رابطة امهات ديسمبر... حيااااااااااااااااكن هوووون !!

اختي شيخة البيت.. ولادتج ان شاء الله في ديسمبر؟

قوة بنات .. احوالكم ؟؟؟


جمانة متأكدة هي حركة بيبي ولا غازات ؟؟ :cool2:

ام فروحة انا نفسج بالضبط في هالنقطة :

بس لوعه بدون ترجيع..بس مرات اتمنى أرجع من كثر اني مو قادره اتحمل اللوووووووعه..

اليوم احس نفسي احسن من ناحية الوحام .. الحمد لله انه قاعد يخف يوم ورا يوم :shy:

اللي دخلوا الشهر الرابع الف مبروك عليكم وعقبال باقي البنات .. انا باقي لي اسبوع تقريبا ع الرابع :sad:

ام فروحة ما شا الله من الحين تفكرين في اغراض البيبي ؟؟ انا في حملي الاولي بحسون ما اشتريت اغراض الا في الثامن وانا ولدت قبل موعدي فصار اني اشتريت الاغراض قبل ولادتي ب3 اسابيع بالضبط :bigsmile:
وهالمرة قاعدة افكر اذا سافرت في العطلة وحصلت شي حلو وما يتحصل في البحرين باخده مع ان يوم قلت لزوجي قال بتكون توج 4 اشهر :dd: ليش مستعجلة هالكثر

عندي استفسار بخصوص نفسية الحامل ::
انا هالايام اعيش اجواء الامتحانات ووايد احاتي وعندي قلق ونفسية تعبانه لان كلما ادرس احس روحي مو قادرة استوعب .. فصايرة احس بآلام في بطني مثل المغص خصوصا كلما زاد التفكير والقلق .. فهل هالالم بسبب النفسية فعلا ؟؟ وهل يحتاج ان اروح المستشفى ؟؟ (w)

]نسيت بعد اقولكم

عندي موقع حلو في معلومات عن نمو الجنين في كل اسبوع


http://go.3roos.com/57PEJvGwhX5



الا صدق ..














شخبار الكرش ؟؟ :shy:

إن شاءالله بربي شهر 12 .... بالنسبه للكرشه في الشهر الرابع ولا كاني حامل ..اتريا بس متى البطن يكبر

اهي اولردي الكرشة ما راحت من الحمل القبلي فتخيلوا الوضع اقل انتفاخ يبين كأني في السادس :down:


شيخة البيت عطينا تاريخ ولادتج عشان نضمج الى القائمة معانا

تسلمين يا ماما حسون على الموقع الحلوووووو

ام فرووحه ما عليج منها... انا بديت اتشرى في شهري الخامس ههههههههه

انتي بس يخف الوحم ما بتقدرين تقاومين على الاقل التفرفر في السوق والمطالع


ويا ماما حسووون هالمرة انا اكيدة هذي حركة، لأن اليوم بعد وانا منسدحة مع ولدي انيمه تحرك بعد كذا مرة هههههههه فديته يبي يخرب على اخوه نومته..

وبالنسبة للمغص هذا شيء طبيعي.. انتي كنتي تداومين في الجامعة من جذي بطنج يتخلص بسهولة من الغازات وذي، بس الحين قااااااااااااعدة حضرتج في البيت ومع النفسية الحلوة في مقابل الكتاب.. لازم يصيبج هالمغص..

أم فرووحه:




انزين بسألكم..شنو أكثر شي تفكرون فيه و أنتوا بهالفترة :gum:


هل كنتوا تحاتون صحة البيبي واااااايد مثلي :sad:

وايد كنت أحاتي صحته..لكن قلت خلاص لازم أبعد عني الوساوس و ان شاء الله يكون بصحه و عافية يا رب..

:pain:

لاحقة على هالوساوس يا ام فرووحة.. انتي بس تسوين الاشعة وتطنج الدكتورة بتروح هالسوالف..

أهلااااااا بنات شلووونكم..وحشتوني :shy:


جمانه مبرووووووووووووووووووووووووك دخولج الرابع رسميا :clap:


الفال للي مادخلوا لم الحين يااا رب..


أنا باقيلي 3 أسابيع على دخولي الرابع إن شاء الله..و متشوقه ادخله أحس إني بفتك من اللوعه شوي..:qaq:


اتصدقين جمانه..هذا اللي قاعده اسويه والله..أغلب وقت فراغي قاعده أدخل على صفحات الانترنت بالذات المختصة بالحوامل..

وااااااااااايد فادتني تجاربهم بالذات هالموضووووع


http://www.3roos.com/forums/showthread.php?t=66255&highlight=%C7%E1%CA%D3%DA%C9



وايد عجبني..كل وحده و تجربتها بالشهر الثالث..


و لو تلاحظون كل وحدة تشتكيث من أن نفسيتها بهالشهر ( عصبية-و متقلببببببه جدا.....الخ )

و ان زين ريايلهم مستحملينهم......:think:



هل فعلا تحسوب بهالشي...ان تعصبون على أزواجكم و نفسيتكم متقلبه و تبجون على اتفه الاسباب في هالشهر؟؟



بالنسبة لأغراض البيبي جمانه..

اعجبتني فكرتج اني اشتري من النت...إذا عندج مواقع حلوة ولا عليج أمر زودجيني فيها :smile:




ماما حسووووون


اهلا حبيبتي شلونج؟؟

اولا مبروك لأن الوحام خف عليج..:up:



ثانيا ماشاء الله عليج..شلون قدرتي تصبرين بحملج الأول لم الشهر الثامن :shy:



انا مجرد تفكير بالاغراض بعدي لم الحين ماشريت ولا شي طبعا ...


خصوصا بعد ما قريت قصة وحدة ويانا بأحد المنتديات مسكينه..


تقول في شهرها السادس راحت تشتري أغراض البيبي كلها تقريبا..

و بعد ما ارجعت البيت حست بألم و بعوار مو طبيعي..


لم راحت المستشفى قالولها ولادة على طووووووووووووووول...


تخيلوا بعد ما ولدت بنوتتها خمس دقايق جان تتوفى الله يرحمها :sad:


يارب تكون لها شفيع يوم القيامه وايد قصتها أثرت فيني والله..


فقلت ماراح أشتري الا متأخر شوي يعني في نهاية السابع تقريبا او نصه...


بالذات للي حملهم فيه خطوره مثلي و الدكتورة مانعتهم من الحركة..ما انصحهم يجهزون مبجر...


الله يعينا و يقومنا كلنا بالسلامة ياااااااااااااا رب...




ماما حسون شكرا على الموقع عجبني :ok:




جمانه الحمدلله قاعده احاول اتخلص من هالوساوس.. ان شاء الله بعد اسبوعين عندي موعد مع الدكتورة و بشوفه للمره الثانية :yes:



يله بنات فوتوكووووووووووووووو بعافية :cool2:

اففففففف بنات اليوم مدري شفيني ..


اكتئاااااااااااااااااااااااب

نازل علي مرة وحدة..


مابي اعور راسكم.. لأنه بدون سبب واضح..

بس جذي الموود اليوم :down:

ان شاء الله بس تتغير نفسيتي ارد اسولف معاكم .. :(

مشكووووورة حبيبتي جمانه على هالموضوووع الحلووووو اللي من خلاله بنفضفض لبعض عن اللي داخلنا,,
انا اخر دورة لي كانت 5/3 ,,وموعد ولادتي 12/12/2006,,ومواعيدي اخذها في مستشفى البحرين التخصصي رحت لهم قبل شهر وشفت الياهل واااااايد صغير بس قلبه ينبض,,وموعدي اسبوع الجاي يوم السبت,,
الحين انا في الاسبوع 13 ويوم واحد يعني بداية الرابع,,وطبعا هذا اول حمل لي,,انا وزوجي مو مخططين للحمل لكن هذا اللي الله كتبه,,والحمد لله على كل حال,,

حبيت اسألكم:اي احلى الحياة مع الاطفال والا بدونهم؟؟لاني احس باكتئاب غريب واحس اني مو متهيأه لاستقبال طفل واحس ان علاقتي بزوجي بتتغير خصوصا واني روماااااااانسية حدي..طمنوني بناااااااات,,

تحيااتي للجميع

قالولي بربي إن شاءالله 6-12-2006

هههههه صمت الامل حلو سؤالج...

بس ماقلتيلي بعد اشكثر من تزوجتي حملتي؟؟

اذا على طول..أعرف بنات يقولون ان ما تهنينا تونا متزوجين و على طول وحم و لوعه و كرهنا ريايلنا من الناساة..

لكن هالشي ما يعم الكل..اتوقع قله منهم..

بس اذا طولتي يعني جم سنه ما حملتي اكيد حياتكم بتكون أحلى مع الطفل اليديد لأنكم بتكونون مشتاقين له..

بس اتوقع واااااااايد فيها مسؤولية..بالذات اذا زوجج مايحب انج اتحطين الياهل عند احد مثل خادمه او ما يبي يأذي اهله او اهلج كل شوي تودون اليهال عندهم عشان تطلعون..

يعني راح تقعدين فالبيت اكثر و تكون حياتج تقريبا متفرغه للبيبي أكثر من زوجج..


اتوقع هالشي..

ما ادري اذا البنات يشاركوني الراي ولا لا..


طبعا اعرف امهات مخليه دور التربية و الاهتمام على الخادمه عشان وناستها و طلعاتها..


لان هالشي عندها اولى..فهذي ماراح تتغير حياتها وايد..الا ان عيالها ممكن يلومونها بالمستقبل..


جني طولت عليكم ^_^


تقبلوا تحياتي..

هلا حبيبتي ام فرووحة,,

انا صار لي اربعة اشهر ونص من تزوجت وعلى طول حملت,,ومن جديه نتيجة التحليل جت صدمة لي ولزوجي بس الحين تأقلمت شوي مع الوضع ومثل ماقلت احس ساعات باكتئاااب لاني مو مستوعبه ومو متقبله لكن الحمد لله على كل حاااااال,,
اتمنى من كل قلبي ان النونو يزيد من علاقتي بأبوه وما يخرب علينا الرومانسيه,,قولوا ااااااااامين,,

تحيااااااااتي للجميع,,

سلااااااااااااااااااااااااااام بنات .. شخبار ؟؟


الحياة تتغير طبعا بعد الانجاب .. صحيح ان في نواحي سلبية لقدوم الطفل لكن ما ننسى الاكيد وهو النواحي الايجابية ..

ذكرتيني بنفسي انا بزواجي كانت فيني الدورة وكنت ناويين انا وزوجي نأخر الحمل لكن من اغتسلت عن الدورة ما جتني مرة ثانية :sad: الحمد لله على كل حال

هو يمكن الحين تشوفين نفسج تعبانه بس من الوحام فتقولين هالكلام لكن بعدين كل ما يكبر البيبي بتعيشين لحظات وايد حلوة مع زوجج ولما تولدين بالسلامة ان شا الله بعد وتشوفين الفرحة في عيون ابوه بتنسين كل شي..

لكن لين قام يسهر الليل وما ينام .. وشفتي نفسج تغيرت طلعاتج من طلعة خفيفة انتي وزوجج بس الى انتي وزوجج وبيبي واغراض بعد ، بتحسين بالفرق .. والاكيد ان كل ما يكبر الياهل كلما زادت مسؤوليته

في النهاية هم احلى شي في الحياة ويكفي انهم مذكورين في القرآن بانهم زينة الحياة الدنيا



ام فروحه بالنسبة للوساوس اعتقد كل حامل تجيها وساوس على صحة جنينها وتستمر طول الحمل وخصوصا لما يكون الحمل الاول .. انا في حملي بحسون تعبت نفسيتي وايد من كثر المحاتاة لدرجة ان بعد ما ولدته الدكتورة قالت لي مبروك ولد بس انا ما همني هالشي وكنت وايد احاتي رغم تعب الولادة وشفتها اخدت حسون وطلعت به برا وقعدت انطرها على نار " وكانوا وقتها الممرضات يشتغلون ع المشيمة والخياطة " واول ما ردت دخلت الدكتورة مرة ثانية سألتها الياهل صاحي .. ما في شي ؟؟ وطمنتني ان كل شي اوكى وبعد شوي راحت جابته لي وحطته على صدري وكان مفتح ويطالعني وو .................. ذكرتوني بالذي مضى:shy:
اما هالحمل فالحمد لله احس ان الوساوس اقل من حملي الاولية .. لكنها بعد موجودة .



جمانة الكل نفسيته تعبانه هالفترة وكل وحده لها اسبابها .. الله يعين الجميع وتعدي هالفترة على خير ان شا الله


ما شا الله الرابطة قاعدة تكبر .. الله يزيد ويبارك :clap:


اما عن اخباري :: حاليا عندي طوارئ امتحانات لان يوم السبت ببتدي على خير ان شا الله .. ووحامي صار خفيف بس شهيتي للاكل للحين ما رجعت طبيعية مثل قبل .

امس خلاص رحنا حجزنا للسفر " قبل ما اسأل الدكتورة " وبنسافر ان شا الله تاريخ 15 \ 7 ، الله يعدي كل شي على خير .. بكون وقتها في الشهر الخامس وبرجع قريب الشهر السادس

اما عن ولدي حسون من كم يوم قلت خل اعلمه ان بجيب له بيبي وبشوف شنو شعوره لانه وايد يحب اليهال الصغار " مع انه توه عمره سنتين وشهرين الحين " ، المهم قمت اشرت على بطني وقلت ماما هني في دادا .. ما شفته الا رافع فانيلته ويأشر على بطنه هو بعد ويقول دادا ، وفوق هذا راح لابوه ورفع فانيلة ابوه واشر على بطنه وقاله دادا .. على باله كل بطن في دادا الحين هههههههههههه

اما عن كرشتي .. فحسيتها من الشهر الثالث ابتدت تكبر شوي خصوصا ان وزني كان ينزل .. لكن ما اشوف اي تغيير للحين في حجمها .. ما كبرت زيادة وساعات الاحظها صغرت ، من شوي وانا منبطحة بعد ما قعدت من النوم حسيت بحركة بسيطة في بطني وقلت يمكن هذا البيبي قاعد يتحرك بس جمانة عقدتني ورديت قلت لا يمكن غازات (w)

يالله .. اذا ما حسيت بالحركة اليوم بحس بها باجر ، مو مستعجلة وايد :shy:

اليوم قاعده افكر عن عمري بعد ولادتي :: انا اكبر من ولدي حسين ب20 سنة وبكون اكبر من هالبيبي ب23 سنة لان الفرق بين حسون والبيبي بيكون سنتين و8 شهور ونص :qaq:


ايييييييييييييييييه .. كبرنا (w)

تكلمت واااااااااااااايد .. سامحوني اعوض عن امس وعن الايام اللي بتجي لان ما اتوقع ارد ادخل خلال هاليومين .. بكثف الدراسة للامتحان :ok:


ادعولي

nawaray
4/12/2005

جمانة 5/12/2006

ghada2
5/12/ 2006

bent el ba7rain
5/12/ 2006

شيخة البيت
6/12/2006

ماما حسون
12/12/2006

صمت الامل
12/12/2006

bride2004
15/12/2006

الموناليزا
19/12/2006

سحابة حب
27/12/2006

أم فرووحة30/12/2006


الله يزيد ويبارك
ذكرووني اذا نسيت احد :o

مرحباااا..

شحالكم يا حوامل....دخلت اسلم عليكم واشوف اخباركم من باب الفضول بسسس..انا من حوامل شهر سته...ولادتي هالشهر ادعوووولي...

مرحبا بنات..

شلونكم وشخباركم..

ان شاء الله خف عنكم الوحم وارتحتوا شوي..

الحمدلله حققت انجاز، اليوم ثاني يوم بدون ما اشرب حبوب اللوعة، واشوف روحي لا بأس يعني.. ما عندي سوالف ترجيع او صخونة ، اللهم صل على محمد .. لا احسد روحي..

ايه بعد قريت في المنتدى عن وحدة جربت تاكل زيتون عشانه حامض ومالح.. ويخفف الوحم.. ما جذبت خبر.. رحت اكلت اول يوم ثنتين.. ( اللي عندنا حاااامض مووت ) وثاني يوم غسلت ليي 6 حبات واكلتهم.. العجيب فيه انه اذا تمصينه يمممممي ..

بس اليوم قعدت وسقف حلقي محترق مدري منصلخ ويييي يعوووور..
اذا بتاكلونه.. اكلوا حبتين او 3 بسسس :(

[line]

اختي صمت الامل يا هلا ومرحبا فيج اختي معانا بالرابطة والف الف مبروك على الحمل..ربي يتممه لج على خير وتفرحين بشوفة النونو سليم ومعافى ان شاء الله


شوفي اختي لا تتذمرين على نعمة الله.. والله العظيم.. انتي بس كفاية تشوفين اللي يبون يحملون ومو قادرين.. شلون متحسرين على نتفة ياهل ينور ايامهم تحمدين ربج الف مرة .. :(

عن نفسي، كنت في بداية الدراسة بالجامعة سنة ثانية، وقلنا مثلج ما نبي.. على الاقل سنة.. تصدقين بس ستة شهور وما قدرت اتحمل.. قلت لازم احمل بأي طريقة.. لكن رب العالمين ما كتب لي الحمل الا بعد سنة ونص.. وحسيت شلون الحمل عزيز وغالي على نفس المرأة..

ما الومج اختي.. بس هذا شعوري..

يمكن تحسين ان الحمل متعب ويمنعج من اشياء وايد.. بس هذا احساس وقتي مرتبط بالوحم الكريه، بعدين بس يخف شوي شوي، وتحسين البيبي يتحرك في بطنج راح تحسين بسعادة ما تنوصف..
احساس الامومة احساس رائع ..
تحسين طفلج جزء من روحج .. صج لين قالوا فلذة كبدي..
احب اضمه الى صدري واشمه اموووت من الوناسة..
صارت عندي مواضيع اسولف فيها اكثر مع زوجي، والعيلة، نتناقش عشان مستقبله، وشلون بنربيه..
في الاعياد والمناسبات لها طعم ثاني مع ولدج.. تلبسينه لباس حلووو.. مرات شعبي.. مرات لباس رسمي فخم.. ساعات لباس تنكري .. وناسة والله..
تسمعين وتستمتعين بتعليقات اللي يشوف ولدج عليه، تحسينهم يمدحونج انتي مو الولد.. هههههه





وااااي رحت feeling وااااايد ...
[line]

ماما حسون بالتوفيق يا عمري في الامتحانات.. انتي بس لو تبندين النت خير شر هاليومين.. يكون ترتاحين من تأنيب الضمير ع الاقل..


الفجر البعيد ربي يسهل عليج الولادة ان شاء الله.. وبالتأكيد احنا بالانتظار عشان قصة ولادتج اللي ان شاء الله تكون حلوة وسهلة ..

اختي شيخة البيت ضميتج الى القائمة، الله يتمم عليج بخير ان شاء الله ويرزقج الخلقة التامة المعافاة.. عاد سولفي معانا .. مو بس تطالعين وانتي ساكتة..


فيه بعض البنات بس ردوا رد واحد واختفوا .. :( عسى ما شر؟ نواري وسحابة حب..
كل هذا وحم؟؟


نشوفكم بعدين..

أفا ولا ندري ولا تعلمون ، بالخصوص جمانة وماما حسون، على العموم الف مبروك الله يثبت ليكم ويردكم بالسلامة في وقتكم، خاطري اعرف منكم شي واحد، اشلون بتهيأون عيالكم لهذا الحدث الهام؟ واشلون بتتجنبون غيرتهم؟؟ تمنياتي لكم بالتوفيق وبالسلامة.

هلا بنااااااات,,
ام حسوون وجمانه,,الحمد لله احس ان زوجي وااايد مهتم فيني في هالفترة وواااااايد يخاف عليي ويعصب اذا اشتغلت في البيت شغل ثقيل,,وانا مستانسة من هالشي ,,بس اتمنى يااااارب ان بعد الولادة ما تتغير حياتي بصورة تبعدني عن زوجي بحااااول بكل ما اقدر اني انظم وقتي والتفت له والى البيبي في نفس الووقت ويااااااارب اقدر على هالشي ,,

بسألكم بناااات:انا قبل الزواج صدري صغير وعقب الزواج كبر شووي ويوم حملت كبر بصورة واضحة وصار حجمه حلووو,,وخااايفة بعد الرضاعة يتغير ويرجع لحجمه الصغير ,,شلووووون احافظ على حجمه,,مابغي يتغير؟؟عندكم فكرة عن هالشي؟؟

طولت واايد لا؟؟
مع الف سلاااامة,,

مسا الخيرات على المبطبطات هههههههه

شلونكم بنات وشمسوين.. قوموا بسكم عاد من التدحن والتبسط على السرير.. مافي الا انتوا حملتوا ووحدة من موزمبيق؟

اكبر قلب .. وش عاد.. حللنا في فترة انقطاع عروس واخترشنا وراحت الخرشة.. ويوم رد عروس بيّن لنا كأنه صار عادي والكل عرف.. فمباشرة سوينا الرابطة واشتغلنا فيها..


بالنسبة لسؤالج ماقدر اجاوب هني.. لازم هناك في ركن التربية والطفل، بس ماما حسون مو راضية افتحه الا بعد الامتحانات عشان تشارك فيه معانا .. مادري اخوّن فيها :D

مشكورة يالغالية والله يحفظ لج البنوتة..
[line]

صمت الامل، ان شاء الله يا اختي .. وكلش بالترتيب يصير حلوو..

بالنسبة للتدلع عاد ما يحتاج اوصيج.. تدلعي قد ما تقدرين.. وحتى قلاص الماي طلبي منه ييبه لج.. ترا اهما بعد يستانسون.. عبالهم يشتركون معانا في مشقة الحمل جذي هههههههه

بالنسبة لسؤالج :o :o :o

انا بعد كنت نفسج وصدري صغير، والحمدلله الحين صار اكبر، بس للاسف ترهل من الرضاعة.. وايد ترهل.. والحين اشوفه ترقع ورد ارتفع وامتلئ مرة ثانية يوم فطمت ولدي.. صج مب مثل اول.. بس اشوى يعني..

بس الخلاصة... لااااااااااااا تحلمين انه يرجع مثل قبل الحمل.. خلاااااااااااص
*******************

بنات جوعااااااااااااااااانة مع اني توي قايمة من الغدا ما صار لي ساعة..
الحمدلله الوحم خف وايد.. مادري احس انه حالة نفسية، من دشيت الرابع حسيته خف.. صج جمبزة هههههه
خاطري في زيتون .. بس سقف حلقي رايحة عليه :(