رابطة امهات اغسطس

مبروك يا امهات المستقبل

واخيرا ردولنا تواقيعنا

الحمد لله

الحينه الواحد نفسه تنفتح يوم يشارك ويشوف شريط الحمل


:shy::shy::shy:

مشكوووووووورين و ما تقصروووووون و ان شاء الله تعرفون جنس الجنين و يكون نفس الي في بالكم يارب ...

بنات متى ابتدى اشتري حق البيبي ؟؟؟ انا كنت مفكره على الشهر السابع او الثامن بس اجووووفكم من احينه بتاخذوووون ؟؟!!!

انا اكل حبتين بندول كل ساعتين وماتسوي شي .

موعد ولادة إختي 3/8 وانشالله الله يقومها بالسلامة

مرحبا امهات اغسطس؟؟ شخباركم؟؟ هيييه جيه اباكم..تشاركون..من زمان مختفيات

انا الحمدلله هاليومين ماشاءالله حاسسه الحركه واضحه..بس مادري حاسسه اللوعه متعبتني كانها رادتلي..وحاسسه بتعب...

لما رحت الاسبوع اللي فات عند الدكتوره ( لاني بفتح ملف في مستشفى الوصل) سوتلي الالتراساوند والحبيب فاتح ريوله كأنه يقول يلا شوفو جنسي....:) وطبعا انا زوجي محلفني ما اعرف جنس البيبي عشان تكون مفاجأه....طبعا الدكتوره ضحكت وقالتلي شو قالولج بنت ولا ولد..قلتلها ولاشي لان زوجي محلفني بس انا بموت واعرف ...ضحكت لان جنسه كان باين..قلتلها ولد ؟؟؟ قالت ماليش دعوه انتي زوجج محلفنج :)
بس مادري شو الجنس ما عرفته

قولولي متى ابدا اشتري اغراض البيبي؟؟

انا الظاهر حسدت عمري

من الظهر وحاسة الوحام رد لي مرة ثانية

اللوعة ذبحتني والترجيع رد لي مرة ثانية وبقوة

وحاسة بالم غريب من تحت السرة وبثجل احس شي بينزل

مادري هل هذا التهاب و لا البيبي يرفس وانا مب حاسة

والله اني تعبانه

وما اعرف شو اسوي

السلام عليكم
شحالكن يا حوامل اغسطس؟
همباية ... انا نفسج من البارحة وانا فيني لوعة وازوع كل ما اكل شي .... ما ادري شو السالفة مع اني كنت مرتاحة من نص الرابع وكل شي كان خايز عني ...
الله يعين ان شاءالله ....
الصراحة انا مستانسة من شريط الحمل اللي ردوه ... الف شكر للادارة اللي ردت تواقيعنا....

شوالسالفه يا بنات..كلنا ردت لنا اللوعه!!!؟؟؟؟

الظاهر جيه اختي ...ههههههههههههههههه
يالله الحمدلله على كل حال .... اهم شي ربي يثبت حملنا انشا ءالله ويكون البيبي بصحة وعافية

صباح الخير يا حوامل

طلع عندي التهاب في المعده ومنعتني الدكتورة من اكل الحار

وانا من حملت ادمنت على الملح واللومي والفلفل

مادري شو بسوي احينه

وقالت لي البيبي صغير ومايبين جنسة بعده

فا انقهرت بزيادة

وغير جيه كنت سايرتلها على لحم بطني فماقدرت اشوف البيبي مووووووووووووووووووووووووول

والله قهر

وهاي اللوعه ذابحتني وانا الذكية ناسية حبوبي فالبيت مادري شو بسوي لين آخر الدوام

الله يعينج اختي ان شاءالله من اتعدين الاسبوع 15 بتكونين اوكي واللوعة بتخف

الله يسمع منج اختي sallami وتخف اللوعة

انزين اختي متى بقدر اعرف بنت ولا ولد في اي شهر؟؟؟

ان شاءالله من الاسبوع 18 يكون جنس الجنين واااااااااااااااضح ... حتى بعض الحريم من قبل ال18
بس يقولج اوضح شي من 18 لين 22

شحااااااااالكم ؟؟ ان شاء الله بخير

يا بنات اتخيلوا من يومين الكلى كانت وايد تعوووووووورني لدرجه ان فليل ماروم ارقد شرات قبل !!!

و يوم رحت المستشفى تخبرني الدكتوره ان عندي التهاب في الكلى !!! و ما تعرف نسبه الالتهااااااب و لازم اراجعها اليوم عشان اعرف كم النسبه !!

ادعولي الله يخليكم واااايد خايفه... صدق وهن على وهن

الله يعافيج اختي وما تشوفين شر ان شاءالله .... يمكن انتي ما تشربين ماي وايد ...كثري من الماي الغالية ....
وطمنينا عليج ....يوم تسيرين عند الدكتورة ....

هلا سلامي
الحمد الله خف الالم وايد عن قبل و قمت اشرب ماي اكثر عن قبل ... و عطتني الدكتوره حبوب عشان ابلعها بس انا ماخذها الا اذا حسيت بالالم... اخاف تضر الجنين

مرحبا يا حوامل

اقوووووووول انا في مشكلة

اكتشفت ان ماعندي ثياب البسها

كل يوم الصبح اوقف ساعة عند الكبت ادور شي مريح فالحركة والسيرة والردة للدوام بس معظم ملابسي بناطلين ماتتسكر علي والتنانير بدت تضيج وانا ما احب البس جلابيات وما احب افصل لاني ما اعرف ومالي بارض

فياريت تنصحوني من وين ممكن احصل ملابس للحمل جاهزه واذا بتفصلون شو تفصلون خبروني لاني ما اعرف

همبايه

حبيبتي لازم تلبسين واسع الحين علشان ترتاحين و يرتاح البيبي .. معليه فتره و تعدي و ان شاء الله بنات الامارات يقولون لج وين تحصلين ملابس الحمل الواسعه ..

فاشن جيرل

ما تشوفين شر .. كثري من شرب الماي .. حتى الماي حول البيبي يكثر اذا كثرتي في شرب الماي

السلام عليكم
انا يوم حسيت بحركة البيبي
واااااااي شعور عجيب بس ضرب ضربة وحدة وخلاص

انا خوفتني دكتورة المركز على ولدي قالت لي تحتاجين التراساوند رحت ركيض على الخاص وما شاء الله عليه ما فيه شي
بس الظاهر بطني صاير كبير ما تدري كانت فيني كرشة

المهم شخباركم وشخبار اللوعة انا ردت لي اللوعة بعد والحارج ذبحني جم يوم وراح
الله يشافيج يا فيشن كيرل شربي ماي واايد واخذي الحبوب الي وصفتها الدكتورة اكيد ما فيها ضرر ان شاء الله

ام احمد 25
انا وياج نفس يوم الولادة بالضبط .....
الحمدلله انا بعد احس احينه بحركة الجنين ... ومثل ما قلت شعور رهيييييييييييب
ومن ناحية اللوعة مش كل يوم فيني لوعة ... احيانا تكون قوية واحيانا الحمدلله احسن .... بس ويع الظهر ذابحني .... واحينه من اليوم فيني بلاعيييييييييييم وكحة ...
بعيد الشر عنكم ...