رابطة امهات ديسمبر... حيااااااااااااااااكن هوووون !!

هلا ام فرووحه حياتي شخبارج؟؟

انا الحمد لله انا اتمنى بنت بس شكله ولد من الاعراض الي فيني

وسألت الدكتوره قالت البنت والولد يصادف ان الحبل يكون بين ريولهم

وان شاء الله تعرفين جنس البيبي على طول مب مثلي تغربلين

اختي جمانه انا سويته مره وحده داخلي في الاسبوع السادس لان البيبي صغير وذبحني...

مادام انتي في الرابع خلاص البيبي ارتفع وعادي من فوق البطن

لاتحاتين

الحمدلله..

انا عادي .. مجربة الولادة من قبل.. حبكت الحين على نتفة فحص داخلي ؟ :o

هههههههههههه الله يعينكم.. بس انا سمعت مثلج انه ما يستخدمونه الا حق البيبيات الصغار..


ام فرووحه تتصفح وساكتة... علامج يا معوّدة <<< انقلبت كويتية ..

هلا جمانه..

طمنتيني الله يطمنج..كنت احاتي انه يعور او ينزل وايد..بس الحمدلله ..

على فكرة السونار الداخلي انا مجربته اكثر من مره..يستخدمونه اذا بيشوفون التبويض او اذا كان البيبي باول الاسابيع..لكن و البطن كبير ماله داعي لانه بيبين بالسونار العادي ان شاء الله :shy:


الله يسمع منج ليتك معي و اقدر اشوف جنسه..لان احس بس مافيني صبر..ودي اشتري الاغراض بسرعه..

قبل كنت بأجلهم..بس هالايام احس بفرااااغ ودي اسوي شي مأجلته و أخلص..



قولولي بنات جهزتوا التوزيعااااات و الكفر و هالسوالف ولا متى بتجهزونها؟؟





هههههه لا مو اتصفح و ساكته..هذي ثالث مره اكتبلكم و يختفي الكلام :( :(

و كل ما ابي ارسل الرد تطلعلي صفحة الإيرور..


يله ردو علي :)

صباح الخيرات شلونكم بنات....

ام فروحة انا هذا اول بيبي لي....
بنات انا بعد ساعات احس لما اضغط خفيف على صدري او تييني حكة احس بقطرات سائل شفاف بس اقول عادي يمكن الغدد مالت الحليب قاعدة تتكون .......
بالنسبة للسونار انا بس اول ماحملت سوت لي الدكتورة داخلي عشان كانت شاكة ان الحمل خارج الرحم..بس بعدها للحين خارجي على البطن...وقبل لا احمل بعد سوت لي داخلي يوم صادني التهاب فطريات...

هلا بنات شلونكم شخباركم

بنت البحرين مبروووووووووووك على البنوته الله اتمم عليج ان شاءالله

بنات امس حسيت بحركة الجنين وااااااااااااااااااااااااي صج لحظة جميلة

موعدي تاريخ 17 هالشهر وأول مايخبروني شنو فيني راح آقولكم



نشوفكم على خير

مرحبااا بنااااااات:
جمانة حبيبتي كلامج طمني ,,بس احس ان الشي ينرفز مادري لييييييش؟؟

ام فروووحة حبيبتي زوجي يقول لي جديه لاني قمت اصيح وصادتني حالة اكتئاب يوم شفت السائل ماااادري ليش ياااااربي..

اتأخرت على الدوام بقووووم امشي,,تحملوا بروحكم واااااايد ها,,

مع الف سلامة..

اهلين حواااااااااامل .. شخباركم ؟؟ وحشتوني من امس :shy:

بنات بالنسبة لصدري فأنا للحين ما نزل منه شي وعلى فكرة حتى بحملي الاولي ما نزل شي .. وطبعا الحمل الاولي انا كنت جاهلة بأغلب امور الحمل فأهملت صدري ولا دلكته ولا استخدمت له زيوت فكانت النتيجة انه تشقق لي وايد بعد الرضاعة حتى سال منه الدم اضافة الى ان ولدي حصل صعوبة كبيرة في الرضاعة لان الحلمة كانت صغيرة وصايرة داخل " يعني ما فيها بروز " ..
وانا رضعت ولدي بس 3 اشهر تقريبا وبعدين جف الحليب بسبب استخدامي لحبوب منع حمل غير مناسبة ، وكانت وقتها حلمة صدري بعدها صغيرة وما كبرت .. والدكتورة في هالحمل اول ما كشفت على صدري قالت لي دايركت انتي ما رضعتي ولدج لا ؟؟ فقلت لها اني رضعته بس 3 اشهر وذكرت لها السبب فقالت لي اشوف حلمة صدرج وايد صغيرة كأنج ما رضعتي من قبل ..

المهم قالت لي استخدم لها طول فترة الحمل زيت الزيتون وادلكها بطريقة علمتني اياها عشان تكبر وتبرز برا وفي نفس الوقت ما اتأذى من التشققات مثل اول مرة .. بس انا للحين ما ابتديت في هالشي بسبب العيارة ومأجله الموضوع لبعد السفر لاني ما بقدر اتابع وانا مسافرة :pain:

وبالنسبة للشقين الصغار اللي في بطني قالت لي استخدم زيت الزيتون او زيت زبدة الكاكاو .. وردت قالت لي استخدمي زيت الزيتون مرة وحدة لصدرج وبطنج :smile:

==================================

بالنسبة للالتراساوند الداخلي فأنا جربته في هالحمل .. وكنت في بداية الحمل " توني 4 اسابيع " لانهم ما قدروا يشوفون البيبي من فوق البطن فسووا لي داخلي وما بين بعد .. فخوفوني وقالوا لي بنسوي لج فحص هرمونات الحمل في الدم وتعالي بعد 3 ايام وبنشوف مرة ثانية ..
ورحت بعد 3 ايام وكانت النتيجة جاهزة ونسبة الهرمون مرتفعة وقالت لي الدكتورة وهي تسوي الالتراساوند من فوق وما لقت البيبي بعد : الحين بنسوي التراساوند من تحت واذا ما بين فالحمل معناته بيكون خارج الرحم لان مع نسبة الهرمونات الكبيرة هذي لازم يبين اذا كان داخل الرحم :eek2: ، طبعا وقتها رغم ان ما كان لي رغبة في الحمل الا اني حسيت بصدمة وخوف لكن الحمد لله يوم الله طمني وشفنا البيبي من تحت :yes:
يعني هالطريقة ما يستخدمونها الا في بداية الحمل ولما يعجزون من انهم يشوفون البيبي من فوق :)

=================================

بنت البحرين الف مبروك ع البنوتة .. وعقبال باقي البنات يعرفون شنو فيهم :dd:

=================================

ما شا الله عليكم يا بنات .. انا للحين مو في بالي اني اروح اشتري اغراض البيبي حتى لو عرفت شنو جنسه هالفترة .. مع اني اول امس رحت السوق حق آخذ شوية مستلزمات وثياب للسفر وشفنا في محل هناك ملابس اطفال صغار وموجودة اشكال وموديلات حلوة احلى من ايام ما كنت اشتري في حملي الاولي .. وتفاجأت ان زوجي راح يطالعهم ويقلب فيهم :shy: ولما قلتله شرايك نشتري من الحين قالي تو الناس ، لما توصلين السابع على الاقل :gum: <<< زوجها مثلها هههههههههههههههه

وبالنسبة للتوزيعات وتجهيزات الولادة عموما اعتقد ان تو الناس عليها .. رغم اني في حملي الاولي جهزتها في نهاية الثامن الا اني ناوية هالمرة ابتدي فيها من نهاية السابع او مع تجهيزات عيد الفطر ان شا الله ..

يعني هو بعد يعتمد على الشي اللي بتسوينه واذا يبي له شغل وايد او لا .. ممكن تجهزين افكار للموضوع لكن العملي خليه لبعدين .. :smile:

==================================

على فكرة بنات .. البيبي هالمرة مغير موقعه .. كنت احس حركاته كل في يمين بطني " نفس حملي السابق " .. لكن لما رحت الموعد اول امس والدكتورة قامت تفحص عرفت ان البيبي صاير تحت وقريب لليسار اكثر منه للوسط او اليمين .. ومن امس وانا احس بالثقل زايد في هالمنطقة واليوم بعد قعدت من النوم وانا احس بألم بسيط في نفس المنطقة :sad:

انا سمعت عن شي اسمه " ريح استقبال " .. ما اتذكر اني جربته في حملي الاولي ولا ادري اذا كانت الآلام هي نفسها " ريح استقبال " او شي ثاني .

وما ادري اذا كان تغيير مكان تواجد الجنين يدل على اني بجيب نفس الجنس او عكسه لان بنت حماتي في حملها الثاني تقول صار لها في الوسط والاولي كان في اليمين .. بعدين جابت ولد للمرة الثانية ، وانا الله يعلم شنو بجيب .. اللي يجي من الله حياه الله :up:

====================================

بنات كلكم مستعجلين تبون تعرفون جنس الجنين .. الا انا احسه ما راح يبين بسهولة ههههههههه تعقدت من ولدي اللي للشهر الثامن وهو ماعطنا ظهره وما رضا يبين روحه .. وفي الشهر الثامن عرفت انه ولد :shy:
وعندي بنت خال المسكينة ذبحت روحها ما خلت مكان ما راحت تبي تعرف جنس الجنين لكنها لنص الشهر التاسع كان البيبي كل عاطنهم ظهره ولا عرفت .. وبعدين استسلمت ويأست وقبلت ان جنس البيبي يكون مفاجأة :bigsmile:



وايد طولت عليكم في الكلام .. عورت راسكم :down:

مساء الخير حواااااامل

وشخبار حركة البيبي معاكم حسيتوا فيها؟؟؟

انا لم الحين لا احسااااااااس..

انا في بداية الرابع ما اتوقع احس فيها الحين..

مع ان يقولولي تحسين مثل شي ينبض بقوة..

اللي جربها شلون انعرف ان هذي حركة الجنين ؟؟!!

تغير مكان الجنين !!!!!!!!


الحين صار لي بالوسط..

ماعرف شلون ووش صار.. بس اكو احس بالنبض في الوسط وخف الضغط على المكان الاولي...


ياااااااااااااارب بنننننننننننت


*-*-*-*-*-*-*-*-*-*-*-*-*-*-*-*-*-*-*-*-*-**

بييييه اما امس سوى فيني ولدي حركة ..

نزل من السيارة ورااح ركيييض الى الشارع .. خلاني اركض وراه ركض حقيقي مو طناز يمكن مسافة خمسين متر.. والله طلع روحي وظليت انافخ من قلب.. رفعت ايدي بضربه بس كسر خاطري ..

عباله لعبة.. يركض واركض وراه.. صيدوني يقول لي :(

ملللللللللللللللللللللللللللل :sad:

امس العصر كنت نايمة وحلمت اني ولدت وجبت بنت مثل القمررررر .. ومن قعدت من النوم للحين صايرة مستعجلة على الولادة وودي اغمض عيني وافتحها القى نفسي وصلت الشهر التاسع وقريب بولد .. خصوصا اني البارحة كنت رايحة بيت حماتي وهناك زوجة حماها وكانت حامل في التاسع ، تشوقت واااااااااااايد :confused: احس المشوار طوييييييييييل (w)

====================


جمانة شكلهم عيالنا متفقين يغيرون مواقعهم .. الله يعلم عن السبب :shy:

هااااا .. كملتي تجهيزات السفر ؟؟؟


====================

بنات البارحة قبل ما انام كنت منبطحة على السرير وما شا الله البيبي كان متنشط .. قعد يتحرك وايد ، في البداية وانا منبطحة على ظهري حسيت بالحركة كل تحت .. ولما انقلبت على جنبي اليمين صارت الحركة في اليمين ، شكله زلق البيبي الى اليمين ههههههههههههههه

هلا بنااات,,شخباركم؟؟
بالنسبة لحركة البيبي احس ساعات بحركات في بطني بس مادري شنو هي؟؟حركة البيبي والا شي ثاني؟؟وش عرفني؟؟لان هذا الحمل الاول لي,,
يقولون خلال هالشهر تنفتح النفسية وتشعر الوحده بالحيوية والنشاط واني اشوووف العكس كل متنرفزة وطفشانه مادري ليييييييش؟؟وانتوا بنات شخبار نفسياتكم؟؟

تحياتي..

