بنات مصر: فرحك خلاص قرب.... طيب ايه خطتك في الشهور اللي قبل الفرح

كمان مش عارفة اللبس بتاعى يكون اد اية ولانجيرى وقمصان النوم المفروض يكونوا أد اية ،كمان البيجامات ولبس الخروج حوالى أد اية . يعنى سعدونى بالاعداد
كمان فى واحدة من اسكندرية هنا ممكن ترشحلى واحد اشترى منه قماش المراتب وياريت تقولولى اية الالوان الموضة الحلوة اليومين دول

كمان مش عارفة اللبس بتاعى يكون اد اية ولانجيرى وقمصان النوم المفروض يكونوا أد اية ،كمان البيجامات ولبس الخروج حوالى أد اية . يعنى سعدونى بالاعداد
كمان فى واحدة من اسكندرية هنا ممكن ترشحلى واحد اشترى منه قماش المراتب وياريت تقولولى اية الالوان الموضة الحلوة اليومين دول

ربنا يخليكى نادو

انا يا ستى الكل بالفعل فتحت المطبخ على الحمام فى الشقة اللى تحت وناوية اخليها المطبخ وفتحتهم فوق وناوية اخلية الحمام ، وهخلى اوض النوم فوق وتحت الريسبشن والصفرة ،بس افرضى بقة فى العزومات الناس عاوزة تدخل الحمام او حتى يغسلوا اديهم اطلعهم بقة فوق ؟

كمان بالنسبة للديكورات انا شفتها كلها تقريبا ومن كتر ما شفت بقيت محتارة قوى
يعنى نفسى اعمل كل اوضة فى الشقة لون بس كل الالوان متقاربة يعنى عاوزة اعمل النوم الرئيسية بينك والأوضة التانية اخضر فاتح أو اصفر والريسبشن سيمون واعمل حيطة فيه نبيتى واحليها بكونصول ذهبى كلاسيك والشقة اللى فوق اخلى الصالة فيها جدار أصفر غامق
اما السيراميك هخليه لونة سيمون او كنارى (أصفر فاتح)
بس المشكلة انى خايفة من النتيجة النهائية ،وخطيبى عاوزنى اقرر ، اااااااااااااه نسيت المطبخ والحمام مش عارفة اختار الونهم

يوبى ارجعى فى الصفحات اللى قبل كدة فى نفس الموضوع دة وهتلاقى انا وامة الله تقريبا كاتبين احنا جبنا كام لانجرى وبيجامات وكده
اما الخروج فبما ان انتى هتدخلى فى الشتاء ان شاء الله فركزى على اللبس الشتوى اكتر انا هعمل كدة لان انا كمان فرحى فى بداية الشتا يعنى مثلا جيبى حوالى 6 اطقم خروج منهم 2 او 3 يكونوا غاليين للخروجات اللى فى الاول والباقى جيبى اسعار متوسطة وعموما دى حاجة فى الاخر ترجع لامكانياتك وبلاش نبالغ اوى فى الاسعار وشوفى انتى لبسك القديم اكيد فية حاجات ممكن تلبسيها بعد الجواز ، ومتنسيش الاكسسوار بتاع كل طقم اقصد الشنطة والشوز والطرح وكدة
اما الصيفى ففى فرصة كويسة الايام دى علشان التخفيضات انك تجيبى باسعار معقولة
انا هجيب 6 صيفى ان شاء الله
وعندى كام طقم كدة حلوين شلتهم ومش بلبسهم علشان ميتبهدلوش .
وبعدين انا اشتريت خمس عبايات خروج فى المتوسط بين 280 و150
ونوعى دايما فى الالوان والموديلات.
لو معرفتيش توصلى للمشاركة اللى فيها اعداد اللانجريهات و البيجامات قولى وانا اكتبهم
سلام يا قمر

يوبي انا من اسكندريه يا قمر بصي روحي العطارين هناك بجد في حاجات واقمشه تحفه والونها حلوه انا جبتها علي بيجات وفاصلي جامد جدا ومش محل واحد شارع مليان محلات والمفارش هناك برضه واقمشه الستائر حاجات تحفه ورقيقه كمان

