تجهيزات أحلى عرايس مصر - الجزء الرابع

ايمان اهلا بيكى فى منتدانا يا قمراية ونورتينا وفعلا احنا كنا محتجنلكك قوى عشان احنا كلنا مهتمين دلوقتى بالاعداد والتجهيز ومش عارفين حاجة عن بعد كده بعد الجواز فاكيد ده على ربنا وعليكى بما انك تزوجتى ومعاكى كمان بنوته ربنا يخليهالك يا رب ومعلش بقه انتى اللى عرضتى انا شكلى كده حتعبك معايه قوى فى موضوع توضيب الشقة ده وعايزة اسالك تفتكرى مهندس الديكور ممكن يا خد كام اورنجاته كام لو بس يحددللى الخطوط الاساسية حتى

والف الف الف مبروك يا لفلى روزاا وربنا يار بيتمم لك بخير وتبقى احلى عرايس 2006 إن شاء الله

السلام عليكم اه اخبار العريس
شكرا يا هنيه على سرعه الرد
اما شهر العسل بجد احلى جاحه شرم الشيخ
المياه صافيه والجبال والسوق والبلد غير كل ده انتى فى بلدك
السنه الفاتت رحت دهب مع الاهل جميله جدا
بس هديه اوى باليل

روره بالنسه للبدل فى روجادا وكمان محل دنيا ودول فى سيتى ستارز

طبعا انا معاكى دحنا بنستحمل بلاويييييييييييييييييييييييييييييييييييييييي بس الحمد لله بردة على كل شيء بس بيني و بينك بردو (الحمد لله اننا بنات) صح و لا أية ؟:shy:
الله يبارك فيكى يا قمر و عقبال يا رب كل البنات و يبقوا احلى عرايسسسسسسسسسسسسسسس في الدنيا باي دلوقتى عندى كبسة من مديريي حرجعلكوا تانى :cool2: في الخباسة كدة بايييييييييييييي

يا بنات يا قمرات حد يقدر يقولي ازاى احط صورة مع التوقيع بتاعى انا بصراحه مش عارفة خالص ؟

ازيك يايمان ومنوره معانا
اخبار مصراويه اه
ياريت بخبرتك تقولنا
اه ممكن اجله بعد الجواز؟
واه اللى جبتيه وملوش لزمه بعد الجواز ؟
وجبتى اه فى الجهاز ومنين؟
كتير صح
وشكرا

انا حابة اسلم عليك ياايمان ... انا بعرفك من ردودك ومواضيعك ... ماشاء الله عليك كنتي من المتابعات للمواضيع
وفرحانة اوي انك معانا .... وربنا يخليك الامورة الصغيرونة

Ladies,am back.
softrose,you make me feel special.I live in Khartoum and work in international organization.My wedding is after 2 month.I was asking if i can get egyptian online store to buy clothes and lingeries?
Thank you ya 3sal:shy:

هنيا تسلميلى يا قلبى
و جعلة الله فى ميزان حسناتك يا قلبى

هنيا

أنا عندي عقدة نفسية من شرم الشيخ رغم أني عمري ما روحتها
لكن مبحبهاش ومش عايزة أروحها خالص

فلو روحتها هيبقى شهر نكد مش شهر عسل

في ناس أقترحوا عليا أروح ماليزيا وبيقولوا تحفة

حد يعرف حاجة عن الموضوع ده

صحباتي الأمرات
بجد وحشتوني أوي

جويرية أنتي فين
أختفيتي في ظروف غامضة ليه

Thanks Hanya.Allah bless you and give you happiness with your husband.Beit mal wa 3yal inshalla.

بالنسبة لموضوع الخطوبة

بصراحة أنا مبحبش خطوبتي وبكون زعلانة لما بفتكرها

كانت قراية الفاتحة قبل الخطوبة بخمس شهور

لكن علشان خطيبي مسافر وبيجي كام يوم كل شهرين كانت الدنيا متلخبطة
ورغم المدة الطويلة دي أشتريت الدبل اليوم اللي قبلها علطول

اللي حصل أني مكنتش محجبة ساعة الفاتحة
وأتحجبت في فترة الخمس شهور دول
وعلشان كنت لسه محجبة جديد مقدرتش أقاوم أني أقلع الحجاب

وجبت فستان مفتوح أوي زي بتاع شادية وصباح بتوع زمان

رغم أني مكنتش ناوية أرقص إلا أن خطيبي الفرح بالنسبة ليه يعني رقص وطنتيط

فأضرط أني أجاريه ورقصت طول الخطوبة

لكن بعد الخطوبة بقيت مضايقة من نفسي وحاسة أني أغضبت ربنا وكمان عملت حاجات أنا مش مقتنعة بيها

وكمان بابا وماما معجبهومش الرقص طبعاً و أتهزأت بعدها

وعمي سمع ماما كلمتين بايخين

ورغم أني كنت عاملة البدع علشان الحبوب اللي في ظهري متبنشي

إلا أنها كانت باين وخطيبي قالي ظهرك فيه بقع

رغم أني قلتله قبلها أني عندي حب شباب كتير في ضهري وكتفي و أني بتعالج :cry:

أنا بعيط بجد لأني أفتكرت حاجات مضايقاني أوي

والمكياج كان تقيل أوي وكان بايخ




وكمان بعدها حسيت أن الفستان كان ستايل قديم وكان مفروض أجيب حاجة أبسط من كده





:sad::cry::sad::cry::sad::cry::sad::cry::sad::cry:






:confused::confused::confused::confused::confused::confused::confused::confused::confused::confused::confused:

إيمان اذيك ياجميل.. انا كمان عرفاكي من ردودك

مصراوية ايه اخبارها طمنينا عليها

وده سبب رئيسي أني مش عايزة أعمل فرح في الجواز


لكن زي أي بنت نفسي ألبس فستان أبيض

وعلشان كده عايزاكوا تساعوني وتنصحوني

هنيا حبيبتي

طيب قوليلي لو هعمل شوبينج معقول أعمله ميزانية قد أيه

أنا عارفة أنها تختلف من شخص للتاني

لكن أديني range بحيث أني أجيب اللي نفسي فيه و أتبسط

وكمان علشان أعمل حسابي من دلوقتي وأشيل الفلوس دي على جنب

يعني أقل حاجة أخد معايا تبقى كام و الوسط كام
ولو ليكي نصايح حاجات معينة أجيبها من هناك وحاجات مجيبهاش خالص

ولو برده تقترحي أماكن تانية

يا بنات هو أنا ليه حق أزعل من الموضوع ده وأبقى مضايقة كده

ولا أنا حساسة والموضوع عادي

تايتو......

سبحان الله رب ضرة نافعة

كل حاجة وليها حكمة.. واكيد انتي عرفة الحديث القدسي الي ربنا بيقولنا فيه .. ان لو ابن آدم أغضبني عشان يرضي الناس بسلط سخط الناس عليه..
والعكس صحيح..

انتي بس مكبرة الموضوع شوية.. والي حصل دة شيء طبيعي..

وانا فرأيي انتي ادامك فترة كويسة دلوقت ابل خطوبتك تقدري تجهزي فيها نفسك كويس.. من غير متغضبي ربنا..

هكمل كلامي معاكي بعدين عشان الشغل
اوك

لافلي روزا الف الف الف الف مبرووووووووووووووووووووووك

بس قوليلى حجزتى فين علشان انا كمان عاوزة ان شاء الله احجز


وربنا يتمملك على خير يارب


روروووووووووووووووووووة انا متابعه معاكى ياقمر وموضوعك مفيد جدا جدا جدا جداااااااااااااااااااااااااااااااا

ربنا يجزاكى كل خير يارب

تيتو بصى هو الواحد مبيتعلمش بالساهل معلش ويمكن اللى حصلك ده يثبتك اكتر انك لازم تلبسى الفستان الأبيض وبالحجاب عشان تشوفى الفرق وتعرفى قد ايه ربنا حيثبتلك ان الحجاب بيضيف نور على نور يوم الفرح ومتضايقيش نفسك وبعدين الندم ده بيغفر الذنوب بس خاليه ليكى دفعة للأمام يوم الفرح عشان تتمسكى بحجابك وتاكدى انك حتبقى زى القمر

طب حقولك حاجة تانية يوم خطوبتى وانا عند الكوافير لقيت عرايس كتير زفاف وخطوبة ولبسين الفساتين العريانة طبعااااااا بس صدقينى ان الكل كان مهتم جدا بالعرايس المحجبات وعمال يبس عليهم من كتر رقتهم والنور اللى على وشهم وبعدين القالعين اليوم ده كتيييير انما المحجبة ديه متميزة وجديدة ع الناس فالناس بتفرح بيها اكتر انتى عارفة انا ساعة خطوبتى برده كان بقالى سنة محجبة بس مرضتش اقلعه معان الكل كان متوقع انى اقلعه وصحابى ضغطوا عليه بس انا قررت انى مش حعمل كده معان كل الظروف كانت ضدى المهم لبسته وكانت جارتى برده محجبة جديد وخطربتها بعد خطوبتى على طول بشهر وكان كلامها معايه كله انها ناوية خلاص وقررت تقلع الحجاب وبتدور ع الفورمة وكده فلما شافتنى يوم الفرح غيرت رايها وقالتلى لا انا لما شفتك متخيلتكيش كده خالص وان شاء الله مش حقلعه وفعلا مقلعتوش شوفى بقه رضا ربنا عليه انه اذانى حسنات عشان مقلعتوش وبعتلى حسنات تانية عن طريق البنت ديه بانه جعلنى سبب صغير انها تغير رايها وتفضل بحجابها فصممى واتكلى على الله وتاكدى انه مش حيخذلك معلش طولت عليكى