رابطة امهات ديسمبر... حيااااااااااااااااكن هوووون !!

هلا بنات شلونكم ....وحشتوني

انا الحين على نهاية الخامس بالاسبوع 19+6 ايام احسن لما تحرك انافخ واللي وياي بالشغل يسموني البطة...

بنات انا بدت تجيني كوابس الولادة؟؟؟؟؟؟؟؟؟ظاول مرة احلم اني بولد وانا بالشهر الخامس ووياي نزيف وانا بالمستشفى...يمة الله يعينا...

هلا خواتي....

انا الحين بنهاية الرابع وصراحة مدري ليش خايفة.... للحين ما طلع لي بطن (وللعلم انا بكرية) في نهاية شهر يوليو بروح اسوي التراساوند عشان اتطمن...

بغيت اسأل بنات البحرين خصوصاً؟؟؟؟؟ اذا ممكن تصفون لنا تجهيزات الولادة كاملة من الألف للياء..... يعني من بداية التوزيعات وتجهيزات الغرفة الى تجهيزات المولود من الحفاظات الى الملابس .... وطبعاً ارجو ان تكون قوائمكم مزودة بلأماكن واسماء المحلات بالإضافة للأسعاء وذلك لتعميم الفائدة المرجوة....

ودمتم سالمين يا منتداي الثمين..............

حياج الله كنده :)

يمكن لم تنسدحين على اليسار و تحطين ايدج على بطنج تحسين فيها انا جذي اسوي و مرات احس بشي خفيف لكن مو متاكده شنو..و يقولون الولد يتحرك اسرع من البنت.. و دامج مو بكريه المفروض تميزين الحركه :) قوليلنا لم يتحرك فديته :)

اهلا بنت البحرين..

اكيد تفكرين بالولاده وايد عشان جذي تييج الكوابيس..

انا كنت الاشهر اللي فاتت كله اتخيل ان فيني توأم و أحلم بهالشي هههههه

اللي تفكرين فيه وايد و تشغلين فيه مخج تحلمين فيه شي طبيعي..حاولي تنسين الموضوع :)



أهلا لفر...طلبج مفصل شوي لكن ان شاء الله بنات ديرتج ماراح يقصرون معاج :)

شنو طلع جنس البيبي؟

مرحبا بنات...

شحالكم؟؟
وانا بعد احس عمري ثقيله وااايد عكس حملي الاول كنت خفيفه لين ولدت الحمد الله...وما اقدر امشي وااايد من اطلع مكان امشي شوي واقول حق زوجي رجعني البيت ....

اختي صمت الامل+قيوانيه ,,,,,وكل الي يحسون انهم ثقال وايد

عندي لكم معلومه تفرح او بلاخص تفرحني مادري عنكم انتوا

تقول المعلومه

ان اي حامل تحس بثقل واايدواهيه في الخامس او الرابع او السادس

معناتهه انهه بتييب بنت ,,,,يــــــــــــــــــــــــــــــــــــاااااي

انه متشققه من الفرحه

وبعديقولون ان اذا بنت ماتتحرك بسرعه وانه صج للحين مااحس بحركه قويه يعني اذا احط بالي احس ابشي يتحرك على خفيف كلش كلش مع اني في الخامس والمفروض الترفس عندي قوي
معناتهه اني بييب بنوته
مع اني حاسه اني بييب ولد مادري ليش

وعندي سؤال بنات بليزززز عطوني جواب له
ابي اعرف الشهر الخامس بشمل اي اسابيع الحمل يعني مثلا الشهر الاول يشمل الاسبوع الاول والثاني من الحمل وهلون فهمتو علي
لان متخلبطه عندي الحسبه كنت في البدايه ماشيه بلاسابيع ومره وحده تغير كل شي يعني الحين انه ادري ان لي 15يوم في الخامس بس ماادري انه اي اسبوع

هلا بنات شلونكم؟؟
انا صج احس بالثقل من الرابع وانشالله قالت الدكتورة فيني بنت...

الاخت شقورة الله يعطيج الللي في بالج ويقومج بالسلامة...

الاخت لوفر ماقلتي لنا جنس البيبي؟؟؟؟

بالنسبة للتوزيع والتجهيز من الالف للياء مثل ماقالو الاخوات هذا موضوع مفصل تقدرين تسوين سيرج ترى وايد البنات كتبوا فيه قبل وماقصرو..ممكن تلاقينه في مواضيع الاخت روز قطر...

انشالله تحصلين كل اللي تبينه ترى محلاتنا بالبحرين محدودة ومعروفة..

صراحة بنات....

انا ما ابغي اعرف جنس النونو.... ابغيها تكون مفاجأة..... انا حابة انها تكون بنت ولما قريت آخر تعليقاتكم تطمنت شوي ان البنت تجي حركتها متأخرة شوي لأني للحين ما حسيت بحركة... وخصوصاً اني بكرية فما اظن اني اعرف اميز...

صراحة بنات....

انا ما ابغي اعرف جنس النونو.... ابغيها تكون مفاجأة..... انا حابة انها تكون بنت ولما قريت آخر تعليقاتكم تطمنت شوي ان البنت تجي حركتها متأخرة شوي لأني للحين ما حسيت بحركة... وخصوصاً اني بكرية فما اظن اني اعرف اميز...

يااااااااااي الله يبشرج بالخيريا شقوووره... وان شاء الله اييب بنت ...يااااااااااااااااا رب.,...

سلام الله عليكم حبيباتي
شو أخباركم و كيف الحمل معاكم؟ ربنا يسهل علينا يا رب :)
أقول أنا في الشهر السابع بس معظم إللي يشوفني يقول لي" ياي وايد صغير بطنك" " مو مبين إنك حامل بالسابع" و كلام شبيه به
و أنا عاد أخاف على البيبي لا يكون ضئيل، و الدكتورة لما سرتلها قالت حوالي كيلو وزنه و صح يعتبر ضئيل :(
أبي أعرف خبرتكم ، هل طبيعي إللي أنا فيه أو لا!! للعلم هذا حملي الأول :) يعني فرحتي الأولى :)

السلام عليكم بنات اشلونكم

آنه دخلت السادس وأمس كان عندي موعد تلفزيون وقالتلي الدكتورة انه مايبين :(

bent rlba7rain كنت باسالج اتعرفين اذا د.فوزية كمال زينة؟ قلت باروح لها حق تلفزيون عشان آعرف جنس الجنين

هلا بيج الاخت نواريا يصير انه مايبين في السادس حسب وضعية الجنين انا من الرابع قالو لي التخصصي فيج بنت..

فوزية كمال ماقط تعاملت معاها بس خواتي وبنت خالي الحين خبرتها من نهاية الثالث شنو فيها سمعت انها شاطرة جربي روحي لها بس نطري شوي دام خبروج مايبين الحين عشان تتغير وضعية الجنين..

بناااات أبشركم..

الحمدلله اليوم رحت موعد الدكتوره و طمنتني على صحة البيبي اللي وايد وايد كنت احاتيها..

الحمدلله رب العالمين يا ربي يتمم عليه الصحه و العافيه و على كل اجنتكم يا رب..


و أحلى شي لم قالت جنسسسسسسس البيبي هههه

شنو تتوقعون؟؟

ام فروحة حبيبتي قرة عينج بشوفة نونوج ...

انا موعدي نهاية هالشهر وهو الموعد الل قالت لي الدكتورة ان راح يفحصون بالتلفزيون يجوفون اي تشوهات خلقية لاسمح الله.. احس لين يجي ذاك اليوم روحي بتطلع...الله يصبرني

مشكولاة اختى bent elba7rain على الرد

مرحباً خواتي...

بالنسبة لسؤالي عن الإحتياجات.. فهذا لأني ابغي الخبرة من اهل الخبرة...

شكراً اختي بنت البحرين على المتابعة... وانا شفت موضوع روز قطر ... بس سؤالي عن البحرينيات خصوصاً ان من وين اشتروا حاجيات النونو وكم كلفتهم.. واكيد اذا ساعدتوني بأشي شي بسيط راح اكون شاكرة لكم...

هلا اختي لوفر بقول لج باختصار واللي يحضر بالي الحين

الملابس عندج مذرككير هو اللي معروف عندنا طبعا اللي بالسيف هو الاصلي وبجيان بعد تحصلين عندهم كل شي من ايه تو زد.
عندج جيكو يم صيدلية ناصر بعد غالي شوي بس ماركة المراضع زينة عنده.
التوزيع ماشالله مفلتين المحلات بالشوارع بس انا اجوف اللي معروف عندنا هو نوال - ريفيرا- بيانكا وتقريبا القطعة 1.5 دينار وفوق بدون لبستاند.
الفرندا قطعهم على دينار.
باقي المحلات المو معروفة تحصلينهم بين 600 فلس الى دينار.

انا عن نفسي للحسن مابديت شريت انا الحين بداية السادس وانشالله على بدايه 8 راح ابدأ طبعا الملابس راح اخد بعد من السعودية والكويت ودبي..

هذا اللي ببالي الحين واذا في شي بخبرج..

هلا بنات شخباركم؟؟؟؟

مرحبا اختي كنده معانا في الرابطه.....

وشخبارج اختي ام فرووحه؟؟؟ وبشري شنو جنس البيبي؟؟؟؟؟؟؟؟؟؟؟؟؟؟

ان شاء الله اللي في خاطرج.......


عني انا قلت بروح العياده عالاسبوع الجاي.....


واختي شقوره هالرابط بفيدج عن الاسابيع والشهور

http://www.3roos.com/forums/showthread.php?t=184243

يالله حوااااااااااااااااااااااااااااااااااامل شوفوا الشريط:shy:


nawaray

4/12/2006






جمانة

ghada2

bent el ba7rain

5/12/ 2006






ليتك معي

شيخة البيت

6/12/2006






ماما حسون

صمت الامل

12/12/2006






bride2004

15/12/2006






القيوانيه

16/12/2006






الموناليزا

19/12/2006






كنده 88

24/12/2006






سحابة حب

27/12/2006






أم فرووحة

30/12/2006