بنات مصر: فرحك خلاص قرب.... طيب ايه خطتك في الشهور اللي قبل الفرح

شرباته ادخلي علي الماسينجير لو تسمحي يا قمر

رفيده الحبيبه ،ندا الغاليه،برايد العزيزه،امه الله الجميله ،سماح الحنونه،اسبايكى المخلصه
انا والله بحبكم اوى اوى ووالله العظيم مش بتقل ولاحاجه بس انا حسيت انكم احق منى على الاقل فى الوقت الحالى بعد كده مش هايسبكم برايد ((انا مازعلتش صدقينى عمرك شفتى حد بيزعل من حبيبه )) انتى اختى وصديقتى وحبيبتى ومن حقك تقوليلى تعرفى لو مكنتيش قولتيلى وشيلتى فى نفسك من غير ما تصارحينى كنت ساعتها بس هازعل لكن صدقينى يا برايد انا مش ممكن ازعل منكم انتوا بالذات لانى هنا لقيت معنى لوجودى حسيت معاكم بحب وبراحه وبالفه ماحستهاش عمرى كله من هنا بدات اصاحب ناس حبيتهم توى وكل منايا اشوفهم من هنا حسيت انى انسانه بجد ليه وجودى وكيانى ما تتخيليش فرحتى قد ايه الوقت تعرفى دموعى بدات تنزل وصدقينى مش عارفه اشوف كويس كلكم وحشتونى ومصر وحشتنى وامى واخواتى وحشونى انا فرحانه لانى بدات اكتبلكم انتوا ولانى باعيط جامد يمكن نفسيا ارتاح جايز كتيير فاكرين ان الغربه فلوس وسعاده وحياه احلى لكن كفايه انك تشوفى اللى بتحبيهم ده بس عندى بالعالم كله من ساعه ماجيت هنا وانا مش لاقيه حاجه اعملها ومش جايلى نفس اعمل حاجه من ساعه ماجيت وانا كرهت حتى هوايتى من ساعه ماجيت هناوانا بابكى فى اليوم مليون مره حتى الصديق الوحيد فى حياتى اتخلى عنى تخيلى قلمى اللى كنت باقوله كل اسرارى وبكتب منه اشعارى كل ده سابنى كرهت انى امسكه تعرفوا حاجه واحده اللى خايفه منها انى اموت منغير ما اشوف الناس اللى بحبها منغير ما اشوف اصحابى اعذرينى واعذرونى كلكم بس ما اقدرتش امسك نفسى عارفه ان ده خارج موضوعنا بس ما كنتش عايزه حد غيركم يعرف عنى حاجه
سامحونى كلكم

ايه يا شرباته الكلام ده فين استعانتك بلله فين توكلك عليه استعيذي بلله من الشيطان الريجيم تفكيرك ده وسوستك من الشيطان اللي بيحاول يدخل الحزن في قلبك دي هوايته يا قمر انه يخلينا نحزن ومنفرحش طبعا ان شاء الله تنزلي وتشوفي اهلك لا كمان انتي في بلدك برضه احنا كلنا مسلمين حتي لو اختلفت جنسياتنا يا قمر كمان عايزه تسيبيني كده انا مخصماكي عايزه تسيبني في اخر كام يوم ليا هنا يا قمر كده طيب انا جايه اعضك عضه ماشي
والله اني احبك في الله يا حبيبتي اومي اقري قرأن انتي اهلك هنا معندهومش كمبيوتر كنت حقولك كلميهم من عندك جيبي كاميرا وشوفيهم وان شاء الله زوجك ينزل اجازه قريب وتشوفي اهلك يا قمر ماشي عشان خاطري ربي يكرمك ما تبكي انا بجد مش ناقصه كفايه عليا مشاكلي امسحي دموعك يا شرباته انتي احسن من كتر العيات حتذوبي مننا واحنا عازينك شربات مركز يا قمر ماشي استعيني بلله ومتقوليش مليش حد ليكي غيرنا لأ طبعا ليكي رب العالمين هو اللي يعرف المك ناجيه بكلامك احنا دلوقتي في الثل الاخير من الليل يا قمر روحي صلي ركعتين واشكي همك انا حنام دلوقت عشان لازم الايام دي انام واصحي بدري عشان عيني مورمه خالص من السهر والتعب ادعيلي يا شرباته يا قمر

شرباته انتى بتقولى ايه اذاى عيزة تمشى وتسبينا والله نزعل منك ومنتخلش الموضوع دة تانى

امه الله الف شكر ليكى ياغاليه وربنا يتمملك بخير ويتم لكل البنات الموجودة بخير يارب وسعادة

اختى الغاليه امه الله اولا ربنا يتملك فرحك على خير واشوفك ياارب عروسه سعيده مبسوطه
امه الله صدقينى انا عارفه ان ربنا دايما معايا بس تعرفى حقيقى كانت نفسيتى تعبانه ولما كلمتوكوا استريحت انا حاليا ياريتنى كنت بصلى بس انا الوقتى مرفوعه عنى الصلاه هههههههههه تعرفى نفسى اضحك بس الضحك اتكتم جوايا مفيش غير الدموع هى اللى فى عينى والله الايام دى بدات اقول لاحمد عايزه ارجع مصر كمان بالذات بعد البرق والرعد اللى هنا والاصوات مخوفانى وكان قنابل وانوار عجيبه فى البيت بخاف كمان على احمد وهو نازل وبقلق قوى ربنا يحفظه انا عارفه ومتاكده ان ربنا معايه بس صدقينى ده غصبعنى انا رايحه قريب لدكتوره نساء وتوليد ادعيلى ربنا يسهل امرى انتى فرحك يوم كام والله كان منايا احضره وابوسك واوصيكى تاخدى بالك من نفسك ومن جوزك وباله اوعى تنسينى وكفايه كده انا عينى وجعتنى اوى هو انتى ما تعرفيش انى انا مشاعرى حساسه طب تصدقى باله يوم فرحى وانا بسلم على اصحابى جاتلى هيستريا عياط راحو كلهم قعدوا يعيطو وبقت مناحه عموما يلا نامى واكلمك بكره ان شاء الرحمن ادعيلى ربنا يريح بالى

سموره ورفيده انا عمرى فى حياتى ما اقدر اسيبكم خالص وبعدين بصراحه يا سموره انا متخيلاكى البنت اللى فى الصوره وبحبك اوى
براااااااايد

يلا تعالى انا لزقه ومش هاسيبك ابدا ان شاء الله لحد ماتتجوزى واشوف البيبى كمااااااااااان واضحك والعب معاه بس لو جت بنت سميها شرباته هههههههههه بهزر

بنات اسكندريه لوحد يعرف رقم قطه شيرازى يدهونى وانا اكلمها ارجوووووووووووكم انا قلقانه عليها وبقولها انتى فين وحشتينى
هوبااااااااااااااااا

ايه ياهوبا انتى كمان روحتى فين طب انا ما وحشتكيش

بنات استودعكم الله الذى لاتضيع ودائعه وانا رايحه اناااااااااام اشوفكم بكره ان شاء اله على خير

امه الله عندهم كمبيوتر بس والدى رافض موضوع النت علشان اخواتى الصغيرين

سلالالالالالالالالالالالالالالالالالالالالالالالالالالالالالالالالالالام

تعرفي الواضح ان احنا زي بعض انا كمان حساسه جدا تخيلي اخر يوم الكليه فضلت اعيط عشان مش حشوف صحابي كل يوم ونتجمع كلنا تاني خصوصا اللي كانم من محافظات تانيه ومش حشوفهم وانا بقالي تلات اسابيع كل يوم بعد ما البيت عندي ينام اعيط واتفلق من العياط عشان كده عيني ورمت رغم ان انا مش متفاهمه اوي مع كل اللي في البيت بس مش متخيله اقوم الصبح مش الاقي اختي في الاوده معايا واستني ماما لما تيجي من الشغل واتخانق انا واخويا كل يوم تخيلي مشتاقه حتي للجيران ومشتاقه لكل حاجه لما بنسهر كلنا مع بعض ونضحك ولما نعد كل واحد يعمل مقلب في التاني ولما انا واختي واخويا نلعب مع بعض ونضرب في بعض كل ده حيويحشني تصدقي انا بكتب والكيبورد متغرق عياط مني لدرجه اني من كتر قلقي وخوفي رحت لدكتور لان عندي الام في صدري بتخليني مش قادره اتنفس وبتروح وتيجي وتزيد مره واحده قالي دي حاله نفسيه وقلق وخصوصا امي مش متخيله اني مشفهاش كل يوم وحتي سهري لوحدي بعد ما الك ينام مشتقاله ومش عارفه ازاي لما بابا حيجي مش حستناه اصل انا بابا مهندس بحري بيافر ست شهور ويعد هنا اربعه ودايما انا بستناه وودعه وهو مسافر واستقبله لما يجي ورغم انه كان بيجي وش الفجر والكل بيبقي نايام الا انا استناه ولما كنت في الكليه كنت استناه ومرحش الكليه عارفه مشتاقه لأيه كمان انا واختي وبنت عمي وبنت عمتي اربع بنات بس في العيله بتاع بابا وانا كبيرتهم ووهما اصغر مني بس احنا الاربعه سننا متقارب كنا كل يوم خميس نتقابل عند جدتي ونبات هناك ونشوف طلابتها وكان اخويا وولاد عمي الاتنين في نفس السن برضه يباتم معانا بس لما كبرنا بقينا البنات بس مش متخيله اني مش حتجمع معاهم تاني حيوحشوني ككل حاجه حتوحشني اوي كل حاجه حتي زعيق ماما ايام الدراسه ولما تعملنا الشاي ولما انا اقوم اتابع اخواتي وهي ماما نايمه اشوفهم بيزاكرم ولا لأ واشوف طلابتهم انا خلاص عيني وجعتني من العياط

امه الله قراتى اهدائى يارب يكون عجبك يلا نامى ارجوكى وكفايه كده وموضوع الصدر ده كان بيجيلى وعملت رسم قلب بس طلع انها حاجه عاديه وماتقلقيش الحمدلله مفيش حاجه ربنا يخليلك امك واخواتك ووالدك ويخليكى ليهم وماتتحرموش من بعض ابدااا كده خليتينى اعيط اكتر وتعبت ووووووووووووووووووووووووووووووووووو مش عارفه اتكلم خالص سامحينى قلبت المواجع بس ان شاء الله بكره تكونى مبسوطه

انا كمان كتبتلك اهداء ويا رب يعجبك انا زعلانه اوي من نفسي لاني زعلتك وفكرتك انا اسفه مش تزعلي يا قمر

شرباته انا بعت لك على الخاص يا قلبي
امة الله الكيبورد شكله هايبوظ من الدموع طب تسدقي ان انا باعيط عشان انتي هاتفارقينا كاني كنت عايشة معاكي والله كان نفسي اجي فرحك واسلم عليكي وافرح معاكي واكل كمان من الوليمة بتاعتك(:
يارب يتمم لك على خير وتيجي بقى تقوليلنا ان حياتك الجديدة اجمل واجمل وتمليلنا المنتدى عيال انتي وحبيبة وندى ورفيدة وكل الاخوات..اعذروني يا بنات ان مشاركاتي معاكم قليلة لان انا لسه بدري على فرحي فمش عايزة ازود المشاركات على الفاضي بس انا متبعاكم و طبعا لو عرفت اي حاجة مفيدة هاجي جري..ربنا يحفظكم ويجمعنا على طاعته ويرزقنا جنته

انا عمري ما حسيبكم وكل فتره لما ازور ماما حدخل اكتب لكم واطمنكم عليا واطمن عليكم ان شاء الله يا قمرات

الف الف مبروك يا أمة الله ربنا يتمملك بخير يا حبيبتى :clap: :clap:
و حاولى تقنعى جوزك انكم تجيبوا كمبيوتر علشان نبئة نشوفك أكتر و انتى كمان يا شرباتة بلاش:sad: تسيبينا احنا في أشد الحاجة لخبرتك في الجواز:shy:
و انا بجد سعيدة انى شفت بنات مصر واقفين مع بعض زى كدا :clap: :clap: (انا أصلى من مصر بس بقالى عايشة هنا في أمريكا من 9سنين يعنى من و انا عندى 8 سنين و أول مرة احس ان المصريين واقفين مع بعض)

عروس مصر:
الف الف مبروك يا أمة الله ربنا يتمملك بخير يا حبيبتى :clap: :clap:
و حاولى تقنعى جوزك انكم تجيبوا كمبيوتر علشان نبئة نشوفك أكتر و انتى كمان يا شرباتة بلاش:sad: تسيبينا احنا في أشد الحاجة لخبرتك في الجواز:shy:
و انا بجد سعيدة انى شفت بنات مصر واقفين مع بعض زى كدا :clap: :clap: (انا أصلى من مصر بس بقالى عايشة هنا في أمريكا من 9سنين يعنى من و انا عندى 8 سنين و أول مرة احس ان المصريين واقفين مع بعض)

منوره معانا يا عروس مصر قوليلنا انتي فرحك امتي وعايزه تجيبي حاجه ممكن نساعدك ويا قمر احنا الحمد لله دايما نقف مع بعض ومش بننكر ان في في مصر ظاهره بدأت الايام دي ظاهره المصلحه بس دي ظاهره قليله وانا عمي وابن خالتي هناك عندكم في امريكا
احنا دايما مع بعض وعروسه مصراني احبك في الله بس عارفه ان شفت المصرين في الغربه نوعين
نوع يتلم مع بعض ويشيل بعض والنوع ده شفته في جوز بنت عم بابا لما عمي راح امريكا قعده عنده تلت شهور لحد ما عمي لقي شغل ومرضاش ياخذ منه مليم وعلطول مع عمي في اي مشكله يلاقيها وبيسانده وبيحبه وعمي كده برضه مع صحابه هناك واي مصري محتاج مساعده ونوع تاني بتاع مصلحته وبس زي ابن خالتي كان خالي رايح يقدم لابنه في جامعه هناك وطلب من ابن اخته اللي هو ابن خالتي انه بس يشوفله فندق يقعد فيه الاسبوعين دول قاله بصراحه معنديش وقت ادور اصلي مشغول اوي وخالتي قالت لماما انا ابني جدع مش مهم عنده حد المهم مصلحته وبس ابني شاطر وفي الاخر عمي الذي لا يقرب لخالي بشء هو الذي وفر له المسكن حبيبتي ليس كل المصريين سيئين في فئه لكنها قليله يا قمر احنا هنا باختلاف محافظتنا الا اننا اخوات في الله يا قمر وانتي معانا اخت في الله ومش حتلاقي حد لتات ادي في الموضوع ده ههههههههه:shy:

بنات انا باذن الله احتمال انزل اسكندرية قريب وكنت عايزة اعرف اماكن حلوة للاكسسوارات والانتيكات وتكون اسعارهم حلوة وكمان لو حد يعرف مكتبات اسلامية تباع فيها مطويات وكتيبات وليس شرائط فقط..سلاااااااااااامي للجمييييع
منورة يا عروسة مصر ويارب دايما نتجمع في الخير

اه معلش بنات كنت عايزة اسأل برضه هل فيه محلات تباع فيها ازياء هندية او يابانية مثلا او زي المضيفات سواء في القاهرة او اسكندرية

أنا فرحى ان شاء الله هيكون في أخر صيف 2007 (غالبا هيكون في أول شهر 8) و ان شاء الله هقعد في مصر سنة و بعدين ارجع أنا و جوزى هنا علشان انا اخلص كليتى (انا دلوقتى في اولى طب اسنان)
انا بدات اجهز اللبس من دلوقتى لكن باقى الحاجات هجيبها من مصر ان شاء الله و دعواتكم لية

amera1:
ازيكوا يا عرايس ومبروك ليكى يا امة الله انت ورفيدة وعلى فكرة يا نانى كنت عايزة اعرف منك حاجة انى استعملتى البتادين واليكوسيد ار يعنى شوفتى النتيجة بنفسك ولا سمعتى عنهم علشان اجرب وانا سعيدة اوى انى مشتركة معاكوا في الحوار وبستفيد من تجاربكوا المفيدة وربنا يرزقك بالذرية الصالحة يا شرباتة يا ام دم شربات

اهلا يا اميرة ازيك يا قمر
بالنسبة للكريم دة انا مجرباه بنفسي ومسمعتش وانا كاتبه الخطوات اللى انا عملتها وبعملها لحد دلوقت للحفاظ
هو طبعا في بنات فشل معاهم بس معظمهم فشل عشان استخدوا الليوكسيد لوحدة لكن لو الاتنين مع بعض يبقى ان شاء الله هينجح

شرباته:
رفيده الحبيبه ،ندا الغاليه،برايد العزيزه،امه الله الجميله ،سماح الحنونه،اسبايكى المخلصه
انا والله بحبكم اوى اوى ووالله العظيم مش بتقل ولاحاجه بس انا حسيت انكم احق منى على الاقل فى الوقت الحالى بعد كده مش هايسبكم برايد ((انا مازعلتش صدقينى عمرك شفتى حد بيزعل من حبيبه )) انتى اختى وصديقتى وحبيبتى ومن حقك تقوليلى تعرفى لو مكنتيش قولتيلى وشيلتى فى نفسك من غير ما تصارحينى كنت ساعتها بس هازعل لكن صدقينى يا برايد انا مش ممكن ازعل منكم انتوا بالذات لانى هنا لقيت معنى لوجودى حسيت معاكم بحب وبراحه وبالفه ماحستهاش عمرى كله من هنا بدات اصاحب ناس حبيتهم توى وكل منايا اشوفهم من هنا حسيت انى انسانه بجد ليه وجودى وكيانى ما تتخيليش فرحتى قد ايه الوقت تعرفى دموعى بدات تنزل وصدقينى مش عارفه اشوف كويس كلكم وحشتونى ومصر وحشتنى وامى واخواتى وحشونى انا فرحانه لانى بدات اكتبلكم انتوا ولانى باعيط جامد يمكن نفسيا ارتاح جايز كتيير فاكرين ان الغربه فلوس وسعاده وحياه احلى لكن كفايه انك تشوفى اللى بتحبيهم ده بس عندى بالعالم كله من ساعه ماجيت هنا وانا مش لاقيه حاجه اعملها ومش جايلى نفس اعمل حاجه من ساعه ماجيت وانا كرهت حتى هوايتى من ساعه ماجيت هناوانا بابكى فى اليوم مليون مره حتى الصديق الوحيد فى حياتى اتخلى عنى تخيلى قلمى اللى كنت باقوله كل اسرارى وبكتب منه اشعارى كل ده سابنى كرهت انى امسكه تعرفوا حاجه واحده اللى خايفه منها انى اموت منغير ما اشوف الناس اللى بحبها منغير ما اشوف اصحابى اعذرينى واعذرونى كلكم بس ما اقدرتش امسك نفسى عارفه ان ده خارج موضوعنا بس ما كنتش عايزه حد غيركم يعرف عنى حاجه
سامحونى كلكم

شرباتة حبيبتي انا حاسة بيكي والله لاني كلها كام شهر وابقي زيك بس حبيبتي انتي مش لوحدك خااالص احنا كلنا معاكي وبنحبك اووي وفي اي وقت تكوني متضايقة هتلاقينا علي طول بس يا حبيبتي انتي مش لوحدك ربنا معاكي ادعيله يهون عليكي غربتك ومتخليش الشيطان يضحك عليكي فعلا هي دي مهمته في الدنيا انه يعكر صفو حياتناوربنا يحفظك ويرعاكي ويردك لينا باذن الله ولاهلك بالف سلامة يااااااااااااااااااااااااااارب واوعي تغيبي عننا تاني :no: :no: :no: بنحبك اووووووي:yes: :yes: :yes: :bigsmile:

amt_allah:
تعرفي الواضح ان احنا زي بعض انا كمان حساسه جدا تخيلي اخر يوم الكليه فضلت اعيط عشان مش حشوف صحابي كل يوم ونتجمع كلنا تاني خصوصا اللي كانم من محافظات تانيه ومش حشوفهم وانا بقالي تلات اسابيع كل يوم بعد ما البيت عندي ينام اعيط واتفلق من العياط عشان كده عيني ورمت رغم ان انا مش متفاهمه اوي مع كل اللي في البيت بس مش متخيله اقوم الصبح مش الاقي اختي في الاوده معايا واستني ماما لما تيجي من الشغل واتخانق انا واخويا كل يوم تخيلي مشتاقه حتي للجيران ومشتاقه لكل حاجه لما بنسهر كلنا مع بعض ونضحك ولما نعد كل واحد يعمل مقلب في التاني ولما انا واختي واخويا نلعب مع بعض ونضرب في بعض كل ده حيويحشني تصدقي انا بكتب والكيبورد متغرق عياط مني لدرجه اني من كتر قلقي وخوفي رحت لدكتور لان عندي الام في صدري بتخليني مش قادره اتنفس وبتروح وتيجي وتزيد مره واحده قالي دي حاله نفسيه وقلق وخصوصا امي مش متخيله اني مشفهاش كل يوم وحتي سهري لوحدي بعد ما الك ينام مشتقاله ومش عارفه ازاي لما بابا حيجي مش حستناه اصل انا بابا مهندس بحري بيافر ست شهور ويعد هنا اربعه ودايما انا بستناه وودعه وهو مسافر واستقبله لما يجي ورغم انه كان بيجي وش الفجر والكل بيبقي نايام الا انا استناه ولما كنت في الكليه كنت استناه ومرحش الكليه عارفه مشتاقه لأيه كمان انا واختي وبنت عمي وبنت عمتي اربع بنات بس في العيله بتاع بابا وانا كبيرتهم ووهما اصغر مني بس احنا الاربعه سننا متقارب كنا كل يوم خميس نتقابل عند جدتي ونبات هناك ونشوف طلابتها وكان اخويا وولاد عمي الاتنين في نفس السن برضه يباتم معانا بس لما كبرنا بقينا البنات بس مش متخيله اني مش حتجمع معاهم تاني حيوحشوني ككل حاجه حتوحشني اوي كل حاجه حتي زعيق ماما ايام الدراسه ولما تعملنا الشاي ولما انا اقوم اتابع اخواتي وهي ماما نايمه اشوفهم بيزاكرم ولا لأ واشوف طلابتهم انا خلاص عيني وجعتني من العياط

امة الله حبيبتي ربنا يتمملك بخير يااااااارب وتتهني في حياتك الجديدة وتجيبلنا بنوتة امورة زي مامتها كده تملي عليكي حياتك وقلبك وبعد كده هندور علي مكان لينا عندك مش هنلاقي

:sad: :angry:
يا بنات انا عاوزة دعواتكو بجد
بعد ما جبت المطبخ وكده
بابا لاقى فيه غلطات كتيرة اوي ورجعه تاني للراجل اللي بيعمله
انا مش عارفة هيجيبه امتى
وهلحق اخلصه ولا لسة
ادعوا لي يا بنات بجد :salam:
انا بجد خايفة اوىىىىىىىىىىىىىىىىىىىى:sad: