بنات مصر: فرحك خلاص قرب.... طيب ايه خطتك في الشهور اللي قبل الفرح

طيب شرباته انا لو كنت بعمل حواجبي عشان ارضي زوجي يبقي ايه الحل واعمل ايه لو هو اللي طلب مني كده؟؟؟؟؟؟

هوبا يا قمر
اى نعم انتي سالتي شرباتة
بس اسمحي لي ارد عليكي :salam:
مافيش حاجة اسمها عشان ارضي زوجي يا قمري
لا طاعة لمخلوق في معصية الخالق
وكلام شرباته كله صح وجزاها الله الف خير
وربنا يثبتك يا هوبا على طاعته يارب
واللعن ده والعياذ بالله حاجة صعبة جدا حبيبتي :sad:
اللعن ده يعني مطرودة من رحمة ربنا سبحانه وتعالى
ربنا يرحمنا برحمته يارب
واذا كان هو انعم عليكي بنعمة الزواج
فليه ماتسمعيش كلامه سبحانه؟؟؟؟؟؟؟
ربنا يثبتك على طاعته يارب
واتمنى لك الخير في حياتك (f)

السلام عليكم

ازيكوا يابنات وحشتونى .

كان عندى سؤال ليكوا وخصوصا اللى جهزوا خلاص او اللى متجوزة زى شرباته
سؤالى عن المطبخ اقصد تقفيلة المطبخ ، انا كنت قررت انى اعملها خاشامونيوم من بعد حيرة طويلة بين الخشب والالمونتال ، لكن فى ناس بتنصحنى اعملة كلة خشب لانة عملى اكتر ، ولسه امبارح انا كنت عديت على شوية معارض ومحلات والحقيقة شوفت مطبخ كلة المونتال انما روعة وشكلة عجبنى اوى هو المتر فية كان بالف جنية ،
المهم دلوقتى انا مش عارفه اجيب اية ومحتارة اوى ولو عندكوا فكرة عن الاسعار خصوصا الالمونتال لانة داخل دماغى ياريت تقولولى .

شرباته انتى بجد شربات وجزاكى الله كل خير على النصيجة .
انا الحمد لله مش بعمل حواجبى خالص ابتغاء مرضاة الله والحمد لله انا وخطيبى متفقين على كدة وهو مش مضايق خالص . بس ادعولى ربنا يثبتنى لان مغريات الدنيا كتير اوى.
على فكرة انا قدمت فى معهد دعاة هو سنتين وبيشرحوا فية دروس فقة وتجويد وتفسير ومواد تانية كتير بس يارب مكسلش بعد الجواز واكمل فية .


كنت عايزة اقولكوا ايه تانى
اة
انا فرحانة اوى بكل الاعضاء الجداد فى الموضوع دة واللى على مااظن احنا اللى جداد عليهم لان واضح ان فى ناس منهم مسجلة فى المنتدى من زماااااان اوى .
المهم اهلا بيكوا كلكوا وحقيقى افدتونا ، معلش اعذرونى مش فاكرة الاسامى .
وياريت كلنا ناخد ايميلات بعض علشان نبقى اصحاب .


فى حاجة تانية كنت عايزة اسالكوا عليها
بالنسبة للحلل انا جبت طقم حلل استنلستيل ب690 بس شكلة تحفة واشتريت 6 حلل المونيوم
بس مجبتش ولا وحلة تيفال او نوفال وكمان مجبتش حلل بيركس ولا ساججبت بس ساج للتلاجة الصغيرين دول فعايزة اعرف اشترى ايه من التلاته دول ؟؟؟؟
انا مستنية ردكم اوعوا تطنشونى

وبالنسبة للحاف انا اللحاف الوحيد اللى عجبنى سألت على سعرة امبارح وطلع ب680 جنية بس حلو اوى وماما قالتلى انة غالى تفتكروا اجيبة ولا اشوف حاجة ارخص ؟؟؟
خصوصا كمان ان المفارش اللى فى نفس المحل كلها تهبل بس اسعارها بتوصل لالف جنية وانا مش هينفع اجيب كلة غالى كدة فاية رايكوا ؟؟

انا مش فاكرة انا كنت قولت لمين انى لما اروح للدكتور علشان شعرى هرد عليها عموما انا حجزت انهردة وهكشف يوم السبت ان شاء الله و يارب يكون فى نتيجة ترضينى المرة دى .


بس خلاص .معلش طولت عليكم

سلام يا احلى عرايس.

ندى حبيبتي ربنا يثبتك على طاعته يارب
وعلى فكرة انا كمان في معهد اعداد الدعاة
بس خلاص خلصت سنة اولى الحمد لله
بس لسة النتيجة
ادعوا لي
بس للاسف انا في الغالب يعني مش بعرف اسعار الحاجة
لاني بنزل يوم مع امي نتفرج وكده وبعد كده امي وابي بينزلوا يشتروا هم الحاجة بالعربية
وحتى لو كنا سالنا على اسعار الحاجة
الحاجات كتيرة وانا بنسى بصراحة
ديلا ربنا يتم لكو بخير جميعا

انا لغايه دلوقتي معملتش حواجبي بس في ناس قالو علي التقشير بس انا مشفتش حد عامله وقلو انه مش حرام
ندا انا افضل انك تجيبي التيفال وخلي بالك يكوون تيفال مش نوفال لان تيفال هو الاصلي او تجيبي الحلل الصاج اما البيركس انا جبت منه بس بجد خاايفه استخدمه لان عايز حرص شديد جدا وكمان غالي لان نقطه ميه عليه تخليه يتكسر طبعا لو علي النار عشان كده افضل التيفال مع استخدام المعلقه الخشب طبعا
انا جبت 4 ونوعت في الاحجام

ميرسى يا هوبا على الرد
معاكى حق التيفال افضل .
خلاص ان شاء الله اشترية بدل البيركس .

يابنات متنسوش تردوا عليا فى حكاية تقفيلة المطبخ.

انا يا بنات كمان مش حركب رموش لاني سألت وعرفت انها تقع تحت حكم الوصل ولعن الله الواصله المهم بنات انا كمان حواجبي كانت حلوه وزي ما تكون معموله حبيت انضفهم وده قبل التزامي باظم طبعا انا دلوقت مبطله عمايل ومفيش حاجه اسمها تنظيف حواجب برضه ده يعتبر نمص اما يا قمرات انا حعمل ايه يومها حشقر حواجبي بس المره دي بس لان كتر تشقير الحواجب بيعمل تجاعيد بسرعه لاكن مره واحده بس حتقولوا الشعر حيرجع تاني حقولكم حيرجع بس مش كله الشعر الاساسي في الحواجب بيرجع لانه شعر الحواجب زي الرموش بيقع ويتغير لاكن الشعر الصغير اللي هو انتم بتقولوا عليه تنضيف ده مش بيرجع لانه شعر صغير وكمان فحتحسم ان شكل الحواجب بقي احلي ولما حيغمق الشعر تاني حتحسوا انه احلي من الاول ومن غير اغضاب ربنا انا عملتها يوم عقد قراني وكانت كويسه والمكياج طلع حلو عليا ربي يعينكم ولشعر الرموش جربم الخروع مره الصبح ومره بليل بس من غير ما تحطم كتير عشان عيونكم مش تحرقم وحبيبه لعيونك الصبح اعملي علي عينك شرايح خيار وبليل ماء مثلج وكمادات عصير بطاطس عشان الانتفاجات ونامي بدري يا قمر وحتبقي عيونك تحفه

ياريت يا ندى تقولى لنا فين المحل الى فيه مفارش السرير واللحاف واذا هو مميز طبعا هاتيه هو انتى هتشترى كل يوم واللحاف الغالى احسن من المفرش الغالى لان اللحاف ده حاجه هتستعمليها كل يوم ان شاء الله

بالنسبه لتقفيله المطبخ فيه عند قبنورى الى هو خشمونيوم بيتهيالى دى احسن حاجه لانى بحب اوى شكل الخشب فى المطبخ ربنا معاكى ويوفقك للافضل

على فكره لما تحتارى صلى الاستخاره

انا عايزه اسالكم يا بنات هو كريم العروسه بتاع حراز الى بنات الخليج طايرين بيه حلو فعلا؟؟ وبنستعمله ازاى؟

انا لقيت اللينك ده ياريت كلنا نستفاد ان شاء الله

http://www.3roos.com/forums/showthread.php?t=151877

http://www.3roos.com/forums/showthread.php?t=152433&page=1&pp=15



على فكره انا اشتريت من حراز زيت لوز مر للبشره بس مش عارفه استخدمه امتى وازاى !

شرباته:
على فكره يابنات الجليتر ده حلو صحيح بس ولا منه فايده انا كنت جايبه من شركه ايفون واحد ب18 جنيه مع برفان شاكيرا وهونفس ريحه البرفان وهى مره واحده ومطلعش تانى احمد قالى ايكى تحطى البتاع ده تانى امشى ملمع الناس تقول ايه حتى بالشاور مابيرحش خالص ههههههههه

:dd: :dd: :dd: :dd: :dd: :dd:

هوبا ياحبيبتى العبسه هيه اللى مش حرام ودى فتوى من اكثر العلماء وعلى راسهم الشيخ ابن عثيمين من علماء السعوديه ودى لانها مش من اصل الحاجب والعبسه هيه المكان اللى فى النص بين الحواجب يعنى وزى ماقالت حبيبه لاطاعه لمخلوق فى معصيه الخالق وبعدين جوزك مش هينفعك يوم لاينفع مال ولا بنون

ندا
الالموتال احسن عندى لانه مش بيبوظ لكن الخشب بيبوظ من الميه

هوبا

التشقير مش حراام انا كنت عملته مره وهيه مره وخلاص مش هتعمل تجاعيد وبعدين

شرباته انا زعلانه منك عشان لسه مش ضيفتيني عندك اما موضوع الجليتر اللي انا جبته بيطلع بالميه لان اللي بيخليه يثبت الكريم اللي معاه ولما بستحمي بينزل كله انا جربته مره وطلع وكمان رخيص وانا جيباه بس عشان اول فتره في الجواز وححطه علي شعري لما الناس تييجي تباركلي الستات بس هههههه انا حكرش الرجاله مش ابقي عروسه وقعد بالنقاب ههههههههه لا طبعا بهزر
انا موافقه شرباته في موضوع الالومتال احسن اعتمدي ان دولابك يكون اغلبيته الومتال وممكن يكون مطعم بالخشب انا عملت كده وبيكون حلو وعملي احنا هنا في بيت ماما كان عندنا الخشب وكان غالي وعاملينه عموله وتحفه وخشب زان بس مع الوقت الميه بوظته الالومتال افضل

امه الله هو انتى اسمك هبه؟؟ انا اسمى هبه!!

لا يا قمر اسمي سهي بس الواضح ان شرباته نسياني خالص النهارده

امه الله اخص عليكى انا برضه انساكى انا انسى العالم بس ما انساش اصدقائى وبعدين الجليتر ده كان بالنسبه ليه مشكله مش معايا مع احمد ههههههههههه ويا ستى حقك عليه والله هاضيفك بكره ان شاء الله

اسبايكى انتى جيتى نورتينا اكيد يلا قوليلنا ايه اخر الاخباااااااااااار عندك

معلش يا بنات انا حطيت لينك غلط ده اللينك بتا كوكيت معلش يا بنات غلطت http://go.3roos.com/d0mJw7TDcZK

بنات انا كمان في معهد اعداد دعاة والحمد لله نجحت في سنة اولي بس هو 4 سنين وانا عملت خطوبتي اسلامية بس كانت في البيت عندي والعقد كان في المسجد الحمد لله طب قولولي يا بنات اجيب الكاب ده منين وشكله بيبقي حلو يعني ومش هحتاج البس نقاب وانا في العربية او الشارع لحد لما اروح لقاعة الفرح ولا ايه :shy:

على فكره انا فهمت ليه انتوا مكسلييييين وكسلالالانين لانكم خلصتوا كل المعلومات

ايه يا بنات ده انا بقرا اللينكات القديمه لقيتكم قايلين كل حاجه ربنا يبارك لكم

بس يليز يا امه الله تشرحى لى فرش السرير انتى قولتى مامتك عطياكى كورس ممكن اعرفه؟

انا معلوماتى لا تتعدى مفرش السرير وملايه الفرح وبسسسسسسسسسسس

بنااااااااااااااااااااااااااااااااات انتوا روحتوا فين عموما مش مشكله هانبدا بتانى حاجه

الحجااااااب

كتير من البنات بيكونوا محجبات الحجاب اللى على الموضه زى حجاب عبير صبرى وامثالها واعذرونى ده مش حجاب لان الحجاب لايصف ولايشف ولا يكون لباس شهره زى ما قال لنا الحبيب المصطفى عليه افضل الصلاه والسلام والحجااااااااااب ده فرض ربنا فرضه علينا والفرض مانشاورش فيه عقلنا ليه لانه فرض زى الصلاه والصوم فاياكى تلبسى حجاب الهلاك اللى هو حجاب الموضه يعنى حتى لاتغضبى الرحمن وكفانا عصيانا لله وفى زفافك لا تخلعيه ايضا انا عايزه ايالك سؤال واحد بس انتى عايزه تكونى سعيده مع انسان بتحبيه وبيحبك وشايفك قدامه قمر صح ولا عايزه الناس والرجاله يقولوا يابخت جوزها هايعيش ليله محصلتش عقبالنا ياسيدى فكرى بالعقل حكمى عقلك ماتنسيش دينك اوعى الشيطان يضحك عليكى حاولى تهزمى الشيطان ولو مره شوفى حياتك وانتى فى طاعه الله وشوفى حياتك وانتى فى معصيته خليكى فاكره ان العذاب فى الاخره صعب وكل الشياطين اللى حوليكى هايقولوا نفسى نفسى ارضى الله حتى يرضى الله عنكى واخيرا اياكى ان تسمعى كلام الاهل واصدقاء السؤ وتخلعى حجابك وان اصروا فاتركيهم وانتى على يقين بان من ترك شيئا لله ابدله الله خيرا منه مستنياكم تردوا عليه وربنا يوفقكم كلكم يارب

شرباتة مش شاء الله كلامك جميل اوي
بجد بجد برافو عليكي
وجزاكي الله الف خير
وانفعنا الله واياكي بهذا العلم