فرش السرير بقة يا ستى
جبت مفرش سرير حلو قوى بيج فى وردات صغيرة روز ومزين بالفضى ودى ألوان بحبها قوى
وعملت مفرش سرير لاسية كلفنى كتير قوى بس النهاية جميلة ،خلتى اشتغلتلى الاجزاء بتاعت المفرش وبعدين وديتها مشغل يثبتهولى على قماش ستان فى اورجانزا وطلع جميل الحمد لله
ومجبتش مفرش سرير شتوى ومش ناوية اجيبوا
أما الملايات
جبت طقم ملايات بيقولوا علية امريكى يعنى عبارة عن مفرش الوان اورانج فى نبيتى وعلية رسوم مطبوعة وليه كذا كورنيش ظريف شكلة قوى .
وجبت طقم ملاية ابييض فى روز سبحان الله طلع يشبة المفرش الرئيسى بتاعى جدا

وملايات بقة متنوعة جميلة المهم المجموع وصل لحوالى 18 ملاية بملايات السرير الصغير وبصراحة حاسة انهم كتير .
وبفكر اسيب لماما منهم لأحد من اخواتى .

يوبي لو انتي من اسكندريه انا ممكن اكتبلك انا جبت الانجيري بتاعي منين يا قمر

ربنا يخليكى يا امة الله انا هنزل اسكندرية الاسبوع الجاى علشان اخلص لبسى اللى ناقص بس مش عارفة
كام قميص المفروض نشترى وكام بروب وكام من غير روب انا عندى حوالى 8 من غير روب و3 قمصان يشبهوا فساتين السهرة فيزون
7 قمصان لانجيرى 35 اندر 1 بس قميص بالروب 4 بيجامات نوم حرير 4 ارواب صيفى 1 روب شتوى 6 بيجامات شتوى 3 جلابيات شتوى
عباية جنز صيفى وعباية واحدة خروج صيفى و2 تونك صيفى
2 طقم خروج شتوى غير الجلابيات الصيفى كتير والعبايات البيتى 3 بس غير الباديهات والبناطين والاشراط الصيفى ومش عارفة اجيب أد اية تانى عليهم
هحاول اكمل الخروج ستة اطقم صيفى و6 شتوى
ومتنسوش تساعدونى فى اختيار الوان قماش المراتب

أمة الله ياريت تقوليلى اشتريتى لانجيرى بتاعك منين علشان اكمل
وكمان رشحيلى محل اشترى منه اللبس انا كنت بجيب من جينا فى الفلكى بس لو تعرفى محل تانى كويس ادينى اسمه ومحل للأنتيكات
وعايزة محل لفرش التنجيد معلش تعبتك معايا

اشكرك امة الله هروح بامر الله العطارين
تعبتك معايا

تصبحوا على خير النهاردة لانى مرهقة قوى وأكمل معاكوا بكرة يا أحسن اصحاب

امه الله جزاك الله خير على المعلومات اللى بتديهالنا بس معلش ياقمر انا عيزة انزل اشترى فستان فرحى من عندكو فى اسكندريه انا كنت من شهر هناك ولاقيت محل فى المنشيه بس مش كان فى فساتين كتير بس كانو تحفه وكان سعرو رخيص هو فى الشارع اللى فى الميدان الرئيسى يعنىياريت تقوليلى اماكن تانيه عشان لو رحت وملقيتوش ادور فين تانى معلش هتعبك معايا

ميرسي اوى يا امة الله على كل المعلومات اللى بتقوليها انا فعلا استفدت كتير منك وربنا يوفقك في حياتك الجديدة

amt_allah:
[QUOTE=nada_rtv]على فكرة يابنات كنت حابة اسألكم عن حاجة
انا كنت سمعت ان الشبة المطحونه بتزيل ريحة العرق وبتبيض ؟؟؟؟
فهل دة حقيقى؟
انا بعد ماقررت اجربها فى بنات خوفتنى وقالت انها بتسمر مش بتبيض ؟؟؟
عشان كدة انا محتارة
ياريت تفيدونى ..

سلاااااااااااام[/QUO
ندي لأ اوعي الشبه مش بتسمر لاكن اخطر لانها بودره بتدخل جوه المسام وبتمنع التعرق وبالتالي منع التعرق يؤدي الي تراكم السموم في القنوات العرقيه وبالتالي يا قمر ممكن مع الوقت تسبب امراض خبيثه عافان الله منها بصي يا جميل انا قريت ده في دراسه عن مزيلات العرق ومانعات التعرق والواضح ان مانعات التعرق زي الشبه مواد مسرطنه بصي انا بعمل ده وريحته روعه جدا بصي جيبي علبه مزيل عرق رول اون خاليه وحطي فيها زجاجه زيت ورد كامله وبعدين زيها جلسرين سائل وسبع معالق ماء ورد واقفليها ورجهيا كويس وحطي منها بعد كل صلاه اولا بتخلي ريحتك روعه ثانيا الجلسرين منعم رائع للجلد وزيت الورد مبيض طبيعي ممكن تحطي عليها قطره زيت مسك ابيض لو بتحبي ريحته او سويه صغيره مسك مطحون وترجيه كويس عند كل استخدام بس المسك لما تكوني في البيت بس لان ريحته جامده اوي بس ريحته تحفه:shy:

امة الله يعني انا لو استخدمت الوصفة دي ممكن تفتح الابط مع الوقت لو عندي اسمرار ارجوكي ردي عليا لانى متأزمة من الموضوع ده جدااااااااااااااااااااااااااا:confused:

bride*to*be*:
:clap: :clap: :clap:

تماااااام انتى كده تماااااام

بس انا عايزه اسالك فى عرض الشهر ده ايه احلى حاجه الى ما تتفوتش يعنى :ok:

حبيبتي اللى ميتفوتش الشهر ده خاااااااااااااالص ( برسيف ) و ( باشون دانس ) و الرجالى ( ميزماريز و عليها رول اون بتاعها هدية ) فى كمان عرض حلو ( الشامبو و البلسم الاتنين بدل 50 ب 25 جنية وده جميل قوى ) ولو عايزة اي حاجة انا فى الخدمة

ازيكم يا اجمل وارق واحلى عرايس اتمنى من الله العلى القدير ان تكونوا فى افضل حال اشكر من قلبى كل من شاركتنى بمشاعرها الرقيقه فى موضوع الجو والاصوات المخيفه اللى انا عايشه فيها بس الحمدلله انا لحد الوقتى كويسه ولله الحمد اولا واخيرا

اخواتى الحبيبات
لقد جلست مع نفسى فتره قصيره ورايت انكم اولى منى فى المشاركات لانكم تحتاجون اليها بالفعل اما انا فقد تزوجت ولله الحمد وليس معنى هذا اننى اتخلى عنكم ولكن بالعكس فالله يعلم مدى حبى وشوقى لكم جميعا ولكنى كما قلت لكم اولى منى كثيرا وبالذات فى تلك الفتره اما نصائحى فهى دائما موجوده لاننى لن اتخلى عن مسؤليه الدعوه لانها فرض على كل مسلم كنت قد حزنت عندما اغلقوا لنا الموضوع االاول وهو تجهيزات عرايس مصر ففتحت موضوع قبل ان ارى هذا بعنوان كيف نكون اسر سعيده وناجحه فقط للمصريات وكنت اود ان تشاركونى فيه اما الان فلا تتركو هذا المضوع لانه مفيد لكم جميعا ونصائحى الممله ستجدونها هناك فى ركن سوالف عروس اقرؤها فقط دون ان تشاركو فالمهم هو الفعل وليست المشاركه

ولاء،اميره،سموره،برايد،يوبى،امه الله،ندا،باراديس،رفيده،نانى فيبس،بوسىكات،احبكم فى الله،قطه شيرازى،وجميع عرائس مصر الف مليوووووووون مبرووووووووك

واتمنى من الله العلى القدير ان يوفقكم الى مايحبه ويرضاه وان يكتب لكم السعاده الابديه فى حياتكم وان يجعل حياتكم مليئه بالحب واوفاء والاخلاص والسعاده وان يجنبكم الفتن ويبعد عنكم وساوس الشيطان والى الامام دائما باذن الله واترككم فى رعايته والسلام عليكم ورحمته وبركاته


المحبه لكم
شرباته:salam:

وانا احبكم جميعا فى الله

أرجوكم أنا تايهة جداً أنا سجلت نفسي لكن مش عارفة استعمل المنتدى عايزة أحط مشاركات وأفتح مواضيع للكلام أرجوكم ساعدوني يا أهل الخبرة. انا مسجلة باسم KARMEN_1980 واسمي ميادة. شكراً

yopy:
أمة الله ياريت تقوليلى اشتريتى لانجيرى بتاعك منين علشان اكمل
وكمان رشحيلى محل اشترى منه اللبس انا كنت بجيب من جينا فى الفلكى بس لو تعرفى محل تانى كويس ادينى اسمه ومحل للأنتيكات
وعايزة محل لفرش التنجيد معلش تعبتك معايا

بصي يا قمر عندك شارع الغرفه التجاريه في محلين حلوين جدا للانجيري وحتلاقي كمان شارمين وفي ميامي شارع خليل حماده امتداده وانتي رايحه علي البحر في محل اسمه المحروسه تحفه مليان حاجات كتير من كل الماركات كمان
وفي جمال عبد الناصر بعد تقاطع خليل حماده وانتي رايحه علي اتجاه الاكاديميه البحريه كده اللي في ميامي الشارع اللي ادا م شهد الملكه في لانجيري علي امه الشارع وفي واحد جوه اسمه سلمي وعندك في ديب مول وامبريال مول كمان
اما اللبس حقولك رغم اني منتقبه بس حقولك اختي بتشتري منين عندك علي مصطفي كامل علي الترام كذا محل فيهم حاجات حلوه وعندك كمان سكارلا علي شارع ابو قير بعد جليم وانتي نازله علي فكتوريا وانا سكارلا بيعجبني اكتر بصراحه ولو عبايات عندك عبايتي و عندك كمان في مدام في شارع الاقبال وانتي داخلاه من فكتوريا بعد سور مدرسه الاقبال ادخلي الشارع فيه اتيليه بس عبايتها بتبدأ من 200
الانتيكات بصي العماره اللي فيها فتح الله بتاع المنتزه جواها 3 محلات انتيكات واحد كبير وسعره معقول وواحد صغير بس غالي شويه لان حاجته كلها رخام من باكستان
وبرضه في جمال عبد الناصر بعد شهد الملكه بشويه حتلاقي محلين تلاته برضه حاجتهم حلوه
اما فرش التنجيد كله من العطارين برضه روحي ومش حتندمي

smora:
امه الله جزاك الله خير على المعلومات اللى بتديهالنا بس معلش ياقمر انا عيزة انزل اشترى فستان فرحى من عندكو فى اسكندريه انا كنت من شهر هناك ولاقيت محل فى المنشيه بس مش كان فى فساتين كتير بس كانو تحفه وكان سعرو رخيص هو فى الشارع اللى فى الميدان الرئيسى يعنىياريت تقوليلى اماكن تانيه عشان لو رحت وملقيتوش ادور فين تانى معلش هتعبك معايا

بصي فساتين الفرح لو عايزه حاجه شيك وحلوه عندك ناديه الشيخ في رشدي تقريبا علي شارع ابو قير بس دي غاليه لانها مشهوره اوي
وعندك محل ماي ليدي علي شارع ابوقير برضه في سيدي جابر وده حاجاته رقيقه خالص وعندك برضه محل تاني في سيدي جابر مش فاكره اسمه ايه بالظبط بس برضه حاجته حلوه وافضلي ماشيه شويه وانتي رايحه في اتجاه فكتوريا شويه صغيره في محل جديد برضه حاجته جميله
وعنك شارع سوريا من اوله لاخره مليان محلات واتيليهات بس انتي بصي علي اليفت طول ما انتي ماشيه وعندك يا قبل يا بعد امبريال مول او ديب مول مش فاكره اربع محلات جمب وفوق بعض وعندك الاتيليه اللي انا عملت عنده هو اسمه نور نوح وهو عنده تأجير اول مره وتأجير عادي كمان بسس رائع وده فوق اميريكان فيرنتشير شارع ابوقير قبل فكتوريا بحاجه بسيطه اه كمان في جليم عند محطه ترام الوزاره في محلين حلوين برضه جمب معرض شركه العامريه للمنسوجات عموما ححاول اتأكدلك علي بالظبط قبل ولا بعد امبريال مول كمان في مدام اسمها فاطمه بنت خالتي عملت عندها بس عملته ب3000 جنيه او اكتر انا احسه غالي انا اجرت اول مره افضل بصراحه