رابطة امهات ديسمبر... حيااااااااااااااااكن هوووون !!

صباح الخير بنات شلونكم وحشتوني...
بنات امس رحت موعدي والدكتورة خبرتني جنس البيبي وميتة من الوناسة انا وزوجي..عاد انا اسبوع 18..سألتها متأكدة قالت اي ابدأي اشتري الاغراض..قلت انا هالاسبوعين مشغولة شوي عندي وايد عروس اكملها واروح على راحة..الحمدلله كان كل شي طبيعي...بس عندي استفسار يابنات؟؟؟؟ الدكتورة قالت لي ذكريني الموعد الجاي اعطيج ابر اسمها اعتقد الكزاز او مو متأكدة شسمها بالضبط؟ في احد منكم خد هالالبر وليش؟؟؟؟
بعد شي قالت لي ان الموعد الجاي بسون لي التراسوند مب عندها لا تحت بالقسم الخاص بجهاز خاص تقول انه يبين اذا البيبي فيه اي تشوهات داخلية في القلب وغيرها (بعيد الشر عنا) وقالت لي هذا نسوية لكل حامل والحمدلله طمنتي ان الالتراساوند مافي اي تشوهات بالجسم ..بس انا مت من الخوف؟؟
وبعد قالت لت لي ان في تحاليل الدم كانت عندي مناعتي ضد الحصبة ضعيفة بس قالت لي عادي يعني يوم انا صغيرة ماخدت الابرة او ممكن اخدتها بجرعة قليلة...
وبعد قلت لها اول مارحت عن الامساك وقالت لي بعطيج دوا زين ممكن تستخدمينه طول فترة الحمل للامساك بس نست تكتبه لي قلت براجعها مرة ثانية..

عاد تدرون صج يابنات قالت لي الدكتورة الجنس مال البيبي وكنت مستانسة لان مثل ما ابغي بس قعدت احاتي بعد كلامها وبنطر الموعد الجاي يارب كل شي سليم يارب ترى اهم شي الصحة والسلامة والنوع بعدين يجي...

قوة حوااامل .. :cool2:

توني راجعة من المستشفى والحمد لله كل تماااااااام .. على الرغم من ان وزني نقص لكن دمي ارتفع ووصل 11 :clap: الضغط بعد زين وكل شي .
دخلت على الدكتورة وفحصت حجم البيبي وطلع زين وبعدين حطت الجهاز اللي تسمع به دقات قلب البيبي لكن البيبي تم يتحرك بعنف هههههههههه قعدنا نسمع حركاته في الجهاز والدكتورة تقول مو راضي يهدأ عشان نسمع دقات قلبه بوضوح ههههههههههههههههههه لكن الحمد لله قدرنا نسمعها بعد محاولات (r)

سألتها عن السفر قالت لي كل شي اوكى والحمد لله .. لكن نصحتني شوية نصايح الجديد فيها ان احاسب هناك من ناحية الاكل يعني ما آكل اي شي ممكن يطلع ملوث او غير صحي .. وابتعد عن الاشخاص المرضى هناك مثل اللي يعاطسون او شي لان الحامل مناعتها تكون ضعيفة ..

بالنسبة للادوية قلتلها اني اشرب الحديد وحبوب بريجنكير فقالت لي زين واصلي عليهم وكتبت لي على حبوب حديد اخده من الصيدلية واكتشفت هناك انها كتبت لي على فولك اسيد بعد .. ما ادري يعني بعد اشتري بريجنكير ولا خلاص .. شراااايكم ؟؟

والالتراساوند بيكون الاسبوع الجاي ان شا الله وانا حاسة انها بتكون بنت قمرررررررر مثل اخوها :shy:


بنت البحرين ما خبرتينا بجنس الجنين ؟؟؟ :qaq:



يالله .. نشوفكم على خير :flower:

يااااااااااااااااه بنت البحرين حرام تلعبين باعصابنا جذييييييييييييييي...

نبي نعرف الحين الحين الحين .. لا نطلع عليج تظاهرات داخل الرابطة هههههههههه

واختي الاشعة اللي بسوونها لج هي الاشعة الرباعية.. تقدرين تشوفين شكل الجنين كأنه مو في بطنج.. كأنه برا.. مثل الصور الي يحطونها مواقع الحمل..

بالنسبة لأبرة الكزاز عادي.. يعطونها الحامل بالشهر الخامس وتكون بمثابة تنشيطية للتطعيمات في الطفولة وفي نفس الوقت تعطيج حصانة مدى الحياة ان شاء الله,, انا خذيتها بحملي الاولي.. والثاني الحين خلاص ما احتاجها.. لأن حصلت لي المناعة.. :up:

لا تنسين اختي تخبرينا عن دوا الامساك .. امااااااااااااااااانة اختج بتموووووووووت .. :(

[line]

وي ويييييي ماما حسووون لا تحسروني كلكم رحتوا مواعيدكم الا انا.. ويني وييييين .. :(

الحمدلله ومبروووك دمج زاااد :clap: ما بغينا تسافرين بأمان..

ننتظر بس تخبرينا جنس الجنين هااااااا..

وبالنسبة للحبوب.. تحملي.. اذا حبوب بريجنكير.. فيها فولك اسيد.. لا تشربين اللي وصفته الدكتورة .. لأن الجرعة المضاعفة شيء خطير.. واحتمال الدكتورة ما عندها فكرة عن محتويات برجنكير لأن خبرج انواع واشكال تنزل السوق حق الحوامل..


ام فرووحه الله يرزقج ويرزقنا اللي نتمناه يا رب..
حلوة ذي يصير محرمج ههههههههه فديته الحلووووو.. اححح ههههههه

ام فرووحه احنا يعطونا بدل الماي والشكر شراب جلوكوز بنكهة البرتقال.. يبين لي اشوه..

ويه تذكرت بقولج سالفتي ههههههههه اما صج ما انعطى ويه..

طبعا قبل تحليل السكر يطلبون منج انج تصومين عن الاكل قبل ب 12 ساعة على الاقل.. وانا نسيت اسألهم هل الصوم يشمل الشرب بعد ولا بس الاكل؟ وحضرتي رحت صمت صوم شامل .. هههههه

لما رحت هناك وقعدت اقرأ في اللوحة الارشادية شفت انه عادي نشرب ماي بس الاهم ما ناكل.. انقهررررررررت حدي لأني شريّبة ماي عدل.. وحرمت روحي على الفاضي !!.... فلما عطتنا الممرضة العصير مباشرة شربته كللللللله في شربة وحدة من العطش والجوووع بعد ! :D وهناك الحوامل مب قادرين يتجرعون منه جرعة جرعة هههههههههه صج لين قالوا رب ضارة نافعة ...


امممم بعد شنوو..

انا بعد بسولف عن تجهيزات السفر عيل!

امس رحنا استلمنا اقمصة وبناطلين زوجي من الخياط.. لأنه ما يلبس في البحرين الا الثوب.. والحين لما جينا بنسافر قلت له البس بنطلون وقميص .. اونه تغيير.. وبعدين ما يتمون يطالعون الاوادم فينا.. كفاية اني بروح بعباتي.. هههههههه

ولما رحنا خبرنا الخياط انه فضل وايد من القماش واقترح يسوي بدلة حق حسونوه مثل ابوووه ووافقنا وتشققت وانا اشوف ولدي يقايس عليه الخياط.. ليش مادري.. حسيته معرس يفصل بدلة زواجه هههههههههه

وشريت له بجامة جديدة وبدلة وحدة خفيفة وبس ما عجبني الباقي وقلت زوجي نروح مكان غير بس ما رضى .. ليش انه المبارة خلاص بدت ورجعنا البيت :down:
[line]

اختي شقورة بالتوفيق ان شاء الله بكره في موعدج .. والله يرزقج اللي تتمنينه ..

[line]

نشفتوا ريقي يا بنات من الهدرة.. هههههههههه

اختي ليتك معي.. متى موعدج الياي؟

أهلا بنااات شخباركم..

اشحلات سوالفكم الواحد ما يمل و اهو يقراها :shy:

جمانه انتي صاحبة الرابطة نطالبج بلسته يديده للي يشاركون دايما موعد ولادتهم مع جنس البيبي ..


انا موعدي بعد اسبوعين احس مافيني صبر بعرف بسسسرررررررعه (a)


راجعتلكم بعد شوي..مو قادرة اقعد عدل..هالايام ظهري ذابحني ما اقدر اقعد مده :sad:

لااااااااااااااااااااا لالالالا والف بل مليون لاااااااااااا

ما احط اللستة اليديدة اللي فيها جنس البيبي قبل ما اعرف انا شنو فيني..

عيل كلكم تعرفون شنو فيكم واظل انا بحسرتي مادري فيني ولد ولا بنت؟ !!

هههههههههههههههههههههههههههههه

الظاهر بعض الناس ما يبون يعلمونا شنو فيهم.. !

مرحبا بنات..شخباركم؟؟انقطعت عنكم فترة والسبب الشغل المتعب بس ارجع وينك يالسرير..

جمانة اني اشتغل في المشروع الوطني للتوظيف(مقيمة),,وانتي اكيد رحتي التقييم وشفتي شلون متعب فما بالج ان احنا اللي نقدم المقاييس ونصححها وندخل مقابلات ونعطي النتيجة يعني هلاااااك..

المهم,,اخر اخبار حملي اني على طول متنرفزة ومسكين زوجي الغالي طايح فيها على طول اعصب عليه بس يكسر خاطري موووت بس شسوووي مو بيدي,,

الحين اني بالاسبوع18 توني داشته,,وموعدي 8/7 وبتقول لي الدكتورة جنس المولود وعلى طول بخبركم ان شاء الله,,
بسألكم,,ساعات احس بنبض في بطني واشوف بطني يرتفع وينزل؟؟يعني شنو هذا؟؟

هلا فيج صمت الامل..

انا بعد احس مثلج في نبض لكن ما اتوقع انه نبض البيبي..المره اليايه بسال دكتورتي عشان اتاكد..:yes:

انا اعرف جنس البيبي يوم 18\7...يمكن انا آخر وحده فيكم اعرف
لأني آخر وحده باللسته..:qaq:


عاد تدرووووووووون الدكتورة عطتني موعد يوم 1\1..إن شاء الله..لكن الانترنت عطاني تاريخ 30\12 على حسب اخر يوم الدورة..!!!:think:

ههههه عاد بكيفي انا بخليه بشهر 12 :dd:

عشان ما اطلع من الرابطه لأني تعودت عليكم و حبييتكم..:cool2:




جماانه يله نطاااااااالب باللسته و اي وحده اتعرف اتضيف جنس البيبي بعدين و انا معاج منهم (r)


اتصدقين؟؟؟؟؟

أحس في بنات بس يقروون و يمشون و اهم معانا بالرابطه ما تحسوون بجذي؟؟:sad:

هلا والله اختي صمت الامل..

اي والله شفتكم وشفت شلون شغلكم يتعب موووت.. صج تشتغلون للساعة 10 في الليل؟
بس انا معاج تقريبا في الاسابيع.. الحمدلله وايد تعدلت نفسيتي وافتكيت من اعراض وايد للوحم..

بالنسبة لحركة بطنج.. عادي اختي.. هذا يمكن الجنين يتحرك.. ان شاء الله تطمنج عليه الدكتورة..

[line]

ام فروووحه ان شاء الله تولدين في الموعد الاولاني.. مو على شيء.. بس انتي من تدشين التاسع ودج تولدين اليوم قبل باجر.. تعب صراحة.. ولو اوصل موعدي واطوفه بلا ولادة صدقوني استخف..


ام فروووحه.. شوفي بسوي اتفاق..

اذا بنت البحرين خبرتنا شنو فيها.. بحط اللست..
اذا عنججت ما رضت وتدلعت مب حاطتها..
هههههههههه

بنت البحرييييييييين ويييييييينج..مارديتي على أسألة البنات؟؟

البنية عليها دوام.. تبينها تسهر مثلي ومثلج فرّاغية؟


ان شاء الله بكرة الصبح بتشوفينها ترد علينا..

على الله عاد ما تتغلى علينا وتتدلع هههههههههه

هلا حبيباتي توني جايفة ردودكم؟؟؟؟
المهم فيني

فيني


فيني

فيني
فيني


بنوووووووووووووووووووووووتة

متخرعة ماعليه....واو بموت من الوناسة بس بعد احاتي اخاف اروح المرة الجاية وتقول لي لا ولد...ههههههههههه

الحمدلله اهم شي السلامة بس بعد خاطري في بنت انا وزوجي..والحين قاعدين نتهاوش على الاسم...

يالله عادالحين انا قلت الباقي عليكم كل وحدة تقول شنو فيها.......

حبيبتي جمانة قالت لي الدكتورة بعطيج دوا للامسكا اعتقد انه حبوب تنشرب عادي بس نست وانا نسيت قلت بتصل فيها بسألها بس انا يروح ويرد مرة وحدة..المهم اذا عرفت بخبرج اكيد انتي بعد راجعي دكتورتج سأليها عنه اكيد تعرف لانه الدكتورة قالت لي مافي اي ضرر من استخدامه لنهاية الحمل لانه يقلل الاصابة بالبواسير..بعيد الشعر عنا

هلا بنات,,
جمانة دوامنا لتسع ونص في الليل بس ساعات نطلع قبل لان نخلص من وقت,,
المهم بناات صاير لي شي غرييييب وخايفة منه ومتضاااايقة حتى مت من لصياح وزوجي يقول لي هذا وانتي الفاهمة الدارسة العاقلة تسوووين جديه شلووون الباقي عيل؟؟تدروووووون شنو؟؟استحييي اقوووووول,,







بقوووووول,,
صدري يطلع منه سائل شفااااااااف واني متضااااااااايقة موووووووت,,شسووووووووي.؟؟
اي وبعد عندي شي ثاني بنات خايفة حدي على الجنين كل اخااف انه فيه شي لا سمح الله طمنوني الله يخليكم,,

بنت البحرين,,مبروووووك على البنووته الحلوووة والحين يبغي ليها اسم حلوووو مثلها,,

تحياااااااتي للجميع

الف مبروك البنوتة يا بنت البحرين.. والله يطلعها لج بالسلامة يار ب..


بحط اللستة تالي.. بقوم اتغدى الحين.

هلا بنات,,
جمانة دوامنا لتسع ونص في الليل بس ساعات نطلع قبل لان نخلص من وقت,,
المهم بناات صاير لي شي غرييييب وخايفة منه ومتضاااايقة حتى مت من لصياح وزوجي يقول لي هذا وانتي الفاهمة الدارسة العاقلة تسوووين جديه شلووون الباقي عيل؟؟تدروووووون شنو؟؟استحييي اقوووووول,,







بقوووووول,,
صدري يطلع منه سائل شفااااااااف واني متضااااااااايقة موووووووت,,شسووووووووي.؟؟
اي وبعد عندي شي ثاني بنات خايفة حدي على الجنين كل اخااف انه فيه شي لا سمح الله طمنوني الله يخليكم,,

بنت البحرين,,مبروووووك على البنووته الحلوووة والحين يبغي ليها اسم حلوووو مثلها,,

تحياااااااتي للجميع

هلا اختي جمانه ..... شخبارج؟؟؟


اذا على الموعد على كيفي اروح متى مابغيت اروح وادخل بدون موعد ولا اتصال...

ورحت الموعد والحمد لله قالت لي ان الالتهاب راح والبيبي طبيعي....

وذبحتني وهي تضغط على بطني تبي تعرف جنسه بس مافي فايده

الشيخ مايبي يورينا نفسه خاش ويهه والحبل السري بين ريوله

من البدايه مناحس امه

قلت بعد اسبوعين او ثلاثه بروح العياده عشان ابتدي اجهز

[line]

مبروك اختي بنت البحرين على البنت ودوري لها اسم حلو :shy: نفسها


والله يهون علينا

هلا اختي وحبيبتي صمت الامل, الله يساعدكم على الشغل ويوفقكم..

حبيبتي الامر عادي اذا كان مجرد قطرات.. هذي فعايل هرمونات الحمل وهي تجهز جسمج للامومة..

وساعات يتأخر على حوامل ما ينزل الا في السابع والثامن وفيه ناس قبل ينزل عليهم.. بس الامر عااااادي.. و لا تحاتين..

وبالنسبة لصحة جنينج.. كل ما تروحين الموعد راح تتطمنين اكثر ان شاء اللله.. ولوفيه شيء ما بتخليج الدكتورة تروحين مني والطرريق بدون ما تخبرج..

[line]

اختي ليتك الحمدلله انا بخير...

هههههههه ضحكني ولدج.. شكله يناحسج من الحين.. الله يعينج عليه لين طلع بيطلع لج قرون هههههه

بس تصدقين اتوقع بنية.. لأنه لو ولد كان بين بسهولة اكثر.. على اساس ان اعضاءه ظاهرة لبرا..
بس ما ادري مجرد تخمين يعني..

اهو قالت لج صاك رجلينه ولا عاطيكم ظهره؟

هو ماعطنا ظهره......

وتحاول الدكتوه من كل الجهات اذبحتني من امس ولين الحين بطني يعورني من الضغط اللي ضغطته

عشان تعرف..... وبعدها قلتها خلاص بعدين بشوف جنسه

وانتي متى موعدج؟؟؟

صباح الخييير بنات شلونكم؟؟

ههههه ضحكتيني جمانه صج متفرغين احنا..لا شغله ولا عمله..هههه


اولا الففففف مبروووووك البنوته يا بنت البحريين..عاد تجهيزها وااااااااااايد احلى من الولد..

لم اروح السوق اقول يا ليت بنوته..لأن ملابسها تشووووق..

بنت البحرين انتي عندج ولد ولا هذا اول حمل نفسي؟




على فكرة شنو هذا السائل اللي يطلع من الصدر..و شلون المفروض نتصرررررررف..لأني خفت شوي..


و صمت الامل ليش زوجج يقولج انتي الفاهمه المتعلمه ليش انتي شنو سويتي؟؟ مو اهو ينزل السائل من نفسه؟؟!!




ليتك معي شلونج حبيبتي؟؟

شكل اللي في بطنج بنوته و حياوية بعد هههه...عندي صديقتي يابت بنتين كلهم نفس الحالة ما تعرف شنو لان يكون الحبل السري بين ريولها..خجل البنات بعد تعرفييين هههههه


انتي شنو ودج؟؟


بانتظار ردودكم!!

هههههههه اختي ليتك معي.. انا بس شغلتي في الرابطة اجننكم ...

خله على هواه .. واذا عطاج ظهره او صار الحبل بين رجلينه وايد احسن من انه يلتف على رقبته الله لا يقوله او ما يرضى ينقلب... بصراحة ميتة خوف من القيصرية .. صايرة موووووووضة هالايام..

وبالنسبة لألم بطنج.. تصدقين اني استغرب مووت من الدكاترة وهم يعصرون بطوننا عصار في الفحص.. احنا نخاف على بطوننا من نسمة الهوا واهم ما يقصرون في التعصير !!!!!!!!

موعدي يوم السبت الجاي ان شاء الله...

بنات عندي سؤال حياوي... ( يعني مستحي هههههه )

السونار شلون سووه لكم؟ يعني خلوا الجهاز على بطونكم من فوق.. ولا تكرمون خلوا الجهاز من تحت يعني قصدي ( ........ ) فهمتوني لااااا؟ يسمونه السونار الداخلي... انا ما قط جربته بس اسمع ساعات يسوون جدي وساعات جذي..


[line]

ام فرووحه... السائل عادي ينزل لا تخافين على شكل قطرات قليلة.. وساعات ما ينزل بعد الا بالضغط الخفيف على الصدر.. انا اكتشفته في حملي الاولي وانا اسبح واتفرك ضغط بالعدال على صدري وشفته... والله ولا كنت ادري به..

هالحمل ما ينأخذ عليه.. لأني كنت ارضع ولدي طبيعي لحد الشهر الثاني من الحمل.. فللحين حليب الرضاعة موجود بصدري...

يمكن ساعات تشوفين لما تفصخين الصدرية اثار قطرات بسيطة.. بس لا تحطين في بالج انها ممكن تبين من برا الثياب.. لا مو لهالدرجة..


يالله بنات.. ردوا عاد.. لا تهربون مني مناك..