رابطة امهات ديسمبر... حيااااااااااااااااكن هوووون !!

هلا جمانه..

إي والله أمس راسي مصصصصصصصصدع ما ادري اشفيني قلت انام يمكن يروح ماكو فايده قعدت من النوم و اهو ماسك فيني :(


المشكله ما نقدر ناخذ بندول ولا شي ما ادري شنو علاجه..

مزعججج


و بعد في شي ثاني قاعده احاتييه..

خايفه من كثر ما اسمع عن الامساك ان يسوي بواسير خايفه يصير فيني..

هل في وحده صار معاها بواسير في الاشهر الأولى؟؟

و شنو علاجه؟؟

الي اعرفه يام فرووحه ان علاج البواسير الجراحة.. في الاحوال العادية

بس الحوامل مادري صراحة..

بحملي الاولي كنت اشرب غرشة ماي صحة من الكبار ( لتر ونصف ) يومياً .. والحمدلله تفاديت الامساك..

هالمرة وايد متخايبة.. يقولون حق الحامل اقل شيء 8 قلاصات ماي يومياً.. والمتوسط من 12 الى 8 ..

والصداع ذبحني انا بعد.. ما افتكيت منه الا من فترة وجيزة بسس..

[line]

الله يسلمج اختي بنت البحرين.. صحيح حبوب الحديد تسبب امساك.. اذا استمر معاج.. طلبي من الصيدلي نوع من الحديد بتركيبة خاصة ما يسبب الامساك.. شفته مرة في صيدلية ناصر.. وان شاء الله حاطته في بالي اذا رجع علي الامساك الله لا يقوله .. بروح اشتريه ضروري..

انا اذا شربت قلاص ماي واحد في اليوم نعمه !!!

ما ادري اشفيني ما احب اشربه وايد..


الله يستر

مسااااااء الخير ...............

شخباركم؟؟

ماتشوفين شر اختي ام فرووحه .....

اخذي لج شور بارد بس على راسج.....ونص كوب عصير برتقال او ليمون مع 3 ملاعق سكر

لان غذاء المخ هو السكر.... وهذه الطريقه احسن من البندول

واستحملي حبيبتي الطعم....

وادعي لي:shy:

هلا ليتك معي..

الشر ما اييج بعد عمري..

اتصدقين انا لازم كل يوم عصير برتقال..شكلي متنسيه عليه هالشهر اهو مع البيت الملك ههههههه

بس من ناحية الشكر..ممنووع من قبل زوجي..حتى مع الحليب شوي و يعد حبات الشكر اللي احطها هههههه عينه على القفشه..

يقولي ما تخافين يصير فيج سكر حمل ..

فعلا خايفه :(


الله يستر

بنات محد هني اليوم؟؟؟



احد يعرف متى بالضبط يعطون الحامل شراب الجلوكوز او قلاص الشكر على قولتنا عشان تحليل السكري؟

الخامس؟
السابع؟

متى؟

خواتي مرحبا بكم...

بس عندي سؤال وارجو اني اقدر اطرحه.....

ماذا عن الحامل والجماع؟؟؟؟
كم مرة تستطيع الحامل ممارسة الجماع الزوجي؟؟؟

ارجو الإفادة...

توقعت ماما حسون ردت برد.. لأني اتصلت فيها المغرب ودشت تمت تقرأ .. بش شكلها تعبت من القراءة وما كتبت شيء..

ههههههههههههههههههههههههه

شدراج جمانة :dd:

مرحبا حواااااااااااامل .. شخباركم انتوا وبيبياتكم ؟؟؟ وحشتووووووووووني :shy:

باركوا لي كملت امتحانات ونجحت وارتفع معدلي بعد :clap:

انا كملت امتحانات من يوم الاثنين بس ما دخلت لان كان عندنا مشكلة في النت وما فتح الا يوم يوم الاربعا المغرب .. دخلت الرابطة لقيتها ما شا الله عمرانة :ok: وانشغلت وقعدت اقرا الردود وتعبت وكانت وراي طلعة وما صار عندي مجال للرد ، والخميس والجمعة صرت كل برا البيت تقريبا عند الاهل خصوصا اني انشغلت عنهم ايام الامتحانات .. واما الليل فزوجي مانعني من القعدة ع النت لانه ما يحب يروح ينام وانا مو وياه الا اذا كنت مشغولة بالدراسة او شي مهم .. لكن نت او تلفزيون فهو ما يرضى :sad:

بالنسبة لاخباري فأنا في تاريخ 12 \ 6 كان عندي اول موعد والحمد لله كان كل شي اوكى ، دمي كان ناقص شوي "10" وعطتني حبوب الحديد اشرب منها حبتين في اليوم مع اني خبرتها اني اشرب فيتامينات PREGNANCARE لكن الدكتورة قالت اشرب الحديد معاه احسن ..
سمعت دقات قلب البيبي اللي كانت واضحة حتى الدكتورة قالت لي ما شا الله دقات قلب البيبي وايد واضحه :shy:
قلت للدكتورة اني بسافر ان شا الله تاريخ 15 \ 7 قالت لي حاليا ما في مشكلة واهم شي ما اقعد لفترات طويلة واحاول اتمشى كل شوي في الطائرة وعطتني موعد بتاريخ 2 \ 7 حق فحص والتراساوند وان شا الله كل شي يطلع اوكى بعد .. انا قاعدة احاول اتحمل بروحي اكثر واشرب الحديد بانتظام عشان اقدر اسافر بدون مشاكل .
على فكرة البيبي بدا يتحرك من فترة وبطني بدا يكبر اكثر بس للحين يعتبر صغير.." صاير كأنه كرشة عادية " ، للحين ما يبين الا اذا لبست اشياء ضيقة اما الثياب الواسعة او العباية فما يبين بالمرة .. الكل يسأل عن بطني يقولي ما شا الله الحمل الثاني والشهر الرابع وللحين ما برز بطنج ؟؟ ههههههههههههههههههه مريحة حضرتي لا كرشة ولا هم يحزنون :shy:

في مشكلة قاعدة اعاني منها من اسبوعين وهي اسناني .. احس بألم في الجانب الايمن من وجهي وراسي وبالذات في الليل يزيد الالم حتى ما اقدر انام .. والكريه انه ابتدا ايام امتحانات وتعبني وايد .. وبعد الامحانات كل ما اقول بروح المستشفى ما يصير عندي مجال خصوصا ان زوجي دوامه من 8 الصبح الى 5 المغرب والسيارة تكون عنده وانا ما عندي سيارة .. والبارحة كنت رايحة عرس وزاد الالم هناك ورديت البيت وشلت الميك اب ودايركت ع المستشفى .. الدكتور لما فحص قال ان عندي التهاب في العصب ويبي له علاج عصب .. انا قلت له اقلع الضرس لان ما ابي اطول في العلاج ابي شي يريحني بسرعة .. الدكتور قال ما في مشكلة بيقلعه .. وتأكد اني عديت الشهر الثالث لان بعدها عادي لو استعمل لي البنج " المخدر " لكن زوجي ما رضا اقلعه وطلب من الدكتور يكتب لي على مسكنات وكتب لي الدكتور على بنادول وعلى مضاد حيوي " ما ادري ليش " .. البارحة قبل ما انام شربت البنادول والحمد لله راح الالم وقدرت انام بس المضاد للحين ما استخدمته .

بنات انا في حملي الاولي بحسون ما تشقق بطني الحمد لله .. لكن هالمرة من بداية الحمل وقبل ما اعرف اني حامل " يعني من الشهر الاول " طلع لي خطين على بطني وللحين ما تغيروا هالخطين ولا طلع لي غيرهم .. هل تنصحوني ان استخدم زيوت لبطني ؟؟ ولا انطر لما يطلع غيرهم ؟؟ وشنو افضل زيت لهالشي ؟؟



هي كل اخباري للحين .. واحب اشكر كل البنات اللي سألوا عني في فترة غيابي


(f)

مسااااااااااااااء الخير......


وينكم اليوم؟؟؟

بكرة عندي مقابلة حق شغل.. ادعولي بالتوفيق بنات...

بروح انام الليلة من وقت.. مو عدلة اروح لهم وعيوني محمرة من قلة النوم
...


تصبحون على خير

هلا بنات شخباركم؟؟ شخبار النونو وياكم؟؟ بنات عندي موعد يوم السبت الجاي تاريخ 1/7 وبكون بإذن الله في الاسبوع 17 واربع ايام تقريبا..ياريت اقدر اعرف جنس الجنون بموت وانا انطر؟؟


بناتعندي لكم خبر ترى الامساك قل وراح بيوم واحد تدرون شنو الحل؟؟؟؟؟

انا الله يسلمكم من حملت وانا كل حار ومالح وحامض وصايرة اتوحم وعلى طول خاطري في صبار..عاد تدرون اي واحد؟؟ اللي يبيعونه الجمعية بو 100 فلس اللي في كيس صغير اعتقد اسمه ( تمر هندي ) ساعات يخلونه بالطباخ او الصالونة..عرفتونه..امشي وهو معاي بالشنطة مع انه الكل نصحني انه مب زين وزوجي منعني بس قمت اكل بالخش..هذا الصبار يمشي البطن ويروح الامساك بيوم..ها شرايكم

ههههههههههههههههههه بنت البحرين انا في حملي الاولي وهالحمل اتوحم على الحامض والمالح والصبار اللي تقولين عنه عندي منه في البيت كل شوي اطلعه واكل منه .. عجييييييييييييب :yes:

بنات صار لي اسبوع احس ان الوحام رد رجع والذات وقت العشا .. صايرة ما اشتهي اتعشى ابداااا بس الغدا عادي ، المشكلة ان زوجي يشتغل للمغرب والوجبة الوحيدة اللي ياكلها معاي هي العشا وانا الحين ما احب اتعشى .. من يصير وقت العشا احس روحي لايعة جبدي وما اشتهي حتى اشم ريحة الاكل .. وهالشي مضايق زوجي حتى انه يقول ان انا ما اشتهي اكل معاه بدليل اني اتغدى .. ما ادري شسوي :sad: من 3 ايام تقريبا وزنت نفسي وطلعت اني نقصت نص كيلو عن وزني في تاريخ 12 \ 6 يوم الموعد .. وموعدي الجاي تاريخ 2 \ 7 وخايفة يتم وزني ينزل ويسبب لي مشكلة للسفر :confused:


انا لفت انتباهي كلامكم عن نومة الحامل وانها المفروض ما تنام على ظهرها ولا بطنها وانا المفروض ما تنقلب دايركت وهالسوالف .. انا بصراحة اول مرة اسمع هالكلام وبحملي الاولي كنت انام على رااااااااااااحتي ما عدا النوم على البطن والحمد لله ما اشوف ولدي صاده شي :shy: واول ما قريت كلامكم ابتديت اخاف شوي وطبقته اول ليلة بس ما قدرت بعد نص ساعة رديت رجعت انام على راحتي ولا همني شي قلت كاني في حملي بحسون ما صار شي والحافظ الله في الاخير :up:

بالنسبة عن الجماع والحمل اعتقد اذا كان كل شي طبيعي في الحمل فعادي ممارسة الجماع اي وقت .. يعني عادي

جمانة الله يوفقج ان شا الله في المقابلة وتتوظفين ويكون وجه البيبي خير عليج مثل ما كان خير علي ونجحت وارتفع معدلي في الجامعة :bigsmile:


ام فروحة ما تبان زين .. منشغلة برابطتها الجديدة وتركتنا :shy:

مللللللللللل .. انطر بكرا يجي بسرعة لان اخت زوجي كانت مقيمة في الخارج بسبب دراسة زوجها وصار لها سنتين ما نزلت البحرين ولا شفناها .. بكرا بتوصل المغرب وبتقعد شهرين ونص تقريبا والعايلة كلها فرحانة على هالشي .. وحشتناااا موووووووووووووووووووووت ، حتى ولدي ما شافته من يوم كان عمره 4 اشهر ودوم تسأل عنه .. احسه بكرا ما بيعرفها ولا بيعرف عيالها .


يالله نشوفكم على خير .. تحملوا بروحكم :cool2:

بنات صج نومة الظهر مب زينة ؟؟؟؟؟؟؟؟ ومن اي شهر

أهلااااااا ماما حسووووووون شلونج..حمدلله على السلامة..و ألف ألف مبروووووووك ارتفاع المعدل :clap:

وحشتنا سوالفج..

بس الحمدلله رجعتيلنا بأخبار حلوة..الحين ما قلتيلنا متى التخرج ان شاء الله؟؟ عشان بنسويلج حفله بالرابطه هههه:shy:


جمانه ربي يوفقج ان شاء الله بالمقابله..قوليلنا شنو صار وياج؟؟

و ان شاء الله يكون ويه البيبي خير عليج مثل ما قالت ماما حسون..

تدرين احنا عندنا بالكويت قوانين غريبه ما ادري اذا عندكم نفسنا او لا..

بس بالوظايف الحكومية اي وحده حامل ما يقبلونها :qaq:

يمكن لان يحطون في بالهم انها تكون تعبانه و كل شوي غياب و بالاخير اجازة وضع و ممكن امومه..

و قبل الوظيفه لازم تسوين فحوصات فماتقدر الحامل تسوي اشعه..

فعلى هالاساس ما تتوظف..

لكن اتوقع بالقطاع الخاص عادي مافي عندهم مانع..

المهم بشرينا بانتظار تسولفيلنا شنو سويتي :gum:

أنا هالايام ارجعتلي اللوعه مع اني في الاسبوع ال 12 توقعت خلاص بتروح ..

و صايره ما اشتهي الأكل لكن مدمنه على بعض الأشياء مثل عصير البرتقال لازم اول ما اقعد من النوم اشربه..

و أحب آكل شيبس لكن أحس بتأنيب الضمير لم آكله اني قاعده اوكل الجنين شي مو مفييد له :sad:


أما الصبار اللي تقولون عنه ولا مره جربته !! أحس حامضضضضض


اي والله انا مثلج ام حسون احس بملل :sad:


يا ربىىىىىىى متو نوووووووووولد ان شاء الله..احس بعدها بيروح الملل ولا اشرايكم؟

رحت اليوم المقابلة.. تبع المشروع الوطني للتوظيف وخبروني انه فيه وظائف حكومية في وزارتين وانهم بيقدمون اوراقي فيها.. ان شاء الله خير..

واتصلوا فيني بعد الظهر مجلس النواب عشان امتحان يوم الثلاثاء ان شاء الله..

يارب اتوفق في وحدة من هالشغلات..

بيني وبينج ام فروووحه انا بعد مخوفني هالشيء وايد.. اخاف يشوفوني حامل ويهونون عني...


لكن تدرين؟ كل واحد ما ياخذ الا رزقه.. واذا رب العالمين كاتب لي اشتغل فيهم بشتغل ان شاء الله...


مليت من قعدت البيت.. :(

الله يوفقج جمانه..

انا قاعده آخذ إجازه من الدوام لأن تعب حمل و دوام بالذات في بداية شهور الحمل..

مع هذا انا بعد مثلج احس بملل و ودي اكسر الروتين..

و كل ما اقول حق زوجي ودي نسوي شي يكسر الروتين..يقولي كلها جم شهر ان شاء الله بعد الولاده بينكسر الروتين..

اللي مجربين صج بعد ما اييج ياهل مايصير بحياتج روتين؟؟

شخباركم بناااااااااااااااااااات؟؟؟؟

تدرون حتى انا احس بلوعه معقوله ترد النساه مره ثانيه!!!!!!!!!!!!!!



باركووووووووووووووووولي....


اخيراً


:clap: تخرجت من الجامعه :clap:

الف مبروك التخرج ليتك معي .. وعقبالي ان شا الله :shy:

اليوم احنا مشغولين هني برجعة اخت زوجي من السفر .. يعني ما ارح اشوفكم اليوم وايد


تحملوا بروحكم وبيبياتكم (f)

الف مبرووووووووووووووووووووووووك ليتك معي :clap: :clap: :clap: :clap: :clap: :clap: :clap:


و أخيرا ها :shy:


اذكر لم تخرجت كان شعووووووووور عجييييييييييييييييييب..

بس وايد راح تولهين على ايام الدراسه على فكرة بالذات لم تشتغلين..

و قولي ام فروحه ما قالت (a)



ماما حسوون الحمدلله على سلامتها سلميلنا عليها هههه :shy:




يله اللي مجربين ما رديتوا على سؤالي اللي فوق :qaq: ...بانتظار ردودكم :gum: