تجهيزات أحلى عرايس مصر - الجزء الرابع

اهلا بيكي معانا يا وايت روز

والله يسلمك..

السلام عليكم جميعا
بجد ده موضوع رائع
ياريت اعررف افدكم باى معلومه
الف سلامه عليكى يا روره واقرى قران كتير
يا ريت يا هنيه تبعتيلى اسماء فساتين الافراح المحجبات

بالتوفيق صبايا

السلام عليكم بجد موضوعك ده اكتر من رائع
جازاكى الله خير على مساعدتك
ويارب يسعدك انتى وجوزك

ياريت تبعتلى اسماء وتليفونات اتليه فساتين افراح محجبات
لو ممكن اعرف البروان 5 قطع من فين وبكام
ولو ممكن اعرف السيشوار اللى بفرشاه احسن؟
برضه من فين وبكام
شكرا جزيلا

الف سلأمه عليكى يا روره والله انا لسه شايفه الموضوع دلوقتى ربنا يشفيكى وىبعد عنك العين اهم حاجه يا روره تحمى من العين اذكار الصباح والمساء والقرءان طبعا ربنا يحمينا كلنا نونه الشعنونه ووايت روز نورتو المنتدى يا عرايس

شكرا يا هنيه
لكن انا فى انتظار اكمل 15 مشاركه
حتى اتمكن من فتحه

وأنا كمان يا هنيا أبعتيهالي

وانا كمان ياهنيا ابعثيلي اسماء محلات المحجبات ... جزاك الله خيرا

dodoryry ... مشكورة والمنتدى منور بوجودكم فيه

تسلميلي يارب ياهنيا وربنا يوفقك وييسر امورك وينولك كل الي في بالك ....

هانيا يا جميلة انتى حقيقى هايلة وطبعااااااااااااااا حقولك ابعتيلى ع الخاص كل حاجة عنه ده الحمام المغربى ده احنا بندور عليه بقالنا كتيييييييييييييييررررررررر بس المهم هل ده مكان موثوق فيه اهم حاجة ؟؟؟؟؟؟ وميرسى يا قلبى على ردك عليه بالنسبة للفرشاة بس عايزة اسالك انتى عندك نوع ايه وبكام بما ان انتى مجرباه معلش لو اتقالت عليكى

معلش يا جميل سامحينى نسيت اشكرك برده على اللى كتبتيه للتفتيح ربنا يا رب يخليكى لزوجك ويكرمكوا ببعض فى بعض امين يا رب

جويرية
تيتو
Cat 2006

والله وحشتونى كتيرررررررررر

يا جماعة Winta فين محدش سامعلها صوت

تيتو انا مع هانيا ان مادام مفيش فرح وفرى فلوسك فعلا وونصيحتى ليكى انك تشوفى شركات السياحة اللى بتبقى عاملة عروض اسبوع او عشر ايام فى دول خارج مصر بتبقى مجموعة دول زى انطاليا وتركيا ومش عارفة مين تانى وهكذا بتبقى بحرى او جوى بس متهيئلى البحرى كمان اكثر رومانسية وفعلا انا نفسى اعمل ذيك كده بس ماعنديش الشجاعة هو ده تفكير عملى وصح بس المشكلة انى معملتش فرح حتى فى الخطوبة غير انها كانت فى بيتنا وع الضيق وبعدين خرجنا بس بجد والله فكرتك حلوة جدا بس خططلها صح بقى وربنا يتمم لك على خير يا قمر انتى واحنا ان شاء الله

ميرسى يا هنونة ربنا يخليكى يا قمر تعبتك معايه وبالنسبة للفرشاة انا قصدى الدوارة وع العموم انا بفكر اتكل على الله واجبها وخلاص لانها حتبقى مسعفة وسريعة وعملية قوى لو كلامهم ده صح زى ما بيعلنوا كده فعلا حتبقى تحفة

يا جماعة عايزة اسال سؤال كان فى لينك هنا ع المنتدى كان ببيتكلم على المحظورات من الكريمات والحاجات دى بس للاسف مش عارفة ادخل عليه مش لاقياه اصلا ممكن لو حد عرفه يحملهولى هنا او يقولى هو فين هو تقريبا كان اسمه دشوه او دش يعنى نكسر الحاجات دى لو فى بيتنا بس فعلا مش لاقياه ودوخت عليه وزعلانة لانه اكيد التحذيرات دى مهمة قوى خصوصا انهم كانوا كاتبين على الفير أند لفلى وعندى صحاب بيستعملوه فلوسمحتوا المساعدة

جويريه لفلى روزا تيتو وحشتونى كتيييييررررررررر والله انا بقه بالنسبة بالى حقولكم على الخطوبة لانها جت فى ظروف غامضة يعنى بصراحة كانت قصة حب عنيفة بس المهم بابا ربنا هداه ووافق فى الاخر واول ما وافق جات لخطيبى فرصة السفر اللى كان مستنيها وكان ادامى اجهز فى حوالى 2يوم فقط عارفين يعنى ايه خطوبه فى 48ساعة بجد مش قادرة اقولكم بس والله سبحان الله ربنا كان ميسر ومسهل كل حاجة بشكل غريب الحمد لله المهم انا كنت حعملها فى البيت فطبعا البيت لازم يجهز المهم بصراحة اللى جهزلى البيبت صحابى وعملوا كل حاجة ووقفوا وقفة رجالة وحتى هما اللى جهزوا الشربات والورد لانى ماكنتش فاضية خالص عشان الفستان وخصوصا انه لسه حيتقفل عشان انا كان بقالى حوالى سنة محجبة وماكنتش ناوية اقلعه وطبعا كنت خايفة جدا من شكلى فى الفرح بالحجاب بس والله الحمد لله كل شئ كان كويس المهم بالنسبة للبوفيه انا روحت محل اسمه الفيروز عند الميريلاند وبصراحة اسعاره ارخص من بره وحاجته طازة انا اصلا كنت حجيب من لارين عشان متعوده عليه بس الشيف يومها مش فاكرة كان فى ايه و المهم طبعا زنقة الوقت كانت صعبة مش مستحملة انى اسمع اعتذارات لسه من حد فده المحل اللى انقذنى والحمد لله عجب الناس جدا وصحاب العريس هما اللى ضبطولى الانوار والدى جى اما عن اهم حاجات ليه وهما الفستان والكوافير وربطة الطرحة مش عايزة اقولكم انا لفيت قد ايه لدرجة انى كنت بقع وانا بلف من كتر المشى اللى مشيته واللف على فساتين الافراح وانا مش لاقية حاجة نهائى عجبانى لحد ما ربنا الحمد لله كرمنى وروحت العبودى وداخلة كلى إحباط انى الاقى حاجة والحمد لله ربنا كرمنى بفستان والله مش قادرة اقولكم الحمد لله عجب الناس كلها وسبحان الله كان مستورد ومجاش منه غير قطعة واحدة اللى انا خدتها دى وبرده مكانش غالى الحمد لله كان تقريبا بحوالى 1000 ده بعد التقفيل كمان وطبعا كانن فيه لفة تانية عشان الجزمة والشنطة اللى تقريبا متمسكتش وجبتهم من عبده صالح اللى فى عمارات العبور بس دول كانوا غاليين وكنت مضطرة عشان لون الفستان كان صعب شوية كان على على الوان الهفان فى الاورانج فما صدقت لقيت اللون ده وعايزة اقولكم انى مالقتش مقاسى فيهم وربنا برده عشان التوفيق من عنده الراجل عملهوملى وبعتهوملى على الكوافير انتوا متخيلين الزنقة لدرجة ايه والكوافير اتكلت على الله وروحت لواحد عند الكلية الحربية اسمه M&S وكنت اول مرة اروحله وكانت واحدة صحبتى اللى ودتنتى عنده والحمد لله فى بنت هناك اسمها حنان عملتلى ميكب تحفة ورقيق جدا وربنا كرمنى الحمد لله معلش انا كولت عليكوا قوى قوى انا عارفة

هنيا وسوفت روز

طيب كنت عايزة أسأل تعرفوا شركة سياحة تكون بتعمل الpackage دي وهل حد عنه فكرة أسعارها تكون في حدود كام
وإزاي أرتب ميعاد كتب الكتاب مع ميعاد الرحلة

وكمان الفرشة الدوارة دي أيه إمكانيتها ممكن تقولولي

نسيت اقولكم على اهم حاجة رابطة الطرحة كان اساسا فى واحدة انا متفقة معاها هناك فى الكوافير المهم ملقتهاش ولقيت راجل كبير وهو اللى حيربطلى الطرحة وساعنها كنت حعيط من الخوف والقلق ازاى ده حيربطلى الطرحة وحيعرف منين وكان شكلى خلاص بقه نفسيتى فى الارض وقولت اليوم باز ووالله الحمد لله ربطهالى حلوة جدا جدا عملهالى سبانش على جنب ولف عليها الورد الاورانج والذهبى ورش جليتور وفعلا ادى شكل حلو قوى والحمد لله كله بقه تمام وعدت الليلة وكل قال انها كانت ليلة حلوة وخفيفة وخرجنا بعد كده رورحنا سهرنا فى باخرة مع اهلى واهله بس البعض فقط مش الكل وصحابه وبعض من صحابى الباخرة كانت شيك وحلوة بس الاكل كان وحش وعايزة اقولكم ان المفاجاة ان الكل نسى الكاميرات التصوير وطبعا ماكناش حاجزين فى استوديو والطريق مسعفناش اننا نلحق نروح استوديو بعد ما واحدة صحبتى كانت حددتلى عند استوديو فى روكسى وكان عندوا نثصف ساعة فاضية بس حقيقى ملحقناش بس الحمد لله كان فىه كاميرة فيديو

والمفاجاة ان بعدها بشهر كان عيد ميلادى تخيلوا عملنا ايه لبسنا تانى انا وهو لبس الفرح وانا اعتمدت على نفسى فى وضع الميكب اب ولف الطرحة وعايزة اقولكم ان الصور طلعت احلا من يوم الخطوبه كمان اتصورنا فى استوديو فى مصر والسودان هيلتون بس عارفين الفرق الوحيد اللى كان واضح واللى حلا الصور كمان عن كاميرة الفيديو هيه الراحة النفسية مع ان الكل كان بيقولى انى كنت طبيعية جدا وغير متكلفة بس ما ادراكوا القلق الداخلى اللى مش ممكن حد يقدر يخفيه والحمد لله الليلة عدت بس فعلا كل ده من كرم ربنا علينا ودلوقتى الذكرى بقت يوم عيد الميلاد ذكرتين صور الفرح اللى اتصورناها وبعدين رجعت غيرت هدومى واحتفلت بعيد ويلادى مع صحابنا ولبست بدلة رووز رقيقة وعايزة اقزلكم انه بردوا لما رجعت كان فى سرعة عشان غيرت الميكب من الاورانج للروز تخيلوااااااااااااااااااا بقه

وصورنا صور وفيديو وانتقمنا بقه بصراحة :dd: حتى كل مااقوله كفاية صور يقولى لا نتصور تانى عشان العقدة اللى جاتلى لازم اتعالج

:dd::dd::dd: