بنات مصر: فرحك خلاص قرب.... طيب ايه خطتك في الشهور اللي قبل الفرح

عايزة أشارك عرايس مصر و احاول اعرفهم أسماء المحلات و عناوينها ويشتروا الحاجات اللى مش عارفين يجيبوها و ناقصاهم

مبروك لكل العرايس اللى فرحهم قرب
انا عضوة جديدة و من أسكندرية فرحى تقريبا كمان 3 شهور و لسه ناقصنى حاجات كثيرجدا المشكلة انى باشتغل من 9- 5 كل يوم ما عدا الاجازات و كمان باعمل دراسات و عندى إمتحانات فالدنيا عندى ملغبطة شوية.
كنت عايزة اسأل لو حد يعرف محلات قمصان نوم وبيبى دول حلوة وشيك وكمان ممكن حد يقولى المفروض اجيب كام قميص طويل و كام قصير و كام بيجامة
انا اسفة طولت عليكم

انا من اسكندريه كمان يا قمر بصي في في شارع جمال عبد الناصر بعد تقاطع شارع خليل حماده وجمال عبد الناصر عند شهد الملكه ادامه شارع علي قمته محل اسمه موبينيل جواه محل لانجيري اسمه سلمي تقريبا بيبع حاجات لاسو وحاجات اوليفيا يعني عنده الرخيص والغالي كمان في في شارع الغرفه التجاريه محلين حلوين وعندك في ديب مول ملابس حبيبه ودي قطنيات وعندك شارمين برده عند الغرفه التجاريه قطنيات برضه وعندك جويا طبعا مشهور جدا وفي كمان المحروسه ده موجود في خليل حماده يعني بعد التقاطع بتاع خليل حماده وانتي رايحه اتجاه البحر حتلاقي هناك واي استفسار انا في الخدمه

السلام عليكم .
ازيكوا يابنات .
امة الله
احنا هنجيب اوضة الاطفال من دلوقتى لان الاتفاق بيننا كان كدة الاول يعنى اتفقنا هو يجيب اربع اوض واحنا الاطفال والمطبخ لان انا شقتى واسعه جدا فيها اربع اوض وصالتين واسعين اوى مفتحوين على بعض .وميرسى على المعلومات القيمة.



كات
مبروك الطقم الصينى وعقبال الباقى بس ياترا اشتريتية بكام ؟
انا اعرف ان الالمانى غالى . انا بتاعى اشتريتة ب2300 محبتش اجيب المانى علشان اعوض فى حاجات تانية زى الاركوبال جبتة بألف بس تحفة والبيركس وكمان اشتريت الميلامين لاقيت شكلة عجبنى اوى .
بس المشكلة انى اشتريت من مكان كل حاجة فية غالية نار وعلى فكرة الحاجات دى انا اشترتها من سنه ونص تقريبا يعنى اكيد غليت اكتر .
ربنا يكون فى عون الابهات .




هبة
انا كمان بفكر اجيب زيت خروع استعملة لرموشى وحواجبى لانى ملاحظة ان رموشى بتقع اليومين دول بس يارب يجيب نتيجة فعلا .


دينا على
اهلا بيكى بين عرايس مصر وفى انتظار مشاركاتك .
بس مقولتلناش انتى مخطوبة ولا لسه؟؟؟
ولو مخطوبة فرحك امتى؟



روفيدا
انتى نورتينا وربنا يتمملك على خير
انا معنديش فكرة عن اسماء المحلات فى اسكندرية بس اكيد امة الله فادتك.
اما عن العدد فأنا هقولك على اللى جيبتة
انا جبت 3 بيجامات صيفى غاليين
وجبت 6 اسعارهمر متوسطة صيفى برضة بس مش كله بيجامات فى برمودات
و3 بيجامة شورت و2 بجيبة ميكرو
واشتريت 3 بيجامات قطيفة للشتا
واربعة شتوى
و4 كاش ميو
دة غير العبايات
ولسه موش اشتريت الباديهات

اما القمصان فأنا لسه مخلصتش
جبت لحد دلوقتى مابين غالى ورخيص من جويا ولاسو وماركات تانية
جبت 3 طويل و8 قصير .
وطقمين برا واندر .
ولسه الباقى
اما الارواب بقى فلسة مش عندى غير واحد كان جينى من فرنسا ولفيت فى محلات كتير مش عاجبنى ولا روب
لما اسافر القاهرة ان شاء الله هشترى منها .
واى سؤال انتى تامرى



امة الله على فكرة انا فرحت بيكى اوى لما عرفت انك منتقبة ربنا يثبتك ويزيدك ايمان وعقبالى يارب .






سلام ياقمرات

بنات اهلا بيكو جميعا انا كمان فرحى قرب بس ادعولى خطيبى جاى من الامارات يوم 1/9 وبعدها بايام هيكون الفرح انا لحد دلوقتى خلصت المطبخ بلكامل والمفارش والملايات والفوط وكل المفروشات وكمان خلصت قمصان النوم انا جيبه 7 قمصان طويله باروابهم وكمان 35 قميص قصير وطويل بس القصير اكتر وكمان اللبس الصيفى البيتى جيبه 6بجامات جل وقطن و3 بيجامات ستان وبديهات وشرطات واندرويرات والبراهات كلو خلص لسه لبس الصيفى الخروج ولبس الشتا البيتى والخروج بس انا بنت عمى من القاهرة وعارفه اماكن حلوة واسعارها جميله هسالها على الاماكن واقولكم وكمان انا جبت اول امبارح الاجهزة الكهربائيه التلاجه والغساله والبوتاجاز والميكرويف بس الاسعار بقيت نااااااااااااااااااااااااااااااااااااااار الله يكون فى عون اهلنا كمان فاضلى المطبخ الخشب لسه مش عملتو ادعولى الحق اخلص كمان عيزة اجيب حاجه الميك اب والليفه المغربيه والصابون لسه دوشه كبيرة الله يكون فى عونا

[glow=00FFFF]ازيكو يا بنات عاملين ايه هبة حبيبتي شكرا لسؤالك عليه ربنا يتمملنا بخير يارب ادعولي يا بنات انا عندي مشاكل جامدة اوي وادعولي ربنا يهديلي حماتي انا مش عارفة اتعامل معاها خالص[/glow]

بنات كنت عاوزة اسالكو حد يعرف نكتار ليه فرع هنا في مصر ولا لاء انا كنت عارفة انه موجود في الملحق التجاري لهيلتون رمسيس بس معرفش لسه موجود ولا لاء ياريت اللي يعرف يقولي

ازيكم يا بنات وحشتوني والله جدا..معلش بقى اعذروني اني مش بشارك معاكم لان انا لسه باااادري علية..انا بادعيلكم من كل قلبي ان ربنا يتمم لكم على خير وكل اللي عندها مشاكل يارب تتحل على خير..واهلا بيكي يا دينا منورة المنتدى..في امان الله

رفيدة 2006 ربنا يعينك على حماتك وربنا يتمملك بخير والله الحموات دول الواحد مش عارف يعمل معاهم ايه بس تعرفى سهل يضحك عليهم بكلمه حلوة سيسيها واستحمليها على اد ما تقدرى اصلك مش بعد العمر دا كلو هتغيريها فاحسن حاجه تكبرى دماغك وربنا يتمملك بخير يارب

السلام عليكم
سمورا اهلا بيكى معانا
انا فرحانة اوى ان التفاعل بيزيد بينا ويارب نفيد بعض اكتر واكتر ومنبخلش على بعض بأى معلومة .
ربنا يتممكلك على خير حبيبتى ويرجع خطيبك بألف سلامة .
ونظمى انتى بس وقتك وشوفى ايه اللى ناقصك بالظبط ووزعية على الايام فى جدول علشان تلاقى وقت فى اأخر اسبوع على الاقل ترتاحى فية عشان متكونيش مجهدة .




ازيك يارفيدة 2006 انتى فين مش بتبانى .
ربنا يهديلك حماتك ان شاء الله ونصيحة منى مفيش حاجة ممكن تغير حماتك غير انك تعامليها كويس وتعتبريها كأنها مامتك وتقابلى السيئة بالحسنة وحاولى ترضيها بشتى الطرق افهمى اية اللى يريحها وتعالى على نفسك شوية واعملية ساعتها هتكسبى رضاها ان شاء الله ورضا ربنا .
وخللى بالك اوعى تحكى لجوزك على اى مشكلة بتحصل بينك وبين مامتة خاصة لو هى اللى غلطانة بالعكس حاولى تذكريها دايما بكل خير.
وربنا يسعدك ويبعد عنك المشاكل .

باراديس
انتى كمان وحشتينا ويارب تكونى بتستفيدى مننا .


سلام .

ميرسى ندى و أمة الله على الرد و ربنا يسعد كل العرايس

انا اشتريت حاجات من حبيبة و كوكيت قطن ومن لاسو 2 قميص يعنى شوية حاجات بسيطة انا كنت عايزة اجيب حاجة شيك (خصوصا للطقم الابيض ) بس مش لاقية على فكرة انا ساكنة فى سموحة ومش باروح خالص ناحية خليل حمادة ودورت فى جويا بس مش بتعجبنى حاجتهم عادة حاجات قليلة اللى بتعجبنى من عندهم

معلش يا بنات تعبتكم معايا

انا اتفاقي مع زوجي كان مختلف يعني اتفقنا احنا ناخذ مهر ونجيب احنا تلات حجرات وهو يجيب مطبخ وحجره رابعه والستاير والسجاد علينا احنا طبعا

هاي يا بنات ازيكم
كات شكرا اوي علي ردك انا قلت لخطيبي وهو هيجبهم معاه بص يا ستي انا من الصعيد من قنا وفرحي بعد العيد ان شاء الله بس انا خطيبي شغال دكتور في الجيزه وهنعيش هناك ان شاء الله
دينا علي اهلا بيكي معانا انا والله معرفش العناوين لاني مش هناك بس ياريت اللي في القاهره يكتبوا عناوين المحلات الحلوه لاني كمان هسافر عشان اشتري حاجاتي من هناك
ندا والله نصيحه مني استعملي زيت الخروع ومتكسليش منه لانه هيجيب ان شاء الله نتيجه بس عايز الصبر شويه انا رموشي كانت ضعيفه وخصوصا الرموش اللي تحت بس دلوقتي بقيت احسن من الاول:shy: وانا هستمر عليه ان شاء الله
samora اهلا بيكي يا حبيبتي وربنا يتمملك علي خير بص احسن حاجه انك تنظمي وقتك وتكتبي الحاجات اللي نقصاكي وكل لما تفتكري حاجه تسجليها علي طول وتحددي الايام اللي هتخرجي فيها
علي فكره انتي خوفتيني انا لسه مش اشتريت ولال البوتجاز ولا الجهزه الكهربيه ولا المطبخ كمان ادعولي يا جماعه والله انا تعبانه اوي:confused: عشان لسه اصلا ملقيناش الشقه تصورو:qaq: والفرح قرب وانا مش عارفه اعمل ايه:sad:
اهلا بيكي يا رفيده ربنا يهديي حماتك بصي حاولي تراضيها اشتريلها هدايا وقليلها دايما كلام حلو كده

يا بنات انا كنت عايزه اسالكم علي حاجه يعني لو حد يعرفها انا عايزه اعرف اسماء معطرات الفم وكمان معطرات الجسم يعني انا عمل ايه عشان جسمي تبقي ريحته حلوه ياريت تكوتو فهمتو قصدي
انا قريت وصفات بس الحاجات دي في الخليج مش عندنا في مصر يا ريت لو حد يعرف يقلي

هوبا انا ان شاء الله هستعمل زيت الخروع علشان رموشى انا ملاحظة انها بتقع .

بالنسبة للمعطرات فانا الحقيقة معنديش فكرة بس كنت سمعت ان المسك ينفع تضيفية للمايه فى البانيو وكمان سمعت عن الورد البلدى وماء الورد .
ياريت اللى عندها معلومات عن المعطرات دى تقولنا .

وان شاء الله تلاقى الشقة فى اقرب وقت وربنا يتمملك على خير.


على فكرة الرابط دة فية موضوع مهم اوى عن الشعر الزائد وتوقف نموة وكمان ازاى تتخلصى من الاحمرار والحبوب والالم اللى بتسببة الحلاوة.
ادخلوة وان شاء الله تستفيدوا .
http://www.3roos.com/forums/showthread.php?t=193618

هوبا حبيبتي
انتي ازاي حددوا ميعاد الفرح من غير ما تلاقوا الشقة
يلا عالعموم ربنا يوفقك وتلاقوا الشقة بدري عشان كمان لو عاوزة توضيبات او حاجة
انا فرحي ان شاء الله الاسبوع الجاي وانا عندي اسمرار بس مش باين اوي يعني
هو خفيف بس انا عاوزاه يبقى مش موجود في منطقة الكوع والركبة
انا بستعمل له ملح وزيت زتون
بس حاسة انه بقى مش بيعمل حاجة
ياريت حد يقول لي اى وصفة يا بنات

[frame="7 80"]ازيكو يا بنات انتو بجد حلوين وطيبوين اوي ربنا يخليكو وشكرا لهوبا وندا وسمورا انكوا رديتو عليه انا والله بعمل كل اللي قلتوا عليه بس مفيش فايدة اصل هي من الاول مكنتش موافقة اوي واضطريت توافق ربنا يهديها يا رب انا مش بكرها بالعكس والله بنات حد يعرف اجيب منين لبس خروج للبيت يعني جيبات ميكرو وبديهات وهوت شورت والحاجات الدلع دي بس يكون اسعارها معقولة لانها في الاول والاخر للبيت ومردتوش عليه محدش يعرف فين فرع نكتار اللي في مصر ومرة تانية ميرسي اووي ليكو انتو بجد بقيتوا اخواتي ربنا يخليكوا[/frame]

الله يوفقكم كللللللكم
ويرزقكم الرزق الصالح

ويجعلكن قرة عين لأزواجكن وأزواجكن قرة عين لكم
ويسخر أزواجكن لكن

يااااااااااااااااااااااارب


تجمعكم مع بعض عاجبني كثيييير

الله يوفقكم جميعا

وعقبالي ما انخطب واتزوج بس مو الحين توني صغيرونة
ياااااااااااااااا رب

أنا من السعودية
بس حبيت أمر أسلم وأدعي لكم هالدعوتين


حبي لقلوبكم

أختكم الصغيرونة /// *فراشة*
: )

[move=up]حبيبتي فراشة نورتينا بطلتك الحلوة وربنا يرزقك الزوج الصالح بس كمان شوية وسلامي لكل اهل السعودية الحلوين[/move]

:shy: يا بنات ربنا يخليكو اللي يعرف مكان كويس اجيب منه لبس خروج للبيت يعني جيبات ميكرو وشيميزات وبنتاكور والحاجات دي وميكونش غالي اوي ياريت يقولي :salam: