رابطة امهات ديسمبر... حيااااااااااااااااكن هوووون !!

الف مبروك ليتك معي... الحين صرتي عاطلة فرررش .. عقبال الوظيفة

مسامحة بنات اليوم ما دشيت الا شوي طليت على ركني ورديت طلعت .. خبركم اراجع امتحاني بكرة في مجلس الخرّاب مدري النواب..
قعدت امر على كتبي شوي اتذكر هني وهناك..

بروح اطل على ركني وبرجع بعد شوي..

موفقه جمانه :)

وينكم بناات..هالايام الرابطه نايمه شوي..ليكون سافرتوا !

لسه على السفر.. باقي نصف شهر تقريبا..

اصلا بس يسجلون حضور اول محاضرة وبعدين خلاص ما تشوفين وجوههم الا عند الولادة ههههه

وين نواري وسحابة حب و alghada2 وموناليزا وانسينك لوفر... كلهم محد..


تصدقين ام فرووحه انا كنت متحمسة موووت حق فترة ما بعد الولادة... ومستانسة اني بشوف ولدي في يديني ومن هالكلام..

بس الشيء الي ما كنت حاسبة حسابه موول .. هو المسؤلية اللي طبت علي مرة وحدة !

مدري شقولج.. بس انتي تخيلي الوضع.. كائن عاجز تماماً .. معتفس كيانه من دنيتنا الجديدة عليه..
معتمد عليج اعتماد كلي.. يعني لو حممتيه مثلا ونسيتي تنظفين اذنه بعد الحمام راح يتأذى..
لو غبتي لأي سبب من الاسباب وكان يرضع طبيعي راح تطلع روحه من الصياح من الجوع..

كل شيء يصيح عليه.. على الجوع .. على النوم.. على الحر .. على المغص.. وساعات مافيه شيء بس يتملل ويبي يصيح بس جذي !

انتي ما تقدرين تشوفين روحج مثل اول.. وعادي في فترة الثلاثة شهور الاولية اتمين يومين بدون ما تمشطين شعرج.. اصلا زين اذا حصلتي وقت تنامين..

تخيلي هالاشياء كلها كنت ما اعرفها.. او اعرفها بالاصح بس ما كنت متوقعة انها بهالصعوبة وكنت اطنش هالسالفة...

ههههههه حتى اختي تقول ايييييه راحت ايامج الاولية... تفكرين مثل اول بتروحين تشترين لج كاكو وبتاكلينه على راحتج وانتي منسدحة على الكنبة.. خلااااااااص الحين مافيه هالحجي...

مدري ليش كلامها هذا خلاني اصيح :(




هههههههه بنات جبت لكم احباط اليوم.. الله يساعدكم علي...

انزين .. امانة.. اللي تكشف جنس الجنين تخبرنا بلييييز .. عشان نشوف من الاكثر.. ولو عندي احساس ان الرابطة راح تجيب اولاد اكثر من بنات...


ليتك معي ولد
ام فرووحه بنت
ماما حسون بنت
جمانة ولد



ههه على كيفي ... وبنشوف ..













ايه صج تذكرت سالفة .. انا كنت مخبية موضوع حملي على الاهل والصديقات وجذي يعني.. وفي الطلعات او المناسبات احاول ابين اني طبيعية اقصد في ايام الوحم.. واذا كنت تعبانة اعتذر عشان بس ما يكشفون سالفة حملي.. وطبعا عارفين انتو السبب .. خايفة من التشهق والملامة ليش اني حملت على ولدي وهو صغير.. فقلت خله لما يطلع بطني ويكشف حملي عن نفسه بنفسه...

المهم الاسبوع اللي فات في حفلة خطوبة وحدة من الربع.. صارت الاتصالات على اساس نتجمع.. صار لنا مدة ما تجمعنا.. خصوصا المتزوجات وامهات العيال مثلي... المهم لما رحت تفاجأت ان 5 من اصل 8 بنات حمل معاي.. وكلهم عيالهم قد ولدي او اصغر !! بصراحة لساني انربط وقعدت اضحك ضحك عليهم ما صار ولا استوى .. لما شافوني جذي انقهروا ويوا بيهاوشوني... فخبرتهم اني حامل ومو راضية اخبر احد ... طلعتوا كلكم حمل وياي.... عااااشو ههههههههه

[move=down][move=up][grade="00008B FF1493 008000 4B0082"]شلونكم حوامل,,,,,,,,,,[/grade][/move][/move]

مشكوره اختي جمانه على دعوتج لي عشان اشارك معاكم في رابطتكم ,,,,
انه اخر موعد دوره لي 2\3,,,
وعاطيني موعد ولاده 7\12,,
عندي موعد للسونار 2\7,,مادري اذا بيبين ولد ولا بنت اذا عنكم فكره ردو علي لاني متحمسه عشان اعرف,,
وعندي سؤال بما ان هاذي اول حمل لي ابي اعرف من الي عندهم خبره متى ابتدي اشتري مستلزمات البيبي ؟؟؟؟
واذا اي وحده عندهه فكره عن عدد القطع من كل شي يكون احسن عشان مااتوهق ...

هلا فيج اختي شقورة وحي الله من يانا..

ان شاء الله اول ما انزل اللست مرة ثانية اكتب اسمج معانا .. بس ننتظر منج تعرفينا على نفسج وهاج كم سؤال

تشتغلين ولا تدرسين؟
اول حمل لج؟
وهل تأخرتي و لا صار الحمل مباشرة؟
شنو تشربين من حبوب الحين؟


الله يتمم لج بخير..

انا سابقتج بيومين بس.. اتوقع ان شاء الله جنس الجنين راح يكون واضح على موعدج الياي ..
انا موعدي 8/7

انا ان شاء الله راح ابدي في التشري للمولود الجديد في الشهر الخامس.. ونصيحة لا تؤجلين المشتريات كلها للشهور الاخيرة لأنج بتكونين ثقيلة وراح تتعبين بسرعة.. وزعي المشتريات .. وكل مرة تطلعين اشتري شوي..

فيه موضوع مثبت باعلى الركن تقدرين تشوفين فيه مستلزمات البيبي الاساسية وما يمنع انج تغيرين فيها او تضيفين براحتج..

وشاركينا بسوالفج اليومية مع الحمل.. وشلون متكيفة معاه.. ننتظرج اختي..

هلااا جمانه :)

الحمدلله اليوم صار في حركه بالرابطه..

ههههههه ضحكتيني لم قلتي يسجلون بالمحاضرة الاولى و يمشوون..

اي والله ما ادري وينهم..يله الغايب عذرة معاه..


اتصدقين فدتيني وايد بتجاربج..بس وايد فيها احباط هههههه :|

يعني الحين دلع..بعدين المسؤولية و ما ادراك ما المسؤولية ها؟؟

عاد المشكله اني قبل الحمل ما احب قعدة البيت احب اطلع على الاقل يوميا..

الحين صارلي 3 شهور حبيسة المنزل..قلت يله ميخالف اتحمل عشان البيبي بفترة الحمل..

لكن سؤالي هل بعد الولادة يستمر الوضع انج صعب تطلعين ؟؟

آآآآخ مصيبه اذا البيبي يحبسج..

حياج الله شقورة معانا :)

عاد لا تقاطعين

تقريبا فترة 4 شهور... تظلين حبيسة الاسر معاه !!!!!!!

بس اكيد تقدرين تخلينه بين فترة والثانية عند امج او عند احد وتطلعين تغيرين جو... على الاقل مرة في الاسبوع.. تستانسون...


بيييييييه بنات متى اخر مرة حطيت فيها اللستة ؟ مب لاقيتها في الصفحات الاخيرة عشان احدثها واضيف البنات اللي تو انضموا معانا..
بغوص مرة ثانية..

-*-**-*-*-*-*-*-*-*-*-*-*-*-*

قبل لا انسى .. اختي انسينك لوفر كانت سائلة سؤال في صفحة من الصفحات اللي فاتوا ومحد جاوبها.. عن الجماع في فترة الحمل...

شوفي اختي اذا كان الحمل سليم وما عندج الالام او دم ينزل عليج فالجماع ان شا ءالله مامنه خطورة..
انتبهي فقط للوضعيات اللي تضغط على البطن او اللي تحسين انج والجنين مب مرتاحين فيها وتجنبيها..
كذلك تجنبي الجماع العنيف والقذف الداخلي :o لأن سائل الرجل المنوي يساعد على تحفيز الرحم للولادة.. ولذلك ينصح بالاكثار من الجماع في الشهر الاخير لتسريع وتقديم الولادة ..


ان شا ءالله فدتج اختي..

nawaray
4/12/2005

جمانة 5/12/2006

ghada2
5/12/ 2006

bent el ba7rain
5/12/ 2006

شيخة البيت
6/12/2006

ليتك معي
6/12/2006

شقوره
7/12/2006

ماما حسون
12/12/2006

فروحه القطوه
12/12/2006

صمت الامل
12/12/2006

bride2004
18/12/2006

الموناليزا
19/12/2006

سحابة حب
27/12/2006

nsync lover
27/12/2006

أم فرووحة
30/12/2006

تصبحون على خيييييير

صباح الخير بنات..........شخباركم وحشتوني ..يومين ماشاركت بالموضوع..كنت مشغولة بالشغل...المهم شلون الحمل والنونو معاكم..انا بخير بس معاناتي بالنوم مب صايدة طريقة تريحني عدل بالنوم...
موعدي 1/7 وانشالله يبين شنو نوع الجنين متلهفة ابغي اعرف..
بنات بسألكم اذا خبروكم في الشهر الخامس متى تبدون تشترون الاغراض..انا كله عندي احساس ان اللي بيقولونه مب صح واخاف اشتري واجهز بعدين يطلع غلط.....سمعت انه في ناس مايظبط معاهم؟؟؟
بالنسبة للحبوب مازلت اخد الحديد والكالسيوم والفيتامينات و الفوليك اسيد
بنات سويت تحليل الدم الكامل اللي عادة بالرابع يسوونه وطلعت النتيجة والتقارير عندي وبوديها يوم السبت الموعد معاي.. المهم في حد يعرف شنو معناة anti rebulla لان الحمدلله نتايجي اوكيه بس هذا كان مكتوب يمه week positive يعني ايجابي ضعيف وقاعدة احاتي للموعد واالله يستر....)

صباااح الخير

شخباركم كللللللللللللللللللللكم :shy:


اخيرا تفرغت شوي وقعدت ع النت .. بنات بقولكم انا احس الوحام رد رجع مرة ثانية واليوم قعدت من النوم واللوعة ضاربة توب عندي وحاسة نفسي برجع .. غير اني صار لي اسبوع وانا ما اشتهي آكل وامس وزنت نفسي لقيته للحين قاعد ينقص مع العلم ان بطني قاعد يكبر .

يوم الاحد عندي موعد في المستشفى وان شا الله كل شي يكون طبيعي وما تأثر بنقصان وزني :gum:


بنت البحرين للاسف انا سوالف المختبر كلها ما افهم لها .. ان شا الله البنات يقدرون يفيدونج ويا رب تكون خير وما فيها شي ، وامانة اذا دريتي شي عن جنس الجنين خبرينا :shy:



انا هاليومين حاسة بمللللللللللللللللل فظييييييييييييع وكل طفشانة وزهقانة خصوصا عودة الوحام مرة ثانية ومرض ولدي احسه مضيق خلقي زيادة ..


انتوا شخبار نفسياتكم .. ان شا الله ما تكونون مثلي بس :sad:

هلا اختي جمانة

اليوم قاعدة اتصفح رابطة امهات ديسمبر وإل آشوف انه موعد ولادتي 4/12/2005
معناته اني ولدت من 6 أشهر ههههههه

لتصحيح التاريخ
4/12/2006


شخباركم بنات وحشتوني؟
كم شهر لكم الحين؟
حسيتوا بحركة البيبي؟ وعرفتوا جنس البيبي؟


نسمع منكم عن قريب

سلامي للجميع

هـــــــــــاي بنات.... بعرفكم على نفسي اكثر
انه متخرجه من المدرسه ووقفت سنه قلت بتزوج وبريح يعني خبركم شهر عسل وغيره لان انه انخطبت وانه بلمدرسه يعني صغنونه[grade="00008B FF6347 008000 FFA500"](الحب ومايسوي)[/grade]المهم وقلت بعد هل سنه بدخل الجامعه انشاالله ,قلت عادي حتى لوكنت حامل وانه ادرس ,المهم مر علي ثمان شهور وحملت وابتدت المتاعب مع بداية التسجيل للجامعه فهم بوقف شكلي ,, لان بعد الحمل ولاده وبعدهه تربية البيبي ,,فمادري شبيصير في المستقبل..
ومن ناحية الحبوب الي اشربهم الدكتوره عطتني حديد وفيتامين على مااعتقد بس انه وقفت عنهم مااشربهم اذا اتذكرهم بس ههههههههه....
اما عن ثياب البيبي قلت بشتري انه بس كله يقولون لي انه فال مب زين انج تتشرين للياهل من الخامس لازم تبتدين من الثامن وانه في حيره ...بصس شكلي مابفتكر في حجي العيايز وببتدي اشتري له...

أهلا بنات شلونكم؟؟

شقورة يعني توج متخرجة من الثانوية و حملتي؟؟

الله يعينج أحسج بعدج صغيرة :)

بس قدها ان شاء الله..أهم شي لا تهملين دراستج الجامعية حاولي تكملين..




بنت البحرين..انا مخاوفي نفس مخاوفج..اخاف يقولولي فيني شي و يطلع شي ثاني..و اتوهق اذا كنت شارية شي..فماراح أشتري الحين..




نواري..انا لم الحين ما حسيت بحركته..


يا ليت البنات اللي حسوا بحركة البيبي يقولون لنا باي اسبوع حسسسسسسوووووووووا فيها؟؟




جمانه يعني بقعد محبوسه اربع اشهر......آآآآآخ الله يعيني..

الحين انا بأي اسبوع؟ ال 17 مو؟

حطي عليها بعد سبوع وبتحسين ان شاء الله فيه..

تالي بتصير ضرباته تعور في الشهر السادس .. لأنه استقوى وللحينه ما ضاق عليه المكان ..

بعدين بيخف في السابع والثامن ههههههه بيكبر وبيصير المكان ضييييييق حده..

شقورة اختي صج كلام ام فروحه احسج صغيرة.. لكن ما دام كملتي المدرسة ان شاء الله خير.. اهم شيء لا تهملين دراستج الجامعية .. لأنها اهم سلاح لج في هالدنيا..
وبالنسبة لحبوبج اختي اخذيهم كل يوم في نفس الوقت.. وخليهم في مكان بحيث تشوفيهم على طول وتتذكرينهم.. انا احطهم بالثلاجة .. ليش اني بعد الغدا افرش اسناني ولازم ضروري اشرب بعدها ماي.. لأن ماحب طعم المعجون احسه ينشف ريقي.. فلما افتح الثلاجة اشوف الحبوب قدامي واتذكر واشربهم..


اختي بنت البحرين.. رد ياني الامساك :( والله غرباله غربال ,,
وان شاء الله تشوفين جنس الجنين يوم السبت ولا تنسين تخبرينا...
شوفي اختي بقولج.. لو الحين قالوا لج مثلا فيج ولد... بتروحين تشترين كللللللل شيء لونه ازرق؟ اكيد لا.. مثلا الشباحات او الملابس الداخلية الشبك اللي تنقفل من تحت هذي اغلب شيء تجي بيضا او فيه نقشات ناعمة تناسب الجنسين... يعني عادي تشترينها مهما كان جنس جنينج..
وبعد عندي ملاحظة.. انه الطفل في فترة الاربعين ما بيستحمل تلبسينه بدلات او جينز اذا كان ولد او نفنوف لو كانت بنت.. عادة بعد فترة الشهرين او حتى الثلاثة شهور الاولية بعد تروحين تشترين ملابس جديدة للمولود بالوان وردية او زرقا..
عندج لفافات القماط.. اختاري مثلا 3 بيض وبيج .. وشيء مايل على الاخضر.. واذا تأكدتي من جنس الجنين خذي بس 2 يناسبون جنسه.. شفتي شلون؟ يعني تقدرين على السالفة..

شيء ثاني مهم.. البيبي راح يكبر بسرعة ما تتصورينها في الشهور الاولية.. من جذي راح تلاحظين ان ثيابه راح تصغر بسرعة وبعدهي بجودة عالية يعني ما اعتدمت .. فاكيد راح تخلينها للمولود الجديد وبتزيدين عليها.. فشلون الدبرة لو كل ملابس مولودج الحالي من لون .. والمولود الي بعده كلها بتصير لون ثاني؟ احسه حرام والله ..

ما قول لج لا تاخذين ازرق ووردي.. اخذي لكن بعد نوعي له من كل الالوان عشان تكونين ذكية وتعرفين تتصرفين بحكمة :)
[line]

اختي نواري :o

مفتشلة منج موووووووووت
ان شاء الله في اللستة الجديدة اعدلها..


بس انتي لا تحرمينا من طلاتج.. سولفي لنا عن حياتج اليومية مع الحمل..

[line]

ماما حسون .. ما يشوف حسين شر .. ان شاء الله يصحى بسرعة..

شخبار تجهيزاتج للسفر؟

ماما حسون سلامات ان شاء الله..

بالنسبه للملل عادي صار فيروووووس بالجو ههههههه..بالذات مع بداية العطله الكل يعاني منه..


جمانه..والله السالفه امطوله معناته..يالله بالاسبوع ال 18 احس بحركته !!


هههههه عيل هذاك اليوم احس شي يطق من داخل بطني..قلت هذا شكله اهو قاعد يرفس ههههههه

يله انقص على عمرنا..