بنات مصر: فرحك خلاص قرب.... طيب ايه خطتك في الشهور اللي قبل الفرح

(f) (f) (f) [glow=FF00FF]ازيكو يا بنات عاملين ايه امة الله وندا وهبة واسبايكي وبرايد يارب مكنش نسيت حد ايه اخباركو ما شاء الله عليكي يا امة الله ايه المعلومات الحلوة دي شكلي كده هقولك تديني كورس في ترتيب الشقة ذوقك حلو جدا ايه اخر اخبارك ربنا يتمملك بخير[/glow]

صح يا بنات هو المفروض البس قميص ابيض يوم الفرح وافرش طقم ابيض لازم يعني ولا براحتي والبس ايه لما الناس تيجيلي تباركلي معلش انا بسال كتير شرباتة انتي فين والجو عامل ايه عندك دلوقتي يارب يكون كويس

amt_allah:
ثانيا الاقمشه الناعمه جدا التي لا تثبت عليها ملائه انا شفتها عند بنت خالتي وشفت عيوبها

بصى يا امه الله انا ليا صديقه ايطاليه هقولك عملت ايه جابت قماش فوط الى بالمتر وعملت تلبيسه كامله للمرتبه كلهاااا والاربع جوانب استك وبكده حمت المرتبه من العرق وخلافه وبتعمل تثبيت رهيب للملايه :clap:

يارب اكون افدتك

رفيده انتى الاحلى ربنا يخليكى وفعلا امه الله ماشاء الله لا حول ولا قوه الا بالله عليها
ربنا يتمم لها بكل خير

بصي يا ستي بالنسبه للانجيري عندك في شارع الغرفه التجاريه هنا كمان حجات حلوه اما الاقمشه والمفارش والستاير في شارع العطارين اما الذهب فبصي في شارع فرنسا محل كبير اخذ زاويه شارع ناصيه يعني اسمه محمود عمران او محمد عمران مش فاكره بالظبط بس عنده تشكيله حلوه وكمان ليه فرع في سابا باشا ده اسم محطه ترام لو ركبتي ترام رقم 2 يعدي عليها والفرع ده بيبع ذهب ابيض اكتر من الاصفر انا جبت شبكتي من عنده وجبت حلق بس انا مش عارفه انتي بتحبي الحلق يكون ازاي انا مثلا لان اذني مش بتستحمل فجايبه حلق فصوص علي شكل ورده بس
اما الطقم ال18 قطعه فده انا جبت منه هو ايطالي و3 اشكال وصراحه تحفه ورقيق وفيه كمان منه مش كاسات 18 قطعه بس كوبيات وفناجين شاي وقهوه شفته عند فتح الله حلو ورقييق برضه بصي انا ده اللي عملته يعني جيبي ورقه واكتبي تحبي تحطي في النيش ايه يعني كاسات وقهوه وشاي وكاكاو وجاتوه مثلا وطقم الصيني وبصراحه متسأليش عرايس زيك لأ اسألي حد متجوز من تلات اربع سنين وهو حيقولك ايه اللي نفعه وايه اللي جابه علي الفاضي واسألي ماما هي ادري

رفيدة2006:
صح يا بنات هو المفروض البس قميص ابيض يوم الفرح وافرش طقم ابيض لازم يعني ولا براحتي والبس ايه لما الناس تيجيلي تباركلي معلش انا بسال كتير شرباتة انتي فين والجو عامل ايه عندك دلوقتي يارب يكون كويس

انا راى ما فيش احلى من عبايه فخمممممه عارفه يعنى ايه فخمممممممه تكون طراز مغربى او فلسطينى وياريت تكون بيضا وروعه كده:clap:

تسلم ايديك يا امه الله وشكرا لكى

السلام عليكم ورحمة الله وبركاته
ازيكم جميعا انا فرحانة قوى بيكوا لانكم حسين بيه انا كمان فرحى فى العيد الكبير وعايزاكوا تساعدونى
حاسة انى متلخبطه مش عارفة ابدأ منين ، بجسمى ولا شعرى ولا الفستان ولا الحاجات اللى نقصانى ساعدونى يا اهل المعرفة
كمان عاوزاكوا تسعدونى فى اختيار الوان جدران الشقة لان شقتى عجيبة يارب تجوبونى

بصي يا برايد انا مش بحب المراتب الجاهزه
اما يا رفيده انا مجبتش قميص نوم ابيض ويومها حلبس قميص اسود في احمر من منتجات لاسو
اما ليه ليله الدخله بيكون ابيض عشان غرض معين يبين حاجه اتمني تكوني فهمتي
اما تلبس ايه لما الناس تبارك تلبسي بلوزه حلوه وبنطلون شيك ويا ريت ما تلبس شئ مكشوف حتي لو نساء فقط لان فيه عورات بين النساء وبعضها محرام تبان انا مثلا كنت رايحه ابارك لبنت خالي وما عجبني خالص اللي كانت عاملاه كانت لابسه بدي وصدرها كله باين ومني جيب حسيت ان العروس لازم برضه يكون ليها خجل وكسوف اما لو في رجال تلتزمي بحجابك طبعا وربنا يكرمكم

يوبي اهلا بيكى معانا نورتينا ابداى بالفرش معاهم احسن وبعدين هيه هاتيجى حاجه ححاجه انتى فرحك امتى ماقولتيش

ازيك يا رفيدة وحشتينى

انا كمان عندى نفس السؤال عن الملاية لازم يعنى يكون لونها ابيض ليلة الدخلة ولا ممكن نغير عادى ؟
ياريت اللى عندة فكرة يفيدنا

وبالنسبة ليوم الصبحية انا افضل عباية تكون فخمة جدا لونها روز او ابيض المهم لون فاتح وفرايحى كدة
وممكن اممممممممم....هفكر واقولك .

وميرسى اوى على ردكوا عليا بخصوص الاكواب والكاسات .

يوبى
اهلا بيكى انتى نورتينا وربنا يتمملك على خير
ان شاء الله تلاقى معانا مساعدة لكل حاجة انتى محتاجاها .


برايد
انا موجوده على الماسنجر بس انا مش معايا ايميلك انا بعتلك ايميلاتى على الخاص ابقى ضفيهم بقى .

بناااااااااااااااااااااااااااات كلكم اسمعونى اللى خلاص هاتتجوز بعد اسبوع لازم ننظم معاها كل حاجه ونبدا بامه الله

امه الله
اول حاجه اوضه النوم شكلها ولونها والحاجات بتاعتها والحجات اللى هتكون فيها وابدا واقول

طبعا لونها انتى عرفتيه ولازم السجاد يكون شكل الاوضه او لون قريب منها وبعدين البراويز شكلها يكون رقيق وقريبه من لون الاوضه وممنوع الصور علشان ملائكه الرحمه تدخل تانى حاجه المفارش بتاعت الكومودينو والشفنيره والتسريحه تكون برضه نفس الحاجه الشفنيره احلى حاجه فيها الشمعدان الكريستال عند اخت جوزى وشكله تحفه اما التسريحه فلو عليها تحف من الجنبين وواحده فى النص حلوه وبرضه ممكن فازه ورد على الجنب +البارفان وعلب المكياج وانتى وشطارتك وبرضه تحفتين او ابجورات لليهم مفيش مانع خالص بعد كده ممنوع الدباديب علشان حرام وكمان الشياطين بتتمثل فيها ممكن القلوب الحمرا الكبيره وهتكون اشيك بعد كده الملابس طبعا هدوم الخروج هاتتعلق مع هدوم خروج زوجك بدل وبناطيل والخ وبعدين قمصان النوم لوحدها وبعدين هدومك وهدوم جوزك المنزليه فى دولاب لوحده كده اضمن

ندا ورفيه
الجو عندى زى ماهو وقاعدت اعيط وجوزى فضل يضحك كالعاده ويقولى انتى اجبن من الجبن نفسه والوقتى كل مايندهلى يقولى ياجبانه ياخوافه

ندا
ممكن اى لون بس العاده ابيض وانا كنت فارشه ابيض
امه الله

المراتب الجاهزه احلى وبتخلى الملايه على السرير ليها منظر انا جبت واحده حطيتها فوق المرتبه القطن ده غير انها بتخلى السرير عالى

بنات انتو روحتوا فين يلا علشان احمد ناااايم وعمال يتحرك وانا خايفه اوى

بناااااااااااااات يلا انتو بتولودوا فى ايه

من حق يا بنات الى تعرف رقم قطه شيرازى تكلمها لانى بدات اقلق عليها وكمان انا بعتلها على الخاص واخر مره كان شكلها زعلان وقالتلى احتمال فرحها يتاجل وهاقولك الاسباب ومن بعدها ما بنتش

يلا ردوا انا تلجت التكييف فى ظهلرى وانا تعبت وجوزى نايم قدامى عاجبكم كده يعنى
امه الله
انا ضيفتك عندى على الهوت ميل الى عملته ليه نانى فيبس

انا بحبك يا شرباااااااااااته

طيب لو انتى برايد اعمليها وتعالى بهزر لايا ستى ما زعلتش واسفه جدا وحاضر

أشكرك شرباته على الرد بسرعة
انا فرحى فى العيد الكبير ،وقلقانة قوى ،انا حاليا خلصت المفروشات والمطبخ بس فاضلى شوية حاجات كدة منهم مثلا بطانية على اللى عندى ولحاف على اللى عندى ،بس حاليا محتارة فى الشقة والوانها والديكورات وخاصة ان شقتى صغيرة قوى ،وعبارة عن دورين فوق بعض كل دور حوالى 65م الدور فى حجرتين وصالة ومطبخ صغير وحمام صغير ،اقترحت على خطيبى اننا نوسع المطبخ والحمام قالى يبقى مفيش حل الا انى افتحهملك على بعض ويبقى عندنا حمام واحد ومطبخ واحد ،وانا محتارة قوى لانى متعودة على المساحات الكبيرة ومكنتش اتخيل ان شقتى هتبقى دورين صغير ين ،كمان السلم مساحته ضيقة ووخدة من مساحة الصالة ،علشان كدة نفسى تساعدونى فى اختيار الوان للشقتين بحيث يظهروا واسعين وحلولى مشكلة المطبخ والحمام
ومشكوررررررررررررررررررررررين جميعا

شرباتة انا زعلانة علشانك اوى يارب الجو يتحسن استعيذى بالله كدة وكل ماتحسى انك خايفة اقرأى قرآن والحمد لله ان جوزك معاكى .

على فكرة يايوبى فى مواضيع كتير فى ركن الديكور بتتكلم عن الشقق الضيقة وازاى يتعمل فيها ديكورات ودهانات توسعها لو ملاقتيهمش ابقى ادورلك على الروابط واحطهالك .
بس على فكرة الشقة المستويين دى انا بحبها جدا ورأيى ان كفاية اوى مطبخ واحد واسع افضل بكتير من مطبخين مساحتهم صغيرة .
واحكيلنا بالنسبة لفرش السرير انتى جبتى ايه ؟