بنات مصر: فرحك خلاص قرب.... طيب ايه خطتك في الشهور اللي قبل الفرح

rofaida:
ميرسى ندى و أمة الله على الرد و ربنا يسعد كل العرايس

انا اشتريت حاجات من حبيبة و كوكيت قطن ومن لاسو 2 قميص يعنى شوية حاجات بسيطة انا كنت عايزة اجيب حاجة شيك (خصوصا للطقم الابيض ) بس مش لاقية على فكرة انا ساكنة فى سموحة ومش باروح خالص ناحية خليل حمادة ودورت فى جويا بس مش بتعجبنى حاجتهم عادة حاجات قليلة اللى بتعجبنى من عندهم

معلش يا بنات تعبتكم معايا

بصى حبيبتى شارمن بتودى لغايه البيت وممكن تتسوقى من النت من عندهم وعندهم حاجات حلوه قوى قوى يا رفيده تحبى احط لك لينكهم
هما كمان لهم عناوين فى الاسكندريه تحبى احطها لك؟؟

عارفه كمان فيه عندنا فى مصر محلات جميله تعالى يوم الصبح بادرى بس ابعدى عن ايام الاتنين والخميس واتسوقى وروحى وانا على اتم الاستعداد اكتب لك اماكن رائعه ومش غاليه

بالنسبه لجويا انا من رايك بس تعرفى عندهم روب كول شال كبير كده لالالالالالالازم تشتريه للانه رائع وسعره رائع وفيه الكحلى والابيض والكافى اولى والبامبى والموف الفاتح بصراحه لقطه لقطه وجميل جداااااااااا ياريت ياريت يكون فى دولاب كل بنت

وربنا معاكى حبيبتى

السلام عليكم ازيكم يا عرايس مصر والف مبروك ليكم كلكم ياريت تكتبوا لنا اسماء المحلات وعناوينها علشان كلنا نستفاد وربنا يتم لكم على خير

بصي رغم شهره جويا الا اني لا احب اشيائهم كتير بس ما انكر اني جبت من عندهم روب ساتان كحلي وحرمله اللي هي شيفون كلها وبس لا كن اعتمادي كان علي لاسو واوليفيا لانس و كوكيت وشويه ماركات مش مشهوره اوي يعني جبت غالي ورخيص يعني لازم نوفق ما بين ده وده لا كله غالي ولا كله رخيص وبصراحه الطقم الابيض انا مش حساه ضروري اوي انا مجبتوش يعني انا جبت قميص نوم بمبي من عند وايت لينين اللي في شارع الاقبال وبابا كان شاريلي من فرنسا معاه كام روب شيفون حلوين ومنهم نفس درجه النوم لاكن الابيض مش بحبه خالص يعني مش برتاح بس في محل في شعراوي اوله من عند البحر عنده اطقم بيضا علي ما اتذكر بس ده كان من فتره طويله اوي حلوه

ممكن اسالك يا امه الله جبتى اوليفيا وكوكيت منين؟؟

الروب الساتان هو الى بكول شال ولا حاجه تانيه؟

amera1:
السلام عليكم ازيكم يا عرايس مصر والف مبروك ليكم كلكم ياريت تكتبوا لنا اسماء المحلات وعناوينها علشان كلنا نستفاد وربنا يتم لكم على خير

اى محلات حبيبتى اامرى والى اعرفه راح احطه:salam:

دينا على:
عايزة أشارك عرايس مصر و احاول اعرفهم أسماء المحلات و عناوينها ويشتروا الحاجات اللى مش عارفين يجيبوها و ناقصاهم

:clap: :clap: :clap: :clap:
:clap: :clap: :clap:
:clap: :clap:
:clap:

يااااااااريت تنضمى لنا انا بصراحه جديده انا كمان بس حسيت كانى فى بيتى منتظرينك واكيد كمان كل البنات:salam:

بصي يا حبيبتي عند اي لانجيري تلاقيهم بصي هنا في اسكندريه لاقيتهم عند كذا محل لانجيري يعني متوفرين وحاجتهم تحفه ورقيقه
بصي ده رابط لاخت مصريه بتبيع منتجات اوليفيا لانس وانتي ممكن تلاقيها في اي مكان وممكن البنت تجيبهوملك لو مش لاقيتيها هي اخت رائعه وتعاملها حلو جدا http://go.3roos.com/bmgfy2u77v2
كوكيت مش لاقيه السيت بتاعها

على فكره انتوا ما جبتوش خاااالص سيره البرفانات

ياترى جهزتوا ايه؟

انا الايام دى بشترى منتجات افون وعايزه اسالكم عن احلى العطور فيها يا ترى حد من البنات جرب حاجه وطلعت حلوه؟؟

لانى بصراحه عمرى ما جربت منها ابدااااااااا

بس بقالى شهرين بشترى

ده برموشن الشهر ده بصوا عليه يا بنات وقولوا لى
http://go.3roos.com/6LCX8IonJ7l

شكرا يا امه الله بس بصراحه انا عايزه اشترى من المحل على طول لان الشراء من التاجره بيبقى اغلى طبعا
اذا الحاجه متوفره فى بلدى اشتريها من النت ليه؟؟

ده يا بنات كتاب تحفه العروس على ملف وورد

بس رجاااااااااااااااء الى بتستعمل انترنت الشغل لا تستخدم فى الطباعه ورق الشغل

وتحروا الحلالالالالالالالالال حتى يبارك الله لكم

http://go.3roos.com/NssmJdwEhZW

ودعواااااااتكم لى بالزوج الصالح وان ربنا يفتح لى بيتى

عندك حق بصي برفانات اوريفليم برضه حلوه جدا وخفيفه ولو اشتركتي فيها حيكون في خصم كبير يعني لو ب100 تجبيها ب78 المهم المكان اللي حتلاقي فيه ماركه لاسو و حتلاقي اكيد هناك اوليفيا لانس وحتلاقي كوكيت كمان وماركات تانيه كتير دوري وحتلاقي ان شاء الله

طيب الله يبارك لك يا امه الله بس ممكن تقولى لنا ايه احلى البرفانات فى اورى فلام

وشكرا لك

nada_rtv:
2paradise



وحجزت كمان فى دورة خياطة وتصميم ملابس وكمان تريكو وتطريزانا شايفه انهم اكيد هيفيدونى بإذن الله يعنى بدل مااشترى كل حاجة جاهزة اطلع شوية من ابداعاتى . عشان كمان مش هلاقى وقت بعد الجواز للدورات دى .

الله عليكى شطوره:clap: :clap: :clap: ممكن اعرف فين الدورات دى؟؟

خصوصا التطريز وياريت اكون مش متقله عليكى

بنات مصر ايه الحجات الحلوه دى وانا اللى فتحت موضوع واستنتكم ومحدش عبرنى اتارى فى موضوع هبه عملته وانا فى الباى باى ههههههههه بجد بحبكم اوى لما بشوفكم جنب بعض وعموما يا هوبه انا متجوزه وهاساعدكم باى حاجه ان شاء الله ومبرووووووووووووووووووك مقدما ويارب يجمعنا بالجمع ده فى الجنه مع النبى محمد عليه الصلاه والسلام وامهات المؤمنين امين

انا سمعت عن فير بصي بلاش تشتري من البرموشن كده لا روحي الفرع واطلبي عينه من كل بارفان وشوفي احسنها بس مشكلتي اني ادبست في بارفانات بابا جبها معاه مع ان مش عجباني بس محبتش اكسفه بس انا سمعت عن فير انها حلوه شرباته وحشاني ادعيلي خلاص انا فرحي كمان 8 ايام

شكرا يا امه الله وربنا يتمم لك على خير

امة الله ربنا يتمملك بخير يا رب حبيبتي ممكن توصيفلي بالظبط المحلات اللي قولتي عليها فين لاني مش عارفها وديفعلا اللي كنت بدور عليها لان بواقي التصدير بيبقي فيها حاجات حلوة اوي واسعارها رخيصة جدا ياريت تقوليلي وربنا يجزيكي خير

انا بقصد محلات الملابس بكل انواعها واللانجيرى انا من مصر ولسه بدرى على فرحي فاحب اعرف اسماء المحلات علشان ادور على احسن حاجة

يا حبيبتى يا امه الله الف مليون مبرو ك تعرفى عايزه اعيط من الفرح وماسكه نفسى بالعافيه والله انا حبيتكم من قلبى بجد وحسيت ان انتم كل حياتى فى غربتى بس قد ما بحبكم قد مابتمنى لكل واحده فيكم حياه سعيده كلها فرح وسرور اوعى تنسينا ابدا لاننا مش هاننساكى وطمنينا عليكى اوعى تنسى وانا هادعيلك وربنا يتملك على خير ومنى ليكى مليون بوسه وبوكيه ورد احمر دليل حبى :flower: :flower: :flower: :flower: :flower: :flower: :flower: :flower: :flower: :flower:

ازيكم يا بنات انا فرحانه اوي لان التفاعل بينا زاد جدا وفي ناس جديده معانا الحمد لله يارب كلنا نستفيد من بعض
ندا والله العظيم انا بحبك في الله اوي وكل يوم بحبك اكتر انتي بتجبي حل لكل مشكله ندي عشان موضوع الحبوب والاحمرار بتاع البشره بعد ازاله الشعر وخصوصا في الوجه تعبني اوي انت عارفه انا رحت للدكتور وقالي اني مش اشيل الشعر اللي في وشي يوم الفرح لاني ممكن الحبوب تظهر عندي بس لما قريت الرابط قلت ممكن اقل للدكتور علي الحاجات دي واشوف بقا ادعولي يا بنات
معلش عندي سؤال تاني انا اجيب المسك ده منين؟
فراشه اهلا بيكي معانا وياريت تبقي معانا
حبيبه الف مبروك يا حبيبتي بصي احنا مخطوبين لنا 3 سنين بس كان في شويه لخبطه احنا هنعيش فين عندنا ولا في مصر وكمان كان المفروض فرحنا في الصيف ده بس اتاجل ربنا يسهل يا رب
امه الله الف مبروك ليكي يا حبيبتي اوعي خافي ولا تجهدي نفسك عشان ميبنش علي بشرتككمان وحاولي تريحي نفسك يا عروسه وان شاء الله ربنا يتمملك علي خير مش هوصيكي ابقي عدي علينا كده شوفينا بنعمل ايه؟؟؟
resalaweya اهلا بيكي معانا بصي بلنسبه للخل والمون انتي تجيبي يعني كميه الخل علي حسب شعرك ينعي انا جبت نص كوبايه صغيره وعصرت عليهم ليمونه ونص وبعدين دهنت بيهم فروه الراس واستخدمت المشط الخشب عشان يطلع القشر وقعدت اسرح بيه وبعدين خليه علي شعري ساعه ونص ساعتين وبعدين سرحت تاني بلمشط الخشب وبعدين غسلته
بس اوعي تستخدمي الصابون في غسيل الشعر عشان بتعمل قشره