بنات مصر: فرحك خلاص قرب.... طيب ايه خطتك في الشهور اللي قبل الفرح

شرباته:
امه الله والله موتنى من الضحك طب تصدقى وتؤمنى بالله انا لما النت باظ نقلت ترابيزه الكمبيوتر فى اوضه النوووووووووم والوقتى جوزى نايم فى الاوضه وانا باكلمكم وهو فى سابع نومه وماتقريش لانه بدا يتقلب ارحمينى باه ومش هنام الا لما تردى بس بسرعه ارجوكى شكله بيحلم بكابوس ان انا ماسكه الكيبورد وبكتب مع انا والله قلتله قبل كده قالى مابعرفش اناااااااام وفيه نور بس هو باه علشان دكتور وبيوقف كتير فى الطوارئ وكل حاله شكل بيجى مش دارى بالدنيا ولا بالفيها

بصي يا قمر نامي عشان تصحي بدري تحضري ليه الفطار و يا رب يسعدك و انتي وهو ويكمل سعادتكم بالزريه الصالحه ويهديه ليكي ويراكي احلي من كل نساء الدنيا روحي نامي يلا

ندى.شرباته.bride.رفيدة..كلكم وحشتوني اوي
امة الله وحبيبة يا رب نفرح بيكم ويتمم لكم على خير وتكونو احلى عرايس ان شاء الله

شرباته:

bride

اسمك صعب شويه هههههههه احنا كلنا بنحبك وحتى لو تقلتى يعنى براحتك انتى جيتى فى جمل اوعى تزعلى بس النت بطئ وهما هيردوا عليكى ان شاء الله وانا تحت امرك اذا احتاجتى اى حاجه يلا سلام عارفه لو كنتى لسه زعلانه هعمل فيكى ايه ام ام ام ام ام ام ام ام هاديكى بوسه واقولك مبروك ياعروسه ههههههههههههههههههههههه

اختى شرباته لا طبعا مش بتقل ولا حاجه بالعكس تماما اتقل ليه :sad: انا بس حسيت انى بشارك وما حدش بيرد فقلت يمكن انا دخلت بدون دعوه كده لذلك انتم مش بتردوا عموما ربنا يخليكى :salam:

شكرا يا امه الله على ردك

برايد كلنا دخلنا هنا من غير دعوه بس الفكره يا قمر ان كل واحده فينا بتساعد وتجاوب علي الحاجه اللي هي عارفاها فممكن اسألتك البنات مش عارفنها كمان الوقت متأخر وممكن لسه مقروش ردودك يا حبيبتي الباب مفتوح للجميع من غير دعوه وكلنا اخوه في الله

السلام عليكم
وحشتونى اوى اوى يا بنات
بسم الله ماشاء الله انا شايفه ان التفاعل بيزيد يوم بعد يوم .
انا سيبتكوا يوم واحد رجعت لاقيت ما شاء الله اربع صفحات مليانين مشاركات كلها مفيدة.
ربنا يسعدكوا كلكوا يارب ويجازيكم الف خير على تعاونكم وحبكم لبعض ويتمم لكل عروسة فرحها على خير.


bride))
انتى نورتينا واسعدتينا بمشاركاتك الجميله .
واوعى تقولى تانى انك بتقلى علينا بالعكس حبيبتى دة احنا هنا علشان نساعد بعض .
وبالنسبة للدورات اللى باخدها فأنا من طنطا ياقمر ، بس هقولك على حاجة كويسه الدورات دى موجودة فى فرع جمعية صناع الحياة عندنا وممكن جدا تلاقيها فى فرع الجمعية القريب منك اسالى وان شاء الله تاخديها وتستفيدى منها وانا ان شاء الله لما اخلص الدورات دى هنزل مواضيع بكل اللى اخدتة فيهاوبأسلوب مبسط علشان الكل يستفيد .

وبالنسبة للبرفانات فأنا لسة العطور والمكياجات ماشترتش منهم حاجة خالص لان انا لسه على فرحى شهرين ويمكن اكتر ادعولى بس نخلص الشقة بسرعه علشان انا خطيبى تعب اوى من العمال اللى مواعيدهم مش مظبطة ابدا .
بس على فكرة انا بفضل منتجات اورفليم اكتر من إفون .


((شرباتة)) يا قمر انتى فين من زمان .
انتى من الناس اللى انا بحترمها جدا هنا فى المنتدى خصوصا من بعد ماقريت قصة نجاحك وربنا يرزقك الذرية الصالحة وترجعى بلدك مصر بالف سلامة .

((هوبا ))
يعلم الله انا اد ايه حبيتك بجد وبتوحشينى جدا لم بتتأخرى شوية فى ردك .
ويارب تكونى استفدتى فعلا من الموضوع اللى انا نزلتة
اما بالنسبة لسؤالك عن المسك فأنا اقصد بيه المسك اللى عندالعطار هو ريحتة بتكون حلوة اوى وفى منة سائل وفى تقريبا زى قطع ، انتى اول لما تقولى للعطار هيعرفة على طول والناس فى الغالب بتستخدمة للتعطير .معقولة متسمعيش عن المسك والعنبر والعود والحاجات الجميلة دى

((امة الله ))
تسلمى حبيبتى على الكتاب جعلة الله فى ميزان حسناتك
انا نزلتة وان شاء الله اقراءة


((بارادايس ))
انتى كمان وحشتينى اوى وان شالله يارب تكونى بخير .


يابنات انا لية رجاء عندكوا بس اوعوا تزعلوا منى
انتوا عارفين ان الموضع بيتقفل بعد 500 رد واحنا عايزين الموضوع المرة دى اكترة حاجات مفيدة اكتر من السلامات والمسائل الشخصية اللى بعيدة عن الموضوع . وكلامى مش معناة اننا منسألش ومنطمنش على بعض لا بالعكس والدليل على كدة ان انا مشاركاتى فيها سلامات كتير
انا بس اللى بطلبة اننا بدل مانبعت لكل واحدة رد فى مشاركة لاء نبعت كل الردود فىمشاركة واحدة
يارب تكونوا فاهمنى
انا عارفة انى مش مشرفه ومش صاحبة الموضوع علشان اتكلم فى الحاجات دى
لكن يعلم الله ان انا بطلب دة حرصا على مصلحتنا كلنا .

سلام
دمتم فى حفظ الله
وتصبحوا على خير .

bride*to*be*:
على فكره انتوا ما جبتوش خاااالص سيره البرفانات

ياترى جهزتوا ايه؟

انا الايام دى بشترى منتجات افون وعايزه اسالكم عن احلى العطور فيها يا ترى حد من البنات جرب حاجه وطلعت حلوه؟؟

لانى بصراحه عمرى ما جربت منها ابدااااااااا

بس بقالى شهرين بشترى

ده برموشن الشهر ده بصوا عليه يا بنات وقولوا لى
http://go.3roos.com/6LCX8IonJ7l

بصي يا قمر برفانات ايفون حلوة فعلا وكمان اسعارها حلوة
انا جربت السليبر بجد تحفة وهايل بموت فيه
وكمان ريرجولد وفاراوي حلوين اوي
وفي بنت صاحبتي بتشكر البرسيف الرجالي والحريمي وانا بثق في ذوقها وناويه اجيبة ان شاء الله

ناني فيبس:
بصي يا قمر برفانات ايفون حلوة فعلا وكمان اسعارها حلوة
انا جربت السليبر بجد تحفة وهايل بموت فيه
وكمان ريرجولد وفاراوي حلوين اوي
وفي بنت صاحبتي بتشكر البرسيف الرجالي والحريمي وانا بثق في ذوقها وناويه اجيبة ان شاء الله

انا اهه يا ناني انا يا جماعة البنت صاحبة ناني اللى بتثق فى ذوقى ميرسيييييييييي يا ناني انا يا بنات عضوة فى ايفون وممكن افيدكم فى الموضوع ده لو عايزة تعرفى احلى برفانات افون انا اقولك:
1. سليبر زي ناني ماقالت رررررررررررررررررررررررائع ريحتها هادية و رمانسية
2. رير جولد تنفع للسهرات والخروج باليل
3. برسيف جميلة جداااااااااااااااااا سواء الرجالى او الحريمى
4. فاراواي بردة رائعة
5. ريف فوالية ( كلاسيك الزرقاء ) جميلة قوي وتنفع للصبح وباليل
6. بي كيسابل رقيقة قوييييييييييييييي
7. باشون دانس برضة رقيقة
اما الرجالى لو عايزة تجيبي لجوزك:
1. ميزميرايز
2. اومو
3. برسيف
4. فركشن
5. اوبن
على فكرة الترتيب مش من الاحلى للاقل حلاوة لا هى جت كده
ولو عايزة اي استفسار عن منتجات افون انا موجودة

شرباااااااااااااااااااته اخير جهازك اتصلح كنتي وحشاني اوووووووووووي يا قمر

امة الله الف الف مبروك ربنا يتمملك على خير يارب ويسعدك ويرزقك الذريه الصالحة

واهلا بكل البنات الجديدة

انا اختفيت شوية عشان كان عندنا شوية تظبيطات وتجهيزات في الشقة

وعايزة اقولكم ان الترمس المطحون بجد اختراع هايل جدا
انا وجهي الحمد لله منور وناعم وصافي ومفيش هالات سودا بجد الكل ملاحظ الفرق
انا بحطة يوم ويوم وبخلطة ساعات بميه ورد وليمون او زبادي وليمون او عسل

هههههههههههه ولاااااااء حبيبت قلبي اهلا يا قمر
فعلا يا بنات ولاء عضوة وهي اللى بتجبلي منهم وكمان بتعملي تخفيضات حلوة اوي
برايد انتي ممكن تخدي ايميلاتنا وتنضمي لينا يا قمر هبعتلك الميل على الخاص ان شاء الله

ندا
ازيك انتى انا كمان بحترمك جدا وعجبنى كلامك وعندك حق المفروض ان احنا نستغل الوقت لصالحنازى ما انتى قولتى ومفيش زعل ولا حاجه ابدااااااااااااااااااااا

امه الله
وحشتينى وان شاء الله هاضيفكم عندى وانا روحت نمت بس مش علشان صلاه الفجر لانى حاليا من اصحاب الاعذاار ههههههههههههههههههههههههههههههه:shy: :shy:

نانى

ازيك وحشااااااااااااااااااااااااانى مووووووووووووووووووووت فينك يلقمر انا كنت هابعتلك على الخاص تشاركينا وكمان قطه شيرااازى المهم الشقه حلوه وانتى مبسوطه وهاتتجوزى امتى واوعى بعد الجواز تسيبينا لازم نطمن على بعض من وقت للتانى ومتعمليش فيها هانم وتقولى انا ما عنتش باكلم عيال العيال دول انتى كنت فى يوم منهم اوعى تزعلى انا بس بحب الهزار جدا ومابحجبش المكشرين ابداااااااااااا ههههههههههههههههههههههههههههههههه:shy: :shy: :gum: :qaq:

برايد

bride انتي ليه بس بتقولي كدهوالله انتي عمرك ما تقلتي طيب ما احنا كلنا بنسال بعض وانا رديت عليكي بس انا اسفه والله العظيم ما اخدت بالي اني جوبت مش ليكي بس والله الظيم انا اتلخبطت عشان كان اسمائكم ورا بعض ومتزعليش مني انا هاخد بالي المره اللي جايه بس متزعليش ومتقليش الكلام ده تاني ماشي يا جميل
ناني فيس ازيك يا قمر انا كان نفسي تشاركي معانا من زمان وانتي نورتينا والله انا كنت عايزه اسالك سؤال هو الماسك اللي عملتيه ينفع للبشره اللي فيها شويه حبوب بسيطه ولا لا؟
شرباته اني وامه الله موتوني من لضحك والله :dd: :dd: شرباته انتي جوزك دكتور وانا كمان خطيبي دكتور مش عارفه اتعامل مع طبيعه شغله يعني انا في الاول كنت بستحمل لكن خلاص دلوقتي بجد بقيت مش قادره استحمل يا ريت تقليلي بتتعاملي ازاي معاه ي
شرباته يارب يرزقك بلذريه الصالحه يا رب بس انتي اصبري وان شاء الله ربنا هيكرمك يا رب
علي فكره احنا ان شاء الله انا وخطيبي بعد ما نتجوز هنسافر ممكن السعوديه او الامارات

هوبا ازيك يا قمر
بصي انتي لو عندك حبوب ممكن الاول كل يوم تجيبي نص ليمونه وتدلكي بيها وجهك بالراحة لحد ما الميه اللى فيها تخلص وبعدين تسيبي الليمون على وشك لحد ما ينشف
الليمون حلو اوي للبشرة بيفتحها ويصفيها وعشان هو زي المطهر فبالتالي هيعالج الحبوب ويخفيها خالص
استمري على كدة شوية لحد ما تلاقي الحبوب بدات تنشف بعد كدة تقدري تحطي الترمس عادي
لانه هيساعد بعد كدة انه يشيل اثر الحبوب وان شاء الله هتلاقي وشك منور زي القمر

شرباته يلا فين نصايحك لينا الحلوة اللى كنتي حرمانه منها كل الوقت اللى فات دة
يلا احنا ضيعنا وقت طويل عايزين نعوض
هو انتي المايوهات مننسهاش ليه هو احنا هنستخدمها؟ هنستخدمها امتى يعني هههههههههههههههه:shy:

حبيبتي برايد اوعي تزعلي بس فعلا زي ما امة الله قالتلك ان كل اللي عارف حاجة بيقول عليها واحنا كلنا هنا اخوات في الله ومشاركتك معانا بتبسطنا اوي اوعي تزعلي خالص:ok: والا انتي حنجيبك لو انتي فين شرباتة يا عسولة مبروك علي النقاب ماشاء الله عقبال بنات المسلمين كلهم باراديس حبيبتي كنتي واحشني والله وناني فيبس يابنات متغيبوش تاني عنا كده:smile: بنات اللي كان بيسال علي موقع كوكيت www.coquette.comامة الله حبيبتي ممكن توصيفيلي انتي هتلبسي ايه يوم الفرح لاني مش عارفة:flower: :flower: :flower: وربنا يتمملك بخير يا رب برايد ياريت تقوليلي بالظبط فين المحل اللي فيه بانتيهات حلوة:gum:

هوبا ازيك لا السعوديه عدل احسن من الامارات على الاقل صحابك فيها لكن لو روحتى الاماراااااااات هاتبقى مقطوعه من شجره هههههههههههه :qaq: بصى يا ستى انا مابكرهش فى حياتى حد قد الدكاتره ههههههه وربنا رزقنى بدكتور بس على فكره هو الحمدلله كويس جدا معايا وعمره ما فالى انا دكتور او حاجه من دى خالص من ناحيه المعامله اتعاملى على طبيعتك بس انا مفهمتش لسه انتى تقصدى ايه من السؤال وانا هاجوبك يلا ردى بسرعه

نانى

والله دمك خفيف نفس السؤال سالته قطه شيرازى وكان ردى انك ياستى طبعا كلنا بنات وهانتجوز قريب مش انتى عندك بانيو وهاتملى شاور طيب افرض جوزك كان معاكى لو من غير مايوه شكلك هايبقى مش حلو غير كده لازم تعمليله كل حاجه عشان ماتبقيش قصرتى فهمتى

السلام عليكم يا بناويت مصر انا جبتلكم انهارده وصفات للبنات اللي بيعانو من النحافه اللي زي مع اني من سنتين كنت تخينه بمعني الكلمه كنت 70 بس خسييييييييييييييييييت جد لغايه ما وصلت 55 ومش عارفه هوصل فين بعدين:sad: علي فكره الوصفات دي منقوله وانا لسه جربت حاجه بس هحاول ان شاء الله فيه طرق كتير لزيادة الوزن أكثرها شيوعا الأعشاب لكن عامة مابننصحش بتناول أي عشب إلا بعد معرفة تامة لمكوناته وجرعته وبنفضل إن الحكاية دي تكون تحت إشراف طبي كامل..

الوصفة الأولى:
هاتي حب العزيز (من عند العطار) ودقيه وانقعيه في المية لمدة ليلة كاملة، ثم اهرسيه وصفيه وضيفي له سكر واشربي منه يوميا لمدة أسبوعين.

الوصفة الثانية:
هاتي تين وينسون وحطيهم مع قليل من الماء في إناء وسيبيه شوية على نار هادية وافطري من الخليط ده لمدة أربعين يوم.

الوصفة الثالثة:
حطي 150 جرام حلبة في كمية من الماء واغليها على النار أربع أو خمس مرات وكل مرة بمية جديدة ثم اطحنيها لغاية ما تنعم وضيفي لها قدها دقيق ناعم وضيفي للعجينة اللبن البقري حتى يتكون شراب ناضج وحطي عليها عسل نحل وحركيها على النار واشربيه وهو سخن.

نظام البروتين البودرة لزيادة الوزن

فيه طرق تانية بتعتمد على دواء على هيئة بودرة بتتميز بغناها بالبروتينات والدهون والفيتامينات وصرح أطباء التغذية باستخدام البودرة دي كغذاء مكمل إضافي للمصابين بالنحافة ولعل أشهر أنواع هذه البودرة الـ"سوستاجين" ودي طبعا من الصيدلية...

الفطار:
جبنة دوبل كريم.
2 معلقة عسل نحل أو مربى بالقشدة.

تصبيرة:
2 معلقة سوستاجين مذابة في كوب ماء.

الغدا:
200 جم من اللحم أو ربع فرخة أو 2 سمكة مقلية.
أرز بالخلطة.
خضروات.
معلقة صغيرة عسل أسود.

ع العصر:
كيك أو بسكويت.
كاكاو باللبن أو حلبة ناعمة.

العشا:
بطاطس بوريه باللحم المفروم.
كوب زبادي بالعسل الأسود.
2 معلقة عسل نحل بغذاء ملكات النحل.

قبل النوم:
كوب لبن + 3 ملاعق سوستاجين.
نصائح عامة لعلاج النحافة
1.ممكن تلجئي للأدوية الفاتحة للشهية واللي بتساعد على تناول الطعام مثل فيتامين ب6.
2. تناول الطعام في أماكن مفتوحة هادئة والأحسن الأكل مع مجموعة.
3.إضافة البهارات والأعشاب للأكل وده بيديه نكهة فاتحة للشهية.
4. البحث عن أي مرض عضوي أو نفسي يسبب سد الشهية وعلاجه، فكثيراً ما يكون سبب النحافة أمراض هرمونية أو عضوية، لذلك:

- لو حسيتِ إن وزنك في نزول مستمر فلازم تروحي للدكتور للفحص والكشف عن الأسباب وغالبا هيطلب منك تحليل لهرمونات الغدة الدرقية ونسبة السكر بالدم وتحليل للديدان المختلفة اللي غالبا بتبقى سبب النحافة.

- السلطات الخضراء بكميات معتدلة لفتح الشهية وإمداد الجسم بالفيتامينات والأملاح الضرورية له.. وفي الوقت نفسه اوعي أنك تزودي منها لأنها ممكن تسبب لك شعور بالامتلاء.

- ممنوع تناول الماء قبل أو أثناء الطعام علشان شهيتك ماتقلش.
- تناول 6 وجبات صغيرة أفضل من وجبتين كبيرتين وده أسهل في عملية الهضم والامتصاص وبيدي فايدة في زيادة الوزن.
- تناول الأطعمة الغنية بالكالسيوم والماغنسيوم فهي تساعد في هدوء أعصابك وتجعلك هادئاً ومطمئناً
سلطات لفتح الشهية

فيه بقي طرق تانية بتعتمد على أكلات هي نفسها تفتح النفس أولها السلاطة لأنها بتحتوي على مواد ذات نكهة طبيعية بتزود إفرازات الإنزيمات الهاضمة فبتساعد على الهضم، ده بجانب احتوائها على عدد كبير من الفيتامينات والأملاح المعدنية الفاتحة للشهية، والمهمة للجسم.
الطماطم.. هي الحل

بتشكل الطماطم المادة الرئيسية في عمل السلطات والصلصات المشهية.. لأنها بتفيد في هضم الأطعمة النشوية واللحوم وبعض الخضراوات..

هذا بالإضافة إلى إن الطماطم غنية بفيتامين "أ، ج، ب1، ب2"، ومجموعة من الأملاح المهمة للجسم عامة. وبالإضافة لأنواع السلطات التقليدية التي تشارك فيها الطماطم هناك عدة أنواع من الصلصات بتتعمل منها زي:


الصلصة الحريفة

وهي نوع من الصلصة بيتحط على اللحوم المشوية، وبعض الخضروات والأطعمة الأخرى.. فتساعد على فتح الشهية بشكل ملحوظ.

وبيتم إعداد الصلصة كما يلي:
يتم اختيار الطماطم الناضجة، وتغسل جيداً ويزال منها الأجزاء غير المرغوب فيها.. ثم تصفى وتحضر لعمل الصلصة الحريفة.


المقادير:

- كيلو طماطم "وتحضر كما سبق".
- بصلة كبيرة.
- قليل من الملح والشطة.
- معلقة صغيرة فلفل أسود.
- كوب خل.
- 5 فصوص ثوم.
- 3 قرون قرنفل.
- معلقة كبيرة سكر.

الطريقة:

- اخلطي عصير الطماطم بالبصل والثوم الناعم، وترفع على النار حتى يتكون مزيج غليظ.
- صفي الخليط بوساطة مصفاة.

- اغلي الخل مع البهارات لمدة 10 دقائق ثم ضيفي للخليط الطماطم بالبهارات مع السكر.. ثم يرفع على النار حتى يغلظ، ويعبأ في زجاجات معقمة وتحفظ لحين استخدامها لتغطية المأكولات المشوية والأسماك والسلطات فتعطي الشكل والطعم المقبول اللذيذ.


الطحينة.. وصلصات مشهية لعلاج النحافة
ومن الممكن استخدام الطحينة مع الثوم والفلفل والكمون والخل في إعداد صلصات فاتحة للشهية كما يلي:
صلصة الحمص بالطحينة لزيادة الوزن
الحمص من البقوليا تومائة جرام من الحمص تمد الجسم بما يقرب من 300 سعر حراري.. لذا يفضل تناوله للراغبين في زيادة الوزن.. ومن الممكن استخدام الحمص مع الطحينة في إعداد صلصة فاتحة للشهية، وذات قيمة غذائية عالية.

المقادير:

- ربع كجم حمص حصى.
- كمون، ملح، وبقدونس مفري
- ربع كوب خل.
- 6 فصوص ثوم مهروس.
- نصف كوب عصير ليمون.

الطريقة:

- يتم نقع الحمص بعد التنقية ليلة كاملة في الماء.
- يصفى ثم يضاف إليه ماء جديد ويرفع على النار.
- بعد النضج يهرس الحمص، أو يضرب بالخلاط.
- يضاف الملح والكمون والثوم المدقوق والخل والليمون إلى الطحينة ويتم التقليب جيداً.
- يضاف الخليط السابق إلى الحمص المطحون.
- يوضع الخليط في أطباق، ويزين.

منقول

رفيده مبروك ايه ده انا لابساه بقالى تلات سنين بالنسبه للفرح طبعا الستات فى مكان والرجاله فى مكان انا كان فرحى فى المسجد ولبست حاجه اسمها كاب بتغطيكى من فوق لتحت ولونها ابيض وشكله حلو وكنت عامله فورمه واول مادخلت قلعت الكاب لكن لو انتى هاتكونى بالحجاب البسى نقاب ابض عادى والكوافيره بتزبطك دى معلوماتى





بنات انا رايحه اعمل الاكل
وراجعه تانى ان شاء الله

انا اقصد يا شرباته المواعيد بتاعت شغله مثلا وساعات كمان يعني بحسه مهتم بشغله اكتر مني لكن هو بصراحه عمره ما قالي انا دكتور والكلام ده لا هو كويس جدا معايا علي فكره يا شرباته انا زيك من زمااااااااااان وانا ببكره الدكاتره وربنا كرمني بواحد منهم
ههههههههههههههه

اولا حبيبتي كوكيت اللي انا اقصده موقع مصري ده اجنبي يا جميل لأ مصري ومنتجات مصريه مئه بالمئه اما الفرح انا حلبس فستان عادي عريان وحعمل شعري وحلبس كاب ولما اروح الفرح ابقي اقلعه والكاب بيبقي شيك ومطرز كمان يا جميل
شرباته يا قمر انا عكسكم يعني انا بكالوريوس علوم وزوجي معهد وماما كانت مضايقه جدا عشان فرق المؤهل وانا كنت شايفاها عادي لانه في صفات اهم عندي من المؤهل اولا التزامه وثانيا خلقه وحفظه لكتاب الله كله والحمد لله بس بحس لسه ان ماما حاسه بالفرق انا مش حطاه في دماغي
ناني وحشتينا اوي انتي كمان
ندي كتاب اي كتاب انا فاكره اني مش بعت كتب

اه يا هبه جيتى على الجرح انا كمان ياما شوفت بصراحه انا فى الاول كنت قاعده مع حماتى بس لما روحت شقه لوحدى كان احيانا بيبات فى المستشفى فكنت بروح عند اهللى وييجى تانى يوم ياخدنى واللى يضحك ان اختى جالها دكتووووور بس على مين مامتى حلفت ماعادت تجوز بناتها لدكاتره ابدا هههههههههههة لما روحت مصر كنت بنزل معاه هو فى العياده وانا تحت فى العربيه والله العظيم كنت باقعد حوالى تلات ساعات فى العربيه احسن من الوحده صح بس كنت باخد معايا راديو بعد كده اتعودت انتى كمان لما تتجوزى ياهوبه هتلاقى وقت كتير عندك من ناحيه الغسيل والترتيب كل حاجه بتاخد وقت ابيخ حاجه انه ممكن يجيلوا كشف منزلى الساعه 3 باليل برضه بفتح الراديوا او النت يعنى بسلى وقتى وماتخافيش بكره تتعودى هنا باه فى الغربه 8 ساعات شغل بس ودى ميزه بس برضه ساعات يجيلوا كشف الساعه واحده او تلاته بس انا عشريه فاصاحبت على دكتوره هنا وواحده مهندسه وعلى طول عند بعض طبعا مصريين والحمدلله اى استفسار تانى انا فى خدمتك بس اروح اشوف المكرونه