رابطة امهات ديسمبر... حيااااااااااااااااكن هوووون !!

حبيبتي ام فروحة لا ما جفتهم ...حطيتيهم بنفس الموضوع؟؟؟؟؟؟؟؟ بجيك الحين

اي..قوليلي اذا اعجبج شي؟؟ :)

هلا عجبني اللي في موقع www.simplyelegantfavors.com
كان خاطري بالعربة اللي من كريستال وشمع...بس اختي ماعليج امر شلون ممكن اطلب صؤاحة اول مرة اطلب بالنت وهل السعر شامل الشحن؟؟؟ هل تعرفين اذا هذي العربة مثلا هم حاطينها بعلبة شفاف هل العلبة تجي معاها ولا بس بروحها وانا اغلفها؟؟؟؟؟؟؟ظظ


سامحيني غربلتج

مع الاسف بنت البحرين انا مثلج بعد عمري ما شريت من الانترنت..قلت اذا نويت على شي بخلي احد يعلمني..

بس بالنسبه للشحن هالمعلومه اعرفها ان السعر غير شامل الشحن..

لكن ان ايي بعلبه او لا ما ادري بس اكييد اذا نويتي عليها يكتبون لج مواصفاتها بالتفصيل..و تقدرين تراسلينهم و تسألينهم :)

ما عرفت العربه اللي من كرستال..اذا تقدرين تحطين صورتها افضل..

مسااااااااء الخير..........


اختي فروحه عن عضمه الخشم....!!!

اذا كان في البيبي تشوه الارنبه لاسمح الله

وعن ماي الظهر نسيت اسمه اذا كان البيبي مغولي ولا طبيعي

وان شاء الله مايكون بصحه وعافيه

وهذي الفحوصات للتاكيد سلامة البيبي

ان شاء الله ما يكون الا بصحة و عافية..

آميين

قوة بنات.. شخباركم


اليوم رحت بركة سباحة مع العايلة.. واستانسنا وفرفشنا وايد.. بس انا ما نزلت.. حدي قعدت على الحافة وحطيت رجليني في الماي.. خفت انزل والكلور اللي في الماي يسويلي التهاب ولا شيء يصيد النونو بعدين اتندم.. مع انهم كلهم يقولون نزلي وقعدي عادي لا تسبحين بس قعدي في الماي عن خاطرج.. بس كلش ما نوست..

الحين توني رادة وسبحت.. احس شوي الم في ظهري والسبب طبعاً معروف.. الركضة ورا ولدي الله يحفظه.. كل شوي يطلع من بركة الاطفال ويبي يطب مع الكبار.. وانا بس وراه ركيييض.. والله الله حافظ لي هالجنين جان من زمان سقطت..

بكرة ان شاء الله موعدي مع الطبيبة.. ان شاء الله خير..

يلا بنات اشوفكم بخير..

صباح الخير .. شخباااااااااااااار ؟؟

صار لي يومين ما سولفت وياكم .. شخبار الحمل معاكم ؟؟ ومن دخلت الشهر الخامس ؟؟ وشخبار حركة البيبي الحين ؟؟ انا عن نفسي احسها ما شا الله زايدة هاليومين عن قبل اسبوع :shy:

باقي اسبوع ع السفر ان شا الله وطيارتنا بتطير الساعة 8 ونص الصبح .. ما اعتقد ان بيجيني نوم ليلة السبت .. الله يعيني ، احاتي التعب من الحين :sad:

بالنسبة للعايلة .. ما شا الله بتصير عندنا كذا مناسبة خطوبة وزواج >>>> حبكت يعني تصير هالمناسبات وانا حامل وبكرشتي :angry:

عندنا تقريبا مناسبتين مؤكدتين .. ومناسبتين شبه مؤكدتين " على فحوصات ما قبل الزواج " .. ومناسبتين في الطريق " شباب ندور لهم على عرايس " ، هذا غير عن مناسبة بتصير واحنا مسافرين :gum:

بخبركم بشي .. يوم الخميس كنا مجتمعين كلنا في بيت خالتي ، وانا كنت لابسة بدي وبنطلون جينز .. لان كرشتي صغيرة ، وانا عادة كل اكون بعباتي حتى لما اكون في بيت ناس من اهلي .. بس يوم سألوني عن كرشتي وفتحت العباية تفاجأوا لما شافوا ان ما فيني اي من علامات الحمل ههههههههههههههه بالعكس صاير جسمي احلى من قبل لاني ضعفت :shy:
لكن من امس وانا ملاحظة ان بطني كبر " بين ليلة وضحاها " حتى زوجي لاحظ وقالي هالشي ، وامس العصر كنا طالعين شوي ولاحظت انه بدا يبين فعلا بالعباية بس على خفييييييييييف .. وابتديت احس من امس بثقل والم في جهة الوسط - يسار " يعني بين الوسط وبين يسار بطني " ولما اتحسس بطني احس بجسم الجنين :shy:


وبالنسبة لجنس الجنين انا طلعت صور الالتراساوند لحملي الاولي وحملي الحالي .. وسويت مقارنة بينهم خصوصا في الفترات المتشابهة " عندي في حملي الاولي صور 5 اسابيع وحملي الحالي 4 اسابيع ، وعندي صور حملي الاولي 8 اسابيع وحملي الحالي 10 اسابيع " وقدرت استنتج من شكل كيس الجنين شنو فيني <<<< صارت دكتورة :shy:
بس لاحظت بعد في الصور الاولى " ال4 و 5 اسابيع " صاير البيبي الجديد حجمه اكبر من حسون مع انه كان 4 اسابيع وحسون 5 اسابيع ، وفي الصور الثانية " ال8 و10 اسابيع " لاحظت العكس .. يعني حسون صاير حجمه اكبر مع انه كان 8 اسابيع والبيبي الجديد 10 اسابيع .
انا خفت شوي ان يكون البيبي صغير مع ان الدكتورة طمنتني على كل شي في آخر موعد وقلت يمكن على حسب التصوير :gum:

عموما .. خلال هاليومين بروح اسوي التراساوند قبل السفر .. وان شا الله يطلع كل شي اوكى واذا عرفت جنس الجنين بخبركم :shy:


يالله .. نشوفكم على خير (f)

مرحبا بنات...

شخباركم؟؟ وعلومكم؟؟
وانا بعد معاكم

اخر دورة كانت تاريخ 9 مارس 2006 وعاطيني موعد الولادة 16 ديسمبر 2006...

وهذا ثاني حمل لي عندي ولد الله يحفظه عمره سنه ونص....

هلا بنات شخباركم؟؟ شلونكم مع الحمل؟؟

انا الحين بالاسبوع 18 ولا شي عندي من ثيابي صار قدي توني بروح افصل لي ثياب وماحصلت شي عجبني جاهز.. احس كله راعصة بطني وبنتي مسكينة من ثيابي الضيجة على البطن والمشكلة اني بالدوام للساعة 4 احس بطني يألمني..

هلا اختي القيوانيه معانا

وان شاء الله انفيدج وتفيدينا:smile:

هلا حواااااامل شخباركم............

حبيت احط كل وحده وشريط حملها... ووين لنا وشكثر باقي ان شاء الله...


نبتدي في .......


nawaray

4/12/2006






جمانة

ghada2

bent el ba7rain

5/12/ 2006






ليتك معي

شيخة البيت

6/12/2006






ماما حسون

صمت الامل

12/12/2006






bride2004

15/12/2006






القيوانيه

16/12/2006






الموناليزا

19/12/2006






سحابة حب

27/12/2006






أم فرووحة

30/12/2006

ليتك معي,,
مشكوووورة حبيبتي ,,فكرتج حلوووة وااايد,,
الله يعطيج العافية,,

بناااات خايفة على اللي في بطني وااااااااايد على طول احاااااتي واوسوس وطمنووني,,كل اقول يمكن نومتي مو عدله او اني اقوووم باشياء تأديه وانا ما ادري,,انتوا بعد جديه؟؟؟

تحيااااااتي..

السلام عليكم...
شخباركم يا حلوات؟؟

اختي ليتك معي يا هلا وغلا والله... ومشكووره على رابط الحمل والله اني وايد استانست انا كنت بطلب منكم انكم اتسوونه لي بس ماشاء الله عليج سويتي قبل ما اطلبه... ثانكس حبي....

هلا اختي صمت الامل اشحالج الغاليه... ولاتختفين حياتي ان شاء الله ماراح يستوي للبيبي الا كل خير واتعوذي من الشيطان...

بنات من يومين حسيت بحركه البيبي بس خفيفه ياربي فديته...

مسااااااااااااء الخير يا حلوااات..

شحالكم؟؟ ووين انتوا مختفين؟؟؟

ليكون الكل مسافر؟؟؟

مرحبا بناااااااااااااااااات

شلونكم وشعلومكم..

سامحوني مادش الحين الا بالغصب زووور.. منفغصة حدي ..

على الذكران.. الاشعة ما بينت نوع الجنين شنو.. يعني بظل بحسرتي لما الاشعة الثانية هئ هئ هئ ...


ام فرووحة
ليتك معي
ماما حسوون
صمت الامل
بنت البحرين
القيوانية
والبقية..

في امان الله وتحملوا بروحكم زين ما زين.. وبالرابطة بعد..

جمـــانة

صمت الأمل.....

العفو حبيبتي... والله يعافيج...

اختي لاتخافين هذا الشعور يجيلي واااايد ذبحت ريلي كثر مايوديني العياده
عشان اتطمن...
وبعد انا تجيلي كوابيس اشكال وانواع...:dd:

وكليها على ربج والله الحافظ و هو كاتب له العمر
والله يثبته وتفرحين فيه...

[line]

القيوانيه....

هلا فيج حبيبتي.... وانا حاضره في اي وقت انتي تامرين...

ويل كم...:cool2:

[line]

اختي جمانه لاتحاتين...

تروحين وترجعين بالسلامه

مشكورة ليتك معي على شريط الحمل ....


بنات شخباركم ؟ طلعت لكم دبة أو لا ؟ واشلون حركة البيبي معاكم ؟
عرفتوا جنس البيبي؟ وهل صار فيكم تغيرات مثل تشققات أو اسمرار لون الجلد؟

عن نفسي البيبي مكيف ما شاء الله عليه وايد اتحرك ، وطلعت لي دبيبة
ومن ناحية اسمرار الجلد بين علي فى رقبتي و شوي بطني

ويوم الأثنين ان شاء الله راح آسوي الترساوند وباخبركم عن جنس البيبي

صباح الخير يا بنات....

شحالكم؟؟


ياهلا والله بجمانه وليتك معي و nawaray

بالنسبه لي طلعت لي دبه صغيره وحركة البيبي احسها خفيفه ومش دايما بس لما اكون نايمه على ضهري...

وبالنسبه للاسمرار والتشققات لا الحمد الله ما اعاني منهم ودايما افرك جسمي بزبدة الكاكاو ثلاث مرات باليوم...

مرحبا حواااااااااااااامل .. شخبار الكل هني ؟؟(f)


باركولي .. دخلت الشهر الخامس :clap: واحوالي الحمد لله كلها تمام ، طلعت لي دبة صغيرة وحركة البيبي كثيرة وحلوة .. سويت من يومين التراساوند وكل شي اوكى واقدر اسافر على خيير ان شا الله .. بس ما بين جنس الجنين في الالتراساوند :sad: يالله اهم شي سلامته ، شفته وهو متكيف في بطني ودقات قلبه زينه ونموه سليم فديته \ها :shy:

يوم السبت السفر ان شا الله .. ما باقي شي ، ومشغولين هالايام بالتجهيز ويمكن ما اقدر ادخل مرة ثانية قبل السفر .. بس باحاول اطل عليكم على الاقل اذا ما صار عندي وقت للمشاركة :gum:

جمانة .. تحملي بروحج وبالعيال وان شا الله الله يكتب ونلتقي هناك ههههههههه او يمكن في المطار بما ان بنسافر في نفس اليوم :shy:

يالله ، باقي البنات .. تحملوا بروحكم وببيبياتكم ، وادعوا لنا نرد بالسلامة ان شا الله :shy:



مع السلامة (f)