بنات مصر: فرحك خلاص قرب.... طيب ايه خطتك في الشهور اللي قبل الفرح

الاجهزه طبعا الخلاط والكبه مولينيكس اما براون سمعت انها مش اوي بصي مولينيكس مش الاستثماري المستورد افضل الاصلي يعني الاستثماري اللي بتكون تقفيل مصري مش حلوه اوي
المفرمه مش ضروري اشتري اللحم مفروم جاهز اما الثلاجه كريازي والغساله طبعا ايديال زانوسي العبد بس بلاش الجامبو مش حلوه اوي يعني بتتهلك بسرعه ولان ايديال الجديده بقت توكيلها مش العبد اوليمبيك واوليميك مش حلوه اوي المراوح توشيبا افضل حاجه فريش احنا هنا جربناها في البيت وباظت بسرعه ومش واحده ثلاثه باظم
البوتاجاز عندك يونيفرسال حلو وبعده كريازي المكنسه ناشيونال طبعا السخان اوليميبيك حلو ده اللي انا اعرفه وحتلاقي في التجهيزات باجزائها احنا كاتبين الكلام ده كلنا

بصى يا برايد بالنسبة للاجهزة اللى انا جبتها بالفعل .
جبت كيتشن ماشين من براون وماكينة ازالة الشعر من براون برضة .
والمكواة احنا عندنا اتنين جداد واحدة ناشيونال وواحدة براون هاخد واحدة فيهم .
والثلاجة توشيبا نو فروست التختوخة 16 قدم تقريبا .
والغسالة زانوسي الايطالى .
والمكنسة ناشيونال الاصلية وماما عندها باناسونيك شغالة زى الفل ، بس خللى بالك لو هتجيبى ناشيونال ان فى منها تقليد .
والبوتجاز بتاعى يونيفرسال وماما عندها تكنوجاز شغال كويس اوى بس خللى بالك ان الحمالات بتاعت باب الفرن اللى بطلع الرفوف برا دى بتكسر مع الحرارة العالية .
المراوح طبعا توشيبا .
مش فاكرة باقى ايه تانى .

نداااااااااااااااااا
فى شريط افراح وورود فتحته فى فرحى وكان اجمل شريط سمعته فى حياتى وفى افراح الندى وافراح الهدى بس دول على فكره اجزاء كتير لكن احلى واحد افراح وورود بصى هاكتبلك مقطع وقولى رايك
افراح افراح افراح وورود والقلب بيضحك للعرسان والفرحه ماليها حدود والدنيا تقول يا سلام على الفرح مع الاسلام افراحنا جميله وطاهره حلال والناس للدين بتعود ......................الخ
برااااااااااااااايد نورتينا
باراديس افتحى
امه الله ،حبيبه
الف مليووووووووووووووووووووووووووووووووووووووووووووووووووووووون مبرووووووك

كل اللى شاركنى ونسيت اسمه مايزعلش انا هاقفل علشان ورايا غسيل وشويه حاجات علشان رايحه بكره عمره ان شاء الله ادعولى ربنا يتقبلها سلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالام:salam:

الف مبروك يا شرباتة على العمرة وربنا يتقبل منك ان شاء اللة وعقبالنا كلنا ياااارب .
معندكيش فكرة انا وخطيبى وبالذات هو بيتمنى يعمل حج او عمرة اد ايه ونفسة اوى نعملها فى اول سنة جواز ادعيلنا ربنا ييسر امورنا ونقدر فعلا نحقق حلمنا .

وجزاكى الله كل خير على الشرايط .

وعلي فكره الشريط ده فيه منه بايقاع ومن غير ايقاع لان اللي بايقاع فيه موسيقي وطبعا حرام وكمان الدف محلل فقط للنساء ومش محبب ان الرجال يستخدمم الدف خالص فاختاري بدون ايقاع و ان شاء الله مقبوله عمرتك يا شرباته ادعيلي يا قمر معاكي ان ربي يعدي عليا يوم البناء علي خير لاني خايفه جدا يا قمر ومرعوبه بس اوعي ترفعي عنك نقابك في العمره لان الشيخ مسعد انور والشيخ ابن العثيمين قالم ان الاصل الاسدال في العمره والحج يعني بتاخذي من ثوبك وتغطي وجهك وده سهل في الاسدال جدا والروايه عن السديه عائشه انها لما كانت تمر بها الرحال في العمره كانت تغطي وجها بس زمان كان عدد اللي بيعمل حج وعمره مش زي دلوقت عشان كده كانت بتنزل النقاب عن وجهاا ولما تقابل رحال تغطي وجهها اما دلوقت فالعمره بتكون مليانه بشر ربي يهدينا فلا ترفعي عنك غطاء وجهك فقد اسدلي من ثوبك وغطي وجهك المشكله اني مش فاكره الادله كلها بس الشيخ محمد حسين يعقوب والشيخ محمد حسان افتم بذلك ايضا وادعيلي

الله يبارك فيكي يا شرباتة يا حبيبتي
فيه كمان شريط اسمه هيصة على حق
اعملي عليه سيرش على جوجل هي بنت وباغني للعروسة كمان
بس تحفة والله وجميل جدا وفيه منه بايقاع وفيه من غير ايقاع
ادعوا لي يا بنات انا فرحي قرب خالص فاضل لي اربع ايام بس

ازيكو يا بنات عاملين ايه يارب تكونوا بخير انا النهاردة متضايقة جدا رحت علشان اشوف شقة وعجبتني اوي بس مش عجبت حمايا لان زوجي علشان مسافر فقال لازم انا وبابا الحاجة تعجبنا احنا الاتنين لانه بيثق في ذوقه انا بقي مش اسكت لاء اتخانقت معاه ومتضايقة جدا مش عارفة اعمل ايه

الف مبروك يا حبيبة ربنا يتمملك على خير وتكونى احلى عروسة فى عين زوجك ان شاء الله.
بس اوعى تنسينا وتتخلى عننا بعد الجواز لازم تطمنينا عليكى وتحكيلنا علشان نستفيد بتجربتك .

ربنا يخليكوا ليا وميرسى اوى على اسماء الشرايط .

رفيدة يا حبيبتى اكيد حماكى لما رفض الشقة دة لانة شايف فيها عيوب انتى مش شايفها وطبعا خبرتة اكبر منك .
حاولى ياقمر تصالحية وتعتذرلية باى شكل واكيد هو هيقدر دة .
حتى علشان خطيبك لو عرف مش يزعل منك .
متضيعش وقت وان شاء الله كلمية الصبح حتى بالتليفون ومتقفليش معاة غير لما تحسى انة خلاص مش زعلان .

ندا انا مش اتخانقت مع حمايا لاء ده مع خطيبي لما كنت بكلمه وعرفت ان الموضوع باظ اصلي زهقت من موضوع الشقة ده

ندا ربنا يخليكي يارب
وعقبال ما نشوفك عروسة ياااااااارب
وعلى فكرة خطيبي رافض حكاية النت دي بس مش رافضها اوي يعني
بس انا اخواتي اللي بيقولوا له دلوقتي لاني مش عندي تليفون في البيت ومش معقول كل ما يكونو عاوزني مثلا هيكلموني على الموبايل
بس ان شاء الله هيجيبه لي عشان اكلم العرايس الحلوين

رفيدة معلش يا حبيبتي هي المواضيع دي بتكون قلق برضو
ربنا معاكي يارب انا مريت بالتجربة دي والحمد لله عدت على خير
وربنا يوفقك ان شاء اله

باركوا لي يا بنات
انا اتصلت ببنت دلوقتى هي كانت شغالة في فرقة اسلامية
كانت فرقة كويسة اوي اوي كانو بياخدو 400 جنيه في الفرح
بس هي اتخانقت مع صاحبة الفرقة وسابتها
المهم انا كلمتها وعزمتها في الفرح انا كان ليا كلام معاها يعني قبل كده بس مش اوي يعني
المهم قالت لي انا فاضية وهتيجي لي اليوم اللي قبل الفرح في البيت ويوم الفرح هتيجي لي في القاعة اللي فيها الفرح
دعواتكو بقى لان شكلي هبقى اجازة يوم الفرح :dd:

حبيباتى عرايس مصر وحشتونى برايد حبيبتى انا هقولك على الجهزة وخدى كلامى ثقه وانزلى اسالى


الخلاص مونيلكس فرنساوى


الثلاجه توشيبا 16 تلاته باب وسعرها 2150

البوتاجاز كريازى القديم مش الجديد وكمان دا نادر على ما تلاقيه لانو نظيف جدا ومشدود من السوق لانو تافيلو حلو اوى ونظامو احلى من الجديد هو 60*90 وسعرو 1750

اياكى واليونيفرسال جيبينو عند ماما ومن يومها بنكرة اليوم اللى اشتريناه فى

الغساله ايديال زانوسى العبد الايطالى مش الاكواتك وهى 500 لفه وسعرها 2300

انا سالت شهر والكل اجمع على الانواع دى خدى كلامى ثقه

انا اشترتهم الاسبوع اللى فات

وربنا يتمملنا جميعا بخير يارب

بنات ادعولي بكره خلاص الستاير حتتركب وبتوع الغساله حيجم يشغلوها
وان شاء الله يوم التلات حبقي اعمل سويت وعندي بروفهالفستان وحأكد علي بوكيه الورد ويوم الاربع والخميس راحه وبس تعبت بس يوم الاربع اختي وماما وبنت خالتي حيروحم يفرشم السجاد والمفارش والتحف واكون انا خلصت وكمان اتخلص عليا هههههههه

في كمان موقع أناشيد افراح اسمه www.lazeeez.com يا ندا ممكن تلاقى فيه شرايط كتيرة اغلبها مصرية لكن لو كنتى عايزة شرايط فلسطينبة او خليجية ففى موقع http://go.3roos.com/eH5wABk4lsE و http://go.3roos.com/XWinikmGU2S

ربنا يسهلك يا أمة الله انتى و حبيبة
و باقى البنات ان شاء الله
بس مش من الافضل انك تروحى معاهم علشان تتأكدى ان كل حاجة كويسة و موجودة في مكانها؟

يا بنات انا كنت عايزة اسال على حاجة كدة ويارب تكون امه الله موجودة عشان انا حاسة انها هتفدني
انا لى وحدة صاحبتي هتتجوز بس ولدها متوفي وهي قرت ان لازم او مستحب ان الولي بالترتيب يكون الاخ ثم العم ثم الخال
وهي بتسال يا ترى الترتيب دة لازم تاخد بيه يعني لازم توكل اخوها وهو عمرة 23 سنه ولا من الافضل توكل عمها او خالها عشان يعني يعتبروا ناس كبيرة
هي سؤالها هل الترتيب دة فرض ولا بس مستحب يعني لو اخوها موجود وصالح انها توكله توكله هو ولا العم ايه الافضل ؟

حبيبه
مشكوره انا عندى الشريط فى مصر بس كنت ناسيه اسمه والبنت اللى فيه بتقلد من اغانى تانيه هى اسمها مى وعلى فكره فى شرايط انا شيد برضه نزلت لسبوع النونو والبنت دى برضه اللى بتغنى فيها ورائعه واحد اسمه النونو والباقى نسيتهم
نداااااااااااااااااااااااا
ربنا يكتبلك عمره وحج انه على كل شئ قدير صدقينى مكه والمدينه شعولر تانى خالص
ناااااااااانى هو فى ترتيب
بس ما اعرفوش لكن الماذون بيكون عارف وهيقول لكم مين بس اعتقد والله اعلم ان العم هو اللى مفروض قبل الاخ ده والله اعلم انا مش متاكده لو عايزانى اسالك بس الرد مش هيكون على طول ماشى
امه الله مشكوره
انا بغطى وشى بس مش بالنقاب لان النقاب والجوانتى هو اللى محظور لانه مفصل على الوجه وبلبس عبايه طويله تغطى ايدى
بنااااااات
اتمنى لكم التوفيق من الله واوعدونى ان الاغانى مش هاتكون موجوده
عروسه مصر
مشكوره يا قملر على المواقع ويارب نشوفك دكتوره قد الدنيا

وحشتوني اوي اوي يا بنات والله بس الكمبيوتر عطلان والماوس كمان تخيلو انا شغاله باكيبورد بلرغم من انه صعب جدا بس والله كل حاجه فداكم انا قريت المشاركات قبل كده وحصلت حاجات كتييير واهم حاجه كانت دلع الاستاذه شرباته يا سلام كنتي عايزه تسبينا امال هي سايبه ولا ايه ولا انتي فاكره دخول الحمام زي خروجه ههههههههه بس الحمد لله لحقتي نفسك اصل انتي مكنتيش عارفه انا ممكن اعمل ايه؟؟
الحمد لله انك رجعتلنا ومتقليش الكلام ده تاني لان الموضوع من غيرك ميسواش ولا حاجه وربنا يكون في عونك في الغربه انا ارفه انها صعبه جدا انا كليتي كانت بعيد عن سكني فكنت ساكنه مع اصحابي برده كنت بحس بغربه بس مش اوي يعني لان كنت مع بنات اصحابي اوي وانتي عارفه قعدات البنات وان شاء الله لما اتجوز الاول يعني ونسلفرالسعوديه هجيليك ونبقي اصحاب بس ادعي الاول نلاقي الشقه ههههههههههههههه
شكرا ليكي يا ندا ورفيده وشرباته طبعا عشان سالتو عليا
امه الله ربنا يتمملك علي خير وانا شاء الله كل حاجه تمشي زي مانتي عايزه علي فكره انا قريت المشاركه بتاعتك علي الديكور والحاجات دي بجد والله تحفه واستفدت منك كتير
رفيده ربنا يكون في عونك يا حبيبتي انا خطيبي لسه بيدور علي شقه وكانت في مشاكل ودلوقتي ماما في مصر عنده وهتروح معاه يتفرج علي شقه في فيصل يارب بقا نخدها لاني خلاص والله العظيم اعصابي باظت من المواضيع دي انتي بتدوري في اي منطقه؟؟؟
حبيبه انا قريت اللينك بتاعك علي فكره انا رايي من راي امه الله وانا هعمل كده انا شاء الله
انا كنت عايزه اسال سوال يا جماعه هو محرج شويه بس ممكن تفيدني فيه المتزوجات
انا ماما قالتلي ان المفروض معملش سويت في دهري لا اللي فيه شعر ميت ولا عملته هيطلع اكتر ويبقي اسود انا مش عارفه اعمل سويت ولا لا فيه ياريت والنبي تفيدوني
سلام

اهلا يا هوبا ازيك يا قمر
بصي لو الشعر باين اوي اعمليه وبعد ما تشيلي كله وقبل الغسيل ادهني زيت زيتون انا اسمع انه بيخفف الشعر وانا عن نفسي بعمل كدة وفعلا انا لحظت انه بقى اخف شوية

لكن لو الشعر خفيف ومش واضح اوي يبقى خلاص بلاش

وانا عن نفسي مش بعترف بمقوله ان الشعر بيزيد وبيتقل دي
لان انا دايما اشتكي لماما من نمو الشعر عندي بسرعه
وكانت ماما دايما تقولي اني لما اتجوز واشيل الشعر كتير هيخف خالص بعد كدة

وفعلا انا ماما دلوقت مش بتعمل غير مرة في السنه مثلا على الرغم انها كانت بتقولي انها لما كانت قدي كان عندها شعر زيي

ناني فيبس انا اللي عارفه انه العم الاول قبل الاخ لان واحده قريبتي اتجوزت كان الوكيل بتاعها عمها مع ان كان اخوها 22 سنه
يا بنات بالنسبه لاخلاط واجهزه المطبخ انا جبتها كلها ملونيكس الفرنسي علي فكره هو احسن ماركه بجد بس انا معرفش انا لسه مشتريتش التلاجه كنت عايزه اشتريها كريازي والبوتجاز كمان كريازي وبلنسبه للغساله ايديال زانوسي بس انا اتلخبطت مش عارفه اشتري ايه

ناني انا الشعر عندي متوسط يعني في العادي وماما قالتلي ممكن اعمله بس المشكله لما يظهر تاني من هيعملهولي لاني هكون ساكنه بعيد عنهم جامد فانا مش عارفه وكمان في شويه حبوب زمان طلعو في دهري ودلوتي مشيوا بس انا عايزه يعني احاول اشيل اثارهم
شرباته انتي فين يا قمر؟؟؟؟
انا هخرج دلوتي عشان احضر الغدا لبابا واخواتي وجيالكم