تجهيزات أحلى عرايس مصر - الجزء الرابع

ايوه يا تيتو ده اللى انا كان قصدى عليه من البدايه وعايزة اقولك كمان على لبنان وبيروت انهم جمال جدا جدا من حيث الموقع والمناظر الطبيعية

اهلأا بيكى يا ايمان نورتى المنتدى معلش احنا هنتعبك معانا بس فعلأا السؤال المهم ايه الى جبتيه فى جهازك واندمتى لنك جبتيه وساميلى على الأء باركولى يا بنات خسيت 6 كيلو فى اسيوع ادعولى انى افضل ماشيه بلمعدل ده تحدى تحدددددددددددددددددددددددددددددددددددددددددددددددددددددددددددددددددددى

اختي العزيزة هانيا مشكورة جدا جدا جدا جدا جدا طبعا ان لم اتمكن من قراءة البريد الخاص بي لان عدد مشاركاتي لم يسمح لي بالدخول الي البريد الخاص في الموقع و لكني بشكرك علي مساعدتك و ارسالي الي شركة wedding planner الاكثر من محترمة هذه و عفوا لا استطيع ذكر العنوان او التليفون احتراما لقوانين المنتدي و لكني احب ان اسجل شكري العميق الي الاخت الكريمة مدام هانيا بارشادي الي تلك الشركة الرائعة و المحترفة فعلا في خدمتها و فعلا فعلا شركة محترمة جدا و في منتهي الذوق و الامانة و الحفاظ علي خصوصية العميل و لكي و لكل اسرة منتدي عروس كل الشكر و لو تسمحيلي اختي هانيا ان تقبلي دعوتي قريبا في شهر اغسطس ان شاء الله و السلام عليكم جميعا

الله يبارك فيكي يا نودا انتى و كل البنات يارب انا عايزة اقولك انى مبسوطى اوىىىىىىىىىىىىىىىىىىىىىىىىىىىىىىىىىىى حاسة ان قلبي حيقف من الفرحه
بصي يا ستى انا حجزت في القاعه بتاعت ضباط النقل البري اللي على الكورنيش دى بعد الاغخان بشوية لانه قريبه بصراحه من كل حاجة ليا و الاهم انها قريبه من بيتي كمان الحمد لله
هما كام قاعه بس الصراحه عجبونى اوى و كمان المنظر من هناك رقيق اوى على النيل على طول
روحى شوفيها و لو احتاجتي اى حاجة فيها قوليلي و انا تحت امرك


تيتو متزعليش اوى حبيبتى و خلاص بقي متفكريش في حاجة عدت و اديكي اهو اتعلمتى الدرس و ربنا مش بيعمل حاجة وحشة لا بالعكس احنا دلوقتى بندور اهو على الاحسن و شوفي الاخطاء في اللي فاتت و اتجنبيها في الفرح ان شالله
بس لازم تعملي فرح و تتهنى و تنبسطى و ربنا يارب يريح بالك و بال كل البنات بس خلي بالك لازم تفرحى :yes: لانك ممكن بعد كدة تقعدى تندمى انك مش عملتى فرح و بعدين دة ليله واحدة بس في العمر صح و لا اية ؟

السلام عليكم جميعا
اللى فرحه قرب عندى واحده بتعمل حنه
كانت فى فرح صحبتى وكانت تحفه
العايز يقولى

دودوروري ونبي تقوليلي عملتي ايه عشان تخسي يارب يخليكي

كات.. انتي فين يبنتي من زمان

قوليلي بأة نظامها ايه وبتعمل ايه واسعارها ايه وكل الحاجات دي

Hanya:
تيتو و وايتروز انا بعتلكم علي الخاص محلات المحجبات ومحضرالكم كلكم مفاجاه بس في الموضوع بتاعي معلش وانا متاكده ان الكل حيقوللي ابعتيلنا وانا طبعا تحت امركم

اهلا بيكي يا هانيا نورتى الموضوع معلش انا عارفة انها متاخرة شوية بس ممكن تبعتيلي انا كمان على الخاص الاسماء؟
عموما مستنين المفاجاة على نااااااااااااااااااااااااااااااااااااااااااااااااااااااااااااااااااااااااار:cool2:

حبايبي وحشتوني ازيكم كلكم

ايه الترحيب ده كله ده كتير عليا والله انا مش قد كل ده تسلامولي واحده واحده وان شاء الله ربنا يقدرني واقدر اساعدكم كلكم

بالنسبه للسؤال اللي معظمكم سالتوه عن الجهاز انا الحمد لله ما ندمتش على حاجه جبتها لاني كنت مشاركه مع بنات خالتي قبل كده في جهازهم فكنت عارفه ايه الضروري وايه اللي مش مهم قوي

بس اللي اقدر اقلهولكم بصفه عامه
بالنسبه لحاجات المطبخ لازم تاخدي بالك الاول من حجم المطبخ والسفره بتاعتك علشان ما تجبيش حاجات كتير وماتعرفيش تحطيها فين وتكركب عندك المكان
يعني لو كان المكان صغير شويه كفايه الاساسيات بس اما لو كان كبير هاتي اي سيتي رفاهيات ودلعي نفسك
الحاجه التانيه حاجه السفره شياكتها بيقمتها مش بعددها انها تبقى مرصوصه كويس في النيش والبوفيهات مش مكربسه على بعض
بالنسبه للمطبخ علشان يبقى دايما رايق ومش مكركب رتني الضرف كويس وخلى اللي بتستعمليه قريب من ايدك واللي مش محتاجاه دايما ابعديه وحطي الحاجه مرتاحه على الرفوف علشان تعرفي تستعمليها بسهوله حتى لو كنتي مستعجله

طبعا انا عارفه انتوا هتستغربوا الكلام ده وتقولوا لسه بدري عليه احنا فين والفرش فين بس والله لو حطيتوا الموضوع ده في بالكم وانتوا بتجهزوا هيفرق معاكم كتير وهتعرفوا قيمته بعدين

اما بالنسبه لنوعيات المشتريات واعدادها فانا ان شاء الله باعمل فايل على الكمبيوتر لاصاحبي عرايس بيجهزوا زيكم كده واول ما اخلصه هانزله لكم هنا على طول ان شاء الله بس معلش لو اتاخرت شويه اصبروا عليا اصلي مش باعرف اشتغل في اي وقت يعني بيت واطفال وشغل كمان

بالنسبه لملابس الخروج يفضل انك تجيبى للفصل اللي هتتجوزي فيه يعني اللي هيتجوزوا في الصيف مثلا يجيبوا للصيف بس وممكن ياجلوا حاجة الشتاء لانك ممكن ربنا يسهل وتكوني حامل ساعتها وعلشان كده هتحتاجي لبس للحمل وعلى ما يجي الشتاء اللي بعده ممكن يكون جسمك اتغير وحتى لو فضل نفس المقاس هتلاقي الموضه والموديلات اتغيرت وبرضه هتحبي تجيبي جديد وانتي برضه الكسبانه

بالنسبه لقمصان النوم نوعي قد ما تقدري في الموديلات والالوان والاطوال وما تقلقيش من اي لون وتقولي مش هيلق عليا جوزك برضه بيشوفك حلوه ما دمتي بتجددي دايما اما بالنسبه للاطقم يعني قميص وروب ما تكتريش منها لانها غاليه ومش عمليه قوي عند الاستعمال 3 او 4 كفايه قوي

بالنسبه للملابس داخل البيت مهمه قوي وهاتي منها كتير لانك ممكن في الاول تحبي تلبسي اكتر من طقم في اليوم بس خلي بالك اختاري حاجات مريحه وعمليه ينفعي تقعدي بيها مده وتشتغلي بيها في البيت علي خفيف لو حبيتي

يفضل يبقى عندك حاجه تستقبلي بيها الضيوف بسرعه لو مش هتلحقي تلبسي عبايه مطرزه مثلا للضروريات

البرفانات مهمه جدا هاتي منها كتير ومش مهم تكون كلها غاليه او ماركات هاتي كمان حاجات رخيصه او تركيب لو بتحبي علشان تقدري تجيبى مجموعه كبيره ونوعي بين الكلاسيك واللايت
المجموعات كمان اللي بتبقى برفان وشاور جل ولوشن وديودرانت بتبقى لطيفه قوي خصوصا في اول الجواز علشان بتخلي الريحه ثابته وكانها بتشع منك

بالنسبه للميكب اللي ما بتحطش بره البيت ما تكترش وتجيب حاجات بسيطه علشان ما تقدمش الحاجه عندها وكمان تقدر تنوع وتجيب من الجديد اللي بينزل دايما وقت ما تحب وما تفضلش محصوره في الالوان اللي عندها وبس

دي دردشه مبدئيه يا ريت ما كنش طولت عليكم وانا تحت امركم في اي سؤال

تيتو يا جميله مرسي على كل كلامك الحلو ده واتمنى ان ردي يفيدك بحاجه ولو عندك اي سؤال عن حاجه معينه انا تحت امرك
انا فعلا كنت بكتب ردودي وقت الفجر على ما كنت بارجع واخلص مشاويري وشغلي لاني كنت باشتغل في البيت كمان ما كانش يجيلي نوم من غير ما ادخل واكلم صديقاتي الحبيبات كانت فتره مرهقه والحمد لله عدت على خير عقبالكم كلكم

سوفت روز مرسي يا حبيبتي على ترحيبك وانا تحت امرك انت بس تامر يا جميل
بصي يا سيتي مهندس الديكور على حسب طريقة شغله يعني ممكن يعملك روسومات بس وتتفقوا على مبلغ مع بعض مقابل الرسم وفي الحاله دي انتي تبقى مسؤله عن التنفيد والعمال وكل شئ والحل ده انا ما انصحكيش بيه قوي لانك غالبا مش هتعرفي توصلي لنفس النتيجه اللي تحبيها او شايفها على الرسم
الطريقه الثانيه انه يعملك الرسم ويشرف على التنفيد برضه مقابل مبلغ للرسم اما التنفيد حسب ما تتفقوا وغالبا بيكون مبلغ على بعضه او نسبه تحددوها مع بعض ممكن تكون 10% مثلا وطبعا يستلم الشغل من العمال او المقاول
الطريقه الثالثه انه بالاضلفه للاشراف يجيب هو العمال كمان وانتي تجيبي الخامات بس ودي افضل طريقه لانه بيجيب ناس عارف جودة شغلهم ومقدرتهم
اما اخر طريقه انه ياخد منك الموضوع مقاوله يعني من بابه يستلم منك مفتاح الشقه ويسلمهالك على الفرش على طول ولو حبيتي يساعدك في اختيار الفرش والنجف والستاير وغيره ممكن يعني هيسلمك الشقه على السكن على طول

اما بالنسبه لاني احددلك سعر مثلا فده صعب لانها بتفرق على حسب المهندس نفسه يعني لو كنتي هتروحي لاسم من الكبار المعروفين طبعا هيبقى غالي شويتين
وكمان نوعيه الطلبات اللي انتي عايزاها حاجات عاديه ولا مميزه وفيها شغل واستايل ومساحة الشقه وموقعها وغيره
على العموم يا جميل نا وجوزي كمان شغالين في الموضوع ده لو حبيتي ابعتيلي على الخاص وانا اقلك تتصلي بيا ازاى
وانا دايما تحت امرك فى اى وقت انت بس تامر يا جميل


كات 2006 مرسي يا قمر على الترحيب الجميل ده وانا معاكم ارد على كل اسالتكم بس معلش هاتعبكم معايا شويه في التاخير
بالنسبه لمصراويه معرفش عنها حاجه بس هاحاول اوصلها او اتصل بيها واطمنكوا عليها انا انشاء الله

وايت روز واضح انك رقيقه زي اسمك الرقيق مرسي جدا على ترحيب وان شاء الله دايما كلنا مع بعض ونفيد بعض دايما

روره اهلا بيكي يا حبيبتي ومرسي على كلامك الرقيق وبالنسبه لمصراويه زي ما قلت هاحاول اطمنكوا عليها ان شاء الله

دودوروري الف الف الف مبروك نزول وزنك وربنا معاكي بس اهم حاجه تخلي بالك من صحتك وما تنزليش كتير في فتره قليله علشان ما تضعفيش ووشك يفضل منور وكله نضاره دايما
ترحيبك بيا اسعدني ويارب ابقى عند حسنك ظنكم وتحسوا اني بفيدكم بحاجه مش برغي كتير وخلاص

معلش اقلكم سلام دلوقتي علشان بنوتي على وشك تصحى من النوم

وحشتوني وحشتوني وحشتوني انا لسه مقرتش مشاركتكم فالموضوع ده ولا المواضيع التانيه بس مقدرتش استنى واقلكم انكم وحشتوني ومن الواضح انكم مش واخدين بالكم اساسا اننا بقالي 3 ايام مبدخلش النت المهم اننا فرحانه ج بمشاركتكم

بجد موضوعكم جميل اوي

تسلم ايدك

JEWAYRYA


ياعسوووووووووولة

عالموضوع المفيد دة

وبصوا انا عندي موضوع حلو للبنات اللي عايزين يلبسوا الحجاب في فرحهم

http://www.3roos.com/forums/showthread.php?t=171088

وانشاء الله يعجبكم

ووالله يابنات انا دايما بشوووف العروسة المحجبة حلوة اوي

وبعدين في حاجات طالعة حلوة اوي للعروسة المحجبة

لكن لو فرحك هيكون اسلامي اعملو اللي تعملوووووة

يعني اقصد منفصل

انشاء الله ماينفعش نبتدي حياتنا بغضب ربنا علينا ولا انتم اية رايكم

بصو يا جماعه انا برضه خطوبتي كانت بسرعه والله انا لدلوقتى مش عارفه ده حصل ازاى الاول هما كانو ساكنين معانا فىنفس الشارع بس لنل مكنتش اعرفهم المهم انه قعد خارج مصر سنتين وجه وطلبنى وقعدنا مع بعض مرتين طوال قبل ما وافق وبعدين وفقت وعملنا الشبكه عندنا فى البيت وكنا عليتنا وعليتهم بس وانا الى طلبت كده ولبست طقم سواريه وكنت محجبه طبعا اييييييييييييييييييه ايييييييييييييييييييييييييييهه ايييييييييييييييييييييييهه سابنى وسافر لشغله بعد شهر ومش هشوفه الا فى شهر7 تيتو ربنا غفور رحيم المهم منكررش الى حصل وده عادى وبيحصل كتييييييييييييييييييييييير بس انشاء الله ربنا يثبتنا على ما يحب ويرضى اللهم نسالك الرضا

روره اولأاانا وزنى زياده خولى 30 ك هقولك انا عملت ايه الأسيوع الى فات الفطار ثمره فاكهه برتقاله او تفاحه او موزه مع ان الدكتور مقليش على الموز يلى عديها الغذاء ربع فرخه مشويه او مسلوقه بدون جلد +طبق سلطه كبير العشاء ثمره فاكهه او علبه زبادىبدون دسم بس انا كنت باخد الأثنىن +رياض نص ساعه يوميا +مرتين جيمفى اللأسبوع بس طبعا كنت باخد فيتيمناتوبشرب ميه ولما رحت للدكتور قلى لأزم تخدى ملعقه سكر او ملعقه عسل نحل وبعدين المعدل ده مش هفضل عليه يعنى الأسبوع الى انا فيه عدى نصه ومخستش غير كيلو وانا بنصحك لو فيه وزن زياده كتير تروحى لدكتور ولو مش كتير يبقى تظبطى اكلك وتروحى الجيم على فكره الدكتور هيديلى يوم اجازه فى الأسبوع بعد ما خس 10ك بببببببببببببببببببببببببببببباى

السلام عليكم يا عريسنا الحلوين اخياركم ايه
بخصوص خطويتى فكانت عاديه في البيت بدون رقص ولا هز لان انا و خطيبى ملناش فيه لكن اتبسطنا جدا وفرحى في اخر 8 الجاى بأذن الله و للعلم يا بنات انا نويت انا و خطيبى انشاء الله مش هنعمل فرح هلبس فستانى في الكوافير و هكون محجبه طبعا ونطلع على الاستديو وبعدها نروح الجامع نكتب الكتاب في نفس يوم الفرح و نطلع زفه عربيات و نروح بتنا بدون منغضب ربنا خالص واسبوع ونروح نعمل عمره بفلوس الفرح اسبوع او 10 ايام في رحاب الله الدنيا كلها معارضه عندى بما انى البنت الوحيده بس انا الى الان لسه صامده ايه رايكوا حركه جامده مش كدا؟؟؟؟؟؟؟؟؟؟؟

السلام عليكم ايمي وتيتو ربنا يوفأكو يارب
ما شاء الله عليكو ,,
الموضوع حلو جدا أنا أعده بقرأ ومركزه جدا بس لسه حاسه نفسي مشتته ومحتاسه أوي
وخايفه ماما تنسى حاجه كده ولا كده ,,
هوا المفروض الوحده تجيب كم مفرش للسرير كام وكم ملايه وباختصار ايه اللازم لغرفة النوم لأني محتاره انا وماما اوي
يعني كم بطانيه او غطا للصيف مش عارفه ومش عندي خبره

هنيا انتي من كلامك خليتيني اعيد النظر في موضوع شهر العسل دا
بجد انا من زمان نفسي اروح ماليزيا فعلن بابا بيقول عليها تجنن

اهئ اهئ انا عيزه اكمل ال 15 مشاركه

السلام عليكم
اخواتي العزيزات
احب ابلغكم بانه هذه المواضيع
لكل عروسة فرحها في مصر انا جاهزة لمساعدتكم في اي حاجة تطلبوها وجربوا للاخت Hanya
لكل المصريات هنا هنتكلم عن تجربتك الشخصيه في تجهيزك لبيت الزوجيه للاخت JEWAYRYA

دمجت مع الملف لانه لا يمكن ان يكون في القسم اكثر من ملف واحد لكل دولة
وعند دمج المواضيع فسيصبح ترتيب تسلسل الردود حسب الاقدم

اشكركم على جهودكم وعلى تعاونكم

تحياتي
بغدادية

Hanya:
خلوا بالكم يابنات الادارة دمجت الموضوعين ببعض موضوعي وموضوع تجهيزات أحلى عرايس مصر - الجزء الرابع يعني كله بقه سايح علي بعض والصفحات كترت وبقت لخبطة علي الاخر

اختي الغالية
مافي لخبطة ولا شيء بالعكس هذا الدمج حيوحد مسيرتكم
وكل هذا المواضيع في مجال واحد فبدل مناس ترد هنا وناس ترد هناك الان تقدروا كلكم تتعاونوا مع بعض
انت ممكن تساعدي البنات عادي والبنات الي حابين يحكوا على التجهيزات يحكوا على راحتهم
وطبعا من من التجهيزات تجهيز المنزل (تجهيز لبيت الزوجيه)
بس اول فترة حتحسون انها صعبة بس بعدها حتتعودوا

اخباركوا ايه يا اجمل عرايس الكون ممكن حد من الخبيرات الى موجودين يقلنا ايه هيه بلظبط الحجات الى لازم نجبها للمطبخ و طبعا ايه الضرورى و ايه الى ممكن نطنشه ويطلع بعد كدا مهم اخبارك ايه يا رورة انشاء الله تكونى احسن و tyto اخبار الجهاز معاكى ايه؟و مرسى ياhanyaعلى المعلومات الى اكيد هتفدنا انشاء الله بعد كدا شدوا حلكوا يا خبيرات معانا شويه :shy::shy::shy: