رابطة امهات ديسمبر... حيااااااااااااااااكن هوووون !!

هلا بيكم بنات شعلومكم...

هلا بيك ليدي الامارات بهالمنتدى وبهالموضوع معانا انشالله تفيدين وتستفيدين وماتقطعين عاد...

هلا والله حبيبتي ام فروحة..الشر ماييج انا ماكنت داخله 3 ايام لاني ادش من الشغل عالنت بالشقة ماعندي ففي الويك اند مااقدر ادش الا نادرا اذا رحت بيتنا اوبيت عمي...

انا انصحج تبدين تشترين الاغراض مبجر انا انشالله على هالاسبوعين الجايين راح ابدأ كل شي وعاد خلي لج ورقة مكتوب فيها الاغراض عشان لاتنسين شي ولا تشترين شي ماتحتاجينه...انا يوم السبت رحت مجمع الظهران بالسعودية وتصدقين تعبت حيل 3 ساعات وانا ادور شريت لي ثياب عاد ولا شي يدش علي زوجي قال خليهم لبعد الولادة وشريت من مذر كير للبيبي بس شوي بوكسين مال الملابس الداخلية عن خاطري..صراحة الاسعار ضوي بوكسين ب 20 دينار وانا شريت لي 4 تنانير من المجمع ب 20 دينار ..اليهال صارو اغراضهم اغلى منا..يمكن لان مافي تخفيض بمذركير..

الصراحة ماعرف من وين اشتري بالبحرين ماعندنا الا مذركير وناس نصحوني ببعض المحلات بالدمام والخبر يقولون بضايعهم حلوة افكر اروح بعد اسبوعين..

مشكورة أم فروحة ....
إلي امشككني في الموضوع انه الدكتورة ماراوتني الأعضاء التناسلية و كم وحدة آعرفهم راحوا لها وكله اتقولهم أولاد وفي النهاية اييبون بنات

جمـــانة:
السلام عليكم ورحمة الله...

حبيت افتح هذا الموضوع عشان يكون مقر لتجمعنا احنا امهات ديسمبر، نسولف وندردش ونتطمن على بعضنا، ونشور على بعضنا البعض بشأن المشاكل اللي تواجهنا..
:clap: :clap: :clap:


انا اخر دورة لي كانت 28/2/2006
وموعد ولادتي بإذن الله في 5/12/2006

يمكن بعد اسبق موعدي واولد في نوفمبر.. الله العالم :gum:


تقريبا انا على نهاية الثالث ، وتاريخ 5 من كل شهر ادخل شهر جديد..
وهذا هو الحمل الثاني ، وعندي ولد فلقة قمر فديت قلبه ..
(}) ({)


للاسف الوحم ما زال كما هو، :sad:
ويوم الاحد اللي فات رحت عيادة الحوامل عشان ياخذون مني عينات عشان تكون النتائج جاهزة لما ادخل على الدكتورة، اللي فرح قلبي ان نسبة دمي واااايد زينة ( 14 )، حتى الدكتورة قالت لي انتي ما تتوحمين؟ الحمدلله وماشاء الله..



يالله بنات مابي اطول عليكم، شاركوني الدردشة :salam:

انتي نفسي بالضبط بالضبط نفسي وناسه عشان نستفيد من بعض ونشجع بعض على الصبر والتحمل:clap: ا
بس انا اول مره احمل... وانتي؟؟:shy:
وانا فيني بنت ... وانتي؟؟

خر موعد للدورة 28/2/2006

وموعد ولادتي 5/12/2006


و5 من كل شهر ادخل شهري وانا الحين بالخامس صح انتي نفسي:shy:

هلا بنات نسيت اسألكم سؤال؟؟؟

شلونكم ع التشققات والخطوط اللي تطلع بالحمل ومتى بدت تطلع عندكم وشنو تستخدمون لها؟؟؟

انا من بديت الرابع احس جوانب الحوض يمين ويسار بدت تطلع فيها خطين كل جهة الحين مع بداية السادس احس صارو اربع خطوط كل جهه-----حاسبتهم هههههه---------- وصار لونهم وردي غامج مايل على البنفسجي والمشكلة ان صدري بعد طلعت فيه عروق بنفسجية وايد واحسه غتم لون صار مثل الوردي وزايده التشققات والجفاف عليه يتقشر يعني والمصيبة انه حجمه قاعد يكبر لانه صراحة صرت ما اقدر البس حمالات وانا نايمة او بالبيت بروحي..استخدم زيت اللوز بس يمكن مرة لمرتين بالاسبوع طبعا بكيفي من غير استشارة الدكتورة سمعت عن زيت الزيتزن بس لما رحت جفته ثقيل وما اقدر على ريحته خدت زيت اللوز والحين ادهن فيه منطقة جوانب الحوض والصدر..

وبعد شي ثاني انا سمعت ان الصدر يصيبه جفاف وخشن وما تقدر الوحدة ترضع بعد الولادة؟؟ شنو الحل؟؟ وانا عندي (حلمة) وحدها اليسار احسها شوي داخلة بالداخل مو مثل اليمين وخايفة لانه احس ان البيبي دايما يرضع من جهة اليسار؟؟

سؤال سخيف بعد: هل يرجع الصدر لحجمه بعد الولادة؟؟ او يبقى على ماهو عليه او يزيد؟؟؟

سوري بنات عالاطالة

ام فروحه حياتي ولا يهمج

بس انا ناويه اجهز في دبي وخاطري اعرف المحلات الكشخه اللي عندهم ياريت بنات الامارات يفيدونا ...

تدرين اول شي شريته هي المصاصات خواتي اضحكو علي قالو شكلج تبغين الفكه من اللحين عن الازعاج والصياح البيبي بس شاسوي هذا اللي عجبني..

اختي nawaray ماعليج منها الدكتوره قولي لها لازم تتأكدين لو تشوفين انا ذبحت الدكتور الا يراويني علشان ماعتمد وبعدين انصدم ...


بنت البحرين عليج بزبدة الكاكاو وزيت اللوز ادهني كل يوم الصبح بطنج وصدرج والافخاذ بعد السبوح انا احط في اليوم مره لكن ماشاء الله لحد اللحين اوكي ماصادني شي باذن الله .


وتحياتي لجميع الحوامل فديتكم والله شكلكم اكيد حلو مع الكروشات

اختكم في الله / الموناليزا

يا هلا وغلا بالجميع....

هلا والله بليدي الامارات

صبحج الله بالنور و السروووووووور :smile:

عيل كنتي وايد ضعيفه قبل الحمل :)

بس اللي سمعته ان الحامل زيادة الوزن الطبيعية من 8-15 كيلو..

تو الناس عليج الحين زدتي 6 او 7 كيلو باقيلج كثرهم تقريبا :shy: و ان زدتي بعد عديتي الطبيعي..

اتصدقين عندي بنت خالي قبل الزواج كانت بتموت من الضعف حييييييييل ضعيفه.. و بعد الزواج و الحمل زادت تقريبا 30 كيلو..و صار جسمها أحلى :)

فلا تزعلين على الزوائد هههه (f)



هلا والله بنت البحرين..

اي معاج حق بتبع نصيحتج والله و ببتدي اشتري من الحين..

لأني احس و انا الحين في بداية الخامس قمت اتعب بسرعه و ظهري متكسر عيل شلون بعديييييييين !! :sad: الله كريم..

انا اسمع ان عندكم بيبي شوب بالبحرين..

و حتى اسمع بنات الامارات عندهم و بنات قطر و السعودية..

بس احنا بالكويت ما عندنا بيبي شوب!!

ما ادري هل اهو مثل مذركير ولا أحلى؟؟

و تبين الصج لو اني مكانج جان مارحت السعودية احس تعب بالسيارة 3 ساعات..

اشتري الموجود و بس..

اللي اعرفه ماشاء الله عندكم اسواق حلوه بس ناسيه اساميها..يعني رحتي و مالقيتي فيها؟؟


عاد تدرين قبل جم يوم رحت مذركير طبعا ماكان في تنزيلات..

و اليوم داقين علي يقولون عندنا تنزيلات 25% هههههه

قلت الحمدلله اني ماشريت شي.. لأن كله يصير فيني هالموقف..

تلقيني اشتري من محل اي شي مثلا سعره 50 دينار.. من باجر مسوين خصم 50%

اروحلهم و القى اللي شاريته نص القيمه 25 دينار :angry:

مو مره ولا مرتين ولا ثلاث.. وايد تصير فيني ههههههههههه محظوظه





هلا نواري شخبارج؟؟ :)

عيل مالج الا انج تشترين الاشياء الرئيسية اذا كان اول بيبي..

مثلا انا اهم شي بشتري للبيبي كبت صغير و سرير و البانيو و الملابس الداخلية اللي لونها محايد..

لأني اخاف اشتري و تقولي ولد ..

مثل حالتج .. بس الفرق بينبي و بينج اني انا الحين باول الخامي يعني فعلا ممكن يكون مو اكيد بنسبة 30%

لكن بالنسبه لج على ما اظن بنص السادس المفروض يكون واضح و خصوصا ان كان ولد..

ابتدي اشتري الاشياء البسيطه و ان شاء الله بيكون عندج وقت..

و في طريقه طبعا تقدرين تتأكدين فيها 100% :)


انج اتسوين السونار الرباعي و تشوفين ملامح البيبي بعد قبل لا ينولد..


اتصدقين ودي اسويه لكن وايد غالي عندنا اهني (w)

بس احس ما ادري مع هذا ودي اسويه..




هلا البندري.. ترى جمانه مسافره..

فقدناهم اهي مع ام حسون.. يله ان شاء الله يردون بالسلامه و احطولنا صور سفرتهم :shy:

هلا بنت البحرين..

انا خذيت كريم من الصيدليه اوصفته لي الدكتوره اسمه افالون..

حطيته مره وحده و ما رديت حطيته..

مو عشان شي.. بس احس مالي خلق :( :(

بس الحمدلله ماصار فيني تشققات عالبطن بس بالظهر.. و حتى لو ما اطول احط على ظهري من تحت صوب الحوض فساكته..

اما بالنسبه للحلمه قالتلي استخدمي كريم ثاني لها بس ما شريته..

اظن لازم اشتريه قريب عشان ما تتشقق..

اما بالنسبه لسؤالج.. اعتقد الصدر يرجع صغير اكيد مو معقوله يظل بهالحجم لان حجمه مو طبيعي..

وحده من صديقاتي تقول انا اللي اعرفه الناس يحملون في بطنهم مو في صدرهم هههههههههههههههههههه والله ضحتني لأن بطني كان صغير توه بالثالث و صدري كان واضح ان صار اكبر..

الله كريم :)


كله يهون عشان البيبي..




هلا الموناليزا شخبارج حياتي :)

هههههههه ضحمتيني على المصاصات.. اي والله شكله اكثر شي قاعده تفكرين فيه شلون تتخلصين من الازعاج ههههه

جان شريتيلج الاسفنجه اللي يحطونها على الاذون مالت الطياره..

انا هذا اول شي بشتريه هههههههه

هلا والله بام فروحه


سعدت بردج علي

واتمنى ان تجمعنى مواضيع وايد خصوصا انا من ديره وحده ولا هانوا باقي العرايس


:salam:

هلا فيكم وصبحكم الله بالخيرررر...

هلا ام فروحة اول مرة ادري ان عندبا بالبحرين بيبي شوب..ماقط سمعت..هو عندنا بالا سواق اكيد بس انا للحين مادرت الاسواق مافي شدة من الحين بس تعرفين الاسواق مو مثل الكوالتي مال مذركير..بالذات حق نيو بورن تخافين تلبسين البيبي اي شي لانه جسمه حساس بعدين عقب جم شهر ماعليه..انا سمعت انه نكست مسوي تخفيضات وصديقتي قالت لي انه عنده حق نيو بورن بروح اجوف شعنده...

الحين بالكويت شهر 8 كل المحلات تخفيضات انا العام رحت شريت اشياء بالهبل هالسنة مابرووووووح صرت بطة ومافيني شدة..

والله انا من كثر ماجوف بالنت ثياب البيبي واغراضه ماركة ديور استخف ودي اعرف وين يبيعونهم خاطري اشتري من كل شي قطعة وحدة بسسسس..

شخباركم بنااااات,,وحشتوووني وااااايد صار لي فترة ما ادخل النت لاني ارجع من الشغل تعبانه حدي,,

المهم خبرتني الدكتورة بجنس المولود مثل ما خبرتكم وطلع(ووووولد),,شقووورة وانتي ما قالوا لج؟؟
زوجي استانس واااااااايد كان خاطري في بنت بس الحمد لله على كل حااال والولد بعد حلوووو..
حركة البيبي وااااااااايد حلووووة تجنن,,بس تعالوا لالم الظهر والبطن يذبح لا والحين احس كل الم في مفاصلي مادري شنو هذا بعد؟؟

وبالنسبة لاغراض البيبي رحنا نطالع بس ما شرينا شي لحد الحين,,

بنت البحرين انا بعد اقوول شلون بيصير حجم الصدر عقب الرضاعة وخااايفة حدي من اللي يسمونه الترهل,,انا صدري صغير والحين صار حجمه اكبر وخاطري يبقى مثل الحين بس مايدري بيبقى والا لا؟؟
ام فرووحة شخبارج وكل البنات شخباااااااااركم؟؟

تحياتي للجميع,,

هاااي بنات شخباركم
اليوم رحت سويت تحليل سكر اففففففففففففففففففففف
الله لايراويكم خلصودمي كل ساعه دم لا ولا العصير الي يشربونج يعوووووع شربته من هني ورجعته من هني
مابقدراطول لاني تعبانه حدي هلكت اليوم وللحين جسمي يتنافض مادري ليش من خذو مني دم
ياالله باي وتحملو في روحكم

اقولكم
ممكن يعني وحده تتكرم و تجمع لنا اسامي الأمهات المشاركات

لاني انا عضوه يديده
وودي اعرف اسامي العضوات الي حامل معاي بنفس الشهر

^_^


و سؤال للجميع

متى انتوا بتبدون تشتروون تجهيزات البيبي
؟؟؟ انا ما اعرف متى ابدا لاني في شهر 9 بيني دوام و ما اعرف بعدين بقدر احوط في المولات ولا لأ
انا من الحين حاسه بثقل ما اروم امشي جني عيوووز

و ياريت حد يفيدني ( شو يحتاج البيبي )
لان هذا اول بيبي لي و انا بعيده عن اهلي و استحي اسأل عمتي

^_^

هلا والله في بنت الكويت حياج الله يالبندري :)

هلا والله بنت البحرين..

منصجج تشترين ديور حق البيبي؟؟ شهر و بعدها تكبر عليه..

والله انا ودي بعد اشتري لها ممكن حق العيد لكن حق الايام العاديه وايد بيكون غالي :(

ماشاء الله يكفي باجي الاغراض بتستنزف الميزانيه!! (n)

بس هم تستاهل :)

تصدقين اعرف وحده ما تلبس الا ماركات و ماتلبس بنتها بعد الا ماركات... بس احس الزوج كل يوم يبجي مسكين..

يعني انا اقول خير الامور الوسط..


عيل اذا مو سامعه ان عندكم بيبي شوب فيمكن انا متلخبطه بين البحرين و قطر بس الاكيد ان موجود بالامارات..

بس احنا بالكويت ماعندنا..احس من سوالفهم ان وايد حلو..و اسعاره معقوله..


اي صاجه شهر 8 يسوون تنزيلات اغلب المحلات..

عاد اهني نكست و مذركير و بي اتش اس شلون طريقتهم؟؟

اول شي 25%

بعدين اسبوع او اسبوعين يصير الخصم

50%

بعد اسبوعين تقريبا او اقل

75%

انتوا نفس الشي يسوون ؟؟؟؟؟؟





صمت الامل مبروووك عليج الوليد :) والله كلهم حلوين اهم شي الصحة و العافية..

بس شنو اللي يفرق ان البنوته تخسرج خساير لان اغراضها و ملابسها احلى.. اما الولد بيخليج توفرين شوي هههه :)

انا عيل كان ودي البجر ولد عكسج.. الحين بسوي الميزانيه دبل عشان البنوته !! (w)




هلا شقورة.. اي انا نفسج احس خلصوا دمي هههه..

و بعدين عطوني ماي و شكر وووع استغفر الله على الريج تشربينه طبعا..

بس ليش توج تسوين التحليل انتي الحين اي شهر؟؟

انا سويته بداية الرابع تقريبا..



هلا ليدي عسل.. في الصفحات اللي فاتت بتلاقين كل الاسماء..

بس انا انطر صاحبة الموضوع تسوي اللي اوعدتني فيه سافرت و ما سوته ( مسموحه جمانه ) ههههه اهم شي تستانسين بالسفره بعدين لاحقه علينا..

بس اول ما تيين عندج هووم وورك صعب..عقاب لانج غبتي عنا فترة و اهو كل وحده و شنو البيبي اللي في بطنها..

و اذا صعب فيه واجب بديل.. انج تحطين لنا صور الرحله و تسولفين لنا بالتفصيل عنها.. بانتظارج حبيبتي (f)

هاي بنات ومرحبالكل الامهات الي انظمو ويانه
[line]

هلا ام فروحه انه على نهاية الخامس بس مادري ليش توهم مسوين لي هل تحليل الكل مستغرب ليش تاخرو

اي فعلا شقوره مسوينه متأخر!!

بس الحمدلله انج سويتيه في حوامل ما يسوون شي بالمره ولا يهتمون بهالامور مع انها ضرورية

شحالكم ياحوامل بغيت اسالكم الي فصلت ولا اشترت ملابس الها لبعد الولاده ياريت تراوينا الصور

السلام عليكم

برايد هلا فيج.. و ان شاء الله اللي شرت تصور لنا..نفس جمانه كانت مستانسه بهدومها و صورت لنا اياهم و وايد كانوا حلوين :)



نونا و عليكم السلام حبيبتي شلونج؟