رابطة امهات ديسمبر... حيااااااااااااااااكن هوووون !!

اتصدقين ليتك معي..ما أدري اشفيهم البنات..لازم كل واحد يغيب نسويلة انذار بدون عذر..و اذا معاه عذر انشيل الانذار..ههههه

قاعدين بالثانوية..




يله بنات وينكم عسى ما شر فقدناكم!!


جمانة أين انتي؟؟

هلا ام فرووحه ...

شخبارج؟؟؟


شكلهم البنات يبيلهم انذار!!!:dd:


اتصدقين اقعد ادور التجمع القاه في الصفحه الثانيه او الثالثه .....

عذرهم معاهم والله يهون عليهم(f)

هلا فييييج ليتك معي..:shy:


إي شكله مافي إلا أنا و إنتي ما أدري وين البنات !! :qaq:


معاج حق الغايب عذره معاه ..


هالأيام أحس نفسي مفتوحة على الطلعة..ودي أطلع و خايفه بنفس الوقت..من الحركة و المشي..


شلون تقضين وقت فراغج ليتك معي؟؟

هلا فديتج.......

انتي في اي اسبوع الحين؟؟

وعن نفسي انا توني مخلصة الامتحان وصج وقتي فاضي لان زوجي مسافر:sad:

واقضي وقت فراغي عالتلفزيون او النت.....

وتدرين في خاطري اروح اخذ اغراض حق البيبي بس تو الناس...

وعنج انتي شتسوين في وقت الفراغ؟؟؟؟

انا الحين فالاسبوع 11..

لا تو الناس لا تشترين أغراض البيبي الحين..

انا من القصص اللي سمعتها قلت ماراح اشتري الا بالسابع ..


والله مثلج انا يا عالتلفزيون او النت..

ودي أغير بس مو عارفة شسوي؟؟

مرحبا بنات,,
صايرة احب الليمون واااااايد واكله بروحه مثل ما ينأكل البرتقال,,
عادي والا شنو؟؟ما يأثر على الجنين؟؟

مراحب بنات..

مشكورات فديتكم على السؤال.. :o

النت عندي عطلان، ويبيله شغلة عشان ارجعه.. لأن شركة الاتصالات عندنا مغيرة نوعية الاشتراكات ولازم الحين خط جديد وشغلة.. زوجي للاسف مشغول هالايام امتحانات الدور الثاني عندنا ( زوجي مدرس :) ) وبنسافر الشهر الجاي فما ادري اذا بنركب خط الحين ولا بننتظر لما نرد من السفر...

انا داشة الحين من بيت اهلي، وان شاء الله كل ما احصل مجال بدخل اسلم عليكم..
خواتي بعد الاسبوع ال 12 تقدرون تمشون بأمان ان شا ءالله بس لا تجهدون نفسكم..مشاوير خفيفة يعني..
واذا حسيتوا بأي الم في ظهركم او بطنكم رجعوا مباشرة البيت وانسدحوا على ظهوركم..




اختي صمت الامل عادي تاكلين الحامض.. بس عاد حاسبي للمعدة عشان ما تغربلج.. ولا تصيرين مثلي حرقت سقف حلقي من الحموضة.. :pain:

تغير موعد ولادتي صار 18/12 لان الدكتوره ماكانت حاسبه صح وصارلي كم يوم داخله الرابع بس احس بطني بدا ينتفخ
الي عرفت شو فيها ولد ولا بنت تقول عشان نشوف الاكثر اولاد ولا بنات

أهليييين حواامل
كيفكم؟؟ وكيف البيبي؟؟
انشاء الله كل شي تمام
فدييييييييييييييييييتكم انتم والوحام
ذكرتوني بوحااااااااااامي
الله يخفف عليكم انشاء الله
ويهون عليكم
انا من رابطه تجمع الحوامل برمضان
بس حبيت اتطمن عليكم
الله يقومنا ويقومكم بالسلامه ياررررررررررب
ماتشوفون شر يالغاليات

هلا بنات شلونكم..شخبار الكتاكيت معاكم.. انا الحين بالسبوع 15 وكم يوم انطر موعدي الجاي بعد اسبوعين عشان الدكتورة تقول لي جنس الجنين وابدأ اشتري..انا الحمد الله احس شوي راح هني الوحام وبديت اكل واحس ان بهالاسبوعين وزني زاد...المهم خايفة الدكتورة تقول لي شنو فيني وابدأ اشتري واجهز وبعدين يطلع غلط؟؟؟:::::::::::::::

شخباركم يالحوامل عاد اللحين بدت الكروش ماالت الحمل تبين ...

انا امس ريلي يقول لي طلع لج بطن شوي قلت له خلاص في الشهر الرابع يبتدي يبين الحمل واستانس وااايد لانه كان يحن ماطلع لج بطن مايبين عليج حامل والحين هو طاير من الوناسه ...

وانتو شلون ان شاء الله مثلي بعد وموعدي مع الدكتور اول الشهر الجاي ....

انا ببتدي اجهز للبيبي من الشهر السادس يعني شهرين كفايه للتجهيز ولا شرايكم ...

الله يتمم علينا بالصحه يارب وسهولة في الولاده يارابطة ديسمبر ...

تحياتي للجميع

هلا بنات شخباركم؟؟

بديتوا تحسون البيبي يرفس ولا بعد؟؟؟


بنت البحرين انا خايفه بعد جذي مثلج ان يقولولي شي و يطلع غلط..فماراح اجهز ان شاء الله الا تقريبا بالسابع عشان تضمنين..


موناليزا..انا لم الحين ما دخلت الرابع..احس بطني بعده ما كبر وايد..جني امكثره اكل بس ههههههههه

و اتوقع شهرين كفاية اذا كتبتي كل الأغراض اللي تبينها بتخلصينها ان شاء الله..

لكن لا تجهدين نفسج و تمشين وايد..يعني كل مره شويه..

بسألكم..لم تشترون أغراض البيبي تكونون شارين له كبت بروحه؟؟ ولا وين بتحطون أغراضة؟؟

و منو مسوية حق البيبي غرفه خاصة و منو بتخلي البيبي وياها بغرفتها..و الى اي عمر؟؟

يله جاوبوني..بانتظاركم..

وعييييييي تعالوا شوفوا الكرش على اصوله عندي... هههههههه

الحمدلله الجنين عندي بدا يتحرك خفيييييييف .. يمكن مرتين او 3 باليوم احس فيه.. خصوصا وقت اللي افغصه واكون قاعدة على النت احس فيه مسكين ههههه

امس رحت شريت لي شوية ثياب وساع للحمل.. مريلة قصيرة.. وقميص حمل... احس عمري كشخة بثياب الحمل..

بروح بنات وبرد بعد شوي.. ركني صار لي يومين ما شفت ضواه :o

ههههههه شوقتيني جمانه على هدوم الحمل..ودي ألبسهم..

بس أنا من رحت الحج هالسنة قمت دووم ألبس عباية بره..

ما ينفع معاي هدوم حمل صح؟

شخباركم حبيباتي؟

شخبارج ام فرووحه؟!!

الحمدلله حسيت بحركه البيبي شوي..

امس طلعت قلت بشتري ملابس حمل لان الكرشه اطلعت :smile:

وتعبت ونزل علي دم :cry: وخفت وعطوني حبوب تثبيت قالوا لي هذا انذار لاني ماارتاح

ومنعوني من الحركه والسفر ....

الله يستر ادعولي (( لاني مسقطه قبل هذا الحمل))

الله يثبته ويتمم علينا ان شاء الله

اختي ليتك معي كم اسبوع الحين انتي؟

اف غياب التواقيع وهقنا.. جان ما سألنا كل شوي..

انا قريب بدخل الاسبوع ال 16 .. من جذي تثبت حملي نوعاً ما.. احس يعني..
اذا انتي بعدج اقل من 12 اسبوع تحملي بروحج اختي .. بعده الحمل في مرحلة الخطر..

[line]

والشهية لا اله الا الله.. تباعدوا عني.. احس باكل اللي قدامي كله... انتفحت مرة وحدة.. وزوجي تملل من الطلبات... اتعشى عشايين.. وبعد الغداء بساعة الا ربع احس روحي بموت من الجوع.. بيييه شكلي ما بيخلص هالحمل الا صايرة دب روسي هههههههههه

بنات تبون اصور لكم صور الثياب؟ متشققة حدي كل شوي اطلعهم اطالع فيهم..

هلااا ليتك معي..فقدج والله..


أوووف سلامات ما تشوفين شر !!

ليش من شنو نزل الدم؟؟

جم ساعه كنتي تمشين؟؟

نصحيني يا امعوده..لأني قلت دام الدم وقف علي خلاص بطلع و بروح السوق :(

يعني شنو الأشياء المتعبة اللي سويتيها؟؟

و ليكون انتي اللي كنتي تسوقيين!؟

ربي يثبته لج ان شاء الله..ديري بالج على نفسج

هلا اختي جمانه ...

انا ان شاء الله بدخل الاسبوع 16 يوم الاربعاء

والحمد لله على كل حال

...............................................................................................................................

واذا عن الشهيه شي معروف حبيبتي تعوضين الحرمان اللي جاك وعن نفسي اكل بس اكثر من الفواكه والخضروات

والله يعينا هاذي البدايه شذي :dd: مانوصل التاسع الا وحنا دببه مثل ماقلتي

إي والله خل نسوي تغيير كله حجي حجي..و مرات نسأل و ما يردوون مطنشيين بعض الناس ههههه

يله ما عليه معذورين ..

جمانه حطيلنا الصور خل نغير شوي..

ناطرييييييييينججججج

nawaray
4/12/2005

جمانة 5/12/2006

ghada2
5/12/ 2006

bent el ba7rain
5/12/ 2006

شيخة البيت
6/12/2006

ليتك معي
6/12/2006

ماما حسون
12/12/2006

صمت الامل
12/12/2006

bride2004
18/12/2006

الموناليزا
19/12/2006

سحابة حب
27/12/2006

أم فرووحة
30/12/2006


الله يزيد ويبارك
ذكرووني اذا نسيت احد :o

غيرت تاريخ برايد 2004

[line]


اجوف بنات سهرانين.. دوامكم آخر ليل هاااااااااا

بكرة ماما حسون اخر امتحان عندها .. فرجت يا رب... والله وحشاني هالبنت ما تتصورون شكثر..

انزين بقول لكم شيء.. وبتقولون اذا ولدتوا بالسلامة ان شاء الله جمانة قالت...

تقول امي ان الجنين ياخذ على امه في اوقات استيقاظها ونومها.. من جذي اذا الام متعودة على السهر.. الطفل بعد ولادته يكون تكيفه اصعب من الطفل اللي امه تنام مبكر او ما تسهر للصبح..

عاد انا كان موتي السهر وتأذيت مووت بولدي الاولي.. وقلت في هالحملة ما بسهر لعل وعسى يتعود الطفل بسرعة على النوم بالليل.. بس شكلي ما بلزم كلامي.. كل يوم احرق لي ساعة او ثنتين على هالنت.. :o

خلاص بقوم الساعة 2