رابطة امهات ديسمبر... حيااااااااااااااااكن هوووون !!

السلام عليكم

عجبتني سوالفكم وحبيت اشارك معكم

بس ابي ترحيب قوي ههههههه

موعد ولادتي ان شاء الله 13 _12

الله يسهل علينا جميع

هلا باختي ام نوره

معانا في الرابطه

والله يهون عليج وعلينا

[line]

مبروك اختي قيوانيه على البنوته

وتتربى في عزكم

مرحبا شخباركم شو مسوين ويا الحمل اكيد تعب مثلي احس اني تعبانه مع اني في بدايه الخامس باقلي اسبوعين وبخلص ياريت الي تراجع في مستشفى دبي تقولي ابغي اعرف كيف معاملتهم واسلوبهم موعد ولادتي 18/12 الله يسهل عليكم جميعا

هلا بام نوره حياج الله :) هذا اول حمل لج؟؟

ليتك معي شلونج يا الغاليه و شلون النونو معاجعرفتي جنسه ؟؟

جهزتي شي ولا بعد؟؟ :)



هلا فيج حبيبتي و ان شاء الله بنات دبي بيفيدونج..:)




و الله يسهل علينا كلنا يا رب

هلا حبيبتي ام فرووحه

والله انا اليوم تعبانه من الم بطني يمكن لانه ثقل شوي

وان شاء الله بكره بروح العياده وبتطمن عليه وبعرف جنسه


واذا عن التشري ماشريت شي كل ما اقول ببتدي اتعب

والله يسر

ما تشوفين شر حبيبتي..

اي والله انا مثلج بعد..بس الالم صاير بالظهر.. احس ظهري وايد متعبني كل ما امشي شوي اتعب ..

الحمدلله على كل حال ..

عاد اول ما تطمنين على البيبي طمنينا..:)

و ان شاء الله يكون بصحه و عافيه يا رب ..

سلام عبيكم بنات شخباركم وحشتوني الحين 3 اايام مادشيت المنتدى..

شخباركم مع النونو متعبكم؟؟
الافت ام فررروحة الف الف مبروك انا بعد طرت من الوناسة لما عرفت ان فيني بنت.
الاخت شقورة انصحج لاتسبحين بالبركة ..انا بعد اهلي بيروحون وبروح معاهم بس مستحيل اسبح حاسبي على اللي في بطنج..اعرف وحدة تسبحت وبعدين ندمت..بعيد الشر عنا..

بنات انا من دشيت السادس واحس روحي ثقيلة ومااقجر انا كلش ودايما حرانه..موعدي سبوع الياي انشالله بنطر الدكتورة تأكد لي انه بنت فيني دايما يجيني احساس وقول لزوجي احس بروحج الموعد وبتقول الدكتورة لا فيج ولد..اللي يجي من الله حياه بس خاطري ببنت وعشموني فيها..وبعدها انشالله ببدأ اشتري الاغراض واجهز.. انا شريت شوية ملابس داخلية قطنية للنون بس خدتها محايدة مع اني اعرف ان فيني بنت وانشالله اذا تأكدت بكمل..

هلا بنات اشلونكم ....


آنه أمس رحت حق الدكتورة فوزية كمال وقالتلي ولد
(ماراوتني العضو بس قالتلي هاي العضو الجنسي و هاي الخصيتين)
وفي جم وحدة رايحين لها وكله اتقول لهم ولد ويابوا بنات ...

اشرايكم اذا دخلت الشهر السابع آسوي تلفزيون مرة ثانية عند دكتورة ثانية للتأكيد؟


شخباركم مع حركة البيبي؟

بنات انا الحين (اظن اني في بداية الخامس) موعد ولادتي هو 27 ديسمبر 06 بس للحين ما حسيت بحركة النونو..... وخايفة من هذا الشي.....

ارجوكم طمنوني....هذا شي طبيعي ولا لا؟؟؟

حبيبتي لوفر انا احس بالحركة من يوم كنت بالرابع وانا الحين باسادس وعلى طول احس ويوم اللي ماحس اخاف واحن على زوجي نروح المستشفى لين ترد الحركة مرة ثانية..يمكن انج ماتعرفين تميزين الحركة اذا انتي بجر..انا بعد بعدين حسيت انها حركة البيبي لان قبل مايصيدني هالشي...على العموم لازم تراجعين الدكتورة عشان تتطمنين

هلا بنت البحرين شلونج .. عسى ماشر 3 ايام مادخلتي.. قلت يمكن مسافره بعد و ماسلمت عليه :)

عسى مو تعبانه ولا شي؟؟

و الله يبارك فيج حبيبتي :) و مبرووووووك عليج البنوته ..يله عشان يصيرون بناتنا صديقات باجر بالنت هههههه انقعدهم بحضنا و يتكلمون..:)

يعني بالسادس تعب ما تقدرين تمشين؟؟

اتصدقين انا الحين بنهاية الرابع و احس روحي تعبانه حيل ما اقدر امشي ساعه على بعض بالسوق!!!

يعني تنصحيني اشتري الاغراض مبجر ولا بشنو تنصحين؟؟



هلا نواري شلونج؟؟و مبروك عليك الولييييد :)

انا اللي اعرفه ان الولد يكون اوضح من البنت خصوصا انج يمكن تكونين بالسادس يعني لازم يكون واضح..!!

الا اذا الدكتوره مو شاطره وايد..فرايي تتاكدين بعد افضل..


هلا لوفر..

انا تقريا قريبه من ولادج انا يوم 30..و لحد الحين مرتين بس حسيت بالحركه..ترى حيييييل خفيفه..

اقولج على طريقه و سويها و اذا ما حسيتي بالحركه روحي تاكدي مثل ما قالتلج بنت البحرين..

قعدي بمكان هادي حييل..و انسدحي او استرخي..و حطي ايدج الثنتين على كل بطنج..و الموضوع يبيله صبر..

بتحسين ابمثل نقزه بالبطن..

كأنه احد حاط صبعه عليج و يضغط شويشوي..

هذا اللي حسيت فيه..:) و ان شاء الله بتحسين فيه..ولا تستعيلين عليه..

الحمدلله رب العالمين صج شعور الامومه وايد حلو :)

ربي يرزق كل من تتمنى طفل يا رب..

هههههه ليش انا اتكلم وايد و انتوا شويه !!

>> قرقه هههههه

يا اما انا اتكلم شويه ولا انتوا تتكلمون وايد اختاروا :gum:

مرحبا أم فروحه
و مرحبا بكل الموجودين
أتمنى اني القى ترحيب من بينكم

انا موعد ولادتي 10/12 ان شاء الله

و الصراحه حبيت الرابطه و قلت ودي اكون معاكم و اشاركم السوالف

هلا والله بليدي الاماراات :)

حياج الله يا الغالية و بتنورينا ..

الله يسهل عليج و علينا يا رب..

اكيد شفتي جنس البيبي يله قوليلنا :)

يا هلا وغلا بكل الحلوات اللي موجودات بالرابطة...

ومرحبا مليوووون بكل اللي انضموا لنا..

أم فروووحه
الغاليه الله يسعدج يارب
الغاليه انا توني في الشهر الخامس
الصراحه انا و ريلي متفقين مانعرف جنس البيبي لان هذا اول بيبي لنا و نحن نحس ان في شعور غريب يوم انا بولد إن شاء الله بالسلامه يخليني على اعصابي و احس ان زوجي بعد بيستانس يوم بيكون على اعصابه ويتريا أمه اتبشره بالمولود اليديد
( و الصراحه نحنا مانبغي نفوت هاي اللحظه الحلوه و نخربها )
علشان جذه قبل لاتكشف علي الدكتوره اقولها لها لو سمحتي لا اتقولين لي شو جنس البيبي

و الحمد لله نحن متوكلين على ربنا و إلي ايي من الله حياه الله
و راضين بالذريه الصالحه


^_^

مرحبا بج يا القيوانيه

مرحبا براعية البلاد

^_^

هلا والله بالجميع

انا سار لي فترة مادخلت النت الا كم مره فوحشتوني وايد بصراحه ... وخبركم الحمل شوي يخلي المزاج احيانا متعكر الله يتمم علينا بالصحه

بالنسبه لي انا موعد ولادتي 19 / 12 وانا اللحين المفروض اكون في الشهر الخامس والدكتور قال لا تستانسين وايد ترى انت تعتبرين في الشهر الرابع مادري ليش مع انا اللحين في الاسبوع 19 ولا شرايكم انتو والحمد لله طمني على البيبي وبشرني بولد واستانست وايد الحمدلله ...

الله يتمم علينا بالصحه والعافيه والسلامه التامه . وبديت اللحين افكر اشتري غراض البيبي لان خلاص عرفت الجنس شنو ..

تحياتي لكل الحوامل اللي معاي

اختكم في الله / الموناليزا

هلا لييدي الامارات.. فكره حلوه ان تكون مفاجأه :)

ربي يسعدكم ان شاء الله و تفرحون فيه سواء بنت او ولد كلهم نعمة الحمدلله و يمكن توووم هههه :)



اهلا الموناليزا.. فقدناج حبيبتي :)



الف مبروك عليج الوليييد و كل ما تجهزين شي قوليلنا شنو شريتي عشان انقلدج هههههه :)

أم فرووحه

صبحج الله بالخير

لا الغاليه مب توأم لاني انا شفت ان في بيبي واحد ههههههههههههههههه ما ادري اذا الثاني منخش وراه ( الله يعلم)

بس ما اعتقد لان كرشتي للحين ماظهرت ( يعني فيها انتفاخ بسسسسيط)

بس وزني الي زاد عن حده !!!

كنت 53 و الحين صار 60 ما اعرف انا في التاسع كم بيكون وزني !!!!!