انا نفسيتي الحمدلله احسن من قبل..بس لم الحين أحس بملللللللللللل لاني خايفه اطلع و امشي و يصير شي في البيبي لا سمح الله >>>> خواااافه

ام حسوون ليش اتحسين بملل؟؟ المفروض يروح لانج مشغوله خصوصا انج بتسافرين ان شاء الله و بتغيرين جو..يعني الحين حاولي انج تشغلين روحج بتجهيزات السفر عشان ما تحسين بملل :)



جمانه..ضحكنىىىىىى ولدج هههههههه هالحركه وايد اشوفها اغلب المناظر اللي اشوفها الخدامه تلحق الياهل و الام تصارخ هههه

عن الحركة انا احس يوم دشيت الرابع ببعض التقلصات جهة اليسار ولما رحت الاسبوع اللي طاف موعدي قلت للدكتورة انا احس بالحركة جهة اليسار تحت قالت لي لا الحين البيبي بالضبط في الوسط تحت السرة مكانه بس يضغط بحركتة على الحالب مادري على شنو واحس بالحركة باليسار..

صمت الامل انا بالثلاث الاشهر الاولى صرت وااااااااااااااايد عصبية نار ومالي مزاج وكله تعبانة ومتضايقة ولايعة جبدي ولا اشتهي احد..الحين عادي خفت العصبية وشهيتي انفتحت للاوادم وللاكل بعد

بنت البحرين شفتي المواقع؟؟ يالله حاطتهم عشانج :)

فرووحة انا احس بملل لان زوجي دوامه للساعة 5 المغرب ويرجع وينام للأذان .. يعني للساعة 7 الا ربع تقريبا .. والسيارة تكون عنده يعني ما يكون عندي شي اسويه فأحس بملل فظييييع

والمشكلة اني صايرة ما احب اطلع وايد , على الرغم ان شقتي صايرة في قسم من بيت اهل زوجي لكني صايرة ما احب اطلع واروح هناك .. حتى بيت ابوي ، ابوي مدرس والحين هو في اجازة وقال لي اي وقت تحبين تجين اتصلي وراح اجيبش البيت لكني صايرة اتملل اطلع :sad:


وبالنسبة لتجهيزات السفر احس ان تو الناس على اني احط الاغراض في الشنط ، لكني سويت لستة كتبت فيها كل الاشياء اللي بحملها معانا عشان ما انسى شي وقت التجهيز .. وما في شي ممكن اسويه في البيت غير هذا .. شقتي الحمد لله نظيفة ، وولدي صاير يقضي اغلب وقته مع عيال عمته .. يعني مو قاعد يعفس لي في الشقة ، حتى القراءة اللي كنت احبها صرت اتملل منها .. ما في غير النت والتلفزيون .. وبسرعة اتملل منهم بعد <<< فيها كآبة :sad:


(w)

اتصدقين انا بعد ما ادري اشفيني ما قمت احب اطلع مثل قبل..

عاد والله قبل ما احب اقعد في البيت!!! و الحين صار العكسسس!!!


و المشكله ريلي يقولي اذا تبين تطلعين تشترين شي نطلع الصبح عاد شمسس و حرررر..ما يبي نطلع بالليل...

هذا قانون يديد طلعلي بعد الحمل :( :(

مع ان قبل كان عادي..بس شكله تعود على قعدتي كله فالبيت..


شلون اغير تفكيره ما ادري..

سلام حواااامل...


حبيت اقول لكم اذا ان شاء الله رحتوا الموعد الجاي

عن معلومات توني ادري بها اول مره اسمع عنها لان اول حمله لي

وهي :

تسالين الدكتوره عن عضمة الخشم؟؟

وعن

السائل الموجود في ظهر البيبي ؟؟؟

وغيره

الكلى..و.. الكبد..و.. المثانه..و.. المعده

وان شاء الله مافيهم الا العافيه

ليتك معي انا بعد اول مره اسمع عن هالمعلومات..

شلون يعني اسالها عن عظمة الخشم؟؟

شنو ممكن يكون فيها؟؟

و اول مره بعد اعرف ان في سائل بالظه

اذا عندج معلومات اضافيه يا ريت تقوليلنا عنها ر