رابطة امهات ديسمبر... حيااااااااااااااااكن هوووون !!

اختي ام فرووحه بعد 12 اسبوع تنخفض خطوره الاسقاط

وبعد 23 اسبوع نجاح ابقائه حياً

شكرا ليتك معي على الرد السريع..أحس جنه قاعدين بالماسنجر ههههههه

بس أنا وياج ما ادري وين البنات اللي بالصفحات الأولى!!

تتوقعين غيروا الرابطه ههه

والله مادري عنهم؟؟

يمكن مسافرين

خبرج اجازات :dd: والكل مسافر

هلا بنات شخباركم..
ام فروووحة قرت عينج بشوفة ولدج الله يتمم لنا على خير..
بنات انا الحين الاسبوع 16 ما قدر ارقد يمين يألم يسار يألم على ظهري يقولون مب زين على بطني ممنوع والله قاعد اعاني احط مخدة بين فخدييني بس ما اذا ارقد على جعة احس تاثقل كله يتجمع عليها والحوض بهالمنطقة يذبحني من الالم احسه بيتفتت واذا اغير الاتجاه نفس الشي بموت من التعب...

اختي جمانة ...

انا حامل تقريباً في الشهر الثالث.... آخر دورة كانت في 22 مارس 06

ارغب في الحصول على شريط حمل

وشكراً

اختي nsync lover

هذا شريط موعد الولاده باذن الله 27 ديسمبر
" alt="" loading="lazy">


وهذا على حسب الدوره الشهريه

" alt="" loading="lazy">

هلا بنت البحرين..

مشكورة يا الغالية..و إن شاء الله تقر عينا جميعا بشوفة حبايبنا اللي في بطنا :)

اتصدقين معاناتج نفس معاناتي..أحس حوضي و المنطقة اسفل الظهر حييييييييل تعورني..

و لم الحين ما حسيت بثقل ببطني لم انام..يمكن في الاسابيع القادمة..الله يستر..

بس سؤالي شنو السبب اللي مو زين تنامين فيه على ظهرج؟؟

منو يعرف الاجابة يرد علي خواتي؟









ليتك معي شخبارج حبيبتي؟؟

اليووم لا تنسين سهرتنا ههههه

بيه كملوا السهر من ورانا... ما تنامون انتوا؟؟

شوفوا بنات..بعدكم لاحقين على عوار وقلة النوم.. في السادس بيصير جسمكم كله يعوركم...

ومالكم الا ام فرووحة تسوي اوردر لبنات الرابطة كلهم مواسد من اللي حطت صورتها في ذاك الموضوع ... اويلي ويلاه ههههههه

لا صج.. اذا تحسون بعدم راحة في النوم.. اخذوا اكبر عدد يريحكم من المواسد الصغار.. انا خذيت تبع كراسي الصالة + اللي يجون مع فراش سرير النوم.. اذا نمتي على الجنب .. حطي وحدة ورا الظهر وخليها شوي تدش تحت .. شوي بس.. واخذي الثانية وحطيها قدام بطنج.. ويستحسن تكون طويلة او موسدة نوم عادية بحيث تخلينها بالطول.. وتحضينينها ببطنج وترفعين ركبتج عليها اووووو ما عرف اشرح بس المهم خليها على طولج يعني..
وبعد مكان ما تحبين خلي لج مواسد .. شوي بيخفف الالم وبتقدرين تنامين..

بالنسبة لنوم الظهر مب زين ليش؟
لأن البطن يبتدي في هالفترة يكبر ويبرز للامام، وطبعاً هذا يرافقه تقوس في الظهر حتى لو كان ضئيل في البداية.. لكن البكرية راح تحس بألم اكثر كل ما يكبر بطنها لأنها لسه فرش..
فاذا انسدحتي على ظهرج تخيلي والظهر مقوس على فوق.. راح يسبب الالام اكثر..
بعد الاطباء ما ينصحون الحامل بهالوضعية للنوم..
واذا كلش شفت واشتاقتت لها.. تقدر تنام بس ترفع ساقينها على موسدتين فوق بعض.. يكون الظهر استوى مستقيم..
بروح اصلي وبيي اكمل ردود..

مممم

كأني البارحة لما كنا ندردش بوقت متأخر شفت اختنا alghada2 تتصفح الموضوع.. بس ما شفت لها رد للاسف.. الظاهر بس تقرأ وتمشي.. يعني احنا مش قد المقام تسولفي معانا؟ :(


اختي nsync lover
( اسمج صعب ينلفظ كتبيه بحروف عربية عشان اعرف اقراه :o )
اختي ليتك معي ما قصرت معاج ولها الف شكر، وان شاء الله القائمة الجديدة راح ينزل اسمج معانا.. بس هالله هالله بالسوالف.. نبيج تحشرينا..
وهاج هالاسئلة تحمية بسسس :D

هذا اول حمل لج؟
وهل حملتي بعد فترة وجيزة ولا صار لج مدة من تزوجتي؟
وشلون اكتشفتي انج حامل؟

والبقية عاد على البنات.. :o


اختي ام فرووحة صار معاج ناس بنفس تاريخ الولادة :)

nawaray
4/12/2005

جمانة 5/12/2006

ghada2
5/12/ 2006

bent el ba7rain
5/12/ 2006

شيخة البيت
6/12/2006

ليتك معي
6/12/2006

ماما حسون
12/12/2006

صمت الامل
12/12/2006

bride2004
18/12/2006

الموناليزا
19/12/2006

سحابة حب
27/12/2006

nsync lover
27/12/2006

أم فرووحة
30/12/2006

هلا هلا جمانه..

هههههههههه إذا تبون أسوي أوردر حاضرين....

بس ما أدري تضبط أو لا..


و خوش معلومات عطيتينا اياها جمانه على النوم عالظهر استفدت منها..شكريا..


اي جمانه احنا نسهر انا و ليتك معي..

خلاص بعد عطلة..

انتي وراج دوام؟؟


على فكرة مرات تغيبيين و نتساءل ما ندري وينج..

انتي صاحبة الموضوع لازم اول باول نلقاج و ما نفتقدج :)

أما باجي بنات الرابطه ما ادري وينهم كانوا وايد..

ما عدا جم وحده بين فترة و فترة يطلون...


يله الغايب حجته معاه :)

ما وراي دوام ولا شيء.. خلصت الجامعة ومؤجلة سالفة الشغل الى ما بعد الولادة...

ساعات اغيب اروح ركني اشرف عليه...

وساعات تحت رحمة شركة الاتصالات..

وساعات النووووووم سلطان... صايرة انام واااايد.. :o

اللة يولدكم بسلامة
ودمتم في ود مع خالص تحياتي



ღ♥ღ الـــــــيــــــنــــــبــــــوعـــــــة ღ♥ღ

هلا اختي ام فرووحه........

ان شاء الله على الوعد تالي الليل

واختي جمانه حياج معانا القعده تحلو معاج....



اختي فرووحه اذا عن بطحة الظهر مب زينه لان البيبي يختنق ومايوصله الاكسجين

واللي طلعة لها كروشه لازم تقعد من نومها اذا كانت تبي تنقلب جهة اليمين او اليسار

عشان مايلتف الحبل السري على رقبة البيبي

حطوا بالكم انا ابتديت اسوي هالشي

لان وحدة من اهلنا ماكانت اتقعد لما اتقلب وفجاه انقطع التنفس عن البيبي ومادرو شسالفه ماكان يبين لما شافوه

ولما اعملوا لها قيصريه تخيلوا...:eek2:

كان الحبل السري ملتف على رقبته 3 مرات وعلى طول العنايه

والحمدلله الحين بصحه الله يخليه فديته

وين اللي بيسهرون؟ ولا بس حجي :(

اي والله اختي ليتك معي.. هالسالفة واااايد غربال وتكركد نومة الواحد..

بنت عمي كانت بولادتها بنتها كل ما تييها الطلقة يضعف النبض وايد.. فاضطروا يسوون لها قيصيرية.. ولما فتحوا بطنها كان ملتف الحبل 4 مرات حوالين رقبتها.. الله ستر بستره..

ساعات اقول شنو يعني هالاشعة خراطة ما تكشف الحبل ملتف او لا.. يعني انتي ونصيبج.. اذا لحقوا عليج نجى البيبي واذا ما لحقوا خلاااص؟

ان اكتشفت طريقة حلوة عشان ما اقعد من النوم عشان ابدل الجهة الي راقدة عليها.. بس استحي اقولها :o


يالله ام فروحة تعالي بسرعة اهوووووو

مرحبا حوامل


خساره انا مو معاكم

بس كان ودي اكون وياكم لاني اتابعكم من اول مافتحتو الرابط

انا ولادتي انشالله بتكون في 26 / 1 / 2007

وانتظر حد يفتح لنا رابط هههههههههه

يالله بس حبيت اسلم عليكم

هلا اختي جمانه.................

والله انا عالوعد سهرانه بس اللي مواعدتني مالها اثر!!!!!!


وشنهي النومه الي تريح ؟؟؟


انقذيني فيها والله متغربله مع هالرقاد والتقلب وعدم الراحه طول الليل

حياج الله يا دموع الدوحه....

وانتي قريبه منا....


والله يهون عليج

هلا اختي دموع الدوحة..

انتي جربي تفتحين موضوع الرابطة وبتلاقين البنات يتجمعون شوي شوي معاج..

الله يهون عليكم..يا رب..

جوفي اختي ليتك معي..

انا ما قصدت طريقة النومة.. لأن طريقتي شرحتها لأم فرووحة وهي اصلا تدوخ..
قصدي طريقة الانقلاب من جهة الى جهة ثانية..
بدال ما تقعدين وتفترين بعدين ترقدين على الجنب الثاني..

بكل بساطة وانا منسدحة على ظهري ارفع موخرتي وانجلب صوب ثاني !
تخيليها.. تكونين بس مستندة على القدمين وظهرج من فوق قريب الرقة بسسس !


هااااااااا بنات شوفوا مال شغل باحد .. اذا صادكم شيء .. مو مني :o