رابطة امهات اغسطس

صباح الورد لاحلى امهات ..... شحالكن يالغاليات؟
الله يعينج اختي انجل ايز .. على قولة همباية الظاهر وحامج بالتقسيط.... لاني انا بعد كنت اول 3 شهور ما اطيق ريلي ... ومسكين كل ما يدخل البيت احس ريحته خايسة واتم ازووووووع .... بس الحمدلله خفت الحالة على نص الرابع .....
همباية اظن هاي حركة البيبي في البداية جيه ترى ... ما تعرفين اذا غازات ولا البيبي يتحرك .... ان شاءالله شهر واحد او اقل وبتحسين بالحركة عدل ....
انا ما شاءالله عليه ... نشيط خاصة وقت رقادي يتم يرافس وما يخليني ارقد ... فديت روحه

همبايه.

هيي هذي مب غازات...هذا البيبي يرافس :)
عقب كمن اسبوع بتحسين بها اكثر..خصوصا في الليل و بتميزينها عن الغازات..

بنات..

انا يوم امشي وايد تنزل علي افرازات لونها ابيض على شويه صفار...منو يستويلها نفس الشي؟؟
واحس بسرتي تطلع على برع..
و ريلي بدت تورم شوي...بس اول ما ارد البيت وارتاح خلاص الورم يخوز

و احيانا اصابع يدي تنتفخ و الخواتم تضييج علي....

منو مثلي؟؟؟؟؟

الحمد لله ،، الله يبشرج بالجنة يا دوده81

فرحتيني الله يفرحج

بس ترى الحركة خفيفة وايد ونادر ما تستوي

الله يحفظة ان شاء الله ويتمم شهور حملنا كلنا على خير ويسر الولاده علينا يا رب

طبعا انا بكون موجود ومداومة عالمنتدى ان شاء الله بس امانة يا بنات كل وحدة بعد ما تربي تدخل وتبشرني وتقولي شو كانت ولادتها وشو يابت

عسب اهيء عمري لين ولادتي ان شاء الله

sallami

انا بعد..ماشالله عليه..مضبط عمره على وقت رقادي يقوم و يرافس و ما يخليني انام..والصبح خلاص اول ما اقوم.تخف حركاته و يرقد...
يباله ضرب :)

فديته ولدي يتحرك

الله يبشركم كلكم ان شاء الله


وبخصوص الافرازات اعتقد عادي لان انا بعد لمن امشي تنزل علي

وفي كتاب الحمل مكتوب انه عادي بس اذا زاد يمكن يكون التهاب لا سمح الله

هلا والله شحااااااااااااالكم؟

توني رديت من المستشفى و الحمد الله البيبي بخير و ما فيه الا كل خيييييير..

عطتني الدكتوره كالسيوم و حديد و خلتني ارد على الدوفاستووون .. بنااات انا في خاطري اجوف شكل البيبي ماروم اتريا اكثر! و خبرتني الدكتوره ان ممكن اولد على اخر جولاي ( ماعرف بالعربي شو اسم الشهر) خخخخ و اتخيلووووووو

جفت جنين عمره ست شهور .. امه توه يابته لان استواالها نزيف .. وايد صغير و كتكووووت حليله

الحمدلله فاشيون غيرل انج تطمنتي

بس حق شو الدوفاستون؟

angel eyes
الدوفاستووون عشان يثبت الحمل ... من حملت و انا اخذه و الله تعبت بس عشان البيبي كل شي يهوووووووووون

الله يسهل عليكن يا رب

[CENTER]
مرحبا بنات ،، وينكم ،، الموضوع وصل الصفحة الرابعة

بسكم رقاد


اقوول ،،، انا الإفرازات عندي زايدة هاليومين ،، يعني فيها خطوره صح؟؟؟؟

المشكلة ان دكتورتي محد بتي تاريخ 15 وانا بصراحة بديت اخاف لان ساعات يكون لونه غامج شوي

ود. نفيسة الي فالزهرا انا بصراحة ما ارتحت إلها احسها عيوز ومضيعة والله كل ما اشوفها اذكر يدة ليلى والذيب

اسير عند منووووووووو

همبايه .. انصحج بدكتورتي وايد فنانه و طيبه

دكتوره شما نواز

وااااااااااااااايد حبوبه و حنونه و دوم يوم اسير عندها تعطف علي عشاني صغيره و تعاملني معاااااامله طييييييييييييبه

يا حوامل شووو رايكم ... ابتدي اتجهز حق البيبي ؟؟

لاني احين يوم اظهر من البيت اتعب وايد .. فكيف يوم ادش السابع !! احس عمري بمووووت

انا امس طلعت و جفت اشيا حلوه و عيبتني و خذتها الصراااحه .. بس انا الي اعرفه, شهر 5 بيكون في تنزيلات في بيبي شوب

و ماعرف اذا اتريا و لا اخذ ؟؟؟ شو احسن شي ؟؟

[CENTER]كيفكم حوامل


[CENTER]fashion girl ابتدي دحين انا دحين بالسادس ومخلصه اغراض البيبي كلها واغراضي بعد كله عشان اخاف ما اتحمل بالشهور الاخيرة لاني كسوله وماني حقه اسواق وملوله
والحمدلله دحين لما بروح بس لي اهلي اشيل هم احس خرجتي ثقيله وفيني كسل شنيع كيف لو بروح اسواق
لكن طلعتلي مشكله فرح اختي بشهر 7 وكل ما اروح لي امي اقولها بروح معاكي عشان افصل ليا ثلاث اسابيع وانا اوعدها وما اروح<<<<<<<< كسوله

هلا حبيباتي

وينكم من زمان

انا بعد دوده مثلج...اتعب من المشي والحواطه لان الم فضيع يصيبني بكثره المشي تحت البطن....وشكلي ببدا اجهز قريب لاني داخله السادس هاليومين..
هذاك اليوم كانوا مسوين تنزيلات في دبنهامز لمده يومين...دخلت بالصدفه و خذت لي من قسم مذركير اللي عندهم فوانيل كم قصير اللي تتسكر من تحت .خذت لون ابيض و عليه رسمه صغيره لشخصيات ديزني في النص :) ينفع للولد والبنت...
وخذت لحاف حلو اصفر فاتح
و خذت جوتي صغير يجننننننننننن..جينز :)

شكلي بيووود الريل و بسحبه وياي هههههه و باخذ سوالف البيبيااااات

بنات طلبت من امريكا مراضع وااايد اوكيه حق البيبي .. ما تسوي غازات لو قدر اول ماتوصل بصورهم و بعرضهم حقكم ..

ادري مصختها .. خخخ بس عندي سؤال ؟!؟

متى يبتدى الحليب يتكون و متى بيطلع ؟؟ لاني امس جفت شي غريب على صدري مثل حبوب طويله ورديه :| باديه تظهر
و احينه ماتحمل اي شي يزخ صدري ؟؟ والله احس بالم رهييييييييييييب

[CENTER]صباح الخير

اليوم ان شاء الله بسير عند شما نواز ،،،، بس هاي هندية صح؟؟؟؟

انا بعد سرت بيبي شوب اوني باخذ هدية واول ما دخلت حسيت بشي لا ارادي يشدني صوب البيبيات انا في صوب وريلي في صوب وتلاقينا ولا كل واحد اميمع اغراض في ايده حق البيبي ،،، والله كان شكلنا ايضحك

ويوم سرت ادفع سالتها عن التنزيلات قالت لي في نهاية هالشهر فما بستعيل

مرحبا فاشيون غيرل

بصراحه مادري..بس اضن تو الناس عالحليب...اعتقد لين السابع او الثامن و يكون لونه اصفر اعتقد..ماادري...اسألي المجربات :)

السلام عليكم جميعا
مبروك علينا رجعت المنتدي

اخباركم واخبار الحمل معاكم

hala banat.. enshala into b5eer...

ya banat ana i finished the 7 months and :( they told me that my baby is full of water and he will not live>>> alaa kareem inshala

my operation is on monday :) pray for my baby sisters

enshalla ur babies r fine ... yaaaaaarb 0o0 marmroon fe ily ana mareeet feeh

take care girls

مرحبا بنات

مبروك عوده المنتدى والله تةلهت عليكم

فاشيون غيرل...ضايجتيني والله....شو اللي صار معاج؟؟؟
الله يقومج بالسلامه و تشوفين البيبي على خير حبيبتي

طمنينا عليج