكره بدخل الخامس انشالله..الله يسهل علينا ويثبت حملنا بعدني ما احس ابحركه البيبي بس احس ابنغزات اول مره احس فيها.

وعن جنس المولود...انا كلحد يقولي بتبين بنت بس جيكت مرتين فالاسكان قالوا احتمال كبير يكون ولد..وهذا كان بشهر الرابع

انشالله عندي موعد الاسبوع الجاي وبشووف شو بيكون اهم شي ابصحه وسلامه يارب ويطلع جميل جمال مافيش مثال ههههههههه

مرحبا بيكي كيميائية ... ان شاء الله تحسي بحركة البيبي قريب ..

ألف مبروك توتي و شيكو ... الله يرزقك بالبيبي اللي بتتمنيه ...

الله يطمنا كلنا يا بنات على البيبي و يناول كل وحدة اللي تتمناه ..

بنات ... وين دمع اليل ؟؟؟ مش بتدخل من زمان !!! يا رب تكون بخير و تطمنا عليها ...

هلا فيكم خواتي والله يسهل علينا ولادتنا قولوا امين

بسألكم انا احس بشي مثل نبض القلب هاي تعتبر حركه البيبي ؟؟

الكيميائيه انا بعد احس ابنفس نبضات القلب..

احنا بالمره ما انعرف شي لا يوم هو راقد لا هو يوم واعي هههههههه

عندي تحليل مال السكر هذا يوم يشربونج الماي الي مثل الميرندا وانا مالي بارض اسير اسويه معني اشتغل في مستفى وكلشي قريب بس كسلانه.

أبشركم أخواني كيميائية وعروس الموج هذا هو حركة الطفل تكون مثل نبضة نبضتين بعدين مافي شي
بس غريبة أختي عروس الموج على حسب علمي يسوون تحليل السكر في الشهر السادس ، وهل أنتي في السادس وحركة البيبي بس مثل نبض القلب لأني في الخامس وألحين واجد أقوى من نبض القلب

هلا رهينة الئمه....انا اليوم دخلت الخامس..

اخاف الدكتوره مخرفه هههههههههه ....ما ادري يمكن النظام عدنا جي انا بسأل بعد

عزيزاتي لازم نستفيد من بعض بما انا احنا في الشهر الخامس..

طبعا من الحين لازم اتكون التغذيه السليمه..

كل وحده اتخبرنا شو الي اهلها نصحوها بأنه تاكله عسب البيبي يطلع جميل.

انا اليوم وحده خبرتني قالت كثري من الفلفل بيطلع شعر البيي غزير....بس فلفل ( احس حراره وتعب علينا)

شلونكم حوامل وينكم مختفيين ما تبينون كلش
انا طبعا نهاية الشهر الخامس بس للحين ماعرفت شنو جنس البيبي بصراحه مالي بارض اروح
الحمدالله بديت اعوض وتقريبا اكل كل شي الحين يعني شهيتي صارت مفتوحه عالاخر وبالنسبه حق حركات النونو وايد يتحرك وخصوصا بليل وقت الي ابي انام مايخليني فديته

عروس الموج ضحكت بصراحه على الي قالت لج كثري من الفلفل ماعليج منها الفلفل يخلي البيبي اقرع مافيه شعر انا مرت اخوي وايد كانت تاكل فلفل في حملها وطلع ولدها مافيه شعر الا خفيف
وماعتقد غزارة الشعر تعتمد على الاكل

سلام عليكم
شخباركم ما بغيتون تدخلون صار الموضوع في آخر الدنيا وكل يوم اشوف في احد ضاف أو لا
شخبار عيالنا زينين
تحملوا فيهم يمكن ناخد منهم للي في بطنا سواء ولد او بنت
أني بعد اللي في بطني مو مقصر من الحركة ومخلني كل ساعة اروح الحمام إدا مو اقل من الساعة
وألم الظهر زايد
وعن الأكل احنا مشهور عندنا إن اللي تبغي ولدها يصير جميل من البداية تكثر من فاكهة السفرجل
وأني في ولادتي الأولى فعلاً كثرت من السفرجل وطلع ولدي قمر الكل يقول وجهه وملامحه مال بنية من وسامته
وهالمرة آكل بس مو قد ديك المررة لأن شهيتي واجد مختربة وخصوصاٍ على الفواكه بس زوجي على طول يشتري وساعات يجبرني غني آكل سفرجل
عمري هاللي في بطني أصلاً جميل بدون ما آكل شي متى بيطلع ابغي أحمله/أحملها
مع السلامة نشوفكم على خير

هلا عيون ريمي شلونج شخبارج
انا بعد سمعت انه السفرجل يحلي البيبي بس انا اكلت منه في بداية حملي وبعدين ماطقت اكله
والحين عادي قمت اكل فواكه بس مو كل شي بعد

بنات الرابطه وينكم نايمين
ترى احنا اكسل رابطه ههههههه

مرحبا ..عرائس .. انا ادور حد يكتب من الي بتكون ولادتهم في يونيو .. انا تقريبا باجر اخر يوم لي من الشهر ابع وبالسبت بدخل الخامس .. انا تقريبا ابتديت احس بحركات البيبي .. في اسفل البطن من سبوعين .. وخاص لما البس شئ راص على بطني .. بس الي احس فيه مثل النبض الخفيف .. بس ما خبرتوني بتديتو تلبسون لبس الحمل ..ومتى تقريبا تفكرون تجهزون اغراض البيبي ...

هلا حوامل شو اخباركم
انا بديت البس ملابس حمل من دخلت الخامس بس عندي الحموضه زايده شويه واحس ان البيبي يتحرك اخر بطني احس ضغط شديد لتحت والحمد لله شيكت وقالولي بنوته متل القمر

هلا جوري شخبارج
انا بديت البس ملابس حمل لانه بطني كبر شوي بس بعد ما يبان اني حامل
وبصراحه افكر الحين ابدي اشتري اغراض البيبي

هلا ما محصلة اسم شلونج بس حبيت اقولج بالنسبه حق الحموضه حاولي تكثري تاكلي سلطه وفواكه لانها تقلل الحموضه وتقللين من اكل السندويشات لانها وايد تجيب حموضه

هلا كروشات يونيو ... شحالكم عساكم مرتاحات ؟؟

باقي لي اسبوع ونص وبدش السادس .. بديت اشتري اغراض البيبي ملابس بس

لاني حاليا موجوده في المانيا وبرد بعد اسبوع بلادي الحبيبه الامارات تصدقون وايد ولهت عليها

وعلى اهلها ادعوا لنا انا وريلي والبيبي نوصل بالسلامه ..

اشوفكم على خير .....