تجهيزات أحلى عرايس مصر - الجزء الرابع

اخباركوا ايه يا اجمل عرايس الكون ممكن حد من الخبيرات الى موجودين يقلنا ايه هيه بلظبط الحجات الى لازم نجبها للمطبخ و طبعا ايه الضرورى و ايه الى ممكن نطنشه ويطلع بعد كدا مهم اخبارك ايه يا رورة انشاء الله تكونى احسن و tyto اخبار الجهاز معاكى ايه؟و مرسى ياhanyaعلى المعلومات الى اكيد هتفدنا انشاء الله بعد كدا شدوا حلكوا يا خبيرات معانا شويه :shy::shy::shy:

السلام عليكم
ازي كل العرايس هنا ؟ تن شاء الله تكونو بخير وصح وسلامه لازم يا بنات الهدوء في الوقت دا بالذات علشان نكون احلى عرايس

انا بصراحه بحاول بس ان شاء الله اقدر

يا بناتتتتتتتتتتتتتتتتتتتتتتتت

وحشني أوي

فين العرايس مختفيين ليه

معلشي يا بنات في لخبطة مش علشان دمج المواضيع

اللخبطة حصلت بعد ما أتقفل الجزء اللي فات

لكن عادي يا بنات أحنا مع بعض في أي موضوع

التجهيزات أنا متوقفة شوية علشان عندي كم شغل فظيع

لكن ربنا يسهل أول خطوة ليا هتكون الصيني
وبعدها الملابس الصيفي

بس أفضى شوية

سلام يا بنات وعايزة أشوف النشاط

جويرية حبيبتي

أنا حاسة أن بقالك أسبوع مش بس 3 أيام

وحشتيني فعلاً


رورةأنتي كمان وحشاني أوي

السلام عليكم جميعا
وحشونى اقوى يابنات وياعرايس
معلش كنت اقر الموضوع من اوله علشان الدمج اللى حصل
ايمان ياريت تقولى الحاجه شويه شويه زى روره ما بتعمل
شويه اشوف الشغل اللى عندى وارجع تانى

عزيزاتي

يرجى التقيد بقوانين الركن حتى لا يغلق الموضوع نهائيا

الدردشه التي لا فائده منها ممنوعه..

إيمان

ربنا يخليكي

ويخليلنا إهتمامك بالمنتدى

بما أن أنتي قولتي نغير ونوع في قمصان النوم
ممكن تقوليلنا العدد المناسب قد أيه

علشان في ناس كتيير بتقول متكتروش

بالنسبه للحنه
هى بترسم وكمان بتختى اللباس والبنات
الرسمه ب10
والرسمه على البطن ب40
والطقم اللبس الواحد ب 50 وهى عندها 7
( لبس الحنه -الاسكندرانى-الهاواى- البلدى -العربى) مش فاكره الباقى
البنت الواحده ب50 يعنى لوجبتى 3 ب150
الاغانى من عندهم وبيعملوا شوا حلو اقوى
اللى عايز يقوى علشان ابعتلوه رقمها

على فاكره فى محل لادوات البيت والكاسات واشياء اخررى
اشتريت الشهر الفات طواجن فخار وبيركس واطقم كاسات عادى وكرستال بس كانت تحفه
طقم سفره زى بتاع اسامه فى اطيب مع اسامه
المحل اسمه رويال كيتشين فى مصر الجديده عند رويال هاوس وليه فرع تانى عند مسرح الزمالك

انتم فين ياعريس

lekaa139


ممكن لو سمحتي تقوليلنا أيه الحاجات الجديدة للعروسة المحجبة

يا ريت تساعدينا أحسن أحنا مزنوقين خالص

ونفسنا نلبس الحجاب ونكون كلنا شياكة ورقة ونكون زي القمر

وده حلم كل عروسة

الموضوع اللي قولتي عليه مش راضي يفتح

من فضلك ساعدينا

وحشتونى اوى يا بنات



هو انتم نستونى ولا ايه

اصل انا الكليه بتاعتى صعبه جدا وكل يوم امتحان علشان كده مش بعرف ادخل كتير



بس ايه الهمه والنشاط ده



متزعليش اوى يا تاتو كده انا برده يوم خكوبتى كل اما افتكره اضيايق لان ماما اتخانقت معايا فى وكنت عامله فى البيت وكنت مصيفه قبلها وكنت لسه مفتحتش وحاجات تانيه كتيره


ده كفايه ان حتى الصور تلعت وحشه جدا لدرجه انى عايزه اقطعها بس مستنيه صور الفرح



وحشتينى اوى يا روره عامله ايه

بنات وحشتوني جدا جدا جدا واللهي فعلا كان نفسي اكلمكم تيتو واللهي وحشتيني قوي وانتي الوحيده الافتكرتيني وسالتي عاليه
:sad: بس مش مشكله برده كلكم وحشتوني وطبعا جت متاخره شويه انما ايمان منوره موضوعنا بجد برافو عاليكي يا تيتو انا عاوزه اقلك يا ايمان ان موضعكم كان اول حاجه اقراها فالمنتدى وشدني جدا قعدت عاليه اليوم كله لغاية لما خلص وكنت مستانيه يخلص عشان اشارك معاكم وفالاخر قريت التاريخ هههههههههههههههههه المهم انك منورانا وانا عن نفسي محتاجالك جدا فالديكور وتجهيز البيت والعفش لاني فعلا محتاسه فالموضوع ده اولا كنت عاوزه اعرف اكتر عن مهندسين الديكور لاني شفت منهم حاجلت وشقق معجبتنيش تحسي انو مقاول يعني شقة اختي كان اهم حاجه عملها المهندس انو وفرلها فالخامات ونفزلها افكارها بس الشقه مش حلوه تحسيها مش متنااسقه انا محتاجه حد اقله افكاري وهوه ينفزهالي بس بزوق يعني مثلا اقله الفكره فالليفينج روم مثلالون معين هوه يقللي العفش المناسب للون والمكتبه اللتنفع للون الاختارته بحيث ان النتيجه تكون مناسبه وبالميزانيه المناسبه ودي نقطه تانيه لاني مش عاوزه اصرف على الشقه نفسها جامد لاني هغيرها بأذن الله يعني كان نفسي اجيب نات بتاع برنامج اوبراه هوه اللهينفعني هههههههههههههه لاني كمان بحب الاستايل الاوروبي والامريكاني فالعفش ومبحبش العفش الكلاسيك والفخم ده مبحبوش خالص فمحتاجه حد يكون الاستايل ده ويكون افكاره حلوه ومش غالي لان بعد الاختي جابتهاهلي بقوا واخدين فكره وحشه عن مهندسين الديكور ومحدش مساعدني
معلش داوشتك يا ايمان بس انا عارفه انك جدعه وهاتساعديني

بالنسبالي انا هقلكم اتاخرت عنكم ليه ولوانكم مسالتوش بس هقول لتيتو بس محدش يقرا :angry: غيرها انا للاسف من يوم المطره الشديده النت عندي باظ ويوم ما اتصلح وانا بكتبلكم راح الكي بورد باظ وبقيت كل يوم افقرا ردودكم من غير ما اعرف ارد وطبعا ما قدرتش اخدت من اختي الكي بورد بتاعها عشان انا مزنوقه الشهر ده اني اجيب واحده جديده المهم طبعا انابصراحه اتدايقت من الاداره لدمج المواضيع كلها لان الموضوع بقى ملخبط والردود مش لايقه على بعض ولو كانو لاغوا موضوعي خالص مكنتش هزعل لاني اساسا مكنتش عارفه ان تيتو عملت الجزء الرابع وكان اهم حاجه ان الموضوع يبقى مرتب ومفيد لليقراه او لو كانو حتي رتبوه بطريقه تانيه كان بقى احسن بس الحمد لله على كل شيء قدر الله وما شاء فععل

جويرية حبيبتي

أنا برده من رأيك في موضوع الدمج ده

وهنيا كمان يظهر نفسها إتسدت عن الموضوع ومبقالهاش نفس تدخله

لكن أحنا هنوقف قدام أي عقبات وهنكمل موضوعنا ومش هيهمنا وهنفيد كل البنات

اذيكم يا بنات كلكم عاملين ايه وحشتونى اوى معلش بقالى كتير مبشتركش معاكوا عشان عندى شوية مشاكل فى الموضوع بتاعى المهم ادعولى اوى ربنا يعديها على خير عشان انا نفسيتى تعبانة خالص وتقريبا وقفت كل حاجة من شراء وبحث عشان نفسيتى تعبت قوى المهم يا رب كلكم تكونوا بخير وربنا يوفقنا كلنا يارب

يابنات.. انا محدش يسألني عن حاجة اليومين دول لأنكو بجد نفسكو هتتسد..

وبجد البنات كلها ياريت ميزعلوش عشان مبسألش.. انا حالتي صعبة جدا
مفيش فلوس وناقصني بلاوي
رجلي مكسورة ومبنزلش
شغل كتير
وانشغال رهيييييييب
وناقص على فرحي شهرين..
كل حاجة فية بايظة (شعري - وزني - وشي - جسمي)

وانا مش هتكلم في اي حاجة إلا لما نفسيتي تتعدل شوية
وادعولي يابنات

سلامتك يا رورة:smile:
ان شاء الله كله هيبقى تمام وهتنفتح نفسك وتعملى كل اللى نفسك فيه
الف سلامه عليكى وربننا يتمم لك على خير

مالكم يا بنات ربنا بيمتحنكم يا سوفت روز
ما توقفيش حاجه وتوكلى على الله
ونصيحه منى ليكى ابتسمى دايما وقولى (لن يصيبنا الا ما كتب الله لنا ) فاهمانى كتب الله لنا مش علينا
اعذرونى انا صحيح عضوة جديده لكن فى طبع المصريين بياخدوا على الناس بسرعه ياريت ما حدش يزعل من ردودى

ازيكم كلكم
الف سلامه عليكى يا روره ان شاء الله تقومى بالسلامه وهتكونى عروسه زى القمر بس حاولى اهدى وتفالى خير

سوفت روز اه اخبارك ان شاء الله ربنا يعدى المشاكل على خير وربنا يوفقك


اهلا ببنت بلدى منورة
انتى مخطوبه ؟