بنات مصر: فرحك خلاص قرب.... طيب ايه خطتك في الشهور اللي قبل الفرح

بنات ازيكو وحشتونى موت انا عرفت مكان للبس الخروج هو شارع 23 يوليو فى القاهرة بيقولو انو شارع طوييييييييييييييييييييييييييييييييييل وفى كل حاجه وخصوصا الايام دى لان فى اوكازيونات رووووووووووووووووووووووووووووعه يعنى تقريبا اللبس دلوقتى ببلاش وفى احسن المحلات


حبيبه كنت عيزة اسالك على الفرد عامل معاكى ايه دلوقتى لسه كويس ولا ايه وفى تساقط ولا لا وكمان عملتيه فين وبكام

منووووووووووووووووووووورة يا فراشة يا قمر وجزاكي الله خيرا على دعواتك الحلوة..ربنا يبارك فيكي ويرزقك الزوج الصالح وان شاء الله الملائكة تأمن على دعائك وتقولك ولك بمثل

مبرووووك روفيدا 2006 عايزة أقولك البديهات و الشورتات هاتلاقيها عند المحلات اللى بتبيع هدوم المصايف
انا من اسكندرية فمعرفش محلات القاهرة بس انا جبت هنا من اسكندرية من شارع امام نادى سموحه فى باديهات و شورتات و اسعارها معقولة لان الحاجات ديه للبيت و بتجيبى منها كذا طقم لو ها تيجى اسكندرية مصيف ممكن اقولك اللأسماء و العنوان بالضبط

رفيده تقصدي كروكو صح والقلعه الاسلاميه انا عارفاهم فيهم حاجات خروج بواقي تصدير بس تحفه ورخيصه يعني البنطلون الجيزن البمودا بيعمل 20 جنيه انا جبت شويه حاجات من هناك بنات ادعولي خلاص انا فاضل بس 8 ايام وخايفه اوي

الف مبروك يا امة الله
ربنا يتمملك على خير يا رب ويوفقك ويسعدك

امة الله ربنا يتم لك على خير يارب
بس قولي لي
بم انك منتقبة زيي يعني
عاوزة اعرف طريقة الفرح هتعمليها ازاي
وربنا يوفقك يارب ويتم لك على خير

بصي يا حبيبه يا قمر اولا الفرح في مسجد حيكون منفصل عندك طريقتين الاول يكون الطرفين في المسجد يعني الرجال في مصلي الرجال والنساء في مصلي النساء وفي الطريقه الثانيه وهي ليها عيوبها وبرضه مميزاتها ان الرجال في المسجد والنساء في البيت اولا ميزاتها تكوني براحتك وخلانك وعمامك وابوك يقدرم يشوفوكي قبل لا يروحوا السمجد وكمان تقدري تجيبي فرقه بنات بالدف ليكي والبنات ترفص وده عكس المسجد بس ماما عندي مش رضت بالطريقه الثانيه فقبلت بالاولي وقبل الرفح بيومين تلاته حعمل ليله واجيب فيها الفرقه وافرح نفسي طبعا انتي ممكن لو بتحبي تعملي كوشه ليكي في المسجد انا شفت هنا فس مسجد فيصل عروسه عامله كده عاملت عند بتاع الزهور كوشه ليها واتفقت مع اداره المسجد بحيث برضه يكون شكلك حلو الفرح بيكون من المغرب للعشا بعد الفرح امامك حلين الاول انك تروحي البيت تتعشي فيه وتكوني براحتك انت وهو لوحدكم والثاني انك تتعشي بره مع عيلته اسرته يعني وعيلتك اسرتك بس هنا حيكون مشكله ان الكاب ممكن يخليكي توقعي حاجه علي الفستان فهنا يفضل انك تجمعي بين الامرين الاول انك تروححي مكان كافتيريا بس تكون مكان زي المحروسه عندنا هنا ممنوع فيها اي شء حرام يعني ممنوع اشيشه والمشروبات اياها وتتعشي في بيتك برضه

الف مبروك وربنا يتم لك على خير
انا بس حبيت اعرف الطريقة
بس انا بقى هعمله في مسجد برضو الرجال بيكونو في مصلى الرجال
والنساء في قاعة يعني مش في مصلى النساء
بتكوني برضو لو عاوزة تجيبي بنات يغنو لك بالدف وكده
وهي برضو من المغرب للعشاء
وبعد كده احنا اتفقنا يكون في زفة عربيات بعد العشاء
وممكن اروح البيت عند امي ونقعد شوية وبعد كده نروح
وربنا يتم لك على خير يارب

اللهم بارك لكما وبارك عليكما وجمع بينكما في الخير ان شاء الله يا حبوبه

الف مبروك يا امة اللة وربنا يتمملك على الف خير .

جمع الله بينكما فى الدنيا على طاعتة وجمع بينكما فى الاخرة برحمتةفى رياض جنتة .
اللهم آمين.

انا فرحانة بيكوا اوى يابنات علشان انتوا منتقبات وادعولى ربنا يهدينى وابقى زيكوا.

السلام عليكم و رحمة الله و بركاته

أنا ده أول مشاركاتى و أنا بصراحه موهومه بالفكره إن العرايس يتعمل لهم منتدى

أنا أختكم من القاهره و فرحى بعد العيد الكبير الله المستعان يعنى فى أول السنه إن شاء الله

و دلوقتى بوضب الشقه لسه فى البدايه يادوب بخلص السيراميك و هأدخل فى النقاشه و العفش لسه بيتعمل يعنى تقريبا جبت الصالون بس و بأفتكس فى السفره و غرفة النوم الرئيسيه
مش قادره أقول لكم على الإفتكاسات هههههههههههه

أنا بحب أوى الشغل الهندى و بأحاول بقدر الإمكان أن أعملهم على الطراز الهندى
و باقى الشقه على الطراز العربى الإسلامى و الأرابسك

أنا حاليا عقدى قرييييييييب إن شاء الله كمان 15 يوم فى المسجد

و عايزه أعرف هل بيكون فيه توضيبات معينه قبل العقد ؟؟؟


و بالنسبه ليا أنا مش بأعرف أوى أدى وقت كبيير لنفسى

و سعيده أوى لحماسكم بجد و إنكم مواظبين
دائما لما بيكون فيه وقت ما بديهوش لنفسى بجد

يعنى أنا أمنية حياتى أواظب من زمان على زيت الخروع للرموش
و إنى أعمل و لو لمدة أسبوع متصل حمام كريم أو أى زيت

ما بأعرفش أواظب خالص

و عايزه تشجيع و عايزاكوا تساعدونى إزاى أقدر أواظب و أبدأ بإيه من دلوقتى خصوصا موضوع الشعر لأن شعرى فتلته رفيعه ناعمه و بقى عامل زى ديل القطه و راح كله و بيقع منه كثيييير جدا

و بجد أنا فرحانه بيكم أوى أوى و بالبنات المنتقبات كمان عقبالى إن شاء الله :shy:

مستنيه ردودكم و مساعدتكم و أفيدونى كيف أبدأ و بماذا؟؟؟ و فى موضوع العقد أيضا ؟؟

جزاكم اللهخيرا

السلام عليكم

اسمحولى يا بنات انضم لكم واحاول على قد ما ااقدر افيد

* البنات الى سالوا عن منعش الفم انا بقلوكم على مضمضه وغرغره رائعه اسمها تانتم اخضر موجوده بكل الصيدليات ورخيصه ورجاءا يا بنات ما تكلفوش نفسكم اكتر من طاقتكم لان المهم النظافه

*من الحاجات الى تساعد ان الفم يظل نظيف ودائما رائحته حلوه تفريش الاسنان بعد كل وجبه حتى لو كانت حبه فاكهه او شكولاتيه

*البنات الى بتسال على محلات تبيع لبس بيت رخيص فيه كتير يا بنات يعنى فى شارع خيرت فى وسط البلد فيه منتجات شارمين (البواقى) وده هتلاقى فيه حاجات حلوه ورخيصه

كمان فى الشارع الى جنب ضريح السيده زينب الملابس القطن والانجيرى روعه بمعنى الكلمه ورخيصه جدا

لى عوده قريبا واذا تحبوا احط لكم معلومات عن شارمين من عنيا بس رجاءا لا ترهقوا نفسكم واهلكم واذا فيه فلوس زياده شيلوها للزمن يااااااابنااااااات

resalaweya:
السلام عليكم و رحمة الله و بركاته


و عايزه أعرف هل بيكون فيه توضيبات معينه قبل العقد ؟؟؟




جزاكم اللهخيرا

الففففففففففففف الفففففففففففففففففففف مبروووووووووووك:clap: :clap: :flower:

عقبااااااالى يارب,,,,,,,,,,داخله على طمع لحتى تدعولى

بصى يا جميله عايزه راى

ايه رايك تعملى اليوم ده غذاء للفقراء يعنى تطلعوا مبلغ وتعملوا ارغفه لحم كنوع من اطعام الطعام :ok:

وممكن تعملوا رز باللبن يوزع على الحاضرين فى المسجد

ربنا يتمم لك بالف خير ياااااااارب وتسعدى بحياتك الجديده ان شاء الله:shy:

ايه تانى توضيبات تحبى تسالى فيها؟؟

amt_allah:
بصي يا حبيبه يا قمر اولا الفرح في مسجد حيكون منفصل عندك طريقتين الاول يكون الطرفين في المسجد يعني الرجال في مصلي الرجال والنساء في مصلي النساء وفي الطريقه الثانيه وهي ليها عيوبها وبرضه مميزاتها ان الرجال في المسجد والنساء في البيت اولا ميزاتها تكوني براحتك وخلانك وعمامك وابوك يقدرم يشوفوكي قبل لا يروحوا السمجد وكمان تقدري تجيبي فرقه بنات بالدف ليكي والبنات ترفص وده عكس المسجد بس ماما عندي مش رضت بالطريقه الثانيه فقبلت بالاولي وقبل الرفح بيومين تلاته حعمل ليله واجيب فيها الفرقه وافرح نفسي طبعا انتي ممكن لو بتحبي تعملي كوشه ليكي في المسجد انا شفت هنا فس مسجد فيصل عروسه عامله كده عاملت عند بتاع الزهور كوشه ليها واتفقت مع اداره المسجد بحيث برضه يكون شكلك حلو الفرح بيكون من المغرب للعشا بعد الفرح امامك حلين الاول انك تروحي البيت تتعشي فيه وتكوني براحتك انت وهو لوحدكم والثاني انك تتعشي بره مع عيلته اسرته يعني وعيلتك اسرتك بس هنا حيكون مشكله ان الكاب ممكن يخليكي توقعي حاجه علي الفستان فهنا يفضل انك تجمعي بين الامرين الاول انك تروححي مكان كافتيريا بس تكون مكان زي المحروسه عندنا هنا ممنوع فيها اي شء حرام يعني ممنوع اشيشه والمشروبات اياها وتتعشي في بيتك برضه

الف مبروووووووك للامه الله معلش انا جديده فبقرا من ورا لقدام :clap: (f) (f) (f)

البنات الى بيسالوا عن الحمام المغربى انا عندى اسم شركه بتقدم المجموعه المغربيه

ليفه+ صابونه+طمى+اعشاب

باسعار الجمله

اسمها شام جروب

1 ميدان روكسى بجوار سينما روكسى

تليفون: 2988830

ربنا معاكم يا بنات

cat2006:
السلام عليكم يا عرايس
اه اخباركم
على فكره انات جبت الليفه المغربى من سيتى ستارز وكمان الصابون عارفين الاكشاك اللى فى المول فى واحد فى الدور الاول عند محل اسمه MANGO كمان عنده زيوت للجسم

ممكن الصابون المغربى من اولاد حراز للعطاره ده عند مديريه امن القاهره وكمان ليه فرع فى رويال هاوس فى روكسى

ربنا معاكم يا عرايس

خذتى الليفه والصابون بكام يا كات؟ وهل الليفه وبر جمل ولا شكلها ايه بالظبط؟؟:shy:

hoba555:
ارابيسك انا عملت الخل واليمون في شعري وخلاص مفيش قشره ان شاء الله:clap: وبعديها عملت حمام كريم من بانوويل
اما بلنسبه للشرا ء انا متوقفه :sad: عشان في حبه مشاكل :cry: :cry: :cry: ربنا يعدي الايام دي علي خير

هوبه ممكن تقولى لى على طريق الخل والليمون انا اليومين دول فى البيت وياريت تقولى لى

وربنا يعدى المشاكل على خير ادعى انتى بس فى سجودك وقولى اللهم اجعل لى من امرى فرجا ومخرجا

والله ربنا عمره ما بيسيبنا

ربنا معاكى يا قمر(f)

hoba555:
ارابيسك انا عملت الخل واليمون في شعري وخلاص مفيش قشره ان شاء الله:clap: وبعديها عملت حمام كريم من بانوويل
اما بلنسبه للشرا ء انا متوقفه :sad: عشان في حبه مشاكل :cry: :cry: :cry: ربنا يعدي الايام دي علي خير

هوبه ممكن تقولى لى على طريق الخل والليمون انا اليومين دول فى البيت وياريت تقولى لى

وربنا يعدى المشاكل على خير ادعى انتى بس فى سجودك وقولى اللهم اجعل لى من امرى فرجا ومخرجا

والله ربنا عمره ما بيسيبنا

ربنا معاكى يا قمر(f)

رفيدة2006:
بنات كنت عاوزة اسالكو حد يعرف نكتار ليه فرع هنا في مصر ولا لاء انا كنت عارفة انه موجود في الملحق التجاري لهيلتون رمسيس بس معرفش لسه موجود ولا لاء ياريت اللي يعرف يقولي

ربنا يهديلك حماتك يااااااارب انتى لما تشوفيها ادعى فى سرك ربنا حميكى منها:sad:

بصى حبيبتى نكتار فى سور نادى الزمالك فى المهندسين فى محل لازززززززق فى ما كدونالز


يارب اكون افدتك وتحياتى(f)

حبيبتي resalaweya
ربنا يثبتك يارب وتلبسي النقاب
واحنا كمان فرحانين بيكي جدا جدا جدا
والف مليون مبروك على العقد وعقبال الدخلة يارب
وربنا يوفقك ويتم لك على خير