رابطة امهات ديسمبر... حيااااااااااااااااكن هوووون !!

هلا حبيبتي جمانة انا بعد من الاسبوع التاسع سمعت الدقات..عندج وايد عيادات خاصة انا اول ما حملت بالامريكي اتابع والحين اخر موعد نقلت مستشفى البحرين التخصصي وماعليج من اللي يقول غالي انا اتابع مع الدكتورة فرح اول مرة رحت خذت 20 دينار بس مع انها فتحت لي فايل بعد..وصديقتي تقول ان الزيارة الشهرية تاخد بس 10 دينار بس طبعا الادوية او اي تحاليل على حسابج انا اسوي التحاليل بالمركز واودي لها...الامريكي كان كل زيارة فوق ال30 دينار مع انه قديم وحالته حاله

حلوووه سوالف الحوامل

ام فروحه
حياتي انا الدكتور عطاني حبوب لونها ورديه وقال هذي حديد مع فيتامينات و حبوب الكالسيوم

بنت البحرين
اكيد اللي عندج حبوب الحديد لازم لازم تبتدين تاخذينهم ..

الله يسهل علينا جميعا

بنات انا منحبطة وايد لا تزيدوني قهرررر :(

اختي بنت البحرين.. وين مكانه هالمستشفى التخصصي؟ دليني اذا ما عليج كلافة..

بروح الصيدلية بشتري الفيتامينات اللي تاخذهم ماما حسون، لو بقعد على هالمراكز العلة بيطلع ولدي معظّم .. :(

اليوم ماما حسون موعدها ، ان شاء الله تقدر تدخل وتخبرنا.. مع اني ما اعتقد ... الله يوفقها ان شاء الله في الامتحانات وترد تسولف معانا..


امس طلعت مع رفيقتي اللي من زمااااااااااان ما شفتها.. من تخرجت من الجامعة.. رحنا تغدينا في مجمع، وبعدين رحنا تسوقنا.. وانا حاطةيدي على قلبي.. اخاف تلوع جبدي واقعد ارجع.. او تصيدني دورة واطيح.. بس الحمدلله .. الله ستر وما صار شيء من اللي خايفة منه..
واستانست بالتسوق.. بس وايد حطيت في بالي اشياء وما اشتريتها.. ما اقدر البس جينز وبواطلين ضياق من فووق.. :(

خذيت لي مريلة حلوووة لونها احمر وابيض, وقميص وردي شفاف تحته بدي فووشي من MS
حلوين حق دبتي تبين كشخة هههه

الله يخفف عنكم يا حوامل هالوحم عشان تقدرون تطلعون وتفرفشون شوي..

على فكرة قعدنا نمشي حوالي 5 ساعات .. حسيت بألم في ظهري مع اني لابسة نعل طبي.. خفت رحت البيت سيده اندعست على ظهري .. وظليت باقي اليوم احاتي جان ما صار للبيبي شيء.. بس اتضح انه من زود الكسل اللي ظليت فيه طوول الوحم.. انزهق جسمي من النشاط اللي سويته امس :)

ام فرووحه، شخبار الافرازات والدم؟ للحينها تنزل ولا وقفت ان شاء الله؟

السلام عليكم ...

بالنسبة لحبوب الحديد

انا اخذ حبوب مالها ريحه وطعم وهي خفيفة عالمعده

نفس الكبسوله نصها بالون الاخضر

الاخت جمانة مستشفى البحرين التخصصي صاير بمنطقة الجفير الجديدة يم المطاعم والفنادق كأنج بتروحين معهد البحرين للدراسات المصرفية والمالية (بي اي بي اف ) وتجوفين اعلانات المستشفى....
انا انشالله اليوم بروح هناك لان متصلين فيني عندها كورس تمارين رياضية للحامل وهذا الكورس مجاني بس ما ادري خايفة اختي تقول لي يمكن خطر في هالفترة تسوين رياضة..بس انا مو عارفة شالسالفة بالضبط اتصلو فيني وانشالله بروح

جمانه, طبيات النسا في البحرين ما ينعدون من كثرنم , أختي كانت تراجع عفاف الحمر تقول وايد زينه بس تكسر الظهر, يمكن لآن اختي كانت تحتاج ابر تثبيت بعيد عنج. عندج بعد منى الشرقي,وصباح الباكستانيه, وفوزية كمال. آقول لج ما ينعدون.

صح وايد في دكتورات بالبحرين بس عفاف الحمر هذي استشارية مب للمتابعة الشهرية اذا كانت الوحدة حملها ما فيه اي مشاكل..بس لا سمح الله اذا في اي مشكلة عفاف وايد زينة

هلا بنات,,
جمانة بصراحة كلامش احبطني واااااااااااااااااايد(عن الصدر),,
وحبيت اخبرش اني اتابع في البحرين التخصصي بعد وعند الدكتورة فرح,,وااااااااااااايد زينة,, توني من يومين كنت عندها ,,حتى زوجي استانس منها وايد,,وهالمرة عندها كورس تمارين رياضية لكني ماقدر اروح لاني اشتغل ويتعارض الكورس مع دوامي,,حاولي تروحين عندها بتستانسين منها وااااااايد,,

تحياتي,,

ووووووووينكم؟؟

بنات شخباركم وينكم؟؟؟ انا عاد لاامس جفت وحدة من هلي توها والدة من 11 يوم وراوتني الخطوط اللي تطلع بالجسم مع الحمل جفت اللي برجلها وقالت ان جسمها متروس عاد انا خفت ودهنت بطني البارحة بزيت الزيتون والله يستر وزوجي ههههههه ما اشتهى يرقد ويا على السرير من الزيت

اهلا بيكم انا كمان فى اخر الشهر الثالث ودا المولود التانى لي وانا عندى ولد لذيذ اوى بس بصراحه الحمل دا مش عندى نفس حماس الحمل الاول بس زوجى مبسوط اوى بيه انا دلوقتى مبقتش احس بأعراض الدوخه اللى كانت فى الاول ولا اللوعه بس انا كما بحس بحركه فى الجانب الايسر على الرغم من شعورى بالحركه فى طفلى الاول فى نهاية الشهر الرابع على العموم دى اول مشاركه ليا فى المنتدى اوانا اسمى جيجى من مصر وبشتغل محاسبه فى شركة سياحه
تحياتى للجميع .

يا هلا فيك يا جيجي معانا بالرابطة، ويا ريت تعطينا ميعاد الولادة المتوقع عشان نضمك الى القائمة معانا..

[line]

صمت الامل
والله ما كان قصدي احبطك.. الحين انتي تقولين ان صدرك كان صغير ومستانسة انه كبر.. فقلت لج انه بعد الحمل والولادة مستحيل راح يرجع مثل اول.. اقصد صغير مرة ثانية !!! :o

[line]
مشكورة اختي اكبر قلب على المساعدة.. بس فيه شيء وهو ان فوزية كمال اخصائية اشعة مب نسائية... :)
وان شاء الله بتوكل على الله وبفتح لي ملف في التخصصي .. ان شاء الله عاد اشوفكم يوم هناك :)
[line]


ام فرووحة missing :(

والله بنات قلبي يعورني اذا غابت وحدة منكم عن الرابطة.. احس انه صادها شيء مب زين..

طمنونا اول بأول خواتي عن بعض

ماما حسون عندها امتحانات اعتقد تخلص يوم الاحد ان شاء الله..

والبقية؟؟؟


[line]

هالايامات كله ابي مالح .. وحامض.. وبارد..

شنو فيه اكل يجتمع كل هالصفات فيه؟ اممم فكرت ما حصلت غير ورق العنب.. وو الزيتون.. بس حاطة اكس على الزيتون حاليا.. عقب ما حرق لي بوزي.. :(

هلا جمااااااانة,,الحين فهمت عليييج..خلاص راح الاحباط..
توكلي على الله وروحي التخصصي وان شاء الله نلتقي يوم هناك,,
انا صايرة ما احب ورق العنب كلش مع اني قبل اموووووووت فيه,,
عالعموم تحملوا بروحكم واااااااايد,,
اقوول جمانه حسيتي بحركة الجنين والا بعدش؟؟اني احس ساعات بنبضات في بطني يعني هاذي نبضاته؟؟

تحياااااتي..

اشوى خيوتي صمت الامل فهميتني.. ولااا جان :o

ايه حسيت بحركته بس مو وايد.. مرة في اليوم او مرتين.. يمكن انتي ما تحسين للحين.. بس لأني مجربة الحمل من قبل فاعرف شلون تكون حركة البيبي...



ايه النبض اللي تحسين فيه الحين في بطنج هو نبضه :up:

اي صوب صاير عاد؟ الوسط ولا يسار ولا يمين؟

هلا حبيبتي جمانة,,
احس بالنبض في الوسط,,
ساعات احس ان كتلة في بطني,,شنو هذا؟؟

الحمدلله و أخييييييييييييييييييرااااااا وصلتتتتتت الرابطة .......

مشكوووووووووورة حبيبتي جمانه على سؤالج عني..:flower:

والله واااااااااايد فقدكم...

بس الغايب عذره معاه :sad:


تخيلوا بطارية اللاب توب إختربت و خلص شحن الجهاز :cry:

حاولت أصلحها بكل الطرق مافي فايدة :mad2:

لم شريت غيرها...



أنا عندي أمنية من زمان..بس أول ما أخترب الجهاز..صار عندي إصرار على هالأمنية أكثر ألا وهي:

إني أصيييير خبيرة في سوالف الكمبيوتر و البرامج..:think:


من خلال النت أعلم نفسي بنفسي..بدون دورات خارجية...


يالله إن شاء الله يوم من الأيام تتحقق..


------------------------------------------------------------------------------------------------------------------


والله اشتقت حق سوالفنا يا حوامل..

ضحكتيني بنت البحرين و إنتي تدهنين نفسج بزيت الزيتون..هههههه

و انتي تسولفين قاعده أتخيل لم قعدتي الصبح شنو البقع اللي لقيتيها :qaq:


انا لم الحين والله ماحطيت شي..


بس قاعده أفكر إني أحط ال أويل من بيبي جونسن..اتوقع ريحته أخف و ما يبقع..في أحد جربه؟؟



=========================================================



جمانه حلوه الأكله اللي تشمل المالح و الحامض و البارد مع بعض.....

:think:

شنو ؟

شنو هالأكله ؟

شنو؟؟

:think:



ماكو إلا أنج تخلطين لازانيا (مالح) + حلوى شويطر (حلو) و تحطينهم بالفريزر (بارد) ههههههههه أتغشمر معاج..



الله ولهانه على حلوى شويطر...كل ما انروح البحرين لازم نشتري منها حقنا و حق الأهل كلهم :shy:


--------------------------------------------------


على فكرة أنا بعد نفسكم أحس بالنبض لم أطالع بطني..أحس بنبضات قلبه بالوسط...



الله يخليهم لنا و إنشوفهم معاريس و عرايس قولوا آمين




@@@@@@@@@@@@@@@@@@@@@@@@@2


جني طولت عليكم...فيني فقر سوالف منزمان مو شايفتكم...:gum:




يله بنات فوتوكوووووووووووووو بعافية :cool2:

ماما حسوون متى اتخلصين امتحانااات؟؟؟

يله قوليلهم حامل و اتوحم .. خل يلغون لج جم امتحان


كله بالامتحان سكري خشمج يعني جنج تتوحمين يمكن تكسرين خاطرهم..


بانتظارج

على فكرة جمانه نسيت أقولج...الحمدلله الدم و الافرازات البنية وقفت...

الظاهر انها كانت من المشيمة...

و يارب ما ترجع مره ثانية..


مشكوووووووووره على السؤال :)

شخباركم...................................بنات


وينكم غايبين عن الساحه عسى ماشر