بنات مصر: فرحك خلاص قرب.... طيب ايه خطتك في الشهور اللي قبل الفرح

حبـيـبـة:
شرباتة مش شاء الله كلامك جميل اوي
بجد بجد برافو عليكي
وجزاكي الله الف خير
وانفعنا الله واياكي بهذا العلم

ما شاء الله
اسفة

بالعكس ياحبيبه لاشكر على واجب دا واجب علينا علشان اللى مايعملش الصح هو اللى هيتحاسب واحنا هنتسال عن اللى احنا بنعرفه وما بنبلغوش فلازم نبلغ ويا رب يهدى كل بنات مصر وعرايسها وخصوصا اللى معانا هنا امين وانا تحت امرك يا اجمل حبيبه فى اى حاجه بس انتى امرى ياقمر:shy:

ايه يا بنات انتوا روحتوا فين نمتوا طيب فين هوبه

هوبه
تعرفى النهارده وانا قاعده على النت فجاه سمعت الدنيا بتشتى جامد وصوت برق ورعد جااااااااااااااااااامد اوى جريت وشيلت فيشه الكمبيوتر ومسكت الموبايل واتصلت باحمد واقعدت اسوط الحقنى تعالى الوقتى حالا وانا ميته من العياط وواقفه جنب الباب اسوط وهو دخل ميت من الضحك عليه ويقولى خلاص خلاص باه انا معاكى ماتزعليش وانا اقوله انت بتضحك ماترفزنيش وودانى لواحده صاحبتى جوزها دكتور برضه وجاله كشف منزلى عارفه ايه واحده جالها انهيار من البرق واخوها مات من صاعقه نزلت عليه ربنا يرحمنا وانا لحد الوقتى ميته من الخوف والكارثه ان صاحبتى مسافره مصر قريب ومش عارفه اعمل ايه شفتى يعنى انتى فى رحمه ربنا يسعدك وادعيلى ربنا يرزقنى بنونو يونسنى

اقصد ربنا يحفظنا ويرحمنا برحمته وبيقولولى ده احنا فى الصيف فى الشتاء هاتعملى ايه

[glow=00FF00]ههههههههههههههههههه ضحكتيني يا شرباتة يا عسل انتي معلش ربنا يحفظك وميجبش حاجة وحشة وهو الجو في السعودية ملخبط كدهوبعدين متخافيش يا حبيبتي انا لو مكانك استغل الظروف واقوله اقعد معايا انا خايفة واعمل عليه حصار ولا حصار امريكا للعراق[/glow]

ايه يا بنات انتو فين شرباتة قوليلي هو الكاب ده مش بتحتاجي تلبسي معاه نقاب وشكله حلو ولا ايه

ازيكوا يا عرايس ومبروك ليكى يا امة الله انت ورفيدة وعلى فكرة يا نانى كنت عايزة اعرف منك حاجة انى استعملتى البتادين واليكوسيد ار يعنى شوفتى النتيجة بنفسك ولا سمعتى عنهم علشان اجرب وانا سعيدة اوى انى مشتركة معاكوا في الحوار وبستفيد من تجاربكوا المفيدة وربنا يرزقك بالذرية الصالحة يا شرباتة يا ام دم شربات

مبروك ليكى يا امة الله ويا رفيدة وعقبال باقي العرايس ربنا يتمم ليكوا على خير وكنت عايزة اسالك سؤال يا نانى انتى جربتى البيتادين والليكوسيد ار بنفسك ولا سمعتى عنه وربنا يرزقك بالذرية الصالحة يا شرباتة

هبه ازيك ياقمر ربنا يتملك بخير اولا احب اقدم لك نصيحه هى انك ياريت تيجى الايام دى عندنا الزقازيق المفارش واللحاف عندنا تحفه بجد زوق عالى جدا جدا والاسعار اقل من اللى انتى قولتى عليها دى فى معرض مفتوح عندنا معرض سورى بس هيقفل فى نص 9 وهو مفتوح فى قاعه البارون اسالى والف من هيدلك اما بلنسبه للحلل انا انصحك تجيبى الصاج لانو هينفعك فى حاجات كتير زى الحاجات اللى بتسلق زى المكرونه اللحوم والحاجات اللى بنغلى فيها ميه بتسمر الحلل اما مبتقصرش فى الصاج انا جبت الاستلس والالمونيوم والصاج بس انا من راييى ما بفضلش التيفال لانو بيحتاج عنايه جامدة دة رايى اما بلنسبه للمفارش ياريت ما تكسيليش تيجى لانك هتندمى انا اسفه انى طولت عليكو وسلامى لكل العرايس وربنا يتمم علينا كلنا بخير ويوفقنا جميعا فى حياتنا الجديدة

انا مع سمورة فعلا المعرض السورى روعة مش هتندى يا هبه هوه كان عندنا قريب بس انتقل وفعلا فيه حاجات روعة

ميرسى اوى لكل اللى ردوا عليا فى حكاية الحلل والمطبخ وفرش السرير .
انا فعلا كان عاجبنى اوى المطبخ الالمونتال .
بس انتوا حيرتونى فى الحلل اجيب تيفال ولا صاج؟ دة فى مميزات ودة فى مميزات تانية .

اما فرش السرير احب بس الاول اوضح لسمورا واميرا ان انا اللى كنت بسأل عنهم يظهر ان حصل شوية خلط عندكوا بس مفيش مشكلة انا وهبة واحد .
انا بصراحة عجبانى اوى المفارش واللحاف اللى انا شفتهم بس زى ماقولتلكوا غاليين اوى حرام لما اشترى مفرشين بحوالى الفين جنية ، قصدى يعنى الصيفى والقطيفة الشتوى .

بس انا اول مرة يا سمورا اعرف ان الزقازيق فيها مفارش حلوة ياريت توضحلى اكتر وتدينى العناوين بالظبط لان انا هنزل الزقازيق قريب علشان هقدم تمهيدى ماجستير .
انا هستنى ردك .
اميرة انتى بتقولى ان المعرض السورى اتنقل بس اتنقل فين تعرفى؟؟؟

شرباتة جزاكى الله كل خير على تذكيرك لينا ونصايحك الحلوة وان شاء الله دة كلة فى ميزان حسناتك يوم القيامة وربنا يرزقك يارب بالذرية الصالحة اللى تملى عليكى حياتك .
واشكرى ربنا انك اتيحت ليكى الفرصة تسافرى مع جوزك دة الرعد والبرق دة ارحم بكتير اوى من انكوا تبعدوا عن بعض . انا خطيبى كانت جيالة فرصة شغل كويسة اوى فى باريس فى شركة برمجة يعنى فى مجال تخصصة بس مكانش ينفع اسافر معاه وعلشان كدة رفض السفرية خالص رغم مميزاتها وكمان هو محبش ان حتى لو امكن انى اسافرلة بعد كدة ان ولادنا ان شاء الله يتربوا فى بلد مش اسلامى.
المهم الحمد لله قدر الله وماشاء فعل .

المعرض السورى اللى سمورة تقصده هوه اللى انا بقصده هوه بيتنقل بين الزقازيق والمنصورة وبنها

ايوة يا اميرة فهمت بس كنت عاوزة اعرف العنوان بالظبط فين فى الزقازيق او فين فى المنصورة لان الاتنين قريبين منى
ياريت سمورا تقولى .

شرباه يا قمر وحشاني
الكاب يا قمر بيكون زي النظام المغربي بس بدل الكابيتشو اللي فيه بيكون كبير لما تحطيه علي راسك ينزل لحد الصدر وبيغطي وواسع غير النقاب وافضل منه طبعا لان النقاب بيكون لازق في وشك وممكن يمسح المكياج
برايد فرش حجره النوم والحاجت اللي بتتجاب حقولك عليها بكره يا قمر لاني دلوقتي عايزه انام خالص ماشي يا جميل

يابنات دى الروابط بتاعت الجزة الخامس والسادس فى تجهيزات عرايس مصر .
عليها حاجات حلوة اوى انا هحطهلكم علشان توصلوا ليها بسهولة:


دة الجزء الخامس :-

http://www.3roos.com/forums/showthread.php?t=178273&highlight=%CA%CC%E5%ED%D2%C7%CA+%C7%CD%E1%EC+%DA%D1%C7%ED%D3+%E3%D5%D1




ودة السادس ::-


http://www.3roos.com/forums/showthread.php?t=183767&highlight=%CA%CC%E5%ED%D2%C7%CA+%C7%CD%E1%EC+%DA%D1%C7%ED%D3+%E3%D5%D1

كمان كان في جزء رابع والجزء السابع بس السابع اتشال عشان المخالفات زي الاميلات علي العام وارقام التليفونات ممنوع لاكن الرابع لسه موجود

ندا حبيبت قلبى المعرض السورى حاليا فاتح فى الزقازيق بس ياريت تنزلى الايام دى هو لسه فاتح فى 21/8وهينتهى فى نص 9 بس مش عارفه كام بلظبط المهم حاولى تروحى بدرى عشان تلاقى الحاجه النظيفه لان الكل بيستنى المعرض دة لما يفتح وهقولك على واحد تجيبى منو اول ما تدخلى من الباب هتلاقى فى الوش حاجاتو خطيرة وتقدرى تفصلى معاه المعرض بقى ياستى عارفه مبنى المحافظه فى هناك قاعه افراح كبيرة اسمها البارون هو فى القاعه نفسها كل ما تتخيلى هتلاقى هناك او انزلى المحطه او عند المحافظه وقولى فين معرض البارون هو قريب من الاتنين يارب اكون قدرت اوصلك المعلومه

رفيده
ازاى كنت هاقوله كده وهو انا اصلا جايباه من شغله والكارثه انه امبارح جاله كشف الساعه 12 وواحد قبل الفجر بحاجه بسيطه وتخيلى الكشف كان لام الولد اللى مات ربنا يرحمه والله صعبوا عليه وصدق الله اذ يقول ((ويرسل الصواعق فيصيب بها من يشاء ويصرفه عمن من يشاء يكاد سنا برقه يخطف بالابصار ))والله يارفيده الولد ده طالب ثانوى وكانو بيلعبوا كوره حوالى عشرين واحد او اكتر كلهم اغمى عليهم وفاقوا وهو بس اللى مات ربنا يحفظنا والله يارفيده لو كنتى معايا كنتى سوطى زى الصوت كان رهييب وكانها قنابل فى حرب اسرائيل ولبنان والبيت عمال ينور وانا عماله اقول يارب رحمتك واسوط واحمد باشا مسخسخ على نفسه من الضحك بس هو ودانى لوحده صاحبتى فى نفس العماره الكارثه اللى زعلتنى اكتر ان مامه صاحبتى وصاحبتى لما شافونى بعيط فضلوا يضحكوا عليه وصاحبتى قالتلى انا كنت كده بس اتعودت خلاص الجو مش ملغبط هى الطايف اصلا فوق جبل رهيب فهى قريبه للسما وجوها كاننا فى الشتاء لكن جده ومكه حر موت وبالنسبه للكااااااااب عارفه امنا الغول لما تبقى مكلفته نفسها بملايه هو كده بالزبط ومش محتاج نقاب ولا حاجه وميزته ان المكياج بيفضل والتسريحه مش بتبوظ وشكلك كده لسه لابسه النقاب قريب عمو ما ربنا يثبتك ويثبتنا جميعا على الحق

اميره انتى اللى شرباته ودمك خفيف


امه الله لما افتح الاقيكى قافله ولما انام تصحى زيي القطط

ندا اللهم امين وانا انصحك اوعى تروحى بلد مفيهاش اسلام وان شاء الله تيجى فرصه احسن بس البرق والرعد كان صعب اوى ووالله مش بهول ده مصر نعمه

سمورة يا قمر ميرسى اوى ليكى ياحبيبتى
ربنا يكرمك على مساعدتك ليا
خلاص انا قبل مااتسرع واروح اشترى غالى اوى كدة اروح فى الاول اخد فكرة عن المعرض السورى ويمكن اشترى من هناك ان شاء الله.

شرباته:
اسبايكى انتى جيتى نورتينا اكيد يلا قوليلنا ايه اخر الاخباااااااااااار عندك

ازيك حبيبتى شرباته


والله زعلت عشانك لما حكيتى بس ربنا يحفظك من كل سوء

ويهون عليكى غربتك


اخبارى يا ستى ان شاء الله هتجوز بعد العيد يا فى 11 او 12


لما ربنا يسهل

بس كنت عايزة اسالك حبيبتى وكل صحابى الحلوين وياريت كلكم تشاركونى رايكم

عيد ميلاد خطيبى قرب ومحتارة مش عارفة اجيبله ايه

ياريت متطنوشوش:sad: وبسرعة الله يخليكوا:qaq:

ومتتنسييش خبراتك شرباته تقوليلنا ايه اللى بنحتاجه اوى مثلا الاقطان او اللاميهات

ايه احسن حاجة للطبخ الاستانلس او.........................او..